Morgunblaðið - 25.07.1995, Blaðsíða 13
MORGUNBLAÐIÐ
LAIMDIÐ
ÞRIÐJUDAGUR 25. JÚLÍ 1995 13
50 ára afmæli Raufarhafnarhrepps
Forsetinn kom
með sólina
Raufarhöfn - Það ríkti mikil
stemmning á Raufarhöfn um
helgina þegar Raufarhafnarbú-
ar fögnuðu 50 ára afmæli sveit-
arfélagsins. Hálf öld er liðin frá
því Raufarhafnarhreppur var
stofnaður út úr sveitarfélagi
sem þá hét Presthólahreppur.
Margir mætir gestir heiðruðu
bæjarbúa með nærveru sinni og
komu m.a. 120 Hólmvíkingar i
tilefni afipælisins en Hólmavík
er vinabær Raufarhafnar.
Mörgum Raufarhafnarbúan-
um leist ekki á blikuna dagana
fyrir hátíðahelgina því veður
var ekki í sumarham. Fjöll grán-
uðu og í veðurfregnum heyrðist
að hætt hafi verið að moka
Hellisheiði eystri sökum skaf-
rennings. Áhyggjur þessar
reyndust óþarfar því þrátt fyrir
talsverðan vind fyrri hluta laug-
ardags lægði fljótlega. Svo virt-
ist sem forseti Islands, frú Vig-
dís Finnbogadóttir, hafi komið
með sólina með sér skömmu
fyrir hádegi. Eftir það var
rjómablíða alla helgina og var
mál manna að hreppurinn hefði
ekki getað fengið betri afmæl-
isgjöf frá almættinu.
Myndlist og matur
Hátíðin hófst með því að 120
Hólmvíkingar marseruðu inn í
bæinn að félagsheimilinu Hnit-
björgum. Þar tóku bæjarbúar á
móti þeim með kórsöng og voru
afmælisbarninu færðar góðar
gjafir. Síðar var opnuð mynd-
listarsýning í anddyri íþrótta-
hússins þar sem Raufarhafn-
arbúar og aðkomnir listamenn
sýndu list sína. Síðar um kvöld-
ið opnaði Freyja Önundardóttir
myndlistarsýningu í Byrginu.
Þegar hungrið tók að sverfa að
var Hólmvíkingum boðið til
grillveislu við grunnskólann og
síðar um kvöldið var efnt til
skemmtunar við höfnina. Þar
vörpuðu kirkjukórskonur af sér
kuflinum og íklæddust búningi
síldarstúlkna við harmoníku- og
gítarleik.
Á laugardeginum bauð átt-
Harmoníkuleikur og önnur
tónlistaratriði skipuðu veg-
legan sess á afmælishátið
Raufarhafnarbúa.
hagafélag Raufarhafnar upp á
lummur og kaffi og síðar tóku
bæjarbúar fagnandi á móti for-
seta sínum. Sveitarstjórnin
efndi til hádegisverðar fyrir
forseta, þingmenn kjördæmis-
ins, sveitastjórn Hólmavíkur og
fleiri gesti og af því tilefni af-
henti þingmaður kjördæmisins,
Halldór Blöndal samgönguráð-
herra, Raufarhafnarhreppi
málverk eftir Svein Þórarinsson
af Þingvöllum.
Skömmu eftir hádegi hófst
skemmtidagskrá í gini hvalsins,
skemmtipalli í hvalslíki, sem var
smíðaður af tilefninu. Steig þar
fyrstur á stokk Raufarhafn-
arbúinn Jónas Friðrik og flutti
hátíðardrápu. Því næst setti
samkomuna sveitarstjóri Rauf-
arhafnar, Gunnlaugur Júlíus-
Morgunblaðið/Helgi Ólafsson
SKEMMTIATRIÐI fóru fram í gini hvalsins, skemmtipalli sem
smíðaður var í tilefni afmælisins.
FORSETI íslands, frú Vigdís Finnbogadóttir, kom með góð
veðrið snemma laugardags.
