Morgunblaðið - 27.06.1995, Blaðsíða 5

MORGUNBLAÐIÐ
FRETTIR
ÞRIÐJUDAGUR 27. JÚNÍ 1995 5
Mbl/Gunnar Magnússon
150 ár liðin frá fyrsta fundi hins endurreista Alþingis
Alþingishúsið opið almenningi
ÞINGMENN taka á móti gestum í
Alþingishúsinu nk. laugardag í til-
efni þess að 150 ár eru liðin frá
fyrsta fundi hins endurreista Al-
þingis.
Hinn 8. mars 1843 gaf Kristján
konungur VIII út tilskipun um end-
urreisn Aiþingis. Hið nýja þing
skyldi skipað 20 þjóðkjörnum full-
trúum og sex konungkjörnum.
Þingið kom saman til fyrsta fundar
1. júlí 1845 og frá þeim degi gátu
fulltrúar íslensku þjóðarinnar lagt
á ráð um málefni lands og lýðs.
Af þessu tilefni verður Alþingis-
húsið opið almenningi laugardaginn
1. júlí frá kl. 12 á hádegi til kl. 16.
Þingmenn munu taka á móti gest-
um og svara spurningum þeirra og
veita innsýn í störf þingsins.
Auk þess sem gestir geta rætt
við forseta þingsins, ráðherra og
aðra þingmenn, gefst tækifæri til
að ganga um þinghúsið og kynna
sér sögu þess og ýmissa muna sem
til sýnis eru. Á veggspjöldum verða
upplýsingar um þingið og marg-
þætt störf þess. Nýjum kynning-
arbæklingi verður dreift til gesta
og veitingastofa þingsins verður
öllum opin.
Á hálftíma fresti eru áætlaðar
gönguferðir undir leiðsögn starfs-
manna þingsins um Alþingisgarðinn
og svokallaðan Alþingisreit. Greint
verður frá starfsemi Alþingis í ná-
lægum húsum og nýhafnar endur-
bætur á byggingum í eigu Alþingis
við Kirkjustræti verða kynntar.
Lítið veiðist
í Smugunni
FJÖGUR íslensk skip hafa verið
að veiðum í Smugunni en veiði
hefur verið lítil. Tvö skipanna
eru nú á heimleið vegna lélegr-
ar veiði. Sævaldur Gunnarsson,
útgerðarstjóri Hraðfrystistöðv-
ar Þórshafnar, sagði að skipin
væru að fá upp í eitt tonn í hali.
Stakfell ÞH, skip Hraðfrysti-
stöðvarinnar, hefur verið í
Smugunni frá því sjómanna-
verkfall leystist en lítið hefur
veiðst. Margrét EA og Hólma-
nes SU eru á heimleið með sára-
lítinn afla.
Stakfellið var á rækjuveiðum
á Svalbarðaveiðum og tók þar
tvö troll allt þar til fréttir bár-
ust af því á föstudag að Sólberg
ÓF hefði fengið tíu tonn í þrem-
ur hölum. Hélt Stakfellið þá í
Smuguna en hefur lítið fengið.
Hugsanlegt er að Stakfellið fari
aftur á rækjuveiðar. Einnig stóð
til, að sögn Sævalds, að senda
skip á grálúðuveiðar en horfið
var frá því þegar Norðmenn
bönnuðu þar veiðar.
♦ ♦ ♦----
Á 204 km
hraða á
hemlalaus-
umbíl
22 ÁRA gamall maður var staðinn
að því aðfaranótt sunnudags að aka
hálfhemlalausum bíl á 204 kíló-
metra hraða.
Maðurinn ók inn í radargeisla
lögreglunnar á Suðurlandsvegi við
Lækjarbotna. Hann var að koma
af dansleik á Suðurlandi og var
með fjóra farþega í bílnum. Maður-
inn viðurkenndi að hafa ekið á um
það bil 170 km/klst hraða.
Ástandi bílsins reyndist áfátt að
ýmsu leyti, að sögn lögreglu. Þann-
ig var bíllinn hemlalaus að aftan
og að auki var einn hjólbarða bíls-
ins gatslitinn.
Númeraplötur voru því teknar
af bílnum og ökumaðurinn var
sviptur ökuskírteini sínu á staðnum.
K * * *
Tekin með
alsælu
FÍKNIEFNALÖGREGLAN hand-
tók á föstudag þrjá karla og konu,
20-27 ára, sem höfðu alsælu og
fleiri fíkniefni í fórum sínum.
Fólkið hefur ekki áður komið við
sögu í fíkniefnamálum.
I þremur húsleitum, þar á meðal
á vinnustað eins hinna handteknu,
fundust 45 töflur af alsælu, 5-6
grömm af amfetamíni og 30 töflur
af ephedríni, sem er örvandi lyf, svo
og litilræði af hassi.
JALFSALI

Kleppsvegur ■
Oyiranöt
— Laugavegur IÖO
Miklabraut noröur
Miklabraut surtur
Bústaöavegurl
Vesturlandsvegur ■
Reykjanesbraut.p|r
■ Suðurfcll
■ Bæjarbraut Garöab*
í T11. ísl
! 1 n 1M 11 m r 11 1 hl
L»*T i vnTjt 1
| fl.rjj | r m ’IH |l J

sjálfsalar eru á Shellstöðvunum:
■ Bústaðavegi, Vesturlaridsvegi, Kleppsvegi, Suðurfelli,
Reykjanesbraut Kópavogi, Bæjarbraut Garðabæ
og Gylfaflöt í Grafarvogi.
■ Á næstunni verður einnig MX sjálfsali
á Shellstöðinni Laugavegi 180.
Á Shellstöðvunum við Miklubraut er eingöngu
sjálfsafgreiðsla og 1,20 kr. i afslátt.
Pú dælir og færö 1,20 kr. í afslátt
af hverjum lítra í TVIX sjálfsölunum.
Skeljungur hf.