Morgunblaðið - 28.10.1994, Blaðsíða 2
2 FÖSTUDAGUR 28. OKTÓBER 1994
MORGUNBLAÐIÐ
FRÉTTIR
Utandagskrárumræða um meinta hótun félagsmálaráðherra í sjónvarpsþætti
Ólafur Ragnar boðar
vantraust á ráðherrann
ÓLAFUR Ragnar Grímsson, formaður Alþýðu-
bandalagsins, sagði við utandagskrárumræður
á Alþingi í gær að ef Guðmundur Árni Stefáns-
son félagsmálaráðherra segði ekki af sér ráð-
herradómi á næstu dögum myndi hann ræða
við aðra þingmenn um flutning vantrauststillögu
á ráðherrann.
Umræðan fór fram að beiðni Ólafs Ragnars
vegna ummæla Guðmundar Áma um samskipti
félagsmálaráðherra við Hafnarfjarðarbæ í_ sjón-
varpsþætti á þriðjudagskvöldið. Vitnaði Ólafur
Ragnar sérstaklega til eftirfarandi orða sem
Guðmundur Ámi beindi til bæjarstjórans í Hafn-
arfirði í þættinum:
„Nú vil ég gjaman eiga við þig orðastað um
þau mál, því ég hef orðið satt að segja dálitlar
áhyggjur af því í mínum heimabaé og tala þá
fyrir sjálfan mig, að menn eru þar sennilega,
að því er virðist, að vera að festast í fari og ég
vil nú vara þig -við, sem reynslumikill í þínu
starfi, að þú farir nú að horfa fram fyrir þig,
því að við þurfum að ræða ýmis mál, og þá
tala égsem félagsmálaráðherra um reynslusveit-
arfélögin, um tilflutning grunnskólans, um húsa-
Forsætisráðherra segir
ummæli Guðmundar
Árna óheppileg
leigubætur og nú fer að koma 1. nóvember
þegar Hafnfirðingar þurfa að taka ákvörðun
hvort að leigjendur í Hafnarfirði ef þeir eigi að
fá sínar bætur.“
Ólafur Ragnar sagði að félagsmálaráðherra
hefði með þessum orðum hótað bæjarstjóranum
embættisvaldi sínu. Davíð Oddsson sagði að
þessi ummæli væru óheppileg og þau mætti
misskilja. „Ég hef hins vegar rætt við hæstvirt-
an félagsmálaráðherra og hann hefur fullvissað
mig um það að það hafí ekki vakað fyrir honum
að neinu leyti að hafa í hótunum við bæjarstjór-
ann,“ sagði Davíð. Þá sagði forsætisráðherra
að ef til þess kæmi að Hafnarfjarðarbær óskaði
eftir að félagsmálaráðuneytið athugaði einstaka
þætti í rekstri bæjarins þá gerði hann ráð fyrir
að Guðmundur Ámi viki sæti hvað það atriði
varðaði og að annajc ráðherra yrði skipaður fé-
lagsmálaráðherra til að taka við þeim þætti
sérstaklega.
Guðmundur Árni segist ekki hafa hótað
Guðmundur Ámi sagðist hafa setið í umrædd-
um sjónvarpsþætti sem fyrrverandi bæjarstjóri.
Sagðist hann hvorki hafa verið með viðvaranir
né duibúnar hótanir sem félagsmálaráðherra í
garð bæjarstjórans í Hafnarfirði. „Ekkert slíkt
bjó að baki af minni hálfu,“ sagði hann.
Nokkrir þingmenn tóku til máls og gagnrýndu
félagsmálaráðherra. Jón Kristjánsson, Fram-
sóknarflokki, sagði málið komið á það alvarlegt
stig að útilokað væri að félagsmálaráðherra
gæti haft forystu í viðræðum við sveitarfélögin.
Árni Mathiesen, Sjálfstæðisflokki, sagði að fé-
lagsmálaráðherra yrði að gæta orða sinna. Krist-
inn H. Gunnarsson, Alþýðubandalagi, sagði ráð-
herra iðulega hafa gert sig sekan um dómgreind-
arbrest í ummælum sínum og bæri að segja af
sér og Kristín Einarsdóttir, Kvennalista, sagði
að í orðum félagsmálaráðherra fælist hótun og
honum bæri að segja af sér.
