Morgunblaðið - 09.12.1995, Blaðsíða 64
64 LAUGARDAGUR 9. DESEMBER 1995
MORGUNBLAÐIÐ
IMÝJAR HUÓMPLÖTUR
Morgunblaðið/Ásdís
TORFI Ólafsson, Jóhann Helgason og Bergþóra Árnadóttir.
Aldar-
minning
Fjöldi laga hefur verið
saminn við ljóð Davíðs
Stefánssonar enda
henta þau vel til söngs
að sögn útgefenda nýs
disks með lögum við ljóð
hans.
ÚT ER kominn diskurinn „Aldar-
minning". Hann er tileinkaður Dav-
íð Stefánssyni frá Fagraskógi en í
ár eru hundrað ár liðin frá fæðingu
hans. Samin hafa verið lög við fjölda
kvæða hans í gegnum árin og á
þessum diski eru nokkur þeirra
ásamt nokkrum sem eru ný af nál-
inni. Morgunblaðið ræddi við þau
Torfa Ólafsson, Bergþóru Árna-
dóttur og Jóhann Helgason en þau
eiga öll lög á disknum og gefa hann
út í samvinnu við aðra flytjendur á
honum.
Fjórtán söngvarar koma fram á
disknum og átta lög af þrettán eru
nýjar upptökur, hvort sem um nýtt
eða eldra lag er að ræða. „Diskurinn
var þannig unninn að hver listamað-
ur sá um að fullvinna sín lög og
skila inn á stafrænni snældu og svo
var lögunum raðað inn á diskinn og
efnið hljóðblandað," sögðu þau.
Breidd í ljóðunum
í ár hefur Davíðs verið minnst á
margan hátt en einkum í bóka- og
greinaformi. „Það hefði verið hneisa
ef enginn hefði minnst hans með
útgáfu laga við Ijóð hans enda hef-
ur þvílíkur fjöldi laga verið saminn
við ljóð hans. Þau eru einstaklega
vel fallin til söngs,“ sagði Jóhann
Helgason.
Að sögn Torfa er það sérstakt
við diskinn að á honum er blanda
af sígildum lögum, vísnalögum og
dægurflugum. Með þessu hafí náðst
þverskurður af lögum sem samin
hafa verið við ljóð hans.
„Það sést á fjölbreytni tónlistar-
innar hversu mikil breidd er í ljóðun-
um hans að þau er hægt að nota í
öllum tegundum tónlistar. Sem
dæmi þá er Páll ísólfsson einn full-
trúi klassíkurinnar á disknum, ég
er með vísnalag og Torfí með dæg-
urlag,“ sagði Bergþóra, og Torfí
bætir við, „það eiga allir að geta
fundið eitthvað við sitt hæfí en aðal-
atriðið er að lögin miðast öll við að
geta komið ljóðinu vel til skila.“
Hvernig verða Iögin til?
Bergþóra segir frá, „Lagið mitt,
,„Barnið í þorpinu", kom út á plötu
árið 1982. Eg get ekki útskýrt
hvemig ég sem lög. Eg horfi bara
á ljóð og les það og svo er bara
lagið komið, það kemur út úr ljóð-
inu. Ég veit að þetta eru ekki eðli-
leg vinnubrögð en lagið kemur full-
skapað og útsett inn í höfuðið á
mér,“ sagði Bergþóra og bætti við
að hún notaði þá mælistiku á gæði
laga sinna að ef þau eru í höfðinu
á henni næsta dag þá er lagið sæmi-
legt, ef hún man það eftir tvo daga
er það heldur skárra en ef það er
enn hljómandi í höfði hennar eftir
viku líftíma þá setur hún það inn
á band. „Ég hef nú samið margan
aumingjann skal ég segja þér,“
sagði hún.
Torfi sagði að öllu venjúlegri
vinnubrögð væru við samningu
sinna laga. „Mér finnst nú alltaf
minnsta atriðið að semja lagið, það
er bara smásandkom í öllu ferlinu,“
sagði hann.
Kemur það aldrei fyrir að fleiri
en eitt lag séu samin við sama
kvæðið?
„Það er nú svona þegjandi sam-
komulag að semja ekki lag við ljóð
sem maður veit að hefur verið gef-
ið út áður, þó auðvitað geti slys
komið fýrir,“ segja þau að lokum.
