Morgunblaðið - 19.01.1995, Blaðsíða 12
12 FIMMTUDAGUR 19. JANÚAR 1995
MORGUNBLAÐIÐ
fréttir mmEúmmm
Þakplötur
losnuðu víða
í borginni
MIKILL viðbúnaður var hjá lög-
reglunni í Reykjavík í gær vegna
illviðrisins sem gekk yfir höfuð-
borgarsvæðið og var lögreglan með
sérstaka stjórnstöð í samstarfi við
björgunarsveitir til að sinna útköll-
um tengdum því. Engin slys höfðu
orðið á fólki þegar síðast fréttist
vegna veðursins.
Geir Jón Þórisson aðalvarðstjóri
sagði að ástandið hefði verið hvað
verst í vesturbænum og svo aftur
í Grafarvogi. Þakplötur voru við
það að Iosna víða í borginni og
harður árekstur varð milli fólksbíls
og strætisvagns á mótum Háa-
leitisbrautar og Miklubrautar um
miðjan dag.
Ökumaður fólksbílsins var flutt-
ur mikið slasaður á slysadeild og
bíllinn er talinn vera ónýtur. Loka
varð hluta af veginum vegna slyss-
ins.
Leikskólabörn
flutt heim
í Mosfellsbæ og á Kjalarnesi var
því sem næst ófært fólksbílum, að
sögn Geirs Jóns, og sömu sögu var
að segja af Suðurlandsveginum
vegna ofankomu og roks. Þar hafði
umferð gengið afar hægt fyrir sig
og lögreglan og björgunarsveitar-
menn þurfti að aðstoða marga
ökumenn og halda veginum opn-
um. Þá flutti lögreglan leikskóla-
börn í Grafarvogi í rútu lögregl-
unnar heim til sín.
Annasamt var hjá slökkviliðinu
í Reykjavík fyrri hluta dags og
sinnti það 15 útköllum vegna foks
og fokhættu. „Þetta var mest í
HARÐUR árekstur varð á Háaleitisbraut milli strætisvagns og
fólksbíls. Ökumaður fólksbílsins slasaðist mikið.
BLINDHRÍÐ var á Suðurlandsvegi og gekk umferðin þar hægt.
Engin slys urðu þó í illviðrinu þar.
kringum miðbæinn og vesturbæ-
inn. Á Einimel losnuðu þakplötur,
við JL-húsið á Hringbraut fauk
auglýsingaskilti, við Bíóborgina á
Snorrabraut var þakkantur að
losna, þakplötur á Njálsgötu þar
sem ölgerðin var til húsa,“ sagði
Bergsteinn Alfonsson aðalvarð-
stjóri hjá slökkviliðinu. Mestu
skemmdirnar eru taldar hafa orðið
í Vesturfold í Grafarvogi þar sem
kúluhús fór illa í foki.
Fimm björgunarsveitir, 60
manns á tíu bílum, tóku síðan til
við að aðstoða borgarbúa eftir
megni, og auk þess var fjölmennt
lögreglulið á þrettán bílum til taks.
„Fok hefur verið minniháttar, að-
eins í Grafarvogi en þó ekki mik-
ið,“ sagði Geir Jón.
Morgunblaðið/Júlíus
ÞAKPLÖTUR losnuðu víða um borgina og á Njálsgötu þurfti slökkviliðið að beita
stórvirkum tækjum til að hefta fok á þakplötum.
Fjórir bæir rýmdir í Mýrahreppi og einn í Þingeyrarhreppi
I önnum við að aðstoða
bændur við gegningar
FJÓRIR bæir í Mýrahreppi og einn
bær í Þingeyrarhreppi hafa verið
rýmdir í vikunni, bæði vegna snjó-
flóðahættu og rafmagnsleysis.
Þetta eru bæirnir Fremri Hjarðar-
dalur, Neðri Hjarðardalur, Fremsti
Hóll og Gil í Mýrarhreppi og Kirkju-
ból í Þingeyrarhreppi.
Rafmagnslaust hefur verið í
Mýrarhreppi síðan á þriðjudag þeg-
ar snjóflóð féll á raflínuna fyrir
utan bæinn Gil. Rafmagn var í
Þingeyrarhreppi þar til í gær að
línan milli Mjólkárvirkjunar og
Tálknafjarðar bilaði. Að sögn Jón-
asar Ólafsson sveitarstjóra á Þing-
eyri hefur þorpið þó rafmagn frá
díselrafstöðvum.
Jónas sagði að talsverðar annir
hefðu verið við að aðstoða fólk í
sveitinni við gegningar. Snjóbíllinn
væri alltaf á ferðinni og sótti meðal
annars í gær veika konu út í sveit.
Engin hætta er talin á snjóflóðum
á Þingeyri en veður á þeim slóðum
var mjög slæmt í gær og þyngdist
þegar leið á daginn. „Ég hef verið
sveitarstjóri hér í 24 ár og ég hef
aldrei fyrr þurft að bakka í vinn-
una. Bíllinn var í snjóruðningum
og þeir stýrðu mér því ég sá ekki
handa minna skil,“ sagði Jónas.
Ekki flóðahætta
Þungur snjór er á Suðureyri en
ekki er talið að hætta sé á snjóflóð-
um úr hlíðinni fyrir ofan bæinn, að
sögn Halldórs Karls Hermannsson-
ar sveitarstjóra.
Bærinn hefur verið einangraður
vegna ófærðar frá því á sunnudag.
