Morgunblaðið - 19.03.1995, Blaðsíða 19

MORGUNBLAÐIÐ
SUNNUDAGUR 19. MARZ 1995 B 19 -
Ljósmyndir Jakobína Guðmundsdóttir.
TIGN ARLEGASTA f jall Nepal er af
mörgum tallö vera Machhapuchhre,
sem er 6.993 metra hátt.
LÍKBRENNSLA undirbúin við ána Bagmati.
UNGDÓMURINN lelkur sér í fjöllunum.
AÐSTÆÐUR til hreinlætis.
APAHOFIÐ í Katmandu.
HORFT af Poon Hfll í átt að
snævi þökktu Daulaglri, sem
er 8.167 metrar að hæð.
Þessi þáttur ferðarinnar verður með
öðrum orðum ómissandi og passa
menn upp á að missa ekki úr tíma. •
Gönguna hefjum við nálægt
Deopur, sem er í um það bil 1600
metra hæð, en markmiðið er að
komast upp á Kopra Ridge, sem
liggur í 3.800 metra hæð. Þar gist-
um við í tvær nætur, en hluti hóps-
ins gengur síðan upp að vatni, sem
innfæddir kalla Vatnið helga og er
í 5.100 metra hæð. Einu sinni á
sumri gengur fólkið úr nærliggjandi
þorpum upp að þessu vatni, hefur
með sér kind, sem slátrað er í þeim
tilgangi að færa guðunum fórnir,
en þarna eru hof bæði hindúa og
búddatrúar. Vatnið er undir fjallinu
Annapurna South, sem er 7.219
metra hátt, en þegar við horfum upp
á toppinn, sem virðist ekki svo
flarska langt í burtu, er erfítt að
ímynda sér að þangað séu enn eftir
rúmir 2.000 metrar.
Við sólarupprás
Að morgni nýársdags kl. 4.30 er
bankað á tjaldið hjá okkur. Úti
stendur einn fylgdarmaðurinn með
heitt te í höndum og „happy new
year“ á vörum. Skemmtileg byrjun
á nýju ári þó erfítt sé að skríða upp
úr svefnpokanum eftir kalda nótt-
ina. Allir flýta sér að pakka niður
í myrkrinu. Úti er stjörnubjart, tölu-
vert frost og smá hrím yfir öllu, en
stillt og fallegt veður. Að hálftíma
liðnum erum við lögð af stað með
vasaljós út í myrkrið því nú á að
ganga upp á Poon Hill í um það bil
þijú þúsund metra hæð til að sjá
sólarupprisu. Þegar við nálgumst
hæðina sér móta fýrir fjölda fólks
og þegar nær dregur kemur í ljós
að þarna eru yfír hundrað ferða-
menn, allir komnir tii þess að horfa
á sólaruppkomuna. Útsýnið er hreint
ótrúlegt í allar áttir og engin smá-
flöll sem blasa við: Annapurnafjöllin,
Gangapuma, Machhapuchhre og
síðást en ekki síst Daulagiri sem er
í 8.167 metra hæð yfír sjávarmáli,
en til samanburðar má geta þess
að hæsta fjall veraldar, Everest fjall,
er 8.848 metra hátt. Okkur vinkon-
unum var óneitanlega hugsað heim
til vina og kunningja sem myndu
væntanlega ekki upplifa slíkan ný-
ársdagsmorgun.
Gisting á 30 kr.
Við erum tiltölulega heppin með
veður. Flesta daga er heiður himinn,
glampandi sól og fögur fjallasýn.
Stjörnubjartar nætur, morgnamir
bjartir, en þykknar stundum upp
seinnihluta dags. Hitinn er um 20
gráður á daginn, en á nætuma allt
að 20 stiga frost, en þá er ekkert
um annað að ræða en að grípa til
dúnpokans og íslensku ullarfatanna.
Rigningardagur er aðeins einn og
gistir hópurinn þá í einu af mörgum
svokölluðum te-húsum, sem fínna
má á leiðinni. Þar kostar svefnpoka-
gistingin sem svarar 30 krónum ís-
lenskum og þar er sömuleiðis hægt
að kaupa mat á ámóta hjákátlegu
verði samanborið við það sem Is-
lendingar þekkja hér heima.
Fyrir þá ferðamenn sem hugsa
til Nepalferðar, má geta þess að
flestir forðast Monsoon-rigningar,
sem em frá júní til september. Og
i desember og janúar er mikill hita-
mismunur á degi og nóttu þó lofts-
lag og fjallasýn sé góð. Aftur á
móti er aðal ferðamannatiminn í
Nepal frá febrúar til apríl eða októ-
ber- og nóvembermánuðir þegar hit-
inn er mátulegur, skyggnið gott og
loftið tært þó segja megi að skyggn-
ið sé ívið betra á fyrrnefnda tímabii-
inu.
Ferðin gefur óneitanlega mikla
innsýn í ólíka þjóðfélagshætti og
leiðir hugann að því hvort að lífs-
gæðum þessa heims sé misskipt.
Eftir að hafa ferðast með fólki frá
ólíkum þjóðum í tæpar þrjár vikur
hafa myndast vinatengsl og eigum
við nú heimboð um víða veröld.
Hver veit nema að Ástralía verði
okkar næsti áfangastaður.
Höfundur er Jakobína
Guðmundsdóttir. Hún er
starfsmadur innanlandsdeildar
Sam vinnuferða-Landsýnar.