Morgunblaðið - 14.02.1995, Qupperneq 51

MORGUNBLAÐIÐ
ÞRIÐJUDAGUR 14. FEBRÚAR 1995 51
(
BRÉF TIL BLAÐSINS
Kjarni málsins!
Otrivin nefúðinn og
nefdroparnir fást nú í næsta
apóteki - án lyfseðils!
Otrivin nefúðinn og nef-
dropamir eru áhrifamiklir og
einfaldir í notkun.
Með virka efninu Xylometa-
zolin vinnur Otrivin gegn
nefstíflum vegna nefkvefs og
bráðrar bólgu í ennis-og
kinnholum.
Otrivin velduræðasam-
drætti, dregur úr blóðflæði,
og minnkar þannig slím-
myndun.
Otrivin er fljótvirkt, áhrifin
vara í 8-10 klst. Otrivin má
nota3varádagen einungis
viku I senn.
Varúð:
Langtímanotkun Otrivin
getur leitt til þurrks í nefslím-
húð. Sjúklingar með gláku
ættu ekki að nota Otrivin.
Framleiðandi:
Ciba Geigy AG. Basel, Sviss.
Innflytjandi:
Stefán Thorarensen h.f.,
sfmi: 568 6044.
Jeppabreytingar og jöklafar
Frá tækninefnd Ferðaklúbbsins 4x4:
í TILEFNI af viðtali við Kristján
Jónsson (kallar sig Stjáni meik)
sem birtist í Morgunblaðinu 11.
desember síðastliðinn og viðtali á
Stöð 2 7. febrúar síðastliðinn, vill
tækninefnd í Ferðaklúbbnum 4x4
gera eftirfarandi athugasemdir:
Við teljum ekki rétt af Kristjáni
Jónssyni að reyna að vinna hug-
mynd sinni brautargengi með því
að rífa niður það sem þróast hefur
á íslandi undanfarin ár. Kristjáni
Jónssyni ætti að vera ljóst að ís-
lendingar eru fremstir þjóða í að-
lögun jeppa að íslenskum aðstæð-
um. Honum væri nær að byggja á
því sem þróað hefur verið hér á
Islandi í stað þess að rakka niður
það sem vel er gert.
Kristján segir að reynsla að
breyttum jeppum sé slæm og þess-
ir hlutir séu dæmdir til að mistak-
ast. Við höfum undir höndum upp-
lýsingar frá helstu veitustofnunum
og mörgum björgunarsveitum um
að reynsla af breyttum og sérút-
búnum jeppum sé mjög góð og
reyndar lykillinn að hagkvæmum
rekstri fyrirtækjanna á þessu sviði.
Ummæli hans teljast því dauð og
ómerk.
Vantrú Kristjáns á breyttum
jeppum á sér eðlilegar orsakir.
Hann þekkir lítið til slíkra breyt-
inga eða hönnunar á jeppum fyrir
íslenskar aðstæður. Hann hefur í
gegn um árin meðal annars feng-
ist við að endursmíða fornbíla og
má sem dæmi taka fræga endur-
smíði póstbílsins. Smíði og hönnun
breytts jeppa er af allt öðrum toga
og á lítið skylt við fyrri verk Krist-
jáns.
Kristján ekki dómbær
á jeppabreytingar
Við drögum í efa hæfni Krist-
jáns til að meta breytingar á jepp-
um fyrir íslenskar aðstæður. Við
höfum ekki séð það mikið til Krist-
jáns Jónssonar á fjöllum, né heyrt
af ferðalögum hans til fjalla, að
við treystum hans áliti á breyttum
jeppum og þeim iðnaði sem sprott-
ið hefur upp um jeppabreytingar.
Breytingar á jeppum er þróuð af
notendum fyrst og fremst, en regl-
ur um breytingar hafa verið unnar
í samvinnu dómsmálaráðuneytis,
tækninefndar Ferðaklúbbsins 4x4,
sérfræðinga Bifreiðaskoðunar og
áður Bifreiðaeftirlits ríkisins.
Alvarleg aðdróttun
Hvernig dirfist Kristján Jónsson
að halda því fram að jeppamenn
feli alvarlega galla í jeppunum?
Þetta er gífurlega alvarleg aðdrótt-
un. Við höfum þvert á móti bent
á ýmsa galla frá framleiðendum
sjálfum í gegn um árin og unnið
stöðugt að því að endurbæta það
sem gert er. Hvers vegna aka þá
þúsundir breyttra jeppa um göt-
umar og jökla landsins með frá-
bærum árangri?
Islensku jepparnir eru stórkost-
leg tækninýjung sem hefur komið
möguleikum íslendinga til ferða
um eigið land á æðra plan. Það
