Morgunblaðið - 06.07.1995, Blaðsíða 11
MORGUNBLAÐIÐ
FIMMTUDAGUR 6. JÚLÍ 1995 11
FRÉTTIR
l,l%kaup-
máttar-
aukning
Skuldir á mann úr 114 þúsund
kr. í 792 þús. á 25 árum
SKULDIR ríkissjóðs verða sam-
kvæmt áætlun um 213,3 milljarðar
króna í lok ársins. Skuldir ríkisins
eru nú um 792 þúsund krónur, en
voru um 114 þúsund krónur árið
1970 á verðlagi ársins í ár. Þetta
kemur meðal annars fram í talna-
dæmum frá Sambandi ungra sjálf-
stæðismanna, sem segir skuldir
ríkis og sveitarfélaga hækka um
400 krónur á sekúndu.
Sé skuldum sveitarfélaganna
bætt við skuldir ríkissjóðs eru
skuldir opinberra aðila samtals um
240 milljarðar króna. Hver Islend-
ingur skuldar um 917 þúsund
krónur af þeirri upphæð og hver
fjögurra manna fjölskylda
3.688.000 krónur.
SUS segir afborganir af lánum
ríkissjóðs 12,5 milljarða króna á
ári, eða sem svari 74% af öllum
útgjöldum ríkisins til menntamála.
Vaxtagreiðslurnar á þessu ári séu
12 milljarðar, eða 80% af öllum
tekjuskatti einstaklinga.
Ríkisútgjöld úr 36
milljörðum í 119,5
Ungir sjálfstæðismenn benda á
að ríkisútgjöld, á verðlagi ársins
í ár, hafi vaxið úr 36 milljörðum
árið 1970 í 119,5 milljarða miðað
við Ijárlög ársins 1995. Hæst hafí
þau farið í 126 milljarða árið 1991.
Séu útgjöldin skoðuð sem hlutfall
af vergri landsframleiðslu hafi þau
verið 21% árið 1970, en séu nú
26,5% af landsframleiðslunni mið-
að við fjárlög ársins.
Jafnframt bendir SUS á að
ríkisstarfsmenn hafi árið 1970
verið 10.127, eða 12,4% af heildar-
vinnuafli. Nú séu þeir 24.689, sem
samsvari 19,4% af vinnuaflinu.
SUS segir að verði haldið áfram
á þessari braut, muni halli ríkis-
sjóðs tvöfaldast, skuldirnar aukast
um þriðjung og vaxtagreiðslurnar
verða 18 milljarðar króna árið
1999.
„Skuldasöfnun í dag er skattur
á morgun og ungt sjálfstæðisfólk
vill ítreka fyrri kröfu sína að
framkvæmdir verði kynslóða-
reikningar, eins og gert hefur
verið í mörgum nágrannalöndum
okkar,“ segir í fréttatilkynningu
frá SUS. „Þannig verður ljóst hve
mikil skattbyrði er lögð á framtíð-
arkynslóðir með umframeyðslu í
dag. Ungt sjálfstæðisfólk vill
einnig hvetja ríkisstjórnina til að
ganga hratt og ákveðið fram í
sparnaði og ná þannig jöfnuði í
ríkisfjármálunurn. Einungis þann-
ig verður skuldasöfnunin stöðv-
uð.“
KAUPMÁTTUR greidds tímakaups
landverkafólks innan ASÍ jókst um
1,1% frá 1. ársfjórðungi 1994 til
sama tíma 1995, samkvæmt út-
reikningum kjararannsóknarnefnd-
ar.
Greitt tímakaup hækkaði um
2,6% á sama tíma en vísitala neyslu-
verðs hækkaði jafnframt um 1,5%.
Greitt tímakkaup í. dagvinnu
hækkaði á tímabilinu hjá öllum
starfsstéttum nema afgreiðslufólki,
þar sem það lækkaði lítillega en
útreikningur á tímakaupi þess hluta
úrtaksins sem niðurstöðurnar
byggja á sem kannaður var bæði
árin sýndi hækkun hjá þeim hópi
og því þykir niðurstaðan um lækkun
benda til að hana megi rekja til
samsetningar úrtaksins.
Mest hækkaði greitt tímakaup
hjá skrifstofufólki, um 5,6% hjá
körlum og 3,8% hjá konum.
