Morgunblaðið - 21.05.1995, Blaðsíða 23
MORGUNBLAÐIÐ
SUNNUDAGUR 21. MAÍ1995 23
Vörumerki okkar, Islandia, er skrásett
vörumerki og það er afar erfitt að sætta
sig við það að aðrir útflytjendur séu að
misnota vörumerki okkar og seija fisk á
fölskum forsendum I umbúðum frá okkur.
Við höfum orðið að stöðva slíkan útflutning
með lögbanni í nokkrum tilfellum
Menn segja gjarnan að markaður-
inn dæmi gæðin, en ég hejd að svo
sé ekki lengur. Við hjá SÍF höfum
byggt upp ákveðna gæðaímynd með
eftirliti okkar hér heima. Kaupendur
treysta því gæðunum frá okkur. Þeir
treysta Norðmönnum hins vegar ekki
og taka fiskinn ekki út, fyrr en hann
er kominn til kaupandans, eða senda
sína menn til Noregs til að taka út
fískinn fyrir útflutning. Ég er hrædd-
ur um að þetta geti einnig gerzt hér
heima. Að þeir, sem ekki hugsa um
að tryggja gæði, lendi í sömu stöðu
og Norðmenn. Það er alveg ljóst við
hjá SÍF munum ekki hvika frá þeim
gæðakröfum, sem við gerum nú til
þeirra, sem vilja að við seljum fiskinn
fyrir þá. Við flytjum ekki hvað sem
er út.
Pakkningar SÍF misnotaðar
Nokkur dæmi eru um að menn
misnoti pakkningar okkar og vöru-
merki. Við höfum barizt mjög gegn
því að útflytjendur, aðrir en SIF,
flytji út fisk í umbúðum frá okkur.
Vörumerki okkar, Islandia, er skrá-
sett vörumerki og það er afar erfitt
að sætta sig við það að aðrir útflytj-
endur séu að misnota vörumerki okk-
ar og selja fisk á fölskum forsendum
í umbúðum frá okkur. Við höfum
orðið að stöðva slíkan útflutning með
lögbanni í nokkrum tilfellum. Við
vitum það líka, að sumir framleiðend-
ur hafa komið fiski út í umbúðum
frá okkur. í öllum tilfellum, sem við
vitum af, tökum við hart á slíkum
málum. Öllum þessum málum til
þessa hefur verið lokið með dómsátt,
því höfða þarf mál út af hveiju ein-
stöku tilviki að öðrum kosti. Það al-
varlegasta er að fiskurinn er seldur
utan á röngum forsendum. Blái kass-
inn okkar hefur ákveðna gæðaímynd
á mörkuðunum, en aðrir framleið-
endur geta skemmt mikið með því
að setja lélegri fisk í slíkar umbúðir.
Þó menn hafi keypt þessar umbúið
til að flytja út fisk, sem hefur verið
metinn og tekinn út af gæðaeftirliti
SIF, en hverfi síðan frá því, gefur
það þeim ekki leyfi til að nota umbúð-
irnar undir annan físk. Það hefur
enginn heimild til að flytja út íslenzk-
an saltfisk í umbúðum okkar nema
SÍF.
Þá höfum við í tveimur tilfellum
orðið að koma í veg fyrir að innflytj-
endur á mörkuðunum séu að nota
vörumerki okkar.
Hvað með aðra verkun en blaut-
físk, svo sem þurrkun?
Stefnt að aukinni þurrkun
„Þurrkun á saltfiski var töluverð
hér á sínum tíma. Ég fór til Brasilíu
síðastliðið haust til að skoða markað-
inn þar. Það verður því miður að
viðurkenna það, að reynslan þar af
íslenzkri saltfiskþurrkun var ákaf-
lega slæm. Nord Morue hefur hins
vegar byggt upp góðan markað í
Brasilíu fyrir þurrkaðan saltfisk, en
þar tala menn um franska saltfisk-
inn. Nord Morue þurrkaði um 5.000
tonn af fiski á síðasta ári og það var
fiskur héðan og frá Noregi.
Við erum að reyna að breyta þess-
ari ímynd yfir í íslenzkan saltfisk og
seljum allan okkar þurrfisk frá
Frakklandi til Brasilíu undir vöru-
merkinu Isiandia. Við ætlum okkur
að skoða það á næstunni hvort ekki
sé gerlegt að flytja þessa þurrkun
hingað heim frá Frakklandi að veru-
legu Ieyti. Við' gerðum tilraun með
þurrkun á ufsa síðastliðið haust og
hún tókst mjög vel. Við þurfum að
byggja þennan markað alveg upp á
nýtt og taka eitt skref fram á við í
einu í þeim efnum. Það var búið að
eyðileggja hann alveg.
