Morgunblaðið - 25.07.1995, Blaðsíða 20
20 ÞRIÐJUDAGUR 25. JÚLÍ 1995
ERLEIMT
MORGUNBLAÐIÐ
Verður Smith
dæmd til dauða?
Fundin sek um að
myrða syni sína
Union. Reuter.
BANDARÍSKUR kviðdómur, sem
dæmdi Susan Smith seka um morð
á tveimur barnungum sonum sínum
á laugardag, hlýddi í gær á frekari
vitnisburð áður en hann tekur
ákvörðun um hvort dæma eigi hana
til dauða eða í lífstíðarfangelsi.
Smith var fundin sek um að hafa
bundið syni sína niður í aftursæti
bifreiðar og ýtt henni út í stöðuvatn
þar sem drengimir drukknuðu. í
níu daga hélt Smith því fram að
blökkumaður hefði rænt bílnum
með börnunum í en játaði síðar á
sig sökina. Vakti mál þetta geysi-
lega reiði, ekki síst í heimabæ
Smith, Union í Suður-Karólínu.
Skalf og þurfti stuðning
Níu karlar og þrjár konur eru í
kviðdóminum sem taka mun
ákvörðun um refsingu Smith, sem
er 23 ára gömul. Það tók kviðdóm-
inn tvo og hálfan tíma að komast
að niðurstöðu á laugardag en hún
var fundin sek um morð að yfir-
lögðu ráði. Er dómurinn var lesinn
upp yfir Smith byijaði hún að
skjálfa ákaflega og þurfti á stuðn-
ingi að halda.
Hrollvekjandi lýsingar
í gær hófust vitnaleiðslur að
nýju áður en refsing verður ákveð-
in. Búist var við að saksóknari
myndi leggja fram hrollvekjandi
lýsingar á málsatvikum til að fá
kviðdómendur til að dæma Smith
Keuter
Susan Smith kemur til dóms-
hússins I gær þar sem vitna-
leiðslur hófust. Kviðdómur
mun taka ákvörðun um refs-
ingu yfir Smith byggða á því
sem þar kemur fram.
til dauða, m.a. áður óbirtar myndir
af líkum drengjanna, en að veijend-
ur myndu leggja áherslu á þung-
lyndi Smith og áföll sem hún hefði
orðið fyrir.
Verði Smith dæmd í lífstíðar-
fangelsi verður í fyrsta lagi hægt
að náða hana árið 2024. Verði hún
hins vegar dæmd til að láta lífið í
rafmagnsstól verður hún fyrsta
konan sem verður líflátin í Suður-
Karólínu og sú fimmta sem dæmd
er til dauða í ríkinu, en dauðarefs-
ing var innleidd þar árið 1976.
Friðarviðræðum frestað eftir sprengingu í Tel Aviv
ÍSRELSKIR lögreglumenn flytja á brott lík eins þeirra sex sem létust í sprengingunni í gær.
Þrjátíu og tveir slösuðust í árás Hamas í Ramat Gan, útborg Tel Aviv.
Sex deyja í sjálfs-
morðsárás Hamas
\
Siemens ívksuffiir
á útsöluverði!
• 1300W
• Stillanlegur sogkraitur
• Afar lipur, létt og hljóðlát
• Fylgihlutir í innbyggðu hólfi
• Margfóld sýklasía í útblæstri
• Sjálfinndregin snúra
oghleðsluskynjari
• Siemens framleiðsla
tryggir endingu og gæði
• Verð aðeins kr. 12.900,-
• Kraftmikil, 1200 W
• Lítil, létt og lipur
• Stór rykpoki og sýklasía
• Sjálfinndregin snúra
og hleðsluskynjari
• Verð aðeins kr. 9-900,-
Einsíakt tilboð sem aðeins gildir í sumar.
sifMf'
SQÍ&S!
(Jmboðsmenn okkar á landsbyggðinni eru:
Akranes: Rafþjónusta Sigurdórs • Borgarnes: Glitnir Borgarfjörður: Rafstofan Hvftárskála Hellissandur
Blómsturveilir • Grundarfjörður. Guðni Hallgrímsson • Stykkishólmur. Skipavik • Búðardalur Ásubúð • isafjörðun
Póllinn • Hvammstangi: Skjanni Sauðárkrókur Rafsjá Siglufjörður: Torgið • Akureyri: Ljósgjafinn Húsavík:
öryggi • Þórshöfn: Norðurraf Neskaupstaður Rafalda • Reyðarfjörður Rafvélaverkst. Árna E. Egilsstaðir
Sveinn Guðmundsson ■ Breiðdalsvík: Stefán N. Stefánsson Höfn I Hornafirðí: Kristall Vestmannaeyjar. Tréverk
Hvolsvöllur. Kaupfélag Rangæinga ■ Selfoss: Árvirkinn • Grindavík: Rafborg • Garður Raftækjav. Sig. Ingvarss.
