Morgunblaðið - 08.02.1995, Qupperneq 48

V f K
G
3K*¥!0tltl(lftfrÍfe

alltaf á
Miövikudög'imi
MORGUNBLAÐW, KWNGLAN 1, 103 REYKJAVÍK, SÍMI 569 1100, SlMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
MIÐVIKUDAGUR 8. FEBRÚAR 1995
VERÐ í LAUSASÖLU 125 KR. MEÐ VSK
Söluverð hlutabréfa í einkavæðingu ríkisfyrirtækja 1.700 milljónir
2.200 manns hafa eignazt hlut
í fyrrverandi ríkisfyrirtækjum
NÁLEGA tvö þúsund og tvö- hundruð einstakl-
ingar keyptu hlutabréf í þeim ríkisfyrirtækjum,
sem ríkisstjórnin hefur einkavætt á kjörtímabil-
inu. Þar af eru 177 starfsmenn fyrirtækjanna.
Söluandvirði ríkisfyrirtækja á sama tíma er um
1.720 milljónir króna, samkvæmt tölum frá Rík-
isbókhaldi.
Einstaklingum var gefinn kostur á að kaupa
hlutabréf í fjórum fyrirtækjum, sem einkavædd
voru. Langflestir keyptu bréf í Lyfjaverzlun ís-
lands, eða um 1.600 manns, þar af 58 starfs-
menn fýrirtækisins. Þá keyptu 476 einstaklingar
hlut í Jarðborunum, þeirra á meðal 16 starfs-
'menn.
Mest fékkst fyrir SR-mjöl
og Lyfjaverzlun
í SR-mjöli keyptu 96 einstaklingar hlut og
af þeim voru 77 starfsmenn fyrirtækisins. Við
sölu Ferðaskrifstofu íslands var starfsmönnum
veittur forkaupsréttur og sameinuðust 26 þeirra
um að kaupa fyrirtækið. Alls hafa 2.198 einstak-
lingar eignazt hlut í ríkisfyrirtækjunum, sem
hafa verið einkavædd.
Söluverð ríkisfyrirtækja, sem seld hafa verið
frá því á árinu 1992, er um 1.721 milljón króna.
Mest fékkst fyrir bréfin í SR-mjöli, eða 725
milljónir, 400 milljónir fyrir bréf í Lyfjaverzlun-
inni, 162 fyrir hlut í íslenzkri endurtryggingu
og 130 milljónir fyrir hlut ríkisins í Þróunarfé-
lagi íslands.
Þá voru bréfin í Jarðborunum seld fyrir 88
milljónir, bréf í Þormóði ramma fyrir 87 milljón-
ir og prentsmiðjan Gutenberg fyrir 86 milljónir.
Ferðaskrifstofa íslands var seld fyrir um 19
milljónir, Framleiðsludeild ÁTVR fyrir 15 millj-
ónir og bréf í Rýni hf. fyrir níu milljónir. Á tíma-
bilinu var Skipaútgerð ríkisins jafnframt lögð
niður og eignirnar seldar.
Friðrik Sophusson fjármálaráðherra sagði í
samtali við Morgunblaðið að ekki mætti einblína
á söluverð allra þeirra fýrirtækja, sem ríkið hefði
selt, þar sem í sumum tilvikum hefði ríkissjóður
verið að leggja niður starfsemi, sem hefði verið
byrði á honum, til dæmis Skipaútgerðina. í öðr-
um tilvikum hefði starfsemi verið seld til aðila,
sem nú greiddu skatta.
Þúsundir eigenda
Friðrik sagði að ýmsar aðferðir hefðu verið
hafðar við einkavæðinguna og við sölu Ferða-
skrifstofu íslands hefði starfsfólki til dæmis
verið veittur forkaupsréttur. „í seinni tíð hefur
áhugi ókkar fyrst og fremst beinzt að því að
hafa eignaraðild sem dreifðasta og koma eignar-
hlut í fýrrverandi ríkisfyrirtækjum á sem flestra
hendur," sagði Friðrik. „Við viljum gefa sem
flestum tækifæri til að eignast hlut í fyrirtækjum
og taka síðan þátt í verðbréfaviðskiptum. Slík
viðskipti verða síðan til þess að örva innlendan
hlutabréfamarkað. Ég fagna því þess vegna að
þúsundir einstaklinga skuli nú orðnir eigendur
í fyrrverandi ríkisfyrirtækjum.“
Irving Oil
Sóttum
breytta land-
notkun
BORGARRÁÐ hefur samþykkt að
fela borgarskipulagi að sækja um
breytingu á landnotkun á lóðum við
Eiðsgranda og við Hraunbæ vegna
óska Irving Oil um að reisa þar
bensínstöðvar og verslanir.
í bókun skipulagsnefndar segir
að nefndin telji rétt að unnið verði
nánar með tillögur að bensínstöðv-
um við Hraunbæ og Eiðsgranda í
samráði við hagsmunaaðila á þess-
um stöðum og jafnframt að þess
verði gætt að sjávarstígur við Eiðs-
granda haldist. Nefndin hafi efa-
semdir um staðsetningu bensín-
stöðvar við Stekkjarbakka þar sem
ekki liggi fyrir hvort eða hvenær
ný stofnbraut verður lögð norðan
Stekkjarbakka.
