Morgunblaðið - 14.10.1995, Page 24

24 LAUGARDAGUR 14. OKTÓBER 1995
MORGUNBLAÐIÐ
MORGyNBLAÐIÐ
LAUGARDAGUR 14. OKTÓBER 1995 25
+-

STOFNAÐ 1913
ÚTGEFANDI
FRAMKVÆMDASTJÓRI
RITSTJÓRAR
Árvakur hf., Reykjavík.
Hallgrímur B. Geirsson.
Matthías Johannessen,
Styrmir Gunnarsson.
STORHUGUR OG
SÓKNARFÆRI
SAMSTARFSSAMNINGUR íslenskra sjávarafurða hf. og
rússneska útgerðarfyrirtækisins UTRF á Kamtsjatka-
skaga um aðstoð ÍS við veiðar, vinnslu og sölu afurða úr
120.000 tonnum af fiski, er ánægjuleg staðfesting þess, að
íslensk sérþekking á sviði sjávarútvegs, fiskvinnslu og mark-
aðssetningar er auðlind sem er hvergi nærri fullnýtt.
Þessi samningur er skemmtilegur vitnisburður um ÍS og
starfsemi fyrirtækisins. Alþjóðlega ráðgjafarfyrirtækið
McKinsey lagði til við einkavæðingarnefndina í Moskvu, að
ÍS yrði fyrst boðið til samninga um að taka þetta stóra verk-
efni að sér fyrir UTRF vegna fenginnar reynslu af fyrirtæk-
inu og samstarfi þess við hið rússneska útgerðarfyrirtæki.
Samningur sem þessi felur í sér stórfellda möguleika fyr-
ir íslendinga á fjölmörgum sviðum, eins og Benedikt Sveins-
son, framkvæmdastjóri ÍS, lýsti í samtali við Morgunblaðið
í gær. Miklir vaxtarmöguleikar geta verið í því fólgnir fyrir
ÍS að komast inn á markaði í Austur-Asíu. Markaðurinn í
Kína er auðvitað risavaxinn og það mun ekki hafa litla þýð-
ingu fyrir ÍS að verða gildandi í sölu alaskaufsa, sem er um
helmingur alls bolfisks í heiminum. Staða ÍS á hinum alþjóð-
lega fiskmarkaði styrkist vafalaust mikið við þennan samn-
ing, enda felur hann í sér verulega tekjuaukningu fyrir ÍS
og velta fyrirtækisins mun aukast um 30%.
Þótt ekki sé gert ráð fyrir því í upphafi, að rússneska
fyrirtækið kaupi héðan búnað til veiða og vinnslu, hlýtur
slíkt að koma til skoðunar, þegar ÍS hefur hafið starfsemi
sína þar austurfrá. Þannig geta jákvæð áhrif þessa stóra
samnings átt eftir að hafa margfeldisáhrif á íslenskt at-
vinnu- og viðskiptalíf.
Það er augljóslega mikið og krefjandi starf sem bíður
þeirra 30 starfsmanna sem ÍS hyggst senda austur til Kamt-
sjatka, til eftirlits og umsjónar um borð í skipum fyrirtækis-
ins og til starfa í landi. Það verða störf brautryðjenda í
mikilvægu landvinningastarfi, sem geta jafnvel skilað sér í
enn stærri samningi. Það er gleðilegur stórhugur sem felst
í því að undirbúa og nýta sóknarfærin með þeim hætti sem
ÍS hefur gert í þessu tilviki.
NÝRFORMAÐUR
ALÞÝÐUBANDALAGS
ÞEGAR Ólafur Ragnar Grímsson var fyrst kjörinn formað-
ur Alþýðubandalagsins þýddi kjör hans, að gamli valda-
hópurinn í Alþýðubandalaginu, sem átti rætur í forystu Sós-
íalistaflokksins og Kommúnistaflokks íslands, hafði misst
frumkvæðið og völdin í þessari stjórnmálahreyfingu ís-
lenzkra sósíalista.
Kjör Margrétar Frímannsdóttur nú er staðfesting á því,
að kosning Ólafs Ragnars var ekki tímabundin uppákoma
heldur er ljóst, að Alþýðubandalagið hefur skilið við fortíð
sína. Formennska Ólafs Ragnars hefur því leitt til þess, að
grundvallarbreyting hefur orðið á stöðu Alþýðubandalagsins
í íslenzkum stjórnmálum. Hefði Steingrímur J. Sigfússon
náð kjöri hefði það þýtt visst afturhvarf til fortíðar Alþýðu-
bandalagsins.