Keflavik: Ljósboginn Hafnarfjörður: Rafbúð Skúla, Álfaskeiði
SMITH &
NORLAND
Nóatúni 4 • Sími 511 3000
Ramat Gan, Jerúsalem. Reuter.
SEX manns létust og 32 slösuðust
í sjálfsmorðsárás á strætisvagn í
Tel Aviv í gær. Sprengingin varð á
götu í Ramat Gan, útborg Tel Aviv,
og hafa talsmenn skæruliðahópsins
Hamas lýst ábyrgð á tilræðinu á
hendur sér. Liðsmaður hreyfingar-
innar lést sjálfur í sprengingunni.
Liðsmenn Hamas eru andvígir
friðarsamningum Araba og ísraela.
Yitzhak Rabin, forsætisráðherra
Israels sagði að friðarviðræðunum,
sem staðið hafa á hóteli við Dauða-
hafið, yrði frestað vegna atburð-
anna í Tel Aviv, en teknar upp að
nýju þegar búið yrði að jarða fólkið
sem lést í sprengingunni.
Arafat fordæmir Ilamas
Yasser Arafat, leiðtogi Frelsis-
samtaka Palestínu (PLO), for-
dæmdi aðgerð Hamas og sagði
hana hryðjuverk. Fatah, skæruliða-
hreyfing Arafats, sagði að tilræðis-
menn væru „svikarar" við málstað
Palestínumanna. Aðal samninga-
maður Palestínumanna sagði að
viðræðurnar yrðu teknar upp að
nýju eftir tvo daga, og þá hvorki í
ísrael ná á yfirráðasvæði Palestínu-
manna. „Friðarviðræðunum verður
að halda áfram á fjarlægum stað,
fjarri sálrænu álagi og öðrum hindr-
unum.“
ísraelar brugðust við atburðun-
um með því að banna hátt í tveim
milljónum Palestínumanna sem búa
á Gazasvæðinu og á Vesturbakkan-
um að fara til ísraels.
Þriðja sjálfsmorðsárásin
Strætisvagninn var á leið frá
útborginni Ramat Gan til Dizeng-
off, aðalgötu Tel Aviv, en þar fór-
ust 23 í október, þegar skæruliði
Hamas fórnaði sjálfum sér með því
að sprengja strætisvagn í loft upp.
Mörg hundruð ísraelar söfnuðust
saman þar sem sprengingin varð í
gær og lýstu reiði sinni með atburð-
inn, en þetta er þriðja sjálfsmorðs-
árás Hamas-liða á ísraela á níu
mánuðum.
Friðarviðræðurnar, sem nú
standa, eiga að leiða til stækkunar
sjálfstjórnarsvæðis Palestínumanna
á Vesturbakkanum. Til stóð að
skrifað yrði undir samninginn í
dag, en viðræðuaðilar hafa sagt að
þeir þurfi að minnsta kosti nokkra
daga í viðbót til þess að reka enda-
hnút á samningsgerðina.
Enn ósamið um
stöðu Tsjetsjníu
Grozní. Reuter.
SAMNINGAMENN Rússa og
Tsjetsjena settust að samninga-
borðinu í gær í von um að geta
gengið frá samkomulagi um fram-
tíðarstöðu uppreisnarhéraðsins
Tsjetsjníu, en þegar þeir stóðu upp
í gærkvöldi lá samkomulag enn
ekki fyrir.
Vjatsjeslav Míkhaílov, aðalsamn-
ingamaður Rússa, sagði fyrir fund-
inn, sem haldinn var í Grozní, höf-
uðborg Tsjetsjníu, að hann vonaði
að saméiginleg yfirlýsing yrði und-
irrituð undir kvöld. Samninga-
nefndirnar gáfu ekki út sameigin-
lega yfirlýsingu þegar viðræðum
var slitið, en þó kom fram að þeim
yrði haldið áfram í dag.
Um er að ræða uppkast, sem
myndi greiða fyrir allsheijarsam-
komulagi um pólitíska stöðu Tsjetsj-
níu. Arkadí Volskí, einn rússnesku
samningamannanna, sagði hins veg-
ar að gagnrýni Dzokhars Dúdajevs,
leiðtoga Tsjetsjena, á viðræðumar
hefði ekki bætt úr skák.
Þá hefði tillaga nefndar rússn-
eska þingsins um Tsjetsjníu um að
samþykkt yrði stjórnarskrárbreyt-
ing um að Tsjetsjníu yrði vikið úr
rússneska ríkjasambandinu valdið
aukinni spennu í viðræðunum.