Morgunblaðið - 23.07.1995, Blaðsíða 2
2 SUNNUDAGUR 23. JÚLÍ 1995
MORGUNBLAÐIÐ
FRETTIR
Fernt
meiddist
í veltu
FERNT var flutt á sjúkrahúsið á
Selfossi eftir bílveltu á Grafnings-
vegi upp úr miðnætti aðfaranótt
laugardags.
Bílnum var ekið um Grafnings-
veg rétt norðan Biskupstungna-
brautar þegar hann valt. Allir sem
í bílnum voru þurftu aðhlynningar
við, en meiðsli þeirra voru ekki tal-
in hættuleg, að sögn lögreglu.
Ökumaðurinn er grunaður um
ölvun.
38 ungling-
ar teknir í
miðbænum
LÖGREGLA hafði afskipti af 38
unglingum undir sextán ára aldri í
miðborg Reykjavíkur aðfaranótt
laugardags.
Unglingamir voru færðir í at-
hvarf sem lögreglan rekur í sam-
ráði við Reykjavíkurborg og látnir
bíða þar eftir að foreldrar þeirra
kæmu og sæktu þá.
Jafnframt var miklu af áfengi
sem var í fórum unglinganna hellt
niður.
„Við munum halda þessum að-
gerðum áfram,“ sagði Guðmundur
Einarsson, aðalvarðstjóri í samtali
við Morgunblaðið í gærmorgun.
Maður féll
í höfnina
MAÐUR féll í höfnina í Reykjavík
um miðnætti á/föstudag. Lögregla
og slökkvilið var kallað á staðinn
til að aðstoða við að ná manninum
upp. Einnig var kallað á sjúkrabíl
og lækni.
Lögreglan náði manninum um
borð í gúmbjörgunarbát og varð
honum ekki meint af volkinu.
Hann veitti hins vegar björgunar-
mönnum mótspyrnu og var hand-
jámaður um borð í gúmbátnum á
leið til lands. Maðurinn var síðan
færður í fangageymslur lögregl-
unnar.
Eldur á
Stokkseyri
MANNLAUST hús á Stokkseyri
skemmdist mikið í eldi í gærmorg-
un. Grunur leikur á að kveikt hafí
verið í húsinu.
Húsið, sem kallast Bjámarborg
og stendur við Strandgötu 1, hefur
staðið autt og rafmagnsláúst tals-
vert lengi að sögn lögreglu og var
fátt fémætt innanstokks.
Eldur kom upp laust fyrir klukk-
an níu og gekk slökkvistarf greið-
lega fyrir sig. Efri hæð hússins, sem
er járnklætt timburhús, er talin
ónýt og húsið allt mikið skemmt.
Nýja Borgarfjarðarbrautin
Fólkið á Stóra-Kroppi
segist fara úr landi
INGIBJÓRG Pálmadóttir, heilbrigð-
isráðherra og þingmaður Vestur-
lands, segir að sú veglína Borgar-
fjarðarbrautarinnar, milli Varma-
lækjar og Kleppjámsreykja, sem
kölluð hefur verið neðri leið sé langt-
um ódýrasti kosturinn sem völ sé á
og að þau rök séu þung á metunum.
Áætlaður heildarkostnaður við
neðri leiðina er um 190 milljónir
króna. Sú leið sem nefnd hefur ver-
ið efri leið 2b og er á svipuðum stað
og Borgarfjarðarbrautin er nú mun
hins vegar kosta um 252 milljónir
króna samkvæmt áætlun Vegagerð-
arinnar. Munurinn felst fyrst og
fremst í hve dýrt er að byggja brú
yfír Steðjagljúfur en það yrði brúað
ef leið 2b yrði valin.
Mikilvægt að ná sáttum
Ingibjörg segir að það sé mjög
mikilvægt að ná sáttum í héraðinu
en jafnframt verði að leita hagkvæm-
ustu leiðanna, íjárhagslega og veg-
tæknilega, sem og að taka mannlega
þáttinn inn í. „Ég tel að menn hafí
verið að vinna að því að fínna lausn
á þessum vanda. Menn hafa verið
að skoða ýmsar millileiðir," segir
Ingibjörg og minnir á að það sé ekki
búið að afgreiða málið. Frestur til
að kæra úrskurð Skipulags ríkisins
rennur út þann 24. ágúst.
