Morgunblaðið - 17.11.1995, Blaðsíða 11

MORGUNBLAÐIÐ
FÖSTUDAGUR 17. NÓVEMBER 1995 11
Morgunblaðið/Ingólfur
Margir á svellinu
MARGT er um manninn á skauta- léku listir sínar fyrir ljósmyndar-
svellinu í Laugardal þessa dag- ann þegar hann var á ferðinni í
ana enda veðrið gott. Stúlkurnar Laugardalnum fyrr í vikunni.
Islenska sendiráðið í Washington
Ráðning ráðgjafa
tengist endur-
skiplugningu
STEPHEN J. Boynton, sem fyrir
skömmu var ráðinn ráðgjafi sendi-
ráðs íslands í Washington, hefur
um langt skeið verið sendiráðinu
hjálplegur og tengist ráðning hans
endurskipulagningu sendiráðsins
án þess að sérstök mál hafí verið
höfð í huga.
„Eins og sakir standa hef ég
engin ákveðin verkefni," sagði
Boynton í samtali við Morgunblað-
ið. Boynton er lögfræðingur og
hefur starfað á eigin vegum í Wash-
ington frá árinu 1965. Hann kvaðst
aðeins hafa unnið við opinber störf
í tvö og hálft ár. „Frá 1969 til
1971 vann ég við löggjafarstörf hjá
Ernest F. Hollings öldungadeildar-
þingmanni,“ sagði Boynton.
Hollings er demókrati frá Suður-
Karolínu og einn af þekktari þing-
mönnum öldungadeildarinnar.
Hann situr í ýmsum nefndum deild-
arinnar og hefur meðal annars látið
sig varða sjávarútvegsmál.
Þekkir sjávarútvegsmál
Að sögn heimildarmanns Morg-
unblaðsins í utanríkisráðuneytinu
er ein ástæða þess að Boynton varð
fyrir valinu sú, að hann var einn
helsti aðstoðarmaður Hollings þeg-
ar þingmaðurinn var að vinna að
stofnun umhverfis- og sjávarút-
vegsdeildar við bandaríska við-
skiptaráðuneytið. „Hann þekkir til
þessara mála og hefur mikinn
áhuga á sjálfbærri nýtingu auð-
Iinda,“ sagði heimirdarmaðurinn.
„Það hefur kannski gert að verkum
að hann hefur sýnt íslandi meiri
skilning en aðrir.“
Samkvæmt heimildarmanninum,
sem ekki vildi láta nafns getið, hef-
ur Boynton verið tengdur sendiráð-
inu í Washington „í töluvert langan
tíma“. Hann hefði til dæmis greitt
götu utanríkismálanefndar Alþingis
þegar hún kom til Washington fyr-
ir tveimur árum og komið á fundum
með Hollings og fleiri málsmetandi
mönnum í bandarískri stjórnsýslu.
Hingað til hefði Boynton unnið
fyrir sendiráðið af áhuga og vin-
fengi, en nú væri mikil uppsveifla
í sendiráðinu og Boynton gæti stytt
sendiráðinu leið að yfirvöldum í
flóknu stjórnkerfi Bandaríkjanna.
Hann hefði ekki verið ráðinn til að
leysa sérstök verkefni, heldur til
að sinna málum, sem tengdust þingi
og væru lögfræðilegs eðlis.
Búist við
að lítið verði
úr flensu
INFLÚENSU hefur orðið vart
á Suður- og Norðurlandi, en
búist er við að hún verði ekki
jafn skæð nú og oft áður vegna
víðtækra bólusetninga.
„Ég hef grun um að það
verði ekki mikið úr þessu vegna
þess að geysilega margir hafa
verið bólusettir, meðal annars
fyrir þessum stofni," sagði Art-
hur Löve, yfirlæknir á rann-
sóknastofu Landspítalans í
veirufræði. „Þótt bóluefnið sé
ekki fullkomið þá er öruggt að
það dregur verulega úr sjúk-
dómnum."
Umferðarátak lögreglunnar
Fylgst með gangandi
vegfarendum
LÖGREGLAN á Suðvesturlandi menn að líta eftir því hvort gang-
mun á næstunni athuga hvort gang- andi vegfarendur noti merktar
andi vegfarendur á ferð í myrkri gangbrautir, þar sem þær eru, og
eru á ferð án endurskinsmerkja. virði gangbrautarljós. Lögreglan
Lögreglan mun hafa tal af vegfar- hvetur alla, bæði börn og fullorðna,
endum og vekja athygli þeirra á sem eiga endurskinsmerki, en nota
nauðsyn þess að þeir noti endur- þau ekki, að taka þau fram og koma
skinsmerki. Einnig ætla lögreglu- þeim í gagnið.
FRÉTTIR
Talsmenn Securitas, Vara og Sívaka um álit Samkeppnisráðs
Breytir forsendum samn-
ingsins við ráðuneytið
TALSMENN öryggisþjónustufyrir-
tækjanna Securitas, Vara og Sívaka
telja margt jákvætt í áliti Samkeppn-
isráðs á fyrirkomulagi Neyðarlín-
unnar hf., en auk ofangreindra fyrir-
tækja standa að henni Slysavarnafé-
lagið, Póstur og sími og Slökkvistöð
Reykjavíkur.
