Morgunblaðið - 17.11.1995, Blaðsíða 12
12 FÖSTUDAGUR 17. NÓVEMBER 1995
AKUREYRI
MORGUNBLAÐIÐ
Samþykkt að taka tilboði Þórarins Kristjánssonar í Krossanesverksmiðjuna
Starfsfólk og ísfélag Vest-
mannaevia samstarfsaðilar
BÆJARRÁÐ Akureyrar samþykkti
í gær að ganga til samninga við
Þórarin Kristjánsson og fleiri um
kaup á hlutabréfum bæjarins í loðnu-
verksmiðju Krossaness. Þijú tilboð
bárust í eignarhluta bæjarins í
Krossanesi sem er að nafnverði 110
milljónir króna. Auk Þórarins bauð
fóðurverksmiðjan Laxá í verksmiðj-
una og Oddur Halldórsson fyrir hönd
áhugamanna .um rekstur hennar.
Þórarinn Kristjánsson fram-
kvæmdastjóri Gúmmívinnslunnar hf.
sendi tilboð í verksmiðjuna fyrir hönd
hóps sem saman stendur af starfs-
mönnum Krossaness, stofnanafjár-
festum, eigendum loðnuskipa og
fleiri aðilum. Hann vildi ekki gefa
upp hveijir stæðu að tilboðinu með
honum, en staðfesti að hann, Jóhann
Pétur Andersen framkvæmdastjóri
Krossaness og Sjóvá-Almennar
tryggingar sem tóku þátt í hiutafjár-
aukningu verksmiðjunnar upp á 25
milljónir í haust væru í hópnum.
Samkvæmt heimildum Morgunblaðs-
ins er ísfélag Vestmannaeyja hf. með
í hópi Þórarins, en hún gerir m.a.
út loðnuskipið Sigurð VE sem alloft
hefur landað loðnu í Krossanesi.
Öll hlutabréf bæjarins
verði seld
Þórarinn vildi ekki gefa upp
hversu hátt tilboðið væri. „Það var
samþykkt að gefa það ekki upp. En
ég er mjög ánægður með að okkar
tilboð var afgerandi best og að
ákveðið var að ganga til samninga
við okkur,“ sagði hann.
Oddur Halldórsson, fyrir hönd
áhugahóps um Krossanes, bauðst til
að kaupa hlutabréfin á genginu 0,91
og staðgreiða við undirskrift. „Þetta
er það verð sem við treystum okkur
til að greiða fyrir verksmiðjuna. Við
tökum því með stóískri ró þó tilboði
okkar hafi ekki verið tekið og óskum
væntanlegum nýjum eigendum velf-
arnaðar," sagði Oddur.
Fóðurverksmiðjan Laxá bauðst til
að greiða 115 milljónir króna fyrir
verksmiðjuna. Guðmundur Stefáns-
son framkvæmdastjóri sagði engan
ágreining um að tilboð Þórarins og
hans hóps hefði verið best. „Ég er
ánægður með að hlutabréf bæjarins
í verksmiðjunni verði seld og tel skyn-
samlegt að selja öll hlutabréf í eigu
bæjarins sem fyrst fáist fyrir þau við-
unandi verð,“ sagði Guðmundur sem
jafnframt situr í bæjarstjórn Akur-
eyrar. „Ég vona að rekstur verksmiðj-
unnar gangi vel og skili nýjum eigend-
um arði og bæjarfélaginu tekjum.“
Gott tilboð
Sigfríður Þorsteinsdóttir forseti
bæjarstjórnar Akureyrar sagði tilboð
Þórarins vera áberandi best og því
hefði bæjarráð ákveðið að gengið
yrði til samninga við hann og hans
hóp. Hún sagði viðræður hefjast
fljótlega og átti von á að niðurstaða
lægi fyrir innan skamms.
„Ég er mjög ánægð með tilboðið,
það fór fram úr björtustu vonum,“
sagði Sigfríður. „Þetta er eitt af okk-
ar fyrstu skrefum í eignasölumálum
og mér virðist sem vel hafí tekist til.“
Kínversk sendinefnd kannar möguleika á stóriðju
Morgunblaðið/Kristján
ÞÓRSARAR gáfu Birgi Erni
blómaskreytingu í tilefni
landsliðsvalsins og hér sést
Andri Gylfason afhenda hana.
Úr einu lands-
liði í annað
ÞÓRSARAR eiga tvo fulltrúa í
þeim 20 manna landsliðshópi í
körfubolta sem Jón Kr. Gíslason
landsliðsþjálfari valdi í vikunni og
sagt var í Morgunblaðjnu í gær.
Þetta eru þeir Birgir Örn Birgis-
son og Kristinn Friðriksson og er
Birgir Örn einn þeirra sjö nýliða
sem valdir voru í hópinn.
