Morgunblaðið - 17.11.1995, Blaðsíða 47
MORGUNBLAÐIÐ
FÖSTUDAGUR 17. NÓVEMBER 1995 47
FRÉTTIR
i
>
)
>
>
I
:
I
;
;
= 5
»
.
Basarar
Síðbirt
grein um
jafnréttis-
daga SHI
UM MIÐJAN októbermánuð síð-
astliðinn barst Morgunblaðinu til
birtingar grein eftir Vilhjálm H.
Vilhjálmsson, formann hagsmuna-
nefndar SHI, í tilefni jafnréttis-
daga, sem SHÍ stóð fyrir um þær
mundir undir yfirskriftinni Kynleg-
ir dagar.
Greinin, sem bar yfirskriftina
„Aldingarðurinn Eden, forboðnir
ávextir og Kynlegir dagar“ birtist
síðan á blaðsíðu 36 hér í blaðinu
í gær, löngu eftir að jafnréttisdag-
arnir voru haldnir.
Blaðið biður formann hags-
munasamtaka SHÍ og aðra við-
komendur velvirðingar á þessum
mistökum.
Aukið frelsi í
áfengismálum?
STEFNIR, félag ungra sjálfstæðis-
manna í Hafnarfirði, gengst fyrir
opnum stjórnmálafundi sem ber
yfirskriftina, Frjáls opnunartími
vínveitingahúsa og frelsi í áfengis-
sölu, föstudaginn 17. nóvember í
Sjálfstæðishúsinu, Strandgötu 29,
Hafnarfirði.
Á fundinn koma fjórir gestir sem
hafa hver á sinn hátt lagt sitt af
mörkum í umræðunni um áfengis-
mál á undanförnum misserum.
Þeir eru Vilhjálmur Egilsson, al-
þingismaður og framkvæmdastjóri
Verslunarráðs, Valdimar Jóhann-
esson, formaður samtakanna
Vímulaus æska, Glúmur Jón
Björnsson, formaður Heimdallar,
Félags ungra sjálfstæðismanna í
Reykjavík, og Jónas Jónasson frá
Stórstúku íslands.
Afmælisfundur
Al-Anon
OPINN afmælis- og kynningar-
fundur Al-Anon samtakanna verð-
ur haldinn laugardaginn 18.
nóvember. Fundurinn, sem verður
haldinn í Bústaðakirkju, hefst kl.
14 og er öllum opinn.
Al-Anon samtökin voru stofnuð
á íslandi 18. nóvember árið 1972
og eru félagsskapur ættingja og
vina alkóhólista. Al-Anon samtökin
hafa aðeins einn tilgang, að hjálpa
aðstandendum alkóhólista.
Á fundinum 18. nóvember munu
koma fram og segja sögu sína þrír
félagar í Al-Anon og einn félagi í
AA-samtökunum. Kaffiveitingar
verða að fundi loknum.
Fundur
afboðaður
NÝSTOFNAÐ félag’ Sjávarnytjar,
hafði boðað til fundar í dag á
Grand Hótel Reykjavík, þar sem
Bandaríkjamaðurinn Bruce Vinc-
ent átti að flytja erindi. Fundinum
hefur verið frestað um óákveðinn
tíma, þar sem persónulegar ástæð-
ur komu í veg fyrir að Vincent
kæmi til landsins. Fundurinn verð-
ur haldinn síðar.
■ LEIKHÚSKJALLARINN Á
fimmtudag leikur Orri Harðar-
son og hljómsveit. Húsið er opið
frá kl. 22 til 1. Á föstudagskvöld
sér Stjórnin um lifandi diskóstuð
og á laugardagskvöld er Siggi
Hlö í búrinu með meira diskó.
Mánudaginn 20. nóvember er Lis-
taklúbburinn með dagskrá um
Ellu Fitzgerald þar sem sagt
verður frá lífi þessarar ástsælu
söngkona. Ólafía Hrönn og Tóm-
as R. Einarsson flytja lög af nýút-
komnum geisladiski, Kossi.
■ BASAR DÓMKIRKJUKVENNA
Hinn árlegi basar Kirkjunefndar
kvenna Dómkirkjunnar verður haldinn
laugardaginn 18. nóvember í Safnað-
arheimili Dómkirkjunnar, Lækjar-
gðtu 14a og hefst hann kl. 14. Á bas-
amum verða ýmsar hefðbundnar bas-
arvörur á boðstólum og auk þess verð-
ur þar kökubasar. Selt verður kaffi og
vöfflur með ijóma. Allur ágóði af bas-
amum rennur til þess starfs sem kirkju-
nefndin vinnur í þágu Dómkirkjunnar.
■ HRINGURINN í HAFNARFIRÐI
Kvenfélagið Hringurinn heldur sinn
árlega basar sunnudaginn 19. nóvem-
ber kl. 15 í Sjálfstæðishúsinu við
Strandgötu. Margir fallegir handunnir
munir til jólagjafa, góðar kökur og
laufabrauð verða þar til sölu. Allur
ágóði rennur til líknarmála. Hringskon-
ur hafa af miklum dugnaði unnið að
líknarmálum allt frá því félagið var
stofnað 7. mars 1912. Hringskonur
þakka öllum sem sýnt hafa starfi fé-
lagsins velvild í gegnum árin, því án
þess væri félagið ekki mikils megnugt.