Könnun hjá foreldrum í Reykjavík
Bæta þyrfti við
15-20 leikskól-
um í borginni
TIL að mæta óskum foreldra barna
í Reykjavík á aldrinum eins til fimm
ára þarf að bæta við um 60-66
leikskóladeildum í Reykjavík, mið-
að við núverandi fjölda bama, eða
sem svarar 15-20 leikskólum,
hveijum með 3-4 deildum.
Þetta er niðurstaða könnunar,
sem Dagvist bama í Reykjavík
gerði hjá foreldrum 6 mánaða til 5
ára bama. Könnunin fór þannig
fram, að bréf var sent til 7.898
foreldra, sem eiga 8.913 börn á
þessum aldri. Svör bárust frá 36%
aðspurðra, frá tæplega 30% þeirra
sem eiga börn í leikskóla og frá
um 45% þeirra sem ekki eiga börn
í leikskóla.
Vilja lengri dvöl
í niðurstöðum könnunarinnar
segir, að sterkar vísbendingar séu
um að þeir sem óski eftir breyting-
um, þ.e. lengri dvalartíma fyrir
börnin eða nývistun, svari miklu
betur en þeir sem em ánægðir með
tímann eða óski ekki eftir leikskóla
fyrir bam sitt. Af þeim foreldram,
sem eiga böm í leikskóla, óska 635
eftir lengri dvöl, eða í samtals 1886
stundir daglega, sem samsvarar
um 10 deildum í leikskóla. Sam-
kvæmt þessu þyrfti að ijölga leik-
skóladeildum um 11-12 til að mæta
óskum um dvalartíma barna, sem
þegar era í leikskólum.
8-9 stundir
Óskir foreldra bama, sem ekki
era í leikskóla, lúta að því að flest-
ir vilja þeir 8-9 stunda dvöl fyrir
börn sín, en aðrir óska 4-6 stunda
vistunar daglega. Ef þeir síðar-
nefndu deila með sér heilu plássi
er alls um 1100 heil pláss að ræða,
eða um 55 deildir í leikskóla.
Flestir foreldrar vilja að bömin
byrji á leikskóla við tveggja ára
aídur.
Morgunblaðið/Þorkell
FJÖLGA þarf um 60-66 leikskóladeildir í Reykjavík til að koma
til móts við ýtrustu óskir foreldra ungra barna i borginni.
Meirihluti o g minnihluti bæjarráðs Hafnarfjarðarbæjar sammála
Húsaleigubæt-
ur til reynslu
BÆJARRÁÐ Hafnarfjarðar sam-
þykkti í gær samhljóða að taka
upp húsaleigubætur til reynslu í
eitt ár en krefst þess jafnframt að
lög um húsaleigubætur verði end-
urskoðuð þannig að bætumar verði
greiddar gegnum skattakerfið.
Magnús Gunnarsson formaður
bæjarráðs sagði að þótt bæjarráðs-
mönnum þætti á engan hátt nægi-
lega vel staðið að framkvæmd
málsins af hálfu ríkisins vildu þeir
sjá til hvemig mál þróuðust á þessu
fyrsta ári sem lög um húsaleigu-
bætur gilda. Hann sagði að ekki
væri ljóst hver kostnaður bæjarins
vegna bótanna yrði.
I samþykkt bæjarráðs segir að
fjölmargir augljósir annmarkar séu
á lögunum um húsaleigubætur sem
geri framkvæmdina mjög flókna
og torveldi mat á áhrifum og
kostnaði. í raun sé ríkisvaldið að
biðja sveitarfélögin að skrifa upp
á óútfylltan víxil og mun eðlilegra
og einfaldara hefði verið að greiða
bætumar gegnum skattakerfíð
með sama hætti og vaxtabætur
og bamabætur.
í samþykktinni segir síðan að
iög um húsaleigubætur séu þó spor
fram á við í þeim skilningi að í
þeim sé í fyrsta skipti gert ráð
fyrir að jafna aðstöðu þeirra sem
kjósa að búa í eigin húsnæði og
þeirra sem annaðhvort kjósa það
ekki eða hafa ekki til þess fjár-
hagslegt bolmagn. Vegna þessa
samþykki bæjarráð að taka upp
húsaleigubætur í eitt ár en krefjist
þess að lögin verði endurskoðuð
þannig að húsaleigubætur verði
greiddar á sama hátt og vaxtabæt-
ur. Þannig verði tryggt að allir
þegnar landsins njóti sama réttar
óháð búsetu og dregin skýr verka-
skiptalína milli sveitarstjórna og
ríkisvalds.