Birgir Örn, sem er 26 ára gam-
all, hefur ekki verið lengi viðloð-
andi körfuboltann. Sundíþróttin
hefur átt hug hans allan til fjölda
ára en hann keppti fyrir Vestra á
ísafirði. Hann er margfaldur Is-
landsmeistari í sundi og fyrrver-
andi landsliðsmaður í greininni.
Hann byrjaði ekki að æfa körfu-
knattleik fyrr en árið 1990 og
spilaði með liði Bolungarvíkur eitt
keppnistímabil. Árið 1991 flutti
Birgir Örn til Akureyrar og þá fór
hann að æfa og leika körfubolta
með Þór og hefur gert síðan.
Kom nokkuð á óvart
Aðspurður sagði Birgir Örn að
það hafi komið honum nokkuð á
óvart að vera valinn í landsliðs-
hópinn, enda hafi hann ekki verið
fyrirferðarmikill á vellinum né
hár í stigaskorun. „Ég held að
getan sé fyrir hendi en ég þarf
bara að fara að sýna hana. Svona
tækifæri eins og ég hef nú fengið
gefur manni byr undir báða
vængi,“ sagði Birgir Örn.
Sundíþróttin hefur skipað stór-
an sess í lífi Birgis sem var fyrst
valinn í sundlandsliðið árið 1985
og keppti með því fram til ársins
1990. Skriðsund var hans besta
grein og hann átti m.a. íslandsmet
í 50 metrunum. „Ég fer orðið lítið
i sund en þó kem ég við í lauginni
annað slagið og er reyndar enn
keppa á Vestfjarðamótinu."
Birgir Örn býr með Sigrúnu
Pálmadóttur en hún stundar söng-
og píanónám í Tónlistarskólanum.
Tveir staðir í Eyja-
firði skoðaðir
KÍNVERSK sendinefnd frá ríkis-
fyrirtækinu China National Non-
ferrous Metal Industry Corp. var
á ferðinni í Eyjafirði í gærdag en
fulltrúar þess velta nú fyrir sér
möguleika á að byggja álver á
íslandi.
Fulltrúar Akureyrarbæjar
sýndu Kínverjunum tvo staði sem
hugsanlega koma til greina undir
slíka starfsemi, Dysnes í landi
Gilsbakka, skammt sunnan Hjalt-
eyrar, og Heliuhöfða við Árskógs-
sand;_
Guðmundur Stefánsson, for-
maður atvinnumálanefndar Akur-
eyrarbæjar, sagði að margvísleg-
ar rannsóknir hefðu verið gerðar
á svæðunum, einkum Dysnesi,
m.a. varðandi veðurfar og jarðveg
og gestunum verið gerð grein
fyrir þeim auk annarra upplýs-
ingar um svæðið almennt, orku-
verð, vatn, þjónustu og fleira.
Næsta skref væri að draga þessar
upplýsingar saman og senda utan
til Kína.
Afstaða heimamanna
skiptir máli
„Það er ekki tímabært að segja
um hvort eitthvað verði úr þessu,
en ég hef enga ástæðu til að ætla
annað en að þessir menn séu hér
á landi í fullri alvöru, en ekki í
skylduheimsókn. Það er þeirra að
ákveða hvort og þá hvemær þeir
reisa álver hér og það eru fleiri
staðir sem koma til greina verði
af því, en við væntum góðs af
samstarfi við markaðsskrifstofu
Morgunblaðið/Kristján
RAGNAR Baldursson, túlkur kínversku sendinefndarinnar, út-
skýrir staðhætti á Dysnesi, en honum á vinstri hönd er Zhao
Zheng Ping, aðstoðarframkvæmdastjóri fyrirtækisins.
þessu
KÍNVERSKU fulltrúarnir
kanna jarðveginn á Dysnesi.
iðnaðarráðuneytisins í
máli,“ sagði Guðmundur.
Hann sagði afstöðu heima-
manna til málsins afar mikilvæga,
ljóst væri að lítið yrði úr fram-
kvæmdum yrðu menn varir við
andstöðu. „Það er hins vegar mín
tilfinning að sveitarstjórnir á
svæðinu horfi til slíkra fram-
kvæmda með velvilja og þyki þær
spennandi og ég held að það sama
gildi um fjölda einstaklinga. Verði
eitthvað úr þessu tel ég mikilvægt
að kynna fólki vei um hvers konar
starfsemi er að ræða einkum hvað
varðar mengunarþáttinn,“ sagði
Guðmundur.
Sviðsstjóri félags-
og fræðsludeildar
Mælt með
Valgerði
BÆJARRÁÐ Akureyrar hefur mælt
með ráðningu Valgerðar Magnús-
dóttur, sálfræðings, í starf sviðs-
stjóra á félags-
og fræðslusviði,
í stað Jóns
Bjömssonar sem
þegar hefur látið
af því starfi. Alls
bárust 10 um-
sóknir um stöð-
una.