Formannskosningin í Alþýðubandalaginu hefur ekki ein-
kennzt af miklum málefnalegum átökum á milli frambjóðend-
anna tveggja. Hins vegar vekur hún athýgli vegna þess, að
aldrei áður hafa svo margir flokksmenn tekið þátt í að kjósa
formann í íslenzkum stjórnmálaflokki. Þá er Margrét Frí-
mannsdóttir fyrsta konan, sem kjörin er formaður eins hinna
fjögurra hefðbundnu stjórnmálaflokka. Þjóðvaki var myndað-
ur í kringum Jóhönnu Sigurðardóttur, svo að formennska
hennar þar varð til með nokkuð öðrum hætti.
Búast má við, að kjör Margrétar Frímannsdóttur verði til
að ýta undir sameiningarviðleitni á vinstri vængnum. Hún
er líklegri til þess en mótframbjóðandi hennar að leiða Al-
þýðubandalagið til nánara samstarfs við aðra vinstri flokka.
Ef marka má setningarræðu Ólafs Ragnars Grímssonar á
landsfundinum í fyrradag getur hinn nýkjörni formaður Al-
þýðubandalagsins vænzt öflugs stuðnings frá forvera sínum
í þeirri viðleitni. En það á eftir að koma í ljós hver afstaða
landsfundarins verður til þeirra mála. Umræður á fundinum
í gær benda til þess, að skoðanir séu þar mjög skiptar um
þetta efni.
í forystugrein Morgunblaðsins í gær var spurt hvort Al-
þýðubandalagið ætti sér einhvern tilgang í íslenzkri pólitík
eftir að sérstaða þess í nokkrum meginmálum heyrir sög-
unni til. Með því að kjósa Margréti Frímannsdóttur formann
flokksins hefur meirihluti félagsmanna í Alþýðubandalaginu
svarað þeirri spurningu að nokkru leyti. Þeir hafa með þess-
ari kosningu gefið til kynna, að þeir vilji aukið samstarf en
ekki gamla sérstöðu.
Spenna á landsfundi AlþýðubandalagS er beðíð var eftír Úrslitum formannskjörs Norræni alþjóðamenntaskólinn á Fjölum í Noregi tekinn til starfa
Rúm 100 atkvæði skildu
Margréti og Steingrím að
AÐEINS 109 atkvæði
skildu frambjóðendurna í
formannskjöri Alþýðu-
bandalagsins er talið var
upp úr kjörkössunum í gær. Mar-
grét Frímannsdóttir hlaut 1.483
atkvæði (53,5%), en Steingrímur
J. Sigfússon 1.274 (46,5%). Báðir
frambjóðendurnir lýstu því yfir eft-
ir að úrslitin lágu fyrir, að í raun
hefði eriginn tapað í kjörinu og að
sigurvegarinn væri Alþýðubanda-
lagið.
Mikil spenna ríkti í Súlnasal
Hótels Sögu og í hliðarsölunum er
klukkan nálgaðist sjö í gærkvöldi,
en þá hafði verið gert ráð fyrir að
úrslitin í formannskjörinu yrðu
kynnt. Margir hörðustu stuðnings-
menn hvors frambjóðandans um sig
voru nánast stjarfir af spenningi
og virtust lítið taka eftir því, sem
gerðist í kringum þá. Einhver hélt
því fram að umræðurnar um daginn
hefðu farið fyrir ofan garð og neð-
an vegna eftirvæntingarinnar.
Talningin gekk hins vegar hægar
en gert hafði verið ráð fyrir og
gripu landsfundarfulltrúar á það
ráð-að syngja til að drepa tímann;
Hvað er svo glatt, Öxar við ána
og loks kvæðið um rauða fánann —
þegar þeir fáu, sem kunnu textann,
höfðu klykkt út með lokahending-
unum „Lifi kommúnisminn og hinn
rauði her,“ klappaði margur al-
þýðubandalagsmaðurinn í salnum.
2.770 kusu í
formannskjörinu
Það var svo ekki fyrr en klukkan
var tuttugu og fimm mínútur geng-
in í átta, að Elsa S. Þorkelsdóttir,
formaður kjörstjórnar, sté í ræðu-
stólinn og kunngjörði úrslitin. Þeg-
ar hún hafði lesið upp atkvæðatölu
Margrétar, ætlaði allt um koll að
keyra í Súlnasalnum er stuðnings-
menn hennar fögnuðu ákaft og stóð
klappið í dijúga mínútu.