Rætt um reynslusveitarfélög
Bæjarráðið fjallaði einnig um
þá afstöðu Reykjavíkurborgar að
taka ekki þátt í frekari viðræðum
við ríkið um reynslusveitarfélög
meðan ríkisstjómin gerir þá kröfu
að sveitarfélög greiði 600 milljónir
króna til Atvinnuleysistrygginga-
sjóðs. Magnús Gunnarsson sagði
að bæjarráð ætlaði< að gefa sér
viku til að skoða þetta mál en boð-
aður hefur verið fundur 4. nóvem-
ber með félagsmálaráðuneyti og
ölium verkefnastjórnum reynslu-
sveitarfélaga.
INNLENT
Bréfið
skrifað
uppá
eindæmi
„BAK VIÐ þetta bréf er engin
ákvörðun kjörinna fulltrúa. Mér
finnast þessi vinnubrögð for-
seta borgarstjórnar grátbros-
leg,“ sagði Gunnar Jóhann
Birgisson sem sæti á í nefnd
um reynslusveitarfélög á veg-
um Reykjavíkurborgar.
„Forseti borgarstjórnar, sem
jafnframt er formaður þessarar
nefndar, er búin að senda fé-
lagsmálaráðherra bréf þar sem
hann riftir viðræðum borgar-
innar og félagsmálaráðuneytis
um reynslusveitarfélög.
Fyrir það fyrsta eru þessar
viðræður vart hafnar. Það er
hins vegar búið að leggja mikla
vinnu í undirbúning þeirra. En
ekki veit ég í umboði hvers
Guðrún Ágústsdóttir hefur rit-
að þetta bréf. Ég veit ekki til
þess að slík ákvörðun hafi verið
rædd á vettvangi borgarstjóm-
ar, ekki í borgarráði, borgar-
stjórn eða í nefndinni sjálfri.
Hún hefur enga ákvörðun kjör-
inna fulltrúa á bak við sig.
Svona vinnubrögð hljóta að
skaða Reykjavíkurborg í þessu
mikilvæga verkefni.
Meirihluti borgarstjómar og
minnihluti eru sammála um að
mótmæla harkalega ætlun rík-
isstjómarinnar að ganga á
gerða samninga. En það er allt
annar hlutur en þetta bréf.
Ég er boðaður á fund í nefnd-
inni klukkan 12 á morgun,
föstudag. Verkefnið er vinnu-
fundur til undirbúnings viðræð-
unum. Og hann hefur ekki ver-
ið afboðaður enn.“
27. refsi-
dómurinn
mildaður
HÆSTIRÉTTUR breytti í gær
tveggja ára fangelsisdómi Hér-
aðsdóms Reykjavíkur yfir 31
árs gömlum manni, Sigurði
Hólm Sigurðssyni, í 15 mánaða
fangelsi. Maðurinn er dæmdur
fyrir tvær þjófnaðartilraunir og
eitt innbrot. Brotin voru framin
í júlí sl., innan við sólarhripg
eftir að hann hafði verið látinn
laus úr fangelsi. Þetta er 27.
refsidómur mannsins frá árinu
1979. Að meðtöldum dómi
Hæstaréttar frá í gær hefur
hann samtals verið dæmdur til
tæplega ll'A árs fangelsisvist-
ar.
Maðurinn var saksóttur fyr-
ir að hafa stolið sex armbands-
úrum, fjóram gullhringjum,
silfurhring, tveimur byssum
og átta rauðvínsflöskum í inn-
broti i hús í Árbæjarhverfi.
í lialdi síðan í júlí
Sömu nótt reyndi hann að
bijótast inn í íbúð við Kárastíg
en hætti við þegar hann heyrði
hund gelta í íbúðinni og reyndi
þá að stela kvenmannsveski úr
eldhúsglugga við Bjamarstíg
þar sem hann var handtekinn
og úrskurðaður í gæsluvarð-
hald, sem hann hefur setið í
síðan.
Eins og fyrr sagði hefur
maðurinn hlotið 27 refsidóma,
m.a. fyrir þjófnaðar-, ofbeldis-
°g kynferðisbrot.