Morgunblaðið - 14.10.1995, Blaðsíða 48

MORGUNBLADID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRl: HAFNARSTRÆTI 85
LAUGARDÁGUR 14. OKTÓBER 1995
VERÐ í LAUSASÖLU 125 KR. MEÐ VSK
V erkalýðsfélagið
Baldur á ísafírði
Líkur á
uppsögn
kjara-
samninga
FÉLAGSMENN í Verkalýðsfélag-
inu Baldri á ísafirði munu taka
um það ákvörðun í hádeginu í dag
hvort . kjarasamningum verður
sagt upp frá og með næstu ára-
mótum. í félaginu eru um 560
y manns, aðallega fiskvinnslufólk.
Að sögn Péturs Sigurðssonar,
formanns Baldurs, segist hann
búast við því að samþykkt verði
að segja samningúnum upp.
Meira til skiptanna en
mönnum var talin trú um
„Astæðan er fyrst og fremst það
sem hefur verið að gerast í þjóðfé-
laginu síðan í vor. Menn læstu sig
inni í kjarasamningum sem allir
voru hundóánægðir með, en sættu
sig við vegna þess að allir aðrir
þjóðfélagsþegnar ætluðu að haida
áfram að eiga inni þann ávinning
sem við þóttumst skynja af þjóðar-
sáttartímabilinu. Síðan þegar búið
var að gera þessa samninga með
sáralitlum leiðréttingum, og meðal
annars notað sem pressa á menn
í samningunum að þingið væri að
fara heim, þá brugðu allir á leik
og í ljós kom að mikið meira var
til skiptanna í þjóðfélaginu en
mönnum hafði verið talin trú um
í mars,“ sagði Pétur.
Uppsagnarréttur
vefengdur
Hann sagði að ef ákveðið yrði
að segja samningunum upp yrði
væntanlega farið í viðræður við
viðsemjendur félagsins. Þá kæmi
jafnframt í ljós hvort aðrir væru
sammála þessum aðgerðum og
myndu slást í hópinn.
„Síðan kemur kannskf líka í ljós
hvort þessi réttur til að segja upp
verður vefengdur, en á því á ég
alveg eins von og þá verður það
bara að hafa sinn gang,“ sagði
Pétur.
Umboðsmaður Al-
þingis gagnrýnir
íjármálaráðuneyti
Laga-
stoð úr-
skurðar
skorti
UMBOÐSMAÐUR Alþingis gagn-
rýnir fjármálaráðuneytið harðlega
í nýútkomnu áliti sínu fyrir af-
greiðslu þess á beiðni Frjálsa lífeyr-
issjóðsins um staðfestingu á nýrri
reglugerð sjóðsins á síðasta ári.
Ætlun lífeyrissjóðsins var að
skipta honum upp í þijár deildir,
hveija með sína fjárfestingarstefnu.
Sjóðsfélögum átti síðan að vera í
sjálfsvald sett innari hvaða deildar
eða deilda inneign þeirra yrði ávöxt-
uð og átti þessi skipan mála að
auka áhættudreifingu í fjárfesting-
um að mati stjórnar sjóðsins. Breyt-
ingar á reglugerð hans þessa efnis
voru síðan samþykktar einróma á
fundi sjóðsfélaga og reglugerðinni
vísað til fjármálaráðuneytis til stað-
festingar í framhaldinu. Ráðuneytið
synjaði hins vegar sjóðnum um
staðfestingu á reglugerðinni og
taldi m.a. að þessi skipan mála
drægi úr áhættudreifingu í fjárfest-
ingum hans.
Málið verði tekið
upp að nýju
Umboðsmaður hefur nú lýst því
yfir að hann telji þennan úrskurð
ólögmætan og gagnrýnir hann
ráðuneytið fyrir að hafa ekki byggt
synjun sína á gildandi lagaákvæð-
um. Jafnframt skorar hann á ráðu-
neytið að taka málið upp að nýju
verði þess óskað af hálfu Fijálsa
iífeyrissjóðsins, og byggja þá með-
ferð málsins á áliti umboðsmanns.
Sigurður R. Helgason, stjórnar-
formaður Fijálsa lífeyrissjóðsins,
segir það vera ætlun sjóðsins að
fylgja þessari niðurstöðu eftir. Ás-
laug Guðjónsdóttir, lögfræðingur í
fjármálaráðuneytinu sagði í samtali
við Morgunblaðið í gær, að málið
yrði tekið til meðferðar að nýju i
ráðuneytinu, ef óskað verði eftir því.
■ Telur úrskurð .. ./14
Urslit í formannskjöri Alþýðubandalagsins
Morgunblaðið/Sverrir
MARGRÉT Frímannsdóttir nýlqörinn formaður Alþýðubandalagsins tekur við árnaðaróskum
fráfarandi formanns, Ólafs Ragnars Grímssonar.
