Morgunblaðið - 28.10.1994, Blaðsíða 40
40 FÖSTUDAGUR 28. OKTÓBER 1994
MORGUNBLAÐIÐ
Ferdinand
50METIME5 I UE AWAKE AT NI6MT, ANO
I THINK ABOUT THE 600P LIFE THAT I
HAVE..I REALLV HAVE NO COMPLAINTS..
THEN A VOICE COME5 TO ME FROM
OUT OF THE DARK/'WE APPRECIATE
VOUR ATTITÖDP '"
Stundutn ligg ég vakandi um nætur og hugsa um Þá heyrist rödd úr myrkrinu og segir: „Við kunnum
hvað ég á gott Iíf... ég hef í rauninni ekkert til að meta viðhorf þitt!“
að kvarta yfir...
BREF
TIL BLAÐSINS
Kringlan 1103 Reylqavík • Sími691100 • Símbréf 691329
Athugasemd vegna
greinar um kosningalög
Frá Frá Valgarði Guðjónssyni
í GREIN eftir Þorkel Helgason í
Morgunblaðinu frá 23. október
1994 voru tvær fullyrðingar sem
ég hnaut um. í fyrsta lagi segir
Þorkell að nýjar fræðilegar athug-
anir sýni að úthlutunarákvæði geti
ekki í senn verið sanngjörn og ein-
föld. Þessa fullyrðingu er hægt að
afsanna á einfaldan hátt. Úthlut-
unarákvæði þar sem Iandið er eitt
kjördæmi og þingsætum úthlutað
eftir reglu d’Hondts eru í senn
bæði sanngjöm og einföld. Skiptir
þá engu fjöldi eða umfang fræði-
legra athugana eða hversu merki-
legir spekingar standa að þeim.
Fullyrðingin er einfaldlega ekki
rétt.
Regla d’Hondts
Varla er hægt að halda fram að
reglumar séu flóknar þegar börn
geta skilið þær á nokkrum mínút-
um. Hvað sanngirnina varðar þá
tryggir regla d’Hondts eins jafnan
fjölda kjósenda bak við hvern þing-
mann og kostur er. Eða réttara
sagt: Kjósendur eiga sér fulltrúa í
réttu hlutfalli. Sanngjarnari geta
reglurnar varla verið frá kjó-
sandanum séð. í öðra lagi segir
Þorkell að regla d’Hondts hafi
mikilvægan ágalla með hliðsjón af
markmiði um flokkajöfnuð, hún sé
vilhallari atkvæðamestu listunum
en aðrar aðferðir. Með „vilhallari"
er verið að gefa í skyn að hún sé
ósanngjöm. Nú má kannski taka
dæmi um einhveija lista sem hugs-
anlega vilja starfa saman að kosn-
ingum loknum og segja að regla
d’Hondts komi illa við þá. En það
skiptir að sjálfsögðu engu máli.
Kjósendum er boðið upp á viðkom-
andi lista sitt í hvora lagi. Eftir
stendur að reglan er sanngjörn frá
sjónarhóli kjósenda.
Kjósendur eru kjarni málsins
Þarna er kannski komið að kjarna
málsins. Kosningalögin eiga að
vera fyrir kjósendur en ekki þá Sem
verið er að kjósa. Þaðan af síður
reiknifræðinga. Núverandi kosn-
ingalög era sennilega mest hróp-
andi dæmið um hvað gerist þegar
stjórnmálamönnum og reikni-
fræðingum er treyst fyrir kosn-
ingalögum. Ég get ekki stillt mig
um að nefna nokkra helstu gall-
ana: Kjósendur sem greiða ákveðn-
um lista atkvæði geta orðið til
þess að hann missi þingsæti. Örfá
atkvæði þarf til að hnika mörgum
þingsætum. Vægi atkvæða milli
landshluta er ótrúlega ójafnt. Óvíst
er að úthlutun takist og því gæti
þurft að grípa til viðlagaákvæðis.
Lögin era það flókin að töluverða
vinnu þarf til að skilja þau. Ég
veit ekki hver tilgangur Þorkels
með upprifjun á markmiðum gild-
andi kosningalaga er. Vonandi er
tilgangurinn sá að vara þá við vít-
unum sem nú eiga að gera tillögu
að nýjum lögum. Sennilega er þó
best að sú fötlun sem réð ríkjum
við gerð síðustu kosningalaga sé
gleymd og grafin. Byrjað verði
með hreint borð og markmiðin
verði að kosningalögin séu einföld
og auðskiljanleg, að kosningalögin
séu sanngjörn, að kjósendur hafi
bein áhrif á það hvaða einstakling-
ar ná kjöri og að heildarfjöldi þing-
manna sé í hlutfalli við kjósendur.
Og umfram allt að lögin séu fyrir
kjósendur. Ekki þingmenn eða rei-
knifræðinga.
VALGARÐUR GUÐJÓNSSON,
vinnur við hugbúnaðargerð.
Lokaorð vegna Marðar
Frá Sigurði Þór Guðjónssyni:
ÞANN 20. október svarar Mörður
Árnason í Morgunblaðinu ábend-
ingu frá mér vegna setu hans í
stjórn Regnbogans og birtist sú
ábending i sama blaði 16. október.
Óþarfi er að rekja efni hennar hér
aftur.
En í svari sínu lætur Mörður að
því liggja að skrif mín á sínum
tíma gejgn siðanefnd Blaðamanna-
félags lslands hafi verið fullkom-
lega tilefnislaus „atyrði“ út í þá
sem í nefndinni sitja og jafnvel
einhveija í Blaðamannafélaginu
líka.
Lítilsvirðing
Þetta gæti ekki verið meira
rangt. Skrif mín voru algeriega
málefnaleg frá upphafi til enda.
Ég reyndi með ítarlegum rökum
að sýna fram á það, að þrátt fyrir
yfírlýsingar um annað hafi siða-
nefndin á ýmsan hátt hagað svo
orðum sínum að þau gætu skaðað
mig í annarra augum og ýttu auk
þess undir almenna fordóma. Ég
var því einungis að veija sjálfan
mig. En það er ljóst að Mörður
hefur ekki tekið rök mín alvarleg.
Fyrir honum voru þau bara „at-
yrði“, en hann talar hins vegar af
kurteisi um skrif ýmissa blaða-
manna er rituðu einnig gegn nefnd-
inni. Mörður heldur áfram að klifa
á því að dómur siðanefndarinnar
hafí ekki komið mér hið minnsta
við og reynir síðan að gera mig
hlægilegan. Það er einmitt ámóta
lítilsvirðing sem siðanefndin hefur
sýnt mér frá upphafi. Við það stend
ég. En vitanlega mun siðanefndin
aldrei í lífínu bijóta odd af oflæti
sínu.
Rök
Hvað ábendingu mína varðar um
setu Marðar Árnasonar í stjóm
Regnbogans, þá var hún rökum
studd. Að minum dómi eru þau rök
ekki út í loftið. Ég skal þó ekki
segja hvort hinir ágætu skoðana-
bræður mínir í Regnboganum fall-
ast á þau í smáatriðum. En þeir
hafa bara gott af því að velta þeim
fyrir sér. Eg veit að þetta fólk er
skynsamt, velviljað og heiðarlegt.
Og berst af einlægni fyrir betra
þjóðlífi.
SIGURÐUR ÞÓR GUÐJÓNSSON
rithöfundur.
Allt'efni sem birtist í Morgunblaðinu og Lesbók verður framvegis varðveitt t
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.