I I WÆ Pétur Pétursson,
I I I PT I höfundur bókarinnar.
ALÞÝÐUHREYFING
HJÁLPRÆÐISHERINN í 100 ÁR
Pétur Pétursson
100 ára saga
Hjálpra’ðishersins á Íslandi
Hjálprœöisherinn er litrík alþýöu-
hreyfing - líknarhreyfing sem byggir
á því að trúboö og líknarstarf er sam-
ofiö lífi og starfi hreyfingarinnar.
í bókinni er fjallað um uppruna
Hjálprœöishersins og fyrstu leiötoga
hans. ítarlega er fjallaö um komu
Hersins til íslands og viöbrögö manna
við honum og starfsháttum hans.
Fjallað er um áhrif Hjálprœöis-
hersins á trúar- og menningarlíf íslend-
inga, ekki síst hvernig hann hefur birst
í ýmsum skáldverkum, á frœöandi
og skemmtilegan hátt.
Skálholtsútgáfan
Laugavegi 31 - Sími 552 1090
Metnaður ræður gerð
TONLIST
Geisladiskur
VERÖLD SMÁ OG STÓR
Veröld smá og stór, sólóskifa Ás-
geirs Óskarssonar. Lög ölt eftir Ás-
geir en textar eftir Ingólf Steinsson.
Ásgeiri til aðstoðar eru fjölmargir,
þar á meðal söngvaramir Egill Ólafs-
son, Bubbi Mort-
hens, Andrea Gylfa-
dóttir, Kristján
KristjáiLsson, Sig-
tryggur Baldursson,
Berglind Björk Jón-
asdóttir, Guðrún
Gunnarsdóttir og
Þór Breiðijörð.
mjóðfæraleikarar
eru og íjölmargir,
Ásgeir leikur á
trommur, hljóm-
borð, bassa, aukin-
heldur sem hann
syngur, Þorsteinn
Magnússon leikur á flesta gítara,
Björgvin Gíslason og Tryggvi
Hiibner koma einnig þar við sögu,
Haraldur Þorsteinsson á bassa, Pétur
Hjaltested á hljómborð, Stefán Stef-
ánsson á saxófón og Einar Öm Páls-
son á trompet. Japís gefur út. 42,50
mín., 1.999 kr.
LÍKLEGA hafa flestir vitað að
Ásgeir Oskarsson, einn helsti
trommuleikari landsins, væri lið-
tækur lagasmiður, en færri vita að
hann er líka prýðilegur söngvari,
ágætis hljómborðs- og bassaleikari.
Sönnun þess er að finna á sólóskífu
hans, Veröld smá og stór, sem kom
út fyrir skemmstu. Vinahópurinn
er líka stór, því á plötunni spreytir
sig landslið íslenskra poppsöngvara,
aukinheldur sem nokkrir helstu
hljóðfæraleikarar koma við sögu.
Þessi breiðskífa Ásgeirs ber það
með sér að metnaður ræður gerð
hennar, en ekki sókn eftir vinsæld-
um, því tónlistin á henni er á köflum
þyngri en svo að falli að smekk al-
mennra plötukaupenda, sem vilja fá
matreitt og niðursoðið að útlendri
fyrirmynd. Ekki má skilja þessi orð
svo að um sé að ræða torf eða
steypu, því mörg laganna er þægi-
lega grípandi og
vænleg til vinsælda,
til að mynda Lífsins
stóra stykki, sem
Kristján „KK“ Krist-
jánsson syngur,
Langt er liðið, sem
þeir Ásgeir og Bubbi
Morthens syngja
saman, og Jafnt nótt
sem dag, sem Þór
Breiðfjörð syngur.
Innan eru svo þyngri
lög og veigameiri
eins og Frelsun, með
innblásnum söng
Andreu Gylfadóttur, Alltaf, sem
hefði þó eflaust orðið betra með
minni tölvutækni, titillag plötunnar
sem Guðrún Gunnarsdóttir syngur
afbragðsvel, og lokalagið Mynda-
saga, sáraeinfalt lag og bráðvel
heppnað, líklega besta lag plötunn-
ar. Reyndar hefði Ásgeir gjaman
mátt syngja meira til að gefa plöt-
unni sterkari heildarsvip, þó söngv-
aravalið gefi vissulega skemmtilega
fjölbreytni í staðinn.