■ KRISTNIBOÐSFÉLAGS
KVENNA Árlegur basar félagsins er
laugardaginn 18. nóvember í Kristni-
boðssalnum, Háaleitisbraut 58 og
hefst kl. 14. Fjöldi fallegra muna er á
boðstólum og mikið af kökum. Kaffi
selt á staðnum. Allur ágóði rennur til
starfs Sambands (slenskra kristniboðs-
félaga sem rekur umfangsmikið kristni-
boðsstarf í Eþíópíu og Kenýju svo sem
kunnugt er. Margar úölskyldur eru nú
að störfum ytra. Sjúkdómar og fátækt
eru mikið þjóðaböl í þessum löndum
og menntunartækifæri takmörkuð.
Kristniboðarnir vinna hörðum höndum
við hlið innlendra starfsmanna.
■ HRINGURINN í REYKJAVÍK
Kvenfélagið Hringurinn heldur sinn
árlega handavinnu- og kökubasar
sunnudaginn 19. nóvember kl. 14 í
Perlunni. Margir fallegir handunnir
munir til jólagjafa og góðar kökur verða
þar til sölu. Basarmunír eru til sýnis
fram að basardegi í glugga í Kirkju-
hússins, Laugavegi 31. Ennfremur
verða til sölu nýju jólakortin. Allur
ágóði rennur til Bamaspítalasjóðs
Hringsins. Hringskonur hafa af miklum
dugnaði unnið að mannúðarmálum 1
marga áratugi. Sérstaka rækt hafa þær
lagt við Bamaspítala Hringsins og allan
búnað hans, aðalkappsmál þeirra nú
er fyrirhuguð bygging sérhannaðs
bamaspftala.
■ KVENFÉLAG KRISTSKIRKJU
heldur basar, happdrætti og kaffisölu
í safnaðarheimili Félags kaþólskra leik-
manna, að Hávallagötu 16, næstkom-
andi sunnudag kl. 15. Fjöldi fyrir-
tækja brást vel við bón um stuðning
og verða allskyns munir, handavinna
og bækur á boðstólum. Allur ágóði
rennur til safnaðarheimilis en kvenfé-
lagskonur sjá um allan rekstur þess.
Málþing um
kjarnorkuvá
Alnæmi o g andlegur stuðningur
ALNÆMISSAMTOKIN, Rauði
kross íslands og fræðslu- og þjón-
ustudeild Þjóðkirkjunnar gangast
fyrir ráðstefnu um alnæmi og and-
legan stuðning að Hótel Lind,
Rauðarárstíg 18, föstudaginn 17.
nóvember kl. 10-17.
Lars-Olof Juhlin, prestur og al-
næmisráðgjafi frá Malmö í Sví-
þjóð, verður meðal frummælenda
á ráðstefnunni. Hann ræðir m.a.
um sálgæslu meðal HlV-jákvæðra
og alnæmissjúkra og siðferðileg
sjónarmið í afstöðu til þeirra. Ju-
hlin er prestur í biskupsstofu Lund-
arbiskupsdæmis. Hann hefur langa
reynslu af starfi með HlV-jákvæð-
um, alnæmissjúklingum og að-
standendum þeirra.
Aðrir frummælendur verða:
Haraldur Briem, yfirlæknir á Borg-
arspítalanum: HlV-sýking og al-
næmi, Petrína Ásgeirsdóttir, fé-
lagsráðgjafi á Borgarspítalanum:
Félagsleg einangrun - hvað er til
ráða? og Jóna Lísa Þorsteinsdóttir,
guðfræðingun Kirkjan og alnæmi.
Morgunblaðið/Ásdís
BÖRNIN í leikskóla KFUM og KFUK.
Leikskóli KFUM og
KFUK 20 ára
LEIKSKÓLI KFUM og KFUK er
20 ára en hann tók til starfa 17.
nóvember 1975.
í leikskólanum eru 60 börn
hálfan daginn á aldurskiptum
deildum; tveggja til fjögurra ára
og fjögurra til sex ára. Tvær
deildir eru fyrir hádegi og tvær
eftir hádegi og eru fimmtán börn
í hverri deild. Fimm heilsdags-
stöðvar eru við leikskólann auk
stöðu leikskólasljóra. Leikskól-
inn er einkarekinn en fær rekstr-
arstyrk frá Reykjavíkurborg.
Allar umsóknir berast leikskól-
anum sjálfum og geta foreldrar
sótt um vist fyrir börn sín strax
við fæðingu.
