Morgunblaðið - 19.01.1995, Blaðsíða 43

MORGUNBLAÐIÐ
FIMMTUDAGUR 19. JANÚAR 1995 43
FRÉTTIR
Hugvitssamkeppni
ESB opin ungum
Islendingum
ÍSLENSKUM framhaldsskólanem-
um á aldrinum 15-20 ára býðst nú
í fyrsta sinn að taka þátt í evrópskri
samkeppni ungra vísindamanna og
er þessa dagana verið að kynna
keppnina í skólum víðs vegar um
landið en alls geta um 18 þúsund
ungir Islendingar tekið þátt í henni.
Keppnin á íslandi hefur hlotið
nafnið Hugvísir — hugmyndasam-
keppni ungs fólks í vísindum og
tækni. Það eru ÍSAGA hf., mennta-
málaráðuneytið og Fræðsluskrifstofa
Reykjavíkur, í samvinnu við fagfélög
á sviði vísinda og tækni, sem gang-
ast fyrir keppninni hérlendis en sjálf
Evrópukeppnin er haldin á vegum
Evrópusambandsins (ESB).
Sigurvegarar í keppninni á íslandi
munu taka þátt í Evrópukeppninni
sem að þessu sinni verður haldin í
Newcastle á Englandi, 11.-13. sept-
ember 1995.
Formaður dómnefndar er prófess-
or Sigmundur Guðbjarnason, Vís-
indafélagi íslendinga, én aðrir dóm-
nefndarmenn eru Geir Þórarinn Zo-
ega, tæknilegur framkvæmdastjóri
ÍSAGA hf., dr. Kristinn Andersen,
Verkfræðingafélagi íslands, dr.
Grétar ívarsson, Jarðfræðifélagi ís-
lands, Páll Theódórsson, Eðlisfræði-
félagi íslands, prófessor Guðmundur
Eggertsson, Samtökum líffræði-
kennara, Skarphéðinn Pálmason,
Félagi raungreinakennara, prófessor
Þorsteinn I. Sigfússon, HCM, Há-
skóla íslands, og Guðrún Þórsdóttir,
Nýsköpunarkeppni grunnskóla, sem
er ritari dómnefndar.
Umsjónarmenn keppninnar eru
menntaskólakennararnir Georg Dou-
glas, Menntaskólanum við Hamra-
hlíð, og Björn Búi Jónsson, Mennta-
skólanum í Reykjavík.
Raðuneytið semur við
kvennaathvarfið og Stígamót
UNDIRRITAÐUR hefur verið þjón-
ustusamningur mílli Samtaka um
kvennaathvarf og Stígamóta annars
vegar og félagsmálaráðuneytis hins
vegar. Samningurinn tryggir sam-
tökunum fjárframiag frá ráðuneyt-
inu er nemur 60% af rekstrargjöldum
þeirra til næstu þriggja ára. Er von-
ast til að með samningi þessum verði
dregið úh því rekstraróöryggi sem
þessi samtök hafa búið við frá stofn-
un.
Aðdragandi þessa samnings voru
tillögur nefndar sem skipuð var til
að gera úttekt á og setja fram tillög-
ur um það hvernig tryggja megi sem
best rekstrargrundvöll félagasam-
taka sem aðstoða konur og börn sem
eru þolendur ofbeldis og sifjaspella.
Nefndin var skipuð í kjölfar þings-
ályktunar um framkvæmdaáætlun
til fjögurra ára um aðgerðir til að
ná fram jafnrétti kynjanna sem sam-
þykkt var á Alþingi 7. maí 1993.
Morgunblaðið/Ámi Tryggvason
HJÁ Vikravatni.
Myndakvöld
FÍ í kvöld
FYRSTA myndakvöld Ferðafé-
lagsins á nýja árinu er í kvöld,
fimmtudagskvöldið 19. janúar, í
Breiðfirðingabúð, Faxafeni 14.
Fyrir hlé verða sýndar myndir
úr sumarleyfisferðum sl. sumar.
