Morgunblaðið - 31.12.1995, Side 8

8 SUNNUDAGUR 31. DESEMBER 1995
MORGUNBLAÐIÐ
FRÉTTIR
Gleðilegt nýtt góðæri
Morgunblaðið/Árni Sæberg
FRÁ vinstri: Magnús Skúlason aðstoðarforstjóri Landakotsspítala, Logi Guðbrandsson forstjóri Landa-
kotsspítala, Kristín Á. Ólafsdóttir formaður stjórnar Borgarspítalans og stjómarmaður í nýrri stjórn
Sjúkrahúss Reykjavíkur, Jóhannes Pálmason forstjóri Sjúkrahúss Reykjavíkur, Sigfús Jónsson formað-
ur bráðabirgðastjórnar sjúkrahússins, Sigríður Snæbjömsdóttir hjúkmnarforstjóri, Ólafur Ö. Arnarson
og Jóhannes M. Gunnarsson lækningaforstjórar. Merki Sjúkrahúss Reykjavíkur sést í bakgmnni.
Borgar- og Landakotsspít-
ali sameinast um áramótin
BORGARSPÍTALI og Landakotssp-
ítali sameinast um áramótin í Sjúkra-
hús Reykjavíkur. Framkvæmdastjóri
þess verður Jóhannes Pálmason,
framkvæmdastjóri Borgarspítalans.
Breytingin n ’.na um áramótin er að-
eins formleg og mun ekki hafa nein
áhrif á sjúklinga eða starfsfólk að
sögn Sigríðar Snæbjömsdóttur hjúkr-
unarforstjóra Borgarspítalans.
Jóhannes Pálmason sagði á blaða-
mannafundi, þar sem sameiningin var
kynnt, að með henni væri fyrst og
fremst verið að leitast við að nýta
betur það fjármagn, sem úthlutað
væri til heilbrigðismáia og jafnhliða
því auka gæði þjónustunnar. Sagði
hann að góð reynsla hgfði verið af
þeim þáttum í rekstri spítalanna, sem
hefði verið stjómað sameiginlega á
þessu ári. Fullyrti hann að mikilli
hagræðingu hefði verið náð og á verð-
lagi ársins í ár væri samanlagður
rekstrarkostnaður Borgarspítala og
Landakotsspítala 381 milljón króna
lægri en árið 1991. Á sama tíma
hefðu afköst síst minnkað, frekar
aukist. Sagði hann ennfremur að
búið væri að leysa öll réttindamál
starfsmanna og á Landakoti hefði
fólk rétt á að vera í lífeyrissjóði ríkis-
starfsmanna áfram.
Bráðaþjónusta mun öll verða áfram
í húsnæði Borgarspítalans en augn-
lækningadeild og innkallaðar aðgerðir
í húsnæði Landakots. Ennfremur mun
stærstur hluti öldrunarþjónustu verða
á Landakoti. Eftir sem áður mun
Sjúkrahús Reykjavíkur sinna siysa-
og bráðaþjónustu fyrir allt landið.
Sigfús Jónsson formaður bráða-
birgðastjómar Sjúkrahúss Reykjavík-
ur, sem unnið hefur að sameining-
unni, sagði að líklega væri hér um
að ræða stærstu sameininguna í op-
inberum rekstri á íslandi. Hann sagði
að aðdragandi hennar hefði verið
iangur og' væri henni enn ekki að
fullu lokið. Hann taldi að Sjúkrahús
Reykjavíkur yrði farið að virka mjög
vel sem stofnun eftir fímm til tíu ár.
NUDDNÁM
Kvöld- og helgarnám
hefst þann 8. janúar næstkomandi.
Námið tekur I 1/2 ár og skiptist í tvo þætti:
a. Nuddkennsluþátt.
b. Starfsþjálfunarþátt.
Inntökuskiiyrði: Um 2 ára nám í bóklegum
greinum á framhaldsskólastigi
sem taka má meðfram á eða eftir nuddnámi
ef þeim er ekki lokið áður en það hefst).
Útskriftarheiti: Nuddfræðingur.
Námið er viðurkennt af Félagi fslenskra nuddfræðinga.
Upplýsingar f síma 567-6612 alla virka daga frá kl. 13-17.
Hægt er að fá senda námslýsingu eða koma í heimsókn.
Kynningarkvöld næstkomandi fimmtudag kl. 20 í aðstöðu nuddskólans
að Smiðshöfða 10, 112 Reykjavík, 3. hæð.
Muddskóli RArns Qeirdals
Augnslys um áramót
Flugeldar eru
hættuleg verkfæri
Haraldur Sigurðsson
REYNSLAN hefur
sýnt að um hver
áramót verður
alltaf einhver fyrir því
óláni að slasast á auga
vegna flugelda eða blysa.
Rannsóknir sem gerðar
hafa verið hér á landi af
augnlæknum á augndeild
Landakotsspítala benda til
að þessum slysum hafi
heldur fækkað á und-
anfömum árum en þau eru
hins vegar alvarlegri en
áður var og valda þeim
sem fyrir þeim verða var-
anlegu heilsutjóni og
stundum örorku. Haraldur
Sigurðsson augnlæknir
segir að þeir sem koma
nálægt flugeldum ættu
alltaf að hafa það hugfast
að þetta eru hættuleg
verkfæri sem þurfi að
umgangast af mikilli varúð. Þá
sé mjög áríðandi að barna sé vel
gætt þegar flugeldum er skotið á
loft.