Þá hafa sendingar Ríkisútvarpsins
heyrst stopult. „Síðan langbylgj-
umastrið á Vatnsenda féll á sínum
tíma hafa sendingar útvarps og
sjónvarps rofnað. Það sem hefur
bjargað okkur er að íslenska út-
varpsfélagið hefur verið tengt í
gegnum ljósleiðara og þannig höf-
um við náð fréttum á Bylgjunni.
Hins vegar byggja Almannavarnir
sitt kerfi fyrst og fremst á Ríkisút-
varpinu," sagði Halldór.
Stefnír í neyðarástand
Rafmagnslaust er í Gufudalssveit
og stefnir í neyðarástand á nokkr-
um bæjum þar, m.a. vegna kulda
en bæirnir eru hitaðir með raf-
magni. Menn frá Reykhólum lögðu
af stað þangað aðfaranótt miðviku-
dags. Þeir komust lítið vegna óveð-
urs, enda er hjálparsveitin illa búin
tækjum, og snéru til baka.
Á miðvikudagsmorgun lögðu
tveir snjóbílar, annar frá Selfossi
og hinn frá Hellu, af stað áleiðis í
Gufudalssveit, að ósk almanna-
varna. á Patreksfirði. Var ætlunin
að aka til Stykkishólms og feija
bílana yfir Breiðafjörð en bílarnir
eru það léttir að Breiðafjarðarfeijan
Baldur getur flutt þá.
Annar bíllinn valt á leiðinni en
áhöfnina, 3 menn, sakaði ekki.
Björgunarsveitarmenn frá Stykkis-
hólmi sóttu áhöfnina og bílinn, sem
er talsvert skemmdur.
Hinn bíllinn þurfti að leita vars
á Heydal vegna veðurs en var und-
ir kvöld lagður af stað aftur til
Stykkishólms. Hins vegar var veð-
urútlit slæmt og samkvæmt upplýs-
ingum frá Landsbjörg var ólíklegt
að Baldur færi yfir fjörðinn í gær-
kvöldi.
Snælduvitlaus stórhríð var við
Breiðafjörð í gær. Á Reykhólum á
Barðaströnd voru plötur á húsum
byijaðar að losna og eitthvað var
um að rúður brotnuðu.
Ógurlegar hryðjur
Á Drangsnesi stóðu enn 7 hús
auð í gær en þau voru rýmd á
mánudag vegna snjóflóðahættu.
Að sögn Ingólfs Andréssonar
hreppsstjóra hafði ástandið ekki
verið kannað nánar í gær vegna
illviðris. „Ég hef búið hér síðan
1977 og þetta er eitt versta veður
sem ég man eftir. Hryðjurnar eru
ógurlega," sagði Ingólfur.
Hættuástandi aflýst á
Bolungarvík
Á Bolungarvík var hættuástandi
aflétt í gær og fékk fólk að hverfa
aftur til sín heima í öllum nemur
þremur húsum sem næst voru fjall-
inu. Þó að hvasst væri í gær og
vonskuveður var vindáttin þannig
að snjór hafði fokið úr fjallinu og
ástandið batnað hvað það snerti,
að sögn Einars Þorsteinssonar, lög-
regluvarðstjóra. Hann sagði að eft-
ir sem áður væru menn í viðbragðs-
stöðu vegna veðursins og náið væri
fylgst með öllum breytingum. Þijá-
tíu hús voru rýmd á Bolungarvík
að beiðni Almannavarnarnefndar,
en til viðbótar fór fólk úr 10-20
húsum til viðbótar í öryggisskyni.
Ætla má að 120-150 manns hafi
yfirgefið heimili sín og fengu flestir
inni hjá kunningjum og ættingjum.
Höfnin er enn lokuð vegna veðurs-
ins.
Enn snjó-
flóðahætta
á Bíldudal
SNJÓFLÓÐAHÆTTA var enn
yfirvofandi á Bíldudal í gær en
um 43 íbúar sem voru ekki á
opinberu snjóflóðahættusvæði
höfðu snúið til heimila sinna.
Álíka fjöldi hélt enn kyrru fyrir
hjá vinum og ættingjum, en ríf-
lega 80 manns yfirgáfu heimili
sín á þriðjudag.
Örn Gíslason hjá stjórnstöð
Almannavarna á Bíldudal sagði
að enn væru um 20 íbúðir auð-
ar eftir að yfir 30 hús voru
rýmd í fyrradag í ysta hluta
þorpsins.
Tálknafjarðarlína
í sundur
Tálknafjarðarlína, sem ligg-
ur á milli Mjólkárvirkjunar til
Tálknafjarðar, slitnaði skömmu
eftir hádegi í gær, þannig að
öll byggðarlög á sunnanverðum
Vestfjörðum höfðu eingöngu
rafmagn frá dísilrafstöðvum.
Bíldudalur hefur vanalega einn-
ig rafmagn frá sæstreng sem
liggur frá Mjólkárvirkjun til
Hrafnseyrar, en hann var líka
í sundur. Rafmagn var skammt-
að og áttu menn hjá Orkubúi
Vestfjarða ekki von á að við-
gerðarmenn gætu farið á stúf-
ana fyrr en í dag.
Öm sagði að engin stórvand-
ræði hefðu orðið, en brátt tæki
að skorta nauðþurftir á borð
við brauð og mjólk. Einhveijir
hefðu óskað aðstoðar við að
komast á milli húsa, nálgast
gaskúta og aðrar nauðsynjar.