Miðlendisháferðin í ágúst: Þór
Halldórsson sýnir myndir af nátt-
úruperlum norðan Vatnajökuls.
Næsta sumar verður hálendis-
ferð á dagskrá í samvinnu við
Náttúrufræðifélagið. Gönguleið
frá Hreðavatni um Langavatnsd-
al í Hnappadal í júlí. Þessi fjöl-
breytta en fáfarna leið var farin
ífyrsta sinn í fyrra og sýnir
Árni Tryggvason myndir úr
þeirri ferð. Ferðin verður einnig
á dagskrá í sumar.
Eftir hlé sýnir Jóhannes I.
Jónsson myndur úr ferðum sín-
um, m.a. vetrarferðum. Góðar
kaffiveitingar í hléi. Allir eru
velkomnir, félagar sem aðrir.
----------♦ ♦ ♦
■ DANSB ÚNINGAMARKAÐ-
UR verður haldinn laugardaginn
21. janúar í þeim tilgangi að auð-
velda fólki sem tekur þátt í dans-
keppnum og sýningum að fá bún-
inga. Markaðurinn verður haldinn
í Dansskóla Sigurðar Hákonar-
sonar, Auðbrekku 17, frá kl.
15-17.30.
■ ALMENNUR fundur í Svæf-
ingalæknafélagi Islands haldinn
16. janúar 1995 lýsir vonbrigðum
sínum og megnri andstöðu sinni við
þau áform heilbrigðisráðherra að
koma á tilvísunarskyldu. Svæfinga-
læknar munu ekki starfa fyrir
sjúkratryggingar ef af þessu verð-
ur.
Yfirburðir
Jóhanns
í Linares
SKAK
Opna skákmótið í
Linarcs 7.-15. jan.
JÓHANN Hjartarson hlaut átta
vinninga af níu mögulegum
á opna mótinu í Linares á Spáni
sem lauk um helgina og sigraði með
yfirburðum.
Jóhann vann sjö skákir en gerði
jafntefli við stór-
meistarana Sadler,
Englandi, og Vaiser,
Rússlandi. Þetta er
annað árið sem opið
mót er haldið í Linar-
es, en bærinn er afar
vel þekktur vegna
þess að þar er árlega
haldið stórmót sem
iðulega er það sterk-
asta á hverju ári. Jó-
hann fékk boð á stór-
mótin 1988 og 1989
og að sigrinum lokn-
um tilkynnti Luis
Rentero, frægur
skákmóta- og hótel-
höldur í Linares, Jó-
hanni það að yrði hann með 2.600
skákstig um næstu áramót yrði
honum boðið á stórmótið 1996.
Það urðu ótrúleg umskipti í
gengi Jóhanns frá Olympíumótinu
í Moskvu þar sem honum gekk
afleitlega. Þar missti hann fjölda
skákstiga sem hann vann nú til
baka. Hannes Hlífar Stefánsson
byijaði illa í Linares en sýndi mikla
hörku í lokin, vann þrjár síðustu
Jóhann
Hjartarson
skákirnar og komst upp í 3.-10.
sæti. Undirrituðum gekk mjög vel
framan af, en stríðsgæfan brást
síðan algerlega og ég endaði með
5*/2 vinning. Fyrst tapaði ég illa
fyrir Vaiser í næstsíðustu umferð
og í síðustu umferð átti ég fyrst
unnið tafl gegn Spangenberg frá
Argentínu, en féll síðan á tíma í
jafnteflisstöðu vegna þess að ég
skrifaði skákina vitlaust niður og
hélt að tímamörkum
hefði verið náð. Það
er varla hægt að tapa
skák á öllu bjánalegri
hátt.
Úrslit mótsins:
1. Jóhann Hjartar-
son, 8 v.
2. Vaiser, Rússlandi,
7 v.
3. -9. Hannes H. Stef-
ánsson, Sadler, Eng-
landi, Kornejev og
Panchenko, Rúss-
landi, Tukmakov,
Úkraínu, Spangen-
berg, Argéntínu,
Kaminsky og Wojtki-
ewicz, Póllandi, 6V2 v.