Fiskurinn keyptur víða
Við höfum einnig keypt mikið af
saltfíski frá Noregi. Dótturfyrirtæki
okkar þar, SÍF Union, flutti um 1.500
tonn frá Noregi í fyrra, ýmist til
Frakklands, Spánar eða Ítalíu. Fram-
tíðin fyrir SIF, eins og önnur stór
fýrirtæki í viðskiptum með fisk, hlýt-
ur að vera sú, að meiri áherzla verði
lögð á alþjóðleg viðskipti með fisk.
Nord Morue kaupir til dæmis mikið
af físki frá öðrum löndum en ís-
landi, en héðan kaupir fyrirtækið
mikið af saltfiski og síld. Við erum
að kaupa mikið af frystum físki og
og fullvinna í Nord Marue. Við kaup-
um þorsk frá Alaska og af Rússum
og við kaupum síld frá öðrum löndum
en íslandi. Ég sé það í framtíðinni
að við munum staðsetja okkur þar
sem fískurinn er. ísland verður mið-
stöðin áfram en við munum færa út
kvíarnar eins og við höfum gert í
Noregi, þar sem framboðið er mest
nú.“
Saltfiskurinn eftirsóttur á
veitingahúsum
Er einhver hætta á því að saltfisk-
ur hætti að seljast, enda fremur gam-
alsdags afurð?
„Nei, það held ég ekki. Heildar-
markaðurinn fyrir saltfískafurðir
hefur nánast ekkert minnkað undan-
farin ár. Spurningin snýst kannski
um meiri ijölbreytni í afurðum, en
saltfískneyzla á sér miklar hefðir,
meðal annars trúarlegar, og ég sé
ekki neinar teljandi breytingar þar á
í framtíðinni. Fólk lítur einnig fremur
á söltun sem verkun núorðið en
geymsluaðferð. Þá er saltfiskurinn
orðinn mjög eftirsóttur á veitinga-
stöðum í Suður-Evrópu og virðist
eiga góða framtíð fyrir sér. Saltfísk-
urinn er nú einnig seldur útvatnað-
ur, tilbúinn til matreiðslu, fólki til
hægðarauka. Þá er markaðurinn í
Brasilíu að vaxa aftur og árið 1994
jókst hann um yfir 50% frá árinu
áður. Aukningin er einnig veruleg á
þessu ári, þannig að ég á ekki von
á öðru en að saltfiskurinn haldi velli.“
Vinnslan í neytendaumbúðir
hér hæpin
Kemur til greina að vinna saltfisk
í neytendaumbúðir hér?
„SÍF hefur verið að vinna að þess-
um málum undanfarin ár og flutt
út nokkurt magn af saltflökum,
þurrfiski og fleiru í neytendaumbúð-
um, en þó sérstaklega útvötnuðum
frystum saltfiski í slíkum umbúðum.
Tvennt hefur komið upp varðandi
þessa vinnslu. Annars vegar að virð-
isaukinn liggur ekki í því að vinna í
smápakkningar fyrir stórmarkaði og
hins vegar gerir fjarlægðin frá mörk-
uðunum okkur erfítt fyrir. Lykillinn
að því að sinna þessum geirum mark-
aðarins, er að vera með framleiðsluna
í meiri nálægð við markaðinn, helzt
í viðkomandi landi.
Við erum að endurbyggja verk-
smiðju Nord Maroe með þeim hætti
að hún verði einhver fullkomnasta
saltfiskverksmiðja í veröldinni og
uppfyllir allar kröfur ESB um að-
stæður og hreinlæti við framleiðslu
matvæla. Þar hefur miklu af fiski
verið pakkað fyrir stórmarkaðina
og mun það aukast verulega. Frá
Nord Morue er hægt að koma afurð-
unum á markað innan sólarhrings
frá pöntun, en það getur tekið allt
að 10 til 14 daga að afgreiða pöntun
frá íslandi. Þótt virðisaukinn sé ekki
mikill af vinnslu í neytendaumbúðir,
eykur það þjónusta við neytendur
og gerir okkur samkeppnishæfari,
sem er eitt af okkar aðalmarkmið-
um,“ segir Gunnar Örn Kristjáns-
son.
f
WA
REYKJAVÍKUR
V u B
skakkt númer
skakkt númer
W A.W
(lá)rétt númer
numer
Þa 'ð eru jmsar aðferðir notaðar við að muna símanúmer, en þú
þarft bara að sjá númerið hjá BSR einu sinni til að muna það.
56 10 OOO - númer sem þú tnanst, án þess að syngja.
...númersemþú manst...
GÖMLU NÚMERIN VERÐA ÁFRAM I FULLU GILDI: 5B 1 1"7 30 QG 55 1 17 30