Jón Kjartansson og Regula Brem,
sem síðustu ár hafa byggt upp bú-
skap á Stóra- Kroppi, hafa ákveðið
að beijast til þrautar gegn áformum
um að færa Borgarfjarðarbraut svo
að hún skeri tún og beitiland frá
húsum þeirra. í samtali við Morgun-
blaðið segir Jón, að málinu verði
áfrýjað til umhverfisráðherra. Falli
úrskurður í móti fólkinu á Stóra-
Kroppi segir Jón, að þau muni hverfa
af Iandi brott. „Skilaboðin eru þau
að einstaklingurinn skipti ekki lengur
máli. Við munum bara þakka fyrir
okkur og flytja til útlanda," segir Jón.
Sturla Böðvarsson, þingmaður
Vesturlands, telur að það séu heima-
menn, sveitarstjómir og viðkomandi
skipulagsnefndir, sem eigi að segja
mest um hvar vegir séu lagðir og
að óeðlilegt sé að Vegagerðin og
Skipulag ríkisins þröngvi veglínum
upp á heimamenn.
Skilur óánægju bændanna
Steingrímur Hermannsson, seðla-
bankastjóri, og Pálína Hermanns-
dóttir, systir hans, eru eigendur jarð-
arinnar Kletts í nágrenni Stóra-
Kropps. Klettur er norðan Reykja-
dalsár en nýja veglína Borgarfjarð-
arbrautarinnar er sunnan árinnar og
fer ekki um jörð Kletts.
Steingrímur segir að þau systkinin
láti þetta mál afskiptalaust en að
hann skilji vel óánægju bænda á
Stóra-Kroppi og í Ásgarði enda seg-
ist hann ekki myndu vilja að vegurinn
færi yfír Klettsland. „Þessi nýja leið
færir veginn aðeins nær Kletti og
það er e.t.v. kostur auk þess sem þar
er tvímælalaust betra vegstæði."
Steingrímur stundar skógrækt í
landi sínu en þau systkinin leigja jörð-
ina út.
■ Úr verðbréfum í fjósið/10
Morgunblaðið/Skapti Hallgrímsson
Kumpánlegur krummi
ÓVENJU kumpánlegur hrafn
var á ferð á Lyngdalsheiðinni á
fimmtudaginn. Blaðamaður ók
fram á krumma þar sem erlendir
ferðamenn voru að gefa honum
að éta, og var ekki annað að sjá
en báðir hefðu gaman af, gest-
gjafar og sá er gestrisni þeirra
naut, en er þeir héldu á brott
sneri fuglinn sér að næsta bíl.
Vappaði fyrst í kringum bílinn,
athugaði skóbúnað viðstaddra
með tilþrifum en stökk síðan upp
á vélarhlífina, greinilega tilbúinn
að taka við meiru. Mæðgumar
Margrét Tómasdóttir og Þórdís
Ylfa Þórsdóttir, sem er eins og
hálfs árs, buðu honum upp á
brauð sem hrafninn þáði með
þökkum og lét reyndar vel í sér
heyra ef of langt léið á milli þess
að honum væri r^ttur biti. Var
reyndar svo hávær að sumum
nærstöddum þótti alveg nóg um.
Það tók hrafninn smástund að
sætta sig við það er brauðið
þraut, en þegar honum skildist
að ekki yrði boðið upp á meira
hóf hann sig til flugs og hvarf
út á heiðina.
Hraðakstur
á Selfossi
ÖKUMAÐUR bifhjóls var
sviptur ökuréttindum til
bráðabirgða eftir að hafa ver-
ið staðinn að því að aka á
127 km hraða innanbæjar á
Selfossi á föstudagskvöld.
Lögreglan á Selfossi hefur
unnið ötullega við hraðamæl-
ingar undanfarið og á
fimmtudag og föstudag voru
17 manns kærðir fyrir hrað-
akstur í umdæmi hennar.
Æfingum varnarliðsins hér á landi lauk í gær, degi fyrr en áætlað var
VARNARLIÐSÆFINGUM lauk
hér á landi í gær, en þær stóðu yfír
í viku. „Upphaflega var gert ráð
fyrir að æfíngunum lyki á sunnu-
dag, en vegna þess hve gengið hef-
ur vel lauk þeim degi fyrr en áætl-
að var,“ segir Amór Siguijónsson,
sendiráðunautur, sem séð hefur um
samræmingu æfínganna fyrir hönd
Varnarmálaskrifstofunnar. Tvö ís-
lensk 'v liðsforingjaefni, Eggert
Magnússon úr norska hernum og
•Garðar Forberg úr þýska hernum,
tóku þátt í æfingunum.