Leikskóli KFUM og KFUK
stendur við Langagerði 1 í
Reykavík. í tilefni afmælisins
verður opið hús laugardaginn 18.
nóvember kl. 13-17. Dagskráin
verður þannig að kl. 14 verða
börnin sem eru fyir hádegi með
skemmtiatriði, kl. 14.30 verður
gjöf til leikskólans afhent og kl.
15 verða börnin sem eru eftir
hádegi með skemmtiatriði.
LANDSRÁÐSTEFNA Samtaka her-
stöðvaandstæðinga verður haldin á
Kornhlöðuloftinu laugardaginn 18.
nóvember.
Dagskráin hefst með venjulegum
aðalfundarstörfum og umræðum um
starf og stefnu samtakanna. Kl. 14
hefst síðan málþing um Kjamorkuvá
í hálfa öld.
Frummælendur verða: Sveinn
Rúnar Hauksson læknir: Frá
Hiroshima til Thule og Einar Már
Guðvarðarson myndhöggvari: Kjarn-
orkusprengingar Frakka á Suður-
Kyrrahafi. Á eftir verða umræðuF.
og fyrirspurnir.
Doktorsvörn
DOKTORS V ÖRN fer fram við
læknadeild Háskóla Islands laugar-
daginn 18. nóvember. Reynir Arn-
grímsson læknir
ver doktorsritgerð
sína um erfðir og
meðgöngueitrun
sem læknadeild
hefur metið hæfa
til doktorsprófs.
Andmælendur af
hálfu læknadeildar
Reynir verða prófessor
Arngrímsson E,M. Symonds frá
Nottingham, Englandi og Ástríður
Pálsdóttir, Ph.D., sérfræðingur við
Tilraunastöð Háskóla íslands að
Keldum. Deildarforseti læknadeildar,
Helgi Valdimarsson prófessor,
stjórnar athöfninni.
Doktorsvömin fer fram í Háskóla-
bíói, sal 4 og hefst kl. 13. Öllum er
heimill aðgangur.
Minningargjöf
um Helga J. *
Halldórsson
MÁLRÆKTARSJÓÐI hefur borist
gjöf til minningar um Helga J. Hall-
dórsson cand. mag.
í tilefni af áttræð-
isafmæli Helga 17.
nóvember 1995
hefur ekkja hans,
Guðbjörg Guð-
bjartsdóttir, fært
Máiræktarsjóði
500.000 krónur.
Fundur um
nýskipan í
ríkisrekstri
FRÁ velferð til ölmusu er heiti á
opnum fundi á vegum BSRB í
Félagsmlðstöðinni, Grettisgötu 89,
föstudaginn 17. nóvember kl.
9-11.
David Thorp, framkvæmda-
stjóri PSA - Public Service Assoc-
iation, á Nýja Sjálandi flytur er-
indi um reynsluna af umfangsm-
iklum og umdeildum breytingum
á ríkisrekstri þar í landi á undan-
förnum ámm. PSA eru samtök
starfsfólk ríkis og sveitarfélaga
og er stærsta verkalýðsfélag
landsins.
Að erindinu loknu verða fyrir-
spurnir og almennar umræður.
Fyrirlestur
um ullina
HILDUR Hákon-
ardóttir heldur
fyrirlestur í Nor-
ræna húsinu í
Reykjavík á veg-
um Heimilisiðnað-
arskólans laugar-
daginn 18.
Hiidur nóvember.
Fyrirlesturinn
ber heitið: íslenska ullin; Við verð-
um að sættast við hráefnið. Fyrir-
lesturinn hefst kl. 14 og er að-
gangur ókeypis. ......
Helgi J. Helgi J. Hall-
Halldórsson dórsson fæddist 'l 7.
nóvember 1915 á
Kjalvararstöðum. Hann lauk kandí—
datsprófi í íslenskum fræðum frá
Háskóla Islands lauk hann 1945.
Helgi kenndi íslensku og ensku í
Stýrimannaskólanum frá 1945 til
1985. Hann lést 13. október 1987.
Helgi kvæntist Guðbjörgu Guðbjarts-
dóttur 1945 og eignuðust þau fjórar
dætur.
Auk kennslu stundaði Helgi ýmis
störf á sjó og landi og sumrin. Þrátt
fyrir annríki sinnti hann ritstörfum
alla tíð. Hann skrifaði m.a. kennslu-
bækur, erindi um bókmenntaleg efni,
og þýddi bækur og ljóð. Daglegt mál
flutti hann í útvarpi.
Svanur 65 ára
LÚÐRASVEITIN Svanur var stofn-
uð 16. nóvember 1930 og verður því
65 ára á þessui ári.
í tilefni afmælisins verður opið hús
fyrir styrktarfélaga og aðra velunn-
ara sveitarinnar laugardaginn 18.
nóvember kl. 18 í æfingasal Lúðra-
sveitarinnar, Lindargötu 48, 3. hæð.
Þar verða bornar fram veitingar með
myndasýningu og annálum liðinna
ára.
#• jr
-leikur að lara!
Vinningstölur 16. nóv. 1995
8*10*11 *15 *20 *23 * 29
Eldri urslit á simsvara 568 1511