KONURNAR í kirkjukórnum brugðu sér í gervi
síldarstúlkna og tóku lagið
son, og fluttu ávörp forseti ís-
lands og fleiri mætir samkomu-
gestir. I kjölfarið fylgdi
skemmtidagskrá sem öll var
unnin af Raufarhafnarbúum og
Hólinvíkingum og kom þar
söngur, leiklist og dans mikið
við sögu og skemmtu allir sér
hið besta. Aftur tók hungur að
sverfa að og efndu þá Fiskiðja
Raufarhafnar og Utgerðafélag-
ið Jökull hf. til sjávarréttaveislu
á heimsmælikvarða fyrir alla
nærstadda undir stjórn lista-
kokka.
— og svo var stiginn dans
Eflaust hefur hápunktur há-
tiðahaldanna fyrir marga veí ið
himnahátíð með tilheyrandi
flugeldasýningu að miðnætti og
að henni lokinni var dansað
fram undir morgun undir skag-
firskri sveiflu Geirmundar.
Laganna verðir gerðu undan-
tekningu á að fylgja eftir lög-
boðnum lokunartímum dans-
staða, svona í tilefni dagsins.
Fór enda allt hið besta fram
eins og í öllum góðum afmælis-
boðum. 50 ára fermingarbörn
afhentu kirkjunni góðar gjafir
að morgni sunnudags og á sama
tíma var farið í gönguferð um
bæinn með leiðsögumanni. Hætt
er við að einhveijir hafi verið
vansvefta eftir dansleik nætur-
innar en létu það þó ekki á sig
fá, enda nægur tími til svefns
síðar.
Eftirminnileg helgi
Við tók svo skemmtidagskrá
í gini hvalsins þar sem leiklist
og sönjpur voru í öndvegi sem
áður. I íþróttavellinum tókust á
íþróttagarpar Hólmavíkur og
Raufarhafnar, götuleikhús
skemmti gestum og gangandi
og útimarkaðir settu svip sinn
á hátíðahöldin. Einnig var boðið
upp á vandaða tónlistardagskrá
í Hnitbjörgum. Lokasamkoma
hátiðarinnar hófst kl. 22. að
kveldi sunnudags og var þá lítil-
lega farið að draga af mönnum.
Almenn ánægja er ríkjandi
með framvindu hátíðarinnar og
óhætt er að segja að veðurguðir
og aðrar góðar vættir hafa lagst
á eitt að gera helgina eftir-
minnilega fyrir Raufarhafn-
arbúa.
Risaþyrla Bandaríkjahers flytur
jámbita og sement í Loðmundarfjörð
Seyðisfirði - Margt manna
dreif sig niður að feiju-
bryggju á Seyðisfirði þegar
risaþyrla Bandaríkjahers
hafði þar viðkomu á sunnu-
daginn var.
Seyðfirðingar höfðu af því
mikla skemmtun að sjá þetta
farartæki og fóru sumir jafn-
vel um borð í ferlíkið til að
sjá enn betur.
Göngubrú yfir Fjarðará
Þyrlan kom til þess að flylja
járnbita og sement til Loð-
mundarfjarðar þar sem til
stendur að byggja göngubrú
yfir Fjarðarána. Þungafiutn-
ingar til Loðmundarfjarðar
eru annars erfitt verk þar sem
ekki er hægt að komast þar
að bryggju á stórum bátum
o g vegurinn erfiður yfirferð-
ar og leiðin löng. Bitarnir sem
farið var með neðan í þyrl-
unni eru um þijú tonn að
þyngt og því göldrum likast
að fá þá flutta með svo þægi-
Iegu móti sem raun bar vitni.
Flestir bæir í Loðmundar-
firði eru nú komnir í eyði. Þó
eru tveir bæir sem einhveijar
Morgunblaðið/Pétur Kristjánsson.
ÞYRLA Bandríkjahers á Seyðisfirði.
nytjar eru af á sumrin. Á
bænum Stakkahlíð er rekin
bændagisting og tjaldstæði
fyrir ferðalanga sem flestir
koma ríðandi, gangandi eða
með bátum.
Á Sævarenda er töluvert
æðarvarp og nytjar af því.
ANTIK
Nýju vörurnar komnar
(tveir gámar).
Troðfull verslun af glæsilegum hús-
gögnum, handgerðum teppum og
„ listmunum.
Opið virka daga kl. 12 til 18.
Ath! Næsta antik- og teppauppboð verður haldið í
ágústmánuði.
V
Qr
'rj
%
BORG
antik
FAXAFENI 5,
SÍMI 581 4400.
<4