Alls voru 3.586 manns á kjör-
skrá í formannskjörinu, en 2.770
greiddu atkvæði, eða 77%. Aðeins
þrettán atkvæði voru auð eða ógild.
Þegar Margrét Frímannsdóttir
Hart var deilt um sameiningu
vinstri manna á landsfundi Al-
þýðubandalagsins í gær, en að
tvísýnu formannskjöri loknu lögðu
flokksmenn áherzlu á samstöðu
*
innan flokksins. Olafur Þ. Steph-
ensen og Omar Friðriksson
fýlgdust með landsfundinum í gær.
Morgunblaðið/RAX
STEINGRÍMUR J. Sigfússon kyssir Sigfús son
sinn á kollinn er úrslitin eru tilkynnt.
flutti sigurræðu sína byijaði hún á
að lýsa því yfir að hún væri ákaf-
lega stolt af því að Alþýðubandalag-
ið hefði orðið fyrst hinna fjögurra
gömlu flokka að kjósa konu sem
formann. „Ég er ekki síður stolt af
þessu formannskjöri, og hvernig við
höfum staðið að málum undanfarn-
ar vikur,“ sagði Margrét. „Þessi
barátta hefur verið málefnaleg og
heiðarleg. Ég vil ekki sízt þakka
Steingrími J. Sigfússyni fyrir hans
þátt í því. Reyndar tel ég þetta
vera þannig að við séum bæði sigur-
vegarar í þessum kosningum, ásamt
Alþýðubandalaginu. Alþýðubanda-
lagið er hinn eiginlegi sigurvegari.“
Margrét sagði að flokkurinn hefði
„Það er kjaftæði þetta sameiningartal“
MIKIL umræða og deilur urðu um
framtíð vinstri hreyfingarinnar,
stöðu Alþýðubandalagsins og hugs-
anlegt samstarf félagshyggjuflokk-
anna á landsfundi Alþýðubanda-
lagsins í gær.
Landsfundarfulltrúar Alþýðu-
bandalagsfélagsins í Reykjavík
lögðu fram minnisatriði á lands-
fundinum sem samþykkt höfðu ver-
ið kvöldið fyrir setningu hans. Þar
segir um vinstra samstarfið: „Það
er kjaftæði þetta sameiningartal.
Það er svo langt á milli manna.
Við eigum að byija á því að vinna
saman í okkar eigin flokki. Hvern-
ig hefur það gengið í Reykjavík
þar sem hafa verið stofnuð tvö fé-
lög af því að fólk vildi ekki vinna
saman. Það þarf að koma í veg
fyrir að fólk komist upp með að
segjast ætla að sameina þegar það
ætlar í raun að sundra.“
í sljórnmálaályktun Iqördæmis-
ráðs flokksins á Austurlandi, segir
að eðlilegt sé að reynt verði að ná
góðu samstarfi milli stjórnarand-
stöðuflokkanna um andóf gegn
ríkisstjórninni. Varast beri hins
vegar fljótræðislegar hugmyndir
um sameiningu flokka sem greini
á um ýmis grundvallaratriði.
Einarða baráttu fyrir
sósíalísku þjóðskipulagi
Ólafur Þ. Jónsson, Birna Þórðar-
dóttir og Þorvaldur Þorvaldsson
beindu hörðum skeytum að einstök-
um forystumönnum flokksins og
gagnrýndu mjög ályktunardrög
miðstjórnar. Ölafur sakaði höfund
þess um tækifærismennsku og
sagði flokkinn þurfa að setja sér
klár markmið en vera ekki sem
rekald í dægurbaráttu. Birna sagði
plaggið innihaldslaust og taldi ríkj-
andi ágreining um mikilvægustu
grundvallarmál. Þorvaldur lagði
fram tillögfu til samþykktar lands-
fundar um knýjandi nauðsyn þess
að vinstri hreyfingin sameinaðist
um einarða baráttu fyrir sósíalísku
þjóðskipulagi sem leysti hið kapít-
alíska af hólmi.