„Ég er af-
skaplega stolt og ánægð með að
bæjarráð skuli sýna mér svor.a mikið
traust," sagði Valgerður Magnús-
dóttir í samtali við Morgunblaðið.
I föngulegum hópi
umsækjenda
„Ég var mjög í föngulegum hópi
umsækjenda og við höfum sjálfsagt
öll gert okkur vonir um starfið. Mér
fínnst ég hafa ýmislegt að bjóða og
eins er samkvæmt stefnu bæjarins
vilji fyrir að fjölga konum í ábyrgða-
stöðum. Þá er starfsfólki, samkvæmt
starfsmannastefnu bæjarins, gefinn
kostur á tilflutningi í starfi, eftir
tækifærum og hæfileikum, þannig
að auðvitað hafði ég vissar vænting-
ar.“
Valgerður hefur starfað sem sál-
fræðingur hjá Félagsmálastofnun
Akureyrarbæjar frá árinu 1989. Þá
leysti hún deildarstjóra stofnunarinn-
ar af í fimmtán mánuði á árunum
1993 og ’94.
„Ég þekki vel til á þeirri deild sem
ég starfa nú og þó nokkuð til ann-
arra þátta sem heyra undir þetta
svið. Sumt þekki ég minna og mun
því leggja.ailt kapp á að kynnast því
á fyrstu vikum og mánuðum."
Ekki er enn ljóst hvenær Valgerð-
ur tekur við stöðunni en hún á von
á að það verði fyrr en seinna, enda
er Jón Björnsson hættur störfum.
Vaigerður er 46 ára gömul, gift Teiti
Jónssyni tannlækni og eiga þau tvo
uppkomna syni.
Eitt sinn
stríðsmenn
KVIKMYNDAKLÚBBUR Akureyrar
sýnir myndina Eitt sinn stríðsmenn
(Once were Warriors) í Borgarbíói á
sunnudag, 19. nóvember kl. 17.00.
í myndinni er sagt frá örlögum
fjölskyldu af kynstofni maóría, frum-
byggja Nýja Sjálands. Myndin þykir
afar sterk og hefur fengið mikla
aðsókn og lof um heim allan. Hún
hefur fengið meira en 20 verðlaun á
alþjóðlegum kvikmyndahátíðum.
Messur
LAUFÁSPRESTAKALL:
Kirkjuskóli- næstkomandi laug-
ardag í Svalbarðskirkju kl.
11.00 og í Grenivíkurkirkju kl.
13.30. Kyrrðar- og bænastund
í Svalbarðskirkju sunnudags-
kvöldið 19. nóvember kl. 21.00.
Bæjarráð Akureyrar samþykkir að fela bæjarstjóra sölu eigna bæjarsjóðs
BÆJARRÁÐ Akureyrar lagði í
gær til að bæjarstjóra yrði falið
að bjóða til sölu hlutabréf bæjar-
ins í Fóðurverksmiðjunni Laxá.
Akureyrarbær á um 30% hlut í
fyrirtækinu
Sigfríður Þorsteinsdóttir, for-
seti bæjarstjómar Akureyrar,
sagði að áætlað væri að bærinn
fengi um 30 milljónir króna fyrir
sinn hlut í verksmiðjunni.
Bæjarráð staðfesti einnig á
fundi í gær samning við Kaupþing
Norðurlands um sölu á hlutabréf-
um bæjarins í Skinnaiðnaði hf. en
Hlutabréf bæjarins
í Laxá verða seld
þau eru að nafnverði 21,2 milljón-
ir króna og boðin á genginu 3,0.
Þurfum að selja eignir
„Við höfum lýst því yfir að við
þurfum að selja eignir til að bæta
stöðu framkvæmdasjóðs og bæjar-
sjóðs,“ sagði Sigfríður Þorsteinsdótt-
ir. „Við erum þegar byijuð að selja
eignir og sjáum fram á að fá fleiri
krónur í kassann, en enn hafa ekki
verið teknar ákvarðanir um í hvað,
nákvæmlega, við munum veija þess-
um peningum.“
Sigfríður sagði vel koma til greina
að nota það fé, sem fæst fyrir hluta-
bréf bæjarins, í annan atvinnurekst-
ur tímabundið eða í nauðsynlegar
framkvæmdir á vegum bæjarins.
ÚA-bréfin næst?
„Það er hugsanlega komið að því,“
sagði Sigfríður aðspurð um hvort
hlutabréf bæjarins í Útgerðarfélagi
Akureyringa yrðu boðin til sölu næst.
„Það hefur ekki verið tekin ákvörðun
um hvort og þá hversu mikið af
hlutabréfum bæjarins í ÚA verði
boðin til sölu.“.