Hannes Guðmúndsson, fram-
kvæmdastjóri Securitas, segir
ábendingar um breytingar á fram-
lögum einstakra aðila þó breyta for-
sendum samnings Neyðarlínunnar
hf. við dómsmálaráðuneytið. Annað-
hvort verði að finna leið þar sem
farið verður að óskum Samkeppnis-
ráðs eða þá að samningurinn falli
úr gildi. Hann segist hins vegar vera
bjartsýnn á að það takist að leysa
þetta mál.
Reglur um starfsemi
stærsta málið
„Við aðstandendur Neyðarlínunn-
ar ákváðum að senda þetta til Sam-
keppnisráðs til umsagnar og það lá
allan tímann fyrir að ef þar kæmu
einhveijar athugasemdir þá yrði
auðvitað tekið tillit til þeirra," sagði
Hannes Guðmundsson í samtali við
Morgunblaðið.
Hann sagði sumar athugasemd-
anna vera hið besta mál frá sínum
bæjardyrum séð. Sérstaklega at-
hugasemd um að settar yrðu reglur
um starfsemi öryggisþjónustufyrir-
tækja, en það hefði verið baráttumál
Securitas undanfarin 15 ár.
„Samkeppnisráð beinir því til
ráðuneytisins að þetta verði gert
fyrir áramót og það finnst mér
stærsta og besta málið í þessu. Þá
fagna ég því líka að Neyðarlínan
hf. geti ekki keppt á markaði við
einkaaðila, en það er hlutur sem er
alveg í samræmi við mínar óskir,"
sagði Hannes.
Fallið verður frá
viljayfirlýsingu
í áliti Samkeppnisráðs er þeim
tilmælum beint til dómsmálaráð-
herra að árleg greiðsla þeirra einka-
aðila sem vilja reka öryggisþjónustu
sína í tengslum við hina sameigin-
legu neyðarvaktstöð verði að há-
marki 1-2 milljónir króna í stað 5
milljóna. Hannes segir að þetta komi
sér á óvart og hann sjái ekki rökin
fyrir því að lækka upphæðina.
„Við erum að skoða hvort einhver
önnur leið sé í þessu og hvort sú
leið sem þeir benda á sé fær að
hækka þjónustugjöldin. Þeir gera
athugasemd vegna viljayfirlýsingar
sem á sínum tíma var gerð milli
Securitas, Vara, Slysavarnafélags-
ins og Slökkviliðsins, en þeir segja
hana vera brot á samkeppnislögum.
Þessi viljayfirlýsing er fyrsta plaggið
sem varð til þegar menn voru að
velta því fyrir sér hvort einhver flöt-
ur væri á málinu, og hún hefur ekk-
ert verið notuð og aldrei dregin upp
eftir það. Hún hefur aldrei haft neitt
gildi í þessu samstarfi og menn
munu falla frá henni. Það er ekki
erfitt að verða við þeirri beiðni,“
sagði Hannes.
Viðar Ágústsson, framkvæmda-
stjóri Vara, sagðist vera mjög sáttur _
við álit Samkeppnisráðs og fagna
því. Þau mál sem komið væri inn á
í álitinu væru mjög í anda öryggis-
þjónustufyrirtækjanna, og í sjálfu
sér ekkert þar sem þau gætu ekki
fellt sig við.
„Við erum að taka málið upp á
þessum nýja grunni við dómsmála-
ráðuneytið, en það er alveg augljóst
að það þarf að semja upp á nýtt,
því þarna er grunni fyrir tekjunum
breytt. En það er í sjálfu sér ekkert
sem við getum ekki bara unnið okk-
ur í gegnum á nýjum forsendum.
Ég fagna mjög þeim liðum sem Sam-
keppnisráð er að leggja áherslu á
t.d. því að setja skýrar reglur um
kröfur til þessara öryggisþjónustu-
fyrirtækja sem þiggja þjónustu sína
hjá Neyðarlínunni," sagði Viðar.
Birgir Úlfsson, framkvæmdastjóri
Sívaka, sagði ekkert í áliti Sam-
keppnisráðs koma á óvart. Málið
yrði skoðað og væntanlega yrði far-
ið eftir þeim ábendingum sem fram
koma í álitinu.
„Það eru komnar nýjar vaktstöðv-
ar og þetta virðist ekkert hræða þá
út í samkeppni þessa nýju. Þeir bara
eflast allir,“ sagði Birgir.
ÉÉSsi
AFL OG ORYGGI
Vitara V6
Nýr eðaljeppi þar sem afl
og öryggi hafa forgang.
Vitara V6 er einstaklega aflmikill, með hljóðláta V6 oél,
24 ventla, sem afkastar 136 hestöflum.
Hann er byggður á sjálfstæða grind og er méð hátt og lágt drif.
Nákvæmt vökvastýrið og lipur 5 gíra handskiptingin
eðá 4ra gíra sjálfskiptingin gera Vitara V6 auðveldan
í akstri á vegum sem utan vega.
Öryggisloftpúðar fyrir ökumann og framsætisfarþega,
höfuðpúðar á fram og aftursætum og styrktarbitar í huiðum
gera Vitara V6 að einum öruggasta jeppa sem býðst.
Einstaklega hljóðlátt farþegarýmið er búið öllum þægindum
sem eiga heima í eðaljeppa eins og Vitara V6.
&&2Z£33
SUZUKI BILAR HF
SKSFAN 17 - SÍMI: 568 5100