Tuttugu stórmeistarar tóku þátt
í mótinu. Á næsta ári verða haldin
tvö opin mót á hótelum Renteros í
Linares og Ubeda og var Islending-
unum boðið sérstaklega aftur á þau
bæði.
Jóhann var stigahæstur kepp-
enda á mótinu. Við skulum nú líta
á afar sannfærandi sigur hans á
næststigahæsta þátttakandanum,
Bojan Kurajica frá Bosníu, en hann
var á þriðja borði í silfurliði Bosníu-
manna á Ólympíuskákmótinu í
Moskvu.
Hvítt: Jóhann Hjartarson
Svart: Kurajica, Bosníu
Bogo-indversk vörn
1. d4 - Rf6, 2. c4 - e6, 3. Rf3 -
Bb4+, 4. Rbd2 - b6, 5. a3 -
Bxd2+, 6. Bxd2 - h6!?
Kurajica er lítt gefinn fyrir að
þræða refilstigu þrætubókafræð-
anna. Með þessum óvirka leik
sneiðir hann hjá hvassa afbrigðinu
6. - Bb7, 7. Bg5.
7. g3 - Bb7, 8. Bg2 - 0-0, 9. 0-0
- d6, 10. b4 - Rbd7, 11. Bc3 -
De7, 12. Dc2 - Be4, 13. Db2 -
c6, 14. Hfel - a5?!
Eftir þetta opnast línur á drottn-
ingarvæng sem er svarti nrjög í
óhag. Nú snýr Jóhann sér fyrst að
því að reka svarta biskupinn á e4
á óhagstæðari reit.
15. Bfl - Bg6, 16. Rd2 - axb4,
17. axb4 - e5, 18. dxe5 - dxe5,
19. Bh3!
Hvíta biskupaparið nýtur sín nú
afar vel. Svartur á mjög erfitt um
vik.
19. - Hfe8, 20. Hxa8 - Hxa8,
21. Rf3 - He8, 22. Hdl - b5, 23.
cxb5 - cxb5, 24. Dal!
Mjög öflugur leikur. Svarta stað-
an er orðin svo þröng að henni
verður tæplega bjargað.
24. - Be4, 25. Da5 - Hc8, 26.
Bal - Hb8, 27. Dc7 - Bxf3, 28.
exf3 - Ha8, 29. f4! - Dxb4, 30.
Bxd7 - Rxd7, 31. Dxd7 - exf4
og Kurajica gafst upp án þess að
bíða eftir svari hvíts, 32. Dg4.
Margeir Pétursson
Skrifstofutækni
Markmið námsins er að þjálfa nemendur til starfa á skrif-
stofum og er áhersla lögð á tölvugreinar og bókfærslu.
Námið er mjög hagnýtt og byggist að verulegu leyti á
verklegum æfingum. Námið eykur samkeppnishæfni
nemenda og býr þá undir krefjandi störf á vinnumarkaði.
■ Handfært bókhald
■ Tölvugrunnur
■ Ritvinnsla
M Töflureiknir
Wk Verslunarreikningur
S Gagnagrunnur
M Mannleg samskipti
1! Tölvubókhald
M Lokaverkefni
Helstu námsgreinar eru:
STARFSMENNTUN
fjárfesting til framtíðar
„Ég hafði samband við Tölvuskala
Islands og ætlaði að fá undirstöðu
í bókhaldi og var mér bent á skrif-
stofutækninámið. Eftir að hafa i
setið þetta nám þá tel ég mig mun
hæfari starfskraft en áður og nu
get ég nýtt mér þá kosti, sem Jffj
tölvuvinnslan hefur upp áað
bjóða. Ég mæli eindregið með
þessu námi. “
Ólafur Benediktsson,
starfsmaður Glófaxa.
3
Oll námsgögn innifalin
Tölvuskóli íslands
Höfðabakka 9 • Sími 67 14 66