Morgunblaðið - 24.08.1994, Blaðsíða 1
56 SÍÐUR B/C
STOFNAÐ 1913
190. TBL. 82. ÁRG. MIÐVIKUDAGUR 24. ÁGÚST1994 PRENTSMIÐJA MORGUNBLAÐSINS
Reynt að fá nokkur ríki í Karíbahafi til að taka við flóttafólki
Sífellt flein
flýja frá Kúbu
Washington. Reuter. The Daily Telegraph.
WILLIAM Perry, varnarmálaráð-
herra Bandaríkjanna, sagði í ,gær
að afar lítil von væri til þess að
þeir Kúbumenn, sem hefðu hætt lífi
sínu með því að flýja heimaland sitt,
myndu nokkurn tíma komast til
Bandaríkjanna. Bandarísk stjórn-
völd hafa gert örvæntingarfullar til-
raunir til að fá ríki í Karíbahafi til
að taka við kúbverskum flóttamönn-
um og að sögn bandarískra yfirvalda
hafa einhver þeirra fallist á það.
Ekki hefur verið gefið upp hvaða
ríki það eru.
Perry heimsótti Guantanamo-
flotastöð Bandaríkjamanna á suð-
austurhluta Kúbu á mánudag og
tókst ráðherranum ekki að leyna
undrun sinni á þeim fjölda Kúbu-
manna, sem lagt hefur upp í tvísýna
sjóferð í von um landvist í Bandaríkj-
unum. Sagði Perry að yfir 2.400
Kúbumenn hefðu verið teknir um
borð í skip bandarísku strandgæsl-
unnar á einum sólarhring. Um há-
degi í gær hafði strandgæslan haft
afskipti af rúmlega 1.200 manns. Æ
fleiri Kúbumenn reyna að komast
til Bandaríkjanna þrátt fyrir yfirlýs-
ingu Clintons Bandaríkjaforseta á
föstudag um að þeir fengju ekki
lengur sjálfkrafa landvist.
Nágrannar tregir til
Bandarísk yfirvöld hafa reynt að
fá nágrannaríki til að veita flótta-
fólki frá Kúbu landvist. Viðræður
Bandaríkjamanna og þessara ríkja
hafa þó ekki gengið sem skyldi,
stjórnin í Panama sveik loforð sitt
um að taka við 10.000 flóttamönnum
en Bandaríkjamenn binda þó vonir
við að ný stjórn, sem tekur við völd-
um í Panama 1. september, muni
sýna meiri skilning. Þá hefur engin
niðurstaða fengist í viðræðum við
Turks- og Caicos-eyjar.
Reuter
FIMM ára gamall flóttamaður frá Kúbu, Roberto Santorez, var
einn af fyrstu Kúbumönnunum sem vistaðir eru í Guantanamo-
flotastöðinni. Hún er kyrfilega girt af með háum gaddavír og
utan hennar eru jarðsprengjubelti.
Israelar
vilja Þjóð-
verja í ör-
yggisráðið
Bonn. Reuter.
SHIMON Peres, utanríkisráðherra
ísraels, lýsti því yfir í gær að ísra-
elar væru fylgjandi því að Þjóð-
veijar létu meira að sér kveða á
alþjóðavettvangi og að þeir tækju
sæti í öryggisráði Sameinuðu þjóð-
anna (SÞ). Peres er í opinberri
heimsókn í Þýskalandi.
Fimm þjóðir eiga sæti í öryggis-.
ráðinu, Bretar, Kínveijar, Frakk-
ar, Rússar og Bandaríkjamenn, en
í kjölfar kalda stríðsins hafa Þjóð-
veijar og Japanir óskað inngöngu.
Boutros Boutros-Ghali, fram-
kvæmdastjóri SÞ, styður umsókn
Þjóðveija. Er Peres var spurður
hvort hann væri fylgjandi því að
Þjóðveijar tækju sæti í ráðinu,
svaraði hann: „Já. Við eigum ekki
lengur að líta á Þjóðveija frá sjón-
arhorni fortíðarinnar, heldur fram-
tíðar.“
Reuter
Mikill viðbúnaður sagður í N-Kóreu
Valdatöku arf-
takans mótmælt
Seoul. Reuter.
SUÐUR-kóreska fréttastofan Yon-
hap skýrði frá því í gær að dreift
hefði verið flugritum í Pyongyang,
höfuðborg Norður-Kóreu, þar sem
hvatt hefði verið til þess að Kim
Jong-il, arftaka Kims Il-sungs,
„leiðtogans mikla“, yrði steypt af
stóli.
Fréttastofan hafði þetta eftir
ónafngreindum vestrænum
stjórnarerindreka í Seoul, sem sagði
að yfirvöld í Norður-Kóreu hefðu
verið með mikinn viðbúnað frá því
flugritunum var dreift á föstudags-
kvöld.