Kvennalistinn búinn að vera
sem sljórnmálaafl
Hjörleifur Guttormsson alþingis-
maður sagði að í vor hefði komið
í ljós að Alþýðubandalagið og óháð-
ir væru eini valkosturinn til vinstri
í íslenskum stjórnmálum. Alþýðu-
flokkurinn væri ftjálshyggjuílokk-
ur, Þjóðvaki einnota samtök Jó-
hönnu Sigurðardóttur og Kvenna-
listinn væri búinn að vera sem
landsmálaafl. Hann sagði samstarf
við þessa flokka ekkert nærtækara
en samstarf við önnur stjórnmála-
öfl.
Robert Marshall, formaður Verð-
andi, félags ungs alþýðubandalags-
fólks, sagðist vel treysta sér til að
starfa í sama flokki og Evrópusinn-
ar þótt hann væri á móti inngöngu
íslands í sambandið. „Við getum
ekki ætlast til þess af félögum okk-
ar í öðrum flokkum að öll samein-
ingarumræða vinstri manna sé
rædd eingöngu út frá forsendum
Alþýðubandalagsins. Þeir sem
þannigtala eru sáttir við sín 13-14%
og vilja miklu frekar vera stórir
menn í litlum flokki en aðeins minni
í stórri fjöldahreyfingu baráttu-
manna réttlætis,“ sagði hann.
„Mér gest ekki vel að þeim tóni
sem mér finnst vera hér í ræðum
manna um sameiningarmál. Það er
þessi neikvæði-, háðski-, nöldrara-,
Alþýðubandalagstónn," sagði Flosi
Eiríksson og sagði þetta fæla ungt
fólk frá flokknum.
Arthur Morthens, fulltrúi Birt-
ingar, minnti á að samstarf R-lista-
flokkanna hefði tekist mjög vel og
sá hópur ynni saman sem ein heild.
Gísli Gunnarsson sagnfræðingur
varaði við einangrunarstefnu og
þjóðrembu sem hann sagðist verða
var við í auknum mæli. Ogmundur
Jónasson ávarpaði fundinn sem
fulltrúi óháðra. Sagðist hann vilja
stuðla að víðtækri samvinnu félags-
hyggjufólks og ekki ætla að láta
flokkslínur stöðva sig í þeirri fyrir-
ætlan.
Svavar Gestsson alþingismaður
sagði að Alþýðubandalagið hefði
alltaf verið tilbúið til að stuðla að
sem viðtækastri samstöðu vinstri
manna og boðið til opinna viðræðna
en svör annarra flokka hefðu ávallt
verið neikvæð. Alþýðubandalags-
fólk þyrfti sjálft að vita hvað það
vildi. „Sameiningartal án þess að
nefna það sem við viljum eins ná-
kvæmlega og mögulegt er getur
orðið innihaldslaust glamur og snú-
ist gegn því fólki sem við viljum
vinna fyrir,“ sagði hann. Bryndís
Hlöðversdóttir alþingismaður vís-
aði þeirri skoðun Svavars á bug
að sameiningartalið væri ábyrgðar-
laust glamur. „Við eigum um það
að velja að vera lítiU andófsflokkur
eða ganga til samstarfs við önnur
sljórnmálaöfl," sagði hún.
sjaldan haft meira eða stærra hlut-
verki að gegna en nú. „Ég tel það
vera víst, að eins og við Steingrím-
ur höfum unnið í þessari kosninga-
baráttu, munum við vinna saman
að því að veita svör við þeim spurn-
ingum, sem við verðum spurð í
þessum flokki eftir þennan lands-
fund,“ sagði hún.
„Við þurfum að hafa sterka
stefnu; andstöðu við þau íhaldsöfl,
sem nú ráða ferðinni. Við verðum
að hafa svör handa því fólki, sem
býr við það misrétti, sem er í þessu
þjóðfélagi í dag. Það er meginverk-
efni þessa landsfundar að ræða
þessi mál og móta stefnuna. Við
hin, verkamenn flokksins, förum
síðan út með svörin.
Hvatt til stuðnings
við nýja forystu
Steingrímur J. Sigfússon hvatti
í ræðu sinni þá, sem hefðu stutt sig
í formannskjörinu, til að skerast
ekki úr leik og styðja Margréti
Frímannsdóttur og nýkjöma for-
ystu Alþýðubandalagsins í heild af
heilum hug. „Þeir, sem vilja styðja
mig, standa við bakið á hinni nýju
forystu,“ sagði Steingrímur.