Vamarmálaskrifstofan hafði
Tvö íslensk for-
ingjaefni tóku þátt
yfirumsjón með æfingunum fyrir
hönd íslenskra stjórnvalda. Auk
hennar sá Flugmálastjóm um fram-
kvæmd lágflugsæfinga, Almanna-
varnir voru í viðbragðsstöðu ef til
slysa kæmi og Landhelgisgæslan
aðstoðaði við flutninga á fulltrúum
bandaríska sjóhersins við vett-
vangskönnun á aðsiglingu að
nokkrum höfnum umhverfis landið.
Þá voru nokkrir fulltrúar slökkvi-
liðsins á Keflavíkurflugvelli og vík-
ingasveit lögreglunnar í Reykjavík
sambandsaðilar milli þátttakenda í
æfingunni og Varnarmálaskrifstof-
unnar.
Áætlað var að önnur risaþyrlan
sem bilaði í Skaftafelli ætti að kom-
ast í gagnið í gær og halda áfram
við þau verkefni sem ólokið er, þ.e.
malarflutninga í Skaftafelli, fram á
miðvikudag.
Að sögn Arnórs er gert ráð fyrir
að gerð verði vettvangskönnun á
Akureyri og Egilsstöðum í byijun
vikunnar af sex til átta aðilum úr
bandaríska varaliðinu. Áætlað er að
brottflutningi alls varaliðsins, sem
tók þátt í æfingunum, ljúki 27. júlí.
Úr verðbréf unum í
fjósið
►Nýir ábúendur á Stóra-Kroppi í
Borgarfirði hafa lagt mikið í upp-
byggingu jarðarinnar og ætla að
beijast til þrautar gegn áformum
Vegagerðarinnar um að leggja veg
yfir land þeirra./lO
Yfirstjórn Barings
kennt um hrunið
►Stjórnendur Barings og eftirlits-
maður hjá Englandsbanka áttu
mesta sök á því að viðskipti Nicks
Leesons voru ekki stöðvuð áður
en bankinn hrundi. /12
Námsmenn í nýsköpun
►Um þessar mundir vinna 160
námsmenn að 149 rannsóknar-
verkefnum á vegum Nýsköpunar-
sjóðs námsmanna. /16
í gömlu húsi á nýrri öld
►í Viðskiptum og atvinnulífí á
sunnudegi er rætt við Áslaugu
Jóhönnu Jensdóttur forstöðukonu
á Gistiheimili Áslaugar á
ísafirði/18
Yeiðihjólin farin að
snúast
►Nú eru veiðihjólin farin að snú-
ast. Það er árvisst og um líkt leyti
færast margir íslendingar allir í
aukana og nærast og þrífast á
veiðiskap og veiðisögum./40
B
► 1-24
Andblær framandi álfu
► Suðaustur-Asíubúar verða æ
meira áberandi á Islandi og spáð
er að þeir verði fjölmennasti út-
lendingahópurinn. Hvað eru þeir
margir núna, hvað eru þeir að
gera og hvemig líður þeim? /1
Þar sem himinn og haf
mætast
►Það er fátt skilið eftir fyrir
ímyndunaraflið þegar stigið er á
skipsfjöl á skipinu Imagination. í
rauninni er það fljótandi lúxushót-
el, með öllu sem því tilheyrir. /4
Berlín 1995
►Berlín er borgin, sem fæstum
datt í hug að yrði nokkum tímann
höfuðborg Þýskalands og er að
auki reist á sandi./lO
Bragðmikið eyrna-
konfekt
►Á 25 ára afmæli Hróarskelduhá-
tíðarinnar var mikið um dýrðir.
Þar tróðu upp margar vinsælustu
hljómsveitir heims./12
c
BILAR
► 1-4
Hestakerrur og vél-
sleðavagnar
►Reglum um skráningu eftir-
vagna verður framfylgt á næst-
unni./l
Hummer
►Farið í torfærar á þessum sér-
stæða og sterka jeppa./2 FASTIR ÞÆTTIR
Fréttir 1/2/4/6/bak Velvakandi 32
Leiðari 22 Fólk í fréttum 34
Helgispjall 22 Bíó/dans 36
Reykjavíkurbréf 22 íþróttir 40
Minningar 24 Útvarp/sjónvarp 41
Myndasögur 30 Dagbók/veður 43
Brids 30 Mannllfsstr. 6b
Stjörnuspá 30 Kvikmyndir 8b
Skák 30 Dægurtónlist 9b
Bréf til blaðsins 30
INNLENDAR PRÉTTIR:
2—4—8—BAK
ERLENDAR FRÉTTIR:
1-4-6