Veröld stór og smá er breiðskífa
sem gefur meira eftir því sem meira
er á hana hlustað og sannar eftir-
minnilega að Ásgeir Óskarssyni er
fleira lagið en leika listavel á
trommur. Ástæða er til að geta um
hljóm plötunnar, sem er afskaplega
vel heppnaður. Umslagið gengur
ekki vel upp, þó hugmyndin sé góð.
Árni Matthíasson
Ásgeir Óskarsson og
Ingólfur Steinsson
Gleðigjafinn samur við sig
TÓNUST
Geisladiskur
TIL ÞÍN
Geislaplata André Bachmann. André
Bachmann söngur. Carl Möller og
Þórir Úlfarsson hljómborð, Gunnar
Bemburg bassi, Hörður Friðgeirsson
gitar, Rúnar Georgsson saxafónn og
flauta. Utsetningar: Carl Möller og
Þórir Ulfarsson. Upptökumenn: Ás-
geir Jónsson og Axel Einarsson.
Hljóðblöndun: Tómas Tómasson.
Japis gefur út. Verð 1.999 krónur.
ANDRÉ Bachmann gaf út plötu
fyrir nokkrum árum og var þá á
plötuumslagi kallaður „konungur
kokteil-tónlistarinnar“, sem er í
sjálfu sér ágæt nafngift og átti vel
við þá. Hann er nú
oftast kenndur við
hljómsveit sína
Gleðigjafana og
gleðigjafinn André
á vel við, því hann
syngur fyrst og
fremst til að
skemmta fólki, eins
og þeir vita sem
hafa brugðið sér á
ball með honum.
Á nýrri plötu
sinni Til þín fer
André kunnugleg-
ar slóðir og tekur fyrir ýmsa líf-
seiga „standarda" svo sem Only
You, Sunny Side of the street,
Amor, Quando quando, More og
fleiri, en alla þó með íslenskum
textum, sem eru eftir Þorstein
Eggertsson utan tveggja, sem eru
annars vegar eftir Sigurð Einars-
son og hins vegar eftir André
sjálfan.
Carl Möller á tvö ágæt lög á
plötunni, Bjór á næstu krá og Jörð-
in okkar og André semur titillagið
Til þín (eiginkona), prýðilegt lag
þar sem höfundur syngur greini-
lega frá hjartanu. Hin lögin eru
erlend og mörg gamalkunn eins
og áður segir. André fer yfirleitt
vel með þessi lög enda góður
söngvari. Rúnar Georgsson blæs
ágætt sóló í Bessame Mucho og
finnst mér að hans krafta hefði
mátt nýta í fleiri lögum því það
er alltof sjaldan sem maður heyrir
orðið í þessum frábæra saxafón-
leikara.
Hér erum við ef til vill komin
að því sem mér fínnst vera helsti
veikleiki plötunnar, það er, að
undirleikur er að miklu leyti leik-
inn á tölvuvædd hljómborð. Ég
hef einhvern veginn aldrei getað
vanist því fyrirkomulagi, en
eflaust er það smekksatriði hvað
mönhum finnst um slíkt. Hér er
ekki verið að hnýta í útsetningar
þeirra Carls Möller og Þóris Úlf-
arssonar, sem eru
ágætar sem slíkar.
Mér finnst það
bara aldrei hljóma
nógu sannfærandi
þegar saxafónsóló
er tekin á hljóm-
borð eða þegar
lúðra- og strengja-
sveitir eru fram-
kallaðar með þeim
hætti. Raunar hef-
ur mér aldrei þótt
fiðlur og dægur-
tónlist eiga vel
saman, en skoðanir á því hljóta
líka að vera einstaklingsbundnar.
Þetta sjónarmið mitt um tölvu-
væddan hljómborðsundirleik þarf
þó ekki að rýra skemmtanagildi
plötunnar því gleðigjafinn er sam-
ur við sig og er hér að syngja
fyrir fólkið, sem hann hefur verið
að skemmta um árabil. Það fólk
verður áreiðanlega ekki fyrir von-
brigðum því sjálfsagt er mikið til
í því sem segir á plötuumslagi:
„Platan er eins og André; ljúf,
þægileg og kemur beint frá hjart-
anu.“
Sveinn Guðjónsson
GLEÐIGJ AFINN André
Bachmann.