ætti að flokkast undir atvinnuróg
að láta hafa eftir sér fullyrðingar
um breytingar á jeppum eins og
þær birtust í Morgunblaðinu án
rökstuðnings. Að ráðast með þess-
um hætti gegn nýjum stórkostleg-
um möguleikum í gjaldeyristekjum
fyrir Islendinga er beinlínis óafsak-
anlegt. Of margir hugsa eins og
Kristján Jónsson, hafa ekki farið
á fjöll en eru á móti jeppum af því
að þeir vita ekki hvað þeir eru að
tala um. Ferðaklúbburinn 4x4 hef-
ur barist ötullega gegn slíkum for-
dómum, en því miður virðast þeir
enn skjóta upp kollinum.
Nýútkomin bók um
jeppaáhugamál
Að lokum viljum við benda
Kristjáni Jónssyni á nýútkomna
bók um jeppaáhugamál íslendinga.
Þar er hægt að fræðast um flest
grunnatriði varðandi breytingar og
notkun á jeppum til ferðalaga á
íslandi.
A það skal bent að við höfum
af kurteisisástæðum ákveðið að
segja ekki frá skoðunum okkar á
hugmynd Kristjáns Jónssonar um
framleiðslu á „fjallabíl“. Hinsveg-
ar, ef Kristján Jónsson æskir slíks
álits, er velkomið að skrifa um það
opinberlega.
Þetta bréf er samið af tækni-
nefnd Ferðaklúbbs 4x4, en þar
sitja:
Birgir Sigurðsson framl.stj.,
Freyr Jónsson véltæknifr., Guðni
Ingimarsson vélaverkfr., Jónas G.
Jónasson vélaverkfr., Snorri Ingi-
marsson rafmagnsverkfr. og Þor-
varður Hjalti Magnússon kerfisstj.
F.h. tækninefndar Ferðaklúbbsins 4x4,
JÓNAS G. JÓNASSON,
verkfræðingur.
Opnunartími
Þjóðskjalasafns íslands
Frá Sesselju Guðmundsdóttur:
ÉG ER mjög ósátt við opnunar-
tíma lestrarsalsins í Safnahúsinu
við Hverfisgötu. Vinnandi fólk
getur aðeins notað salinn á laugar-
dagsmorgnum og þá er yfirleitt
hvert sæti skipað frá því opnað
er og fram á síðustu mínútu. í
nýjustu símaskránni er opnunar-
tíminn sagður til kl. 19 virka daga
og svo virðist sem tíminn hafi
verið styttur um klst. af einhveij-
um ástæðum. Ég ætlaði varla að
trúa mínum eigin eyrum áðan þeg-
ar ég hringdi í Þjóðarbókhlöðuna
til þess að athuga með opnunar-
tímann þar og heyrði að þar væri
lokað kl. 19! — og að aðeins væri
opið á láugardagsmorgnum á vet-
urna! Eru þessi söfn eingöngu fyr-
ir ellilífeyrisþega og námsfólk?
Hvað um okkur hin sem vinnum
til kl. 17, 18, eða jafnvel 19? Eig-
um við minni rétt á að nota söfn-
in? Reka skattborgararnir (þar á
meðal ég) ekki þessar stofnanir?
Ég kref menntamálaráðherra eða
safnstjórnina hér með um svör við
fyrrgreindum spurningum.
Bókasöfn víða úti á landi hafa
opið á kvöldin, a.m.k. til kl. 21,
svo vinnandi fólk getið notað þjón-
ustu þeirra. Bókasafn Hafnar-
fjarðar hefur sitt bókasafn t.d.
opið til kl. 21 og stendur þar feti
framar (2-3 klst.) Þjóðarbókhlöð-
unni og Þjóðskjalasafninu.
Vonandi bætir Landsbókasafnið
svo og Þjóðskjalasafnið þjónustu
sína við fjölmennustu stétt lands-
ins, þ.e.a.s. útivinnandi fólk, með
því að lengja opnunartímann.
SESSELJA GUÐMUNDSDÓTTIR,
Brekkutanga 36, Mosfellsbæ.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.

losa þig og
krakkana við
nefstífluna.
Kynntuþérvel
leiðbeiningar
sem fylgja
lyfinu.
10
NftSESPRAY
1 wg/»tl
HUGRÆKTARNÁMSKEIÐ
GUÐSPEKIFÉLAGSINS
„Celestine“-hugræktarnám-
skeið verður haldið í húsi
félagsins, Ing'ólfstræti 22, á
þriðjudagskvöldum kl. 20.00.
Það hefst í kvöld 14. feb. og
verður í 5 skipti. Námskeiðið
er ókeypis og öllum opið
meðan húsrúm leyfir. Leið-
beinandi er Einar Aðalsteins-
sön. Innritun á staðnum.
I
i

Bettur dagsins er