Vinnutími lengist
í niðurstöðum kjararannsóknar-
nefndar kemur einnig fram að með-
alvinnutími fólks í fullu starfi hafi
lengst um 0,6 stundir frá 1. árs-
fjórðungi 1994 og mælist hann nú
46,7 stundir. Vinnuvikan lengdist
um 1,4 stundir hjá iðnaðarmönnum
en hjá öðrum hópum um 0,2-0,6
stundir.
Mánaðarlaun ASÍ-landverka-
fólks hækkuðu um 4,4% að meðal-
tali og þýðir það kaupmáttaraukn-
ingu um 2,9% að teknu tilliti til
1,5% hækkunar neysluvísitölu.
Mest hækkuðu mánaðarlaun iðn-
aðarmanna eða um 5,8% og á lengri
vinnuvika þar stóran þátt.
Osvör tekur við
eignum Þuríðar
Bolungarvík. Morgunblaðið
ÚTGERÐARFÉLAGIÐ Ósvör hf.
í Bolungarvík tók á laugardag við
fasteignum, tækjum og starfsfólki
fiskvinnslufyrirtækisins Þuríðar
hf., sem starfrækt hefur verið frá
því stuttu eftir gjaldþrot Einars
Guðfinnssonar hf., árið 1993.
Að sögn Sigurðar Hafberg,
framkvæmdastjóra Þuríðar hf., er
fyrirtækið hætt allri fiskvinnslu-
starfsemi í bili og eru engin frek-
ari áform uppi um framtíðarrekst-
ur þess. Unnið verður að því á
næstu dögum og vikum að selja
það hráefni sem fyrirtækið á, og
í framhaldi af því verður gert upp
við lánardrottna fyrirtækisins.
„Það verður gert upp við lána-
drottna fyrirtækisins í fyllingu
tímans. Við eigum okkar eignir í
birgðum og skuldirnar eru ekki
hærri en eignirnar. Við erum að
taka saman stöðuna,“ sagði Sig-
urður.
Veitt doktorsgráða
í hjúkrunarfræði
GUÐRÚNU Mar-
teinsdóttur dósent í
hjúkrunarfræði, sem
lést í nóvember 1994,
var veitt doktors-
gráða frá University
of Rhode Island í
Bandaríkjunum 22.
maí sl.
Doktorsritgerð
Guðrúnar fjallar um
gildi sjálfsákvörðunar
í heilsueflingu. Guð-
rún þróaði og lagði
fram mælitæki til að
varpa nýju ljósi á hvað
hvetur fólk til heilbrigðra lifnað-
arhátta, einkum til reglubundinn-
ar líkamsþjálfunar.
Laugardaginn 24. júní sl. var
haldin athöfn á vegum náms-
brautar í hjúkrunarfræði þar sem
Dr. Janet Hirsch frá University
of Rhode Island afhenti fjölskyldu
Guðrúnar prófskír-
teini hennar.
Guðrún lauk stúd-
entsprófi frá Mennta-
skólanum á Akureyri
árið 1972. Hún lauk
BS prófi í hjúkrun-
arfræði frá Háskóla
íslands árið 1977 og
MS prófi í heilsu-
gæslu frá Boston
University í Banda-
ríkjunum árið 1980.
Með fræðistörfum
sínum vann Guðrún
mikilsvert brautryðj-
endastarf á sviði heilsugæSlu.
Foreldrar Guðrúnar eru Mar-
teinn Friðriksson og Ragnheiður
Bjartman. Eftirlifandi eiginmaður
hennar er Haraldur Þór Skarp-
héðinsson skrúðgarðyrkjumeist-
ari og áttu þau fimm börn.
* *
* Amerísk húsgögn
Hjá okkur sérðu einungis amerísk húsgögn í hæsta klassa frá
hinum heimsþekkta framleiðenda Broyhill Fumiture sem er með
Broyhill verslanir um allan heim.
Sófasett - stakir sófar - hægindastólar - sófaborð
hliðarborð - smáborð - borðstofuhúsgögn - svefnsófar ofl.ofl.
3ja sæta sófi teg. 3983-18 kr. 89.260,- 2ja sæta sófi kr. 83.460,-
Staðgreiðsluafsláttur eða góð greiðslukjör til margra mánaða.
Wing fiægindastóll
frá kr. 38.250,-
Margir áklæðalitir
Oak Hill sófaborð
Húsgagnahöllinni
S: 587 1199 - Bfldshöfði 20-112 Reykjavík