Margrét sigraði
með 53,5% atkvæða
MARGRÉT Frímannsdóttir var í gær
kjörin formaður Alþýðubandalags-
ins. Atkvæði í formannskjörinu, sem
fram hefur farið undanfarna daga,
voru talin á landsfundi flokksins.
Margrét hlaut 1.483 atkvæði, 53,5%
gildra atkvæða, en Steingrímur J.
Sigfússon 1.274 atkvæði, 46,5%.
Margrét sagði í samtali við Morg-
unblaðið er úrslitin lágu fyrir að allt-
af kæmu nýjar áherzlur með nýju
fólki. „Ég hef í kosningabaráttunni
lagt megináherzlu á að byggja upp
innra starf flokksins og það mun ég
gera. Ég vil sjá sterkari tengsl inn
í verkalýðshreyfinguna og inn í fijáls
félagasamtök, sem beijast fyrir hag
þeirra, sem minna mega sín, til
dæmis sjúklinga,". sagði hún. „Ég
geri ráð fyrir að fyrstu mánuðirnir
fari í þetta starf.“
Margrét sagðist myndu beita sér
fyrir því að konur yrðu í sætum á
framboðslistum flokksins til jafns
við karla. „Við erum með fjölda
kvenna og karla innan Alþýðubanda-
lagsins, sem eru jafnhæf," sagði
hún. „Hins vegar finnst mér þetta
hið raunverulega jafnrétti; þegar
kona og kari takast á í kosningabar-
áttu á jafnréttisgrunni, eins og við
Steingrímur höfum nú gert. í raun
er ekki hægt að tala um óskaplegan
sigur í kosningunni fyrir mig sem
einstakling. Ég tel að við komum
bæði sterkari út úr þessari baráttu
og flokkurinn kemur mun sterkari
til leiks.“
Undir niðurstöðuna búinn
Steingrímur Sigfússon sagðist
hafa verið undir það búinn að svo
færi, sem raun varð á, og hann
hefði verið með tap- og sigurræðu
sína í hvorum vasa.
Aðspurður, hvort hann myndi
áfram skipa sér framarlega í sveit
í Alþýðubandalaginu, sagði Stein-
grímur: „Ég er síður en svo að
hætta í stjórnmálum. Nú get ég um
fijálst höfuð strokið og fremur val-
ið mér verkefni í pólitíkinni af eigin-
girni. Ég er ekki bundinn af þeim
málamiðlunum, sem fylgja því að
vera í fremstu forystu, eins og ég
hef verið samfellt síðastliðin átta
ár.“
Steingrímur sagðist búast við að
hann myndi sinna málefnum kjör-
dæmis síns og eyða meiri tíma með
fjölskyldu sinni.
■ Landsfundur/24
Eldur kviknaöi í ljóskastara
í Islensku óperunni
Hópur gesta
þusti út
ELDUR kom upp þegar pera í
ljóskastara sprakk í miðri sýn-
ingu á óperunni Carmina Bur-
ana í Islensku óperunni í gær-
kvöldi. Starfsmönnum óper-
unnar tókst að slökkva eldinn
áður en slökkvilið kom á vett-
vang, en skelfing greip um sig
meðal nokkurra áhorfenda sem
þustu út úr sýningarsalnum.
Sýningunni var síðan haldið
áfram eftir um 45 mínútna töf.
Að sögn Ingva Steinars Ól-
afssonar, starfsmanns íslensku
óperunnar, kom eldurinn upp í
miðri aríu Sigrúnar Hjálmtýs-
dóttur, sópransöngkonu. Var
hún klædd eldrauðum kjól og
söng um brennandi ást, þegar
ósköpin dundu yfir.
„Ljósið byijaði að flökta en
nokkrum sekúndum síðar bloss-
aði svo upp eldur í ljóskastaran-
um efst uppi í hægra horninu
Morgunblaðið/Sverrir
EINN kórfélaga sópar sviðið undir kastaranum sem kviknaði í.
fyrir ofan sviðið. Það tókst að
koma í veg fyrir mikið slys með
snörum handtökum starfs-
manna óperunnar, en um leið
og blossinn kom upp hrópuðu
nokkrir sýningargestir að
kviknað væri í. Söngvararnir á
sviðinu höfðu ekki tekið eftir
þessu, en sýningin var stöðvuð
um leið og hrópin byrjuðu.
Fólkið á sviðinu var rólegt á
meðan á þessu stóð, enda ýmsu
vant úr leikhúsunum. Það er
greinilegtað föstudagurinn 13.
getur verið hættulegur, alla-
vega kem ég til með að trúa
því héðan í frá,“ sagði Ingvi
Steinar.
Hann sagði að sýningargestir
hefðu sýnt þolinmæði í þær 45
mínútur sem sýningin stöðvað-
ist og þeir komið i léttu skapi
í salinn þegar sýningin hófst á
ný. Slökkviliðsmenn stóðu vakt
í húsinu þar til sýningunni lauk.
I leikslok brutust út mikil fagn-
aðarlæti.