Hann sagði Margréti vel að emb-
ættinu komna og að hann væri
fullsæmdur af því að tapa fyrir
henni í heiðarlegri kosningu. Stein-
grímur sagðist taka niðurstöðunni
með nokkrum létti; hann fengi nú
meiri tíma með fjölskyldu sinni eft-
ir að hafa í mörg ár gegnt ábyrgð-
armiklum störfum fyrir flokkinn.
Svavar Gestsson, fyrrverandi
formaður Alþýðubandalagsins,
sagði í samtali við Morgunblaðið
að hann hefði stutt Steingrím Sig-
fússon í formannskjörinu, en hann
teldi að flokkurinn kæmi sterkur
og sameinaður út úr þessum slag.
Andrúmsloftið innan flokksins væri
allt annað en það hefði verið í for-
mannskjörinu 1987. „Ég tel að Al-
þýðubandalagið geti starfað sterkt
og sameinað eftir þessi úrslit,“
sagði Svavar.
Ólafur Ragnar ánægður
með úrslitin
Ólafur Ragnar Grímsson, fráfar-
andi formaður Alþýðubandalagsins,
sagði í samtali við Morgunblaðið
að hann væri mjög ánægður með
úrslit formannskjörsins. „Ég get
upplýst það hér, 'þótt ég hafí aldrei
gert það í kosningabaráttunni, að
ég kaus Margréti sjálfur og er mjög
glaður að hún skuli taka við því
verki, sem ég hef verið að vinna að
á undanförnum árum,“ sagði Ólafur
Ragnar.
Hann sagðist þeirrar skoðunar
að Margrét myndi halda áfram
þeirri framtíðarþróun, sem hefðl
einkennt Alþýðubandalagið á und-
anförnum árum og gert það að
verkum að flokkurinn hefði lagt
fram ýtarlegri tillögur en aðrir um
breytingar á íslenzku þjóðfélagi.
„Ég held líka að það hafi sýnt
styrk okkar og vilja til breytinga
að við erum fyrst flokka til að láta
alla félagsmenn velja formann í
opinni kosningu. Það er lýðræðis-
legasta aðferð, sem hægt er að
velja, og ég skora á aðra stjórn'
málaflokka að taka upp sömu að-
ferð,“ sagði Ólafur. „I öðru lagi
höfum við valið konu með mikla
stjórnmálareynslu til að leiða flokk
okkar, sem eru líka tímamót í jafn-
réttisbaráttunni á íslandi og mér
finnst ánægjulegt að þegar ég læt
af formennsku skuli flokkurinn
hafa gefið sögunni þessi tímamót.“
SÉÐ yfir byggingar Norræna alþjóðamenntaskólans á Fjölum í Firðafylki.
íslendingar í
hópi kennara
og nemenda
NORRÆNI alþjóðamennta-
skólinn á Fjölum í Firða-
fylki í Noregi, níundi
skólinn sinnar tegundar,
var opnaður við hátíðlega athöfn 30.
september síðastliðinn og hófst
skólastarfið 2. október. Skólinn var
byggður með stuðningi Norðurland-
anna, Islands þar á meðal, og íslend-
ingar eru í hópi nemenda og kenn-
ara. Dr. Gylfi Þ. Gíslason, fyrrver-
andi ráðherra og prófessor, var í
undirbúningsnefnd um stofnun skól-
aníog segir gildi hans ótvírætt.
Að sögn Gylfa var fyrsti alþjóða-
menntaskólinn settur á stofn í Wales
á árunum eftir stríð og gerðist prins-
inn af Wales verndari skólans. Mark-
mið skólans var að mennta stúdenta
til starfa í þróunarlöndunum. Síðan
hafa verið reistir alþjóðamenntaskól-
ar í Kanada, Hong Kong, Singapore,
Swazilandi, _ Bandaríkjunum,
Venezúela og á Ítalíu. Skólinn í
Noregi er því sá níundi í röðinni.
Hugsjónir um frið, réttlæti,
skilning og samstarf
í markmiðslýsingu alþjóða-
menntaskólanna segir að þeir eigi
að veita ungu fólki hvatningu til að
verða ábyrgir borgarar, sem séu
meðvitaðir um stjómmál og um-
hverfismál og hlynntir hugsjónum
um frið, réttlæti, skilning og sam-
starf, og hvatningu til að hrinda
þessum hugsjónum í framkvæmd.