í bókun borgarráðsfulltrúa Sjálf-
stæðisflokks segir að þeir geti fall-
ist á að sótt verði um heimild til
að auglýsa breytta landnotkun við
Eiðsgranda og Hraunbæ.
Formannafundur VMSÍ
*
* Oskiverk-
falls-
heimilda
FORMANNAFUNDUR Verka-
mannasambands íslands samþykkti
í gær að beina því til þeirra félaga
sem ekki hefðu aflað sér verkfalls-
heimildar að gera það nú þegar. Var
þetta samhljóða niðurstaða allra
fundarmanna, að sögn Björns Grét-
ars Sveinssonar, formanns VMSÍ.
Ekki ágreiningur
Fulltrúar verkalýðsfélagsins
' Dagsbrúnar í Reykjavík, Hlífar í
Hafnarfirði og Verkalýðs- og sjó-
mannafélags Reykjavíkur mæta til
fundar í dag um nýjan kjarasamning
með fulltrúum annarra félaga innan
VMSÍ. Bjöm Grétar gerir lítið úr
ágreiningi innan VMSÍ. Segir að
þessi félög þurfi að fá umfjöllun um
sín sérmál. Hann segir að þótt stað-
an sé erfið trúi hann ekki öðru en
að hægt verði að hotta á merina.
-----♦ ♦ ♦----
Áburðarpinna-
verksmiðja
^ í Garðabæ
NORMA hf. hefur í undirbúningi að
setja á stofn áburðarpinnaverk-
smiðju í Garðabæ í samvinnu við
sænska fyrirtækið Bio Bicf. Samn-
ingar standa nú yfir við Svíana og
segist Sævar Svavarsson, fram-
kvæmdastjóri Normu, telja meiri lík-
ur en minni á að samningar takist
og að áburðarpinnaverksmiðjan hefji
starfsemi síðar á þessu ári.
Þeir áburðarpinnar sem fyrirhug-
að er að verksmiðjan framleiði, að
mestu til útflutnings, eru pinnar sem
stungið er niður í mold um leið og
tré eða annar gróður er gróðursett-
ur.
Sævar segir að áætlanir geri ráð
fyrir að 10 menn starfi við fyrirtæk-
ið. Húsnæði sé til staðar í Garðabæ,
en nauðsynlegt væri að ráðast í all-
miklar fjárfestingar í vélbúnaði.
Heildarfjárfesting næmi um 70 millj-
ónum króna.
Fj ár málar áðher r a segir dæmi um misnotkun opinberra útboða
Standa ekki í skilum og
fá sér nýja kennitölu
FRIÐRIK Sophusson íjármálaráð-
herra sagði á Alþingi í gær að grípa
yrði til aðgerða gegn misnotkun á
útboðum opinberra framkvæmda.
Brögð væru að því að lægstbjóðend-
ur stæðu ekki í skilum, m.a. með
opinber gjöld, færu á höfuðið en
væru fljótlega risnir upp að nýju
með nýja kennitölu og nýtt tilboð
í framkvæmdir.
Þetta kom fram í framsöguræðu
Friðriks fyrir frumvarpi um breyt-
ingu refsiákvæða í skattalögum,
sem er hluti af átaki ríkisstjórnar-
innar gegn skattsvikum. Friðrik
sagði að nefnd, sem skipuð hefði
verið til að skoða árangur útboðs-
stefnu ríkisins og benda á úrbætur,
hefði m.a. fjallað um hvernig koma
mætti í veg fyrir misnotkun á út-
boðum. Endanlegrar greinargerðar
nefndarinnar væri að vænta síðar
í mánuðinum.
Með lægsta boð
„Á undanförnum árum hefur
borið á því í æ ríkara mæli að lægst-
bjóðendur í opinberar framkvæmdir
standi ekki í skilum með opinber
gjöld eða greiðslur til undirverk-
taka,“ sagði Friðrik. „Skoða þarf
sérstaklega hvernig hægt er að
bregðast við því þegar þeir, sem
boðið hafa lægst og fengið verkefni
við opinberar framkvæmdir, standa
ekki í skilum, fara á höfuðið en
mæta síðan í næsta útboð með nýja
kennitölu og lægsta boð. Þetta eru
afar mikilvæg mál, sem nauðsyn-
legt er að tekið sé á af festu.“
Friðrik sagðist hafa skipað fram-
kvæmdanefnd þriggja manna, sem
ætti að yfirfara tillögur skattsvika-
nefndar, og kanna möguleika á
nýjum aðgerðum.
Morgunblaðið/Kristinn
Lætur ekki
ófærðina
aftra sér
ÞAÐ er engan bilbug að finna
á Eiríki Guðjónssyni á ísafirði
þótt fannfergi hafi verið með
mesta móti í bænum undanfar-
ið og suma dagana vart fært
út úr húsi. Þessi kempa, hátt
á níræðisaldri, sem nú dvelur
á dvalarheimilinu Hlif lætur
ekki ófærðina aftra sér, en
Eiríkur fer daglega allra
sinna ferða á gönguskíðunum
sinum, og ef færið er ekki
nógu gott þá einfaldlega held-
ur hann á skíðunum frekar
en að skilja þau eftir heima.