Fréttin fékkst ekki staðfest í gær
og talsmaður stjórnarinnar í Suður-
Kóreu kvaðst ekki hafa fengið upp-
lýsingar um málið.
Haft var eftir heimildarmannin-
um að andstæðingar Kims Jong-ils
í Norður-Kóreu kynnu að hafa dreift
flugritunum. Þeim hefði verið dreift
í hverfi sendiráða í höfuðborginni
og þar sem aðgangur að hverfinu
væri takmarkaður hlytu þeir, sem
stóðu að dreifingunni, að tilheyra
forréttindastéttinni.
Kim Jong-il hefur ekki enn verið
settur formlega í embætti föður
síns, þ.e. forseta, aðalritara komm-
únistaflokksins og yfirmanns hers-
ins, þótt tæpar sjö vikur séu frá
andláti Kims Il-sungs.
Smábíla-
eigendur
hvílast
EIGENDUR nokkurra Austin-
Mini bifreiða tóku sér hvíld frá
akstrinum við höfnina í Hamborg
í Þýskalandi, þar sem þeir biðu
þess að komast um borð í ferju
sem flytja átti um 100 Mini-bíla
til Bretlands. Þar hófust í gær
þriggja daga hátíðahöld í tilefni
þess að 35 ár eru liðin frá því
að framleiðsla þessa breska smá-
bíls, sem ber sannarlega nafn
með rentu, hófst. Ekki er að efa
að eigendurnir hafa um margt
að spjalla þegar þeir hittast en
Austin-Mini hefur aðallega notið
vinsælda meðal ungs fólks.
Albanir kalla heim sendiherrann í Aþenu vegna versnandi samskipta þjóðanna
Saka Grikki um „kalt stríð“
Tirana. Reuter.
ALBANIUSTJORN kvaddi í fyrradag heim
sendiherra sinn í Aþenu í Grikklandi til skrafs
og ráðagerða, vegna síversnandi samskipta land-
anna. Ríkisútvarpið í Albaníu greindi frá þessu
í gær. Hvatti stjórnin Atlantshafsbandalagið og
Bandaríkjastjórn til að koma í veg fyrir frekari
ögranir Grikkja. Sali Berisha, forseti Albaníu,
kallaði sendiherrann heim eftir að grísk flugvél
hafði dreift flugritum yfir albanskt landsvæði,
með skilaboðum um að stjórnin í Tirana ætti
að fara frá. Berisha fordæmdi flugið og sagði
grísku stjórnina hafa lýst yfir „köldu stríði" við
Albaníu.
Forsetinn varaði við því að Albanir væru fær-
ir um að bregðast við „allri ógn sem kemur frá
grísku landsvæði". Stjórnmálamenn í Aþenu
brugðust ókvæða við, og sagði Konstantin Kara-
manlis, forseti, að Albanir hegðuðu sér ógæti-
lega og ættu ef til vill eftir að sjá eftir því.
Andreas Papandreou, forsætisráðherra, var
ómyrkari í máli og sagði að Grikkir myndu hefna
þess ef eitthvað yrði gert á hluta gríska minni-
hlutans í Albaníu.
Mikil spenna hefur myndast í samskiptum
ríkjanna, sem greinir á um Jilutskipti gríska
minnihlutans í Albaníu, eftir að réttarhöld í
máli fimm grískra Albana hófust fyrr í þessum
mánuði. Þeim er gefið að sök að hafa unnið
með grísku leyniþjónustunni á svæðum í suður-
hluta Albaníu, þar sem flestir íbúanna eru grísk-
ir, og stjórnvöld í Tirana segja aðskilnaðarsinna
fara mikinn á því svæði. Grikkir hafa neitað
ásökununum, og segja réttarhöldin til þess eins
gerð að hræða fólk af gríska minnihlutanum,
sem Grikkir segja vera um 300 þúsund manns
en Albanir telja þá vera um 60 þúsund.
Talsmaður grísku stjórnarinnar sagði að flug-
ið og dreifing miðanna yfir albönsku landi hefði
verið „heimskulegt og óábyrgt", og tengdist á
engan hátt stjórnvöldum á Grikklandi. Flugmað-
urinn, sem um ræddi, hefði verið leystur frá
störfum.
Rofin lofthelgi í Makedóníu
Makedóníustjórn sakaði Grikki í gær um að
hafa rofið lofthelgi landsins. Segja Makedóníu-
menn að grísk herþota hafi flogið sjö kílómetra
inn í lofthelgi Makedóníu og verið í um 500
metra hæð. Friðargæslusveitir Sameinuðu þjóð-
anna í Makedóníu hafa ekki staðfest hvort Grikk-
ir hafi rofið lofthelgina.