Stofnun Norræna alþjóðamennta-
skólans var sett á fót árið 1986 í
Ósló, með það að markmiði að byggja
slíkan skóla á einhverju Norðurland-
anna. Norski Rauði krossinn sýndi
verkefninu áhuga og bauð fram lóð
í Vestur-Noregi, þar sem Rauði
krossinn rekur endurhæfingarstöð.
Ákveðið var að efna til samstarfs
við hin Norðurlöndin um skipulagn-
ingu og fjármögnun. Leitað var til
eins fulltrúa í hveiju landi og af ís-
lands hálfu varð Gylfi fyrir valinu.
Á slóðum Ingólfs Arnarsonar
Hann segir að hér á landi hafi
strax komið fram mikill áhugi á verk-
Norræni alþjóðamenntaskólinn á Fjölum í
Firðafylki í Noregi tók til starfa fyrr í
mánuðinum. ísland hefur stutt byggingu
skólans og íslendingar eru á meðal kennara
og fyrstu nemenda hans.
efninu, ekki sízt vegna
þess að áformað hafi
verið að velja skólanum
stað á Fjölum í Firða-
fylki, rétt hjá Hrífudal,
þaðan sem Ingólfur
Arnarson, fyrsti land-
námsmaðurinn, hélt til
íslands. Afsteypa af
styttu Einars Jónssonar
af Ingólfi, sem var þjóð-
argjöf íslendinga til
Norðmanna, stendur á
Bjarnarhaugi skammt
frá Fjölum.
Gylfi segir að ríkis-
stjórnir allra norrænu
ríkjanna hafi sýnt áhuga
Gyifi Þ. Gíslason
á að styðja byggingu skólans og
hafi hún verið samþykkt hér á landi
í menntamálaráðherratíð Svavars
Gestssonar. Sett hafi verið á stofn
eins konar sambandsnefnd. í henni
sátu af hálfu íslands þau Gylfi, Kari
Kristjánsson frá menntamálaráðu-
neytinu og Jakobína Þórðardóttir frá
Rauða krossinum. Starfi þeirra er
nú lokið, með því að skólinn er kom-
inn upp, en menntamálaráðuneytið
mun skipa fulltrúa íslands í stjórn
skólans.
„Norska stjómin veitti ríkulega fé
til byggingarinnar en framlag
Norska rauða krossins, að upphæð
ein og hálf milljón norskra króna,
gerði loks kleift að ljúka bygging-
unni,“ segir Gylfi.
Nelson Mandela, forseti Suður-
Afríku, var forseti heimsráðs al-
þjóðamenntaskólanna. Hann gat
hins vegar ekki verið við opnunarat-
höfn skólans á Fjölum og var Noor,
drottning af Jórdan, kosin forseti
samtakanna í hans stað. Auk Noor
drottningar flutti Sonja
Noregsdrottning erindi
víð opnunina, en hún er
verndari skólans. Þá hélt
norski þjóðháttafræð-
ingurinn og ævintýra-
maðurinn Thor Hey-
erdahl ræðu við athöfn-
ina.
Islenzkur kennari og
nemandi
Gylfi segir að svo vel
hafi tekizt til að í hópi
kennara skólans sé einn
íslendingur, Anna Gam-
er, kennari í umhverfis-
fræðum. Þá er íslenzk
stúlka, Guðbjörg Andrésdóttir, í
fyrsta nemendahópnum.
Nemendurnir eru 108 og koma’
30% þeirra frá Norðurlöndunum,
20% frá öðrum iðnríkjum, 30% frá
þróunarríkjunum og 20% frá Austur-
og Mið-Evrópu. Nemendurnir esu á
aldrinum frá 16 til 25 ára, flestir
um tvítugt.
Mun færri komust að en vildu;
umsækjendur um skólavist vora hátt
á fjórða hundrað.
Göfug hugsjón að styðja
menntun þróunarlandanna
Gylfí segir skólann ótvírætt hafa
mikið gildi. „Ég er þakklátur undir-
tektum stjórnvalda hér á íslandi við
stofnun skólans. Það er göfug hug-
sjón að styðja menntun þróunarland-
anna og enginn er líklegri til að skilja
menntunarþörfina en einmitt íbúar
þróunarlandanna sjálfra," segir
Gylfi. „Það er ánægja og sómi að
því fyrir ísland og Norðurlöndin að
taka þátt í þessu starfi.“