- Hveijir eru það sem helst
slasast vegna flugelda og hvenær
eru þessi slys tíðust?
„Slys vegna flugelda verða
fyrst og fremst á tímabilinu frá
því strax eftir jól og fram yfír
þrettándann. Það má eiginlega
skipta þessum slysum í tvennt.
Annars vegar eru það börnin þar
sem bæði óvitaskapur og fikt með
flugelda valda slysi. Þau eru til
dæmis að opna flugeldana og bera
að þeim eld. Einnig verða slysin
vegna þess að þau eru að kveikja
á flugeldunum ,en kunna ekki að
meðhöndla þá rétt. Þessi slys er
hægt koma í veg fyrir með auknu
eftirliti og þá fyrst og fremst for-
ráðamanna barnanna.
Hins vegar eru það þeir sem
eldri eru en þá er orsökin oft óljós.
Það skal álltaf hafa hugfast að
þetta eru hættuleg verkfæri.
Krafturinn er geysilegur og ef
flugeldurinn hittir beint í augað
eru alvarlegar augnskemmdir lík-
legar.
Almennt má segja að því fleiri
sem eru þar sem verið er að skjóta
upp flugeldum því erfiðara er að
hafa stjórn á aðstæðum. Erlendis
þar sem almenn notkun flugelda
er bönnuð eru það eingöngu fag-
menn sem skjóta flugeldunum, líkt
og hér er til dæmis þegar hjálpar-
sveitir skáta standa fyrir flugelda-
sýningum. Það verður auðvitað
aidrei eins skemmtilegt en augn-
slys af vöidum flugelda verða mun
sjaldnar en hér.“
- Hvernig áverkar eru aigeng-
astir?
„Áverkarnir eru aðallega afleið-
ingar höggsins sem verður þegar
flugeldur hittir augað auk bruna
vegna blysa. Þvermái flugelda er
lítið þannig að augnumgjörðin ver
ekki augað heldur tekur
það sjálft allt höggið.
Þetta er iíkt og þegar
skvassbolti hittir augað.
Aftur á móti er tennis-
bolti stærri þannig að
augnumgjörðin nær að
verja augað gegn högginu, að
hluta til að minnsta kosti.
Eftir því sem höggið af flugeld-
inum er meira því alvarlegri verð-
ur skaðinn. Áverkinn getur verið
allt frá vægum sárum á yfirborði
augans, sem grær á nokkrum
dögum, til þess að fólk missir
augað. Afleiðingar augnslysa geta
verið lengi að koma í ljós og það
þarf að fylgjast vel með þeim sem
fyrir þeim verða. Dæmi um síð-
komnar afleiðingar eru til dæmis
ský á auga og gláka. Varanleg
sjónskerðing vegna þessara slysa
er því miður algeng.
►Haraldur Sigurðssson er
fæddur 4. ágúst 1954 í Reykja-
vík. Hann lauk prófi frá lækna-
deild Háskóla íslands árið 1980.
Hann stundaði framhaldsnám í
augnlækningum í Bretlandi á
árunum 1984 til 1989, fyrst við
Dundee University í Skotlandi
og síðan við Moorfields Eye
Hospital í London. Frá 1989
hefur Haraldur unnið sem sér-
fræðingur á augndeild Landa-
kotsspítala. Hann er kvæntur
Guðleifu Helgadóttur og eiga
þau þrjú börn.
Fólk sem hefur slæma sjón á
öðru auga ætti alls ekki að koma
nálægt flugeldum þar sem slys á
góða auganu getur leitt til varan-
legrar örorku vegna lélegar sjón-
ar.“
- Hvað á fólk að gera til að
koma í veg fyrir slysin?
„Það verður að líta vel eftir
börnum og unglingum því það er
aðallega fólk undir tvítugu sem
verður fyrir þessum slysum. Það
má alls ekki bogra yfir flugelda
þegar þeim er skotið upp og það
á að láta flugelda sem ekki hafa
farið í loftið í friði. Slys verða oft
með þeim hætti að farið er að
bogra yfir flugeld sem hefur ekki
skotist upp. Mikilvægast er að
sýna almenna aðgát og lesa og
fylgja leiðbeiningum."
- Hvað á fóik tii bragðs að
taka ef siys verður?
„Fólk verður að leita til læknis
svo fljótt sem auðið er. Yfirleitt
þurfa augnlæknar einnig að koma
að þessum vandamálum fljótt þar
sem ýmsir áverkar á auganu sjást
ekki nema með tækjum augn-
lækna. Nokkrar blóðfrumur á
sundi í auganu breyta meðferðinni
töluvert en þær gefa vísbendingu
um að vefir í auganu
skemmst við
Það þýðir
einnig að frekari blæð-
ing inn á augað getur
átt sér stað.
Núna um áramótin
verða breytingar á bráðaþjónustu
vegna augnsiysa á höfuðborgar-
svæðinu. Fram að þessu hafa
augnlæknar í Augnlæknafélagi
íslands sinnt vaktþjónustu fyrir
slysadeild Borgarspítalans. Eftir
samruna Borgarspítalans og
Landakotsspítalans 1. janúar
verður þjónusta fyrir bráð augn-
slys á virkum dögum að Öldugötu
17. Á kvöldin og um helgar verð-
ur hún á slysadeild Borgarspítal-
ans í umsjá augndeildarinnar. Þá
munu augnlæknar sinna fólki á
stofum sínum áfram sem hingað
til.“
Fólk undirtví- hafl
tugu að hö^ð-
stærstum
hluta