Morgunblaðið - 16.01.1996, Blaðsíða 11
MORGUNBLAÐIÐ
ÞRIÐJUDAGUR 16. JANÚAR 1996 11
________________________FRÉTTIR________________________
Vinnustaðafundir Dagsbrúnarmanna frá morgni til kvölds
A og B bítast
um völdin
Baráttan um forystu í verkamannafélagínu Dagsbrún
er nú að ná hámarki, enda örfáir dagar þar til
félagsmenn ganga að kjörborðinu til að skera úr um
það hvort A-listi eða B-listi skuli leiða félagið. Karl
Blöndal leit inn á kosningaskrifstofur listanna í gær
og ræddi við forvígismenn þeirra.
KOSNINGAHERBÚÐIR A-listans litu út eins
og íbúð, sem hafði verið yfirgefin í skyndingu
og gleymst að læsa. A-listinn hefur til leigu
heila hæð í húsi neðarlega á Hverfisgötu og
utan af götu sást vel inn í uppiýstan, mannauð-
an sal. Það var ekki fyrr en komið var inn í
bakherbergi að fannst lífsmark. A skrifstofu
B-listans, sem er til húsa undir bílaverkstæði
við Smiðjuveg í Kópavogi, er ekki sama pláss-
inu fyrir að fara og hjá andstæðingunum, en
þar var einnig fátt um manninn.
Skýringin á þessari manneklu reyndist nær-
tæk. Kosningabaráttan fer ekki fram á skrif-
stofunni, heldur á vinnustöðum, sem frambjóð-
endur listanna hafa þrætt frá morgni til kvölds
undanfarið til þess að kynna málstað sinn og
munu gera þar til kosningarnar hefjast á föstu-
dag.
Kosningaskrifstofumar eru miðstöðvar, en
ekki samkomustaðir. Þar er starfsemin skipu-
lögð og lagt á ráðin.
Fjölmiðlar og umræðan
Á ýmsu hefur gengið í kosningabaráttunni
og þegar kemur í ljós mismunandi afstaða list-
anna til fjölmiðla. I herbúðum A-listans eiga
menn bágt með að leyna gremju sinni og sagði
Sigurður Bessason, sem sækist eftir stöðu rit-
ara Dagsbrúnar á A-listanum, að fjölmiðlar
hefðu skrumskælt umræðuna. Hjá B-listanum
var hins vegar að finna ánægju með fjölmiðla
og sagði Sigurður Rúnar Magnússon, sem
sækist eftir varaformennsku í Dagsbrún, að
án þeirra hefði umræðan aldrei orðið áberandi.
Fundir á vinnustöðum er sú leið, sem menn
á framboðslista fara til að ná til félaga í Dags-
brún og stefnt er að því að koma sem víðast
við fyrir föstudag. Þessir vinnustaðafundir eru
haldnir í sitt hvoru lagi, en B-listamenn hefðu
kosið að hafa annan hátt á.
„Við höfum margboðið þeim að koma með,“
sagði Sigurður Rúnar. „En þeir vilja ekki taka
því boði.“
Viljum ekki fara í hanaslag
„Við viljum ræða málin þannig að félags-
menn getið komið sínum skoðunum á fram-
færi,“ sagði Sigurður Bessason.
„Við viljum fá að tjá okkur, en ekki fara í
hanaslag," sagði Halldór Björnsson, efsti mað-
ur á A-lista.
Það er hins vegar sameiginlegur fundur i
vændum. Á fímmtudagskvöld klukkan fimm
verður umræðufundur í Bíóborginni og í gær
komust kosningastjórar listanna að samkomu-
lagi um að þar skyldu fimm af hvorum lista
taka til máls.
Sigurður Rúnar sagði að fundir af þessu
tagi hefðu verið haldnir aliar götur frá árinu
1906 og væri því komin hefð fyrir þeim. Það
hefði þó tekið tíma að fá A-listann til að fall-
ast á að hann yrði haldinn.
„Þessi fundur gæti orðið harðyrtur,“ sagði
Sigurður Bessason, A-lista. Halldór Björnsson,
efsti maður á A-lista, sagði að fundurinn á
fimmtudag yrði „lokahnykkurinn“ á kosninga-
baráttunni, því að bannað væri að reka áróður
á meðan kosið væri.
Listana greinir á um margt, en um eitt eru
þeir samhljóða: Viðtökurnar á vinnustöðum.
„Kosningamar leggjast vel í okkur og við
höfum fengið jákvæð viðbrögð þar sem við
höfum komið,“ sagði Halldór. „Sums staðar
hefur okkur verið tekið með lófaklappi. Við
finnum fyrir meðbyr."
„Við höfum fengið mjög góðar viðtökur,"
sagði Sigurður Rúnar um vinnustaðafundi B-
listans.
Kaup og kjör efst á baugi
Kaup og kjör hafa verið efst á baugi á fund-
unum.
Kristján Árnason, formannsefni B-listans,
sagði að umræður hefðu verið málefnalegar,
en félagsmenn vildu greinilega breytingar.
„Menn eru þreyttir og leiðir á því hvernig
Morgunblaðið/Ásdís
Á KOSNINGASKRIFSTOFU B-listans ríkti bjartsýni. Á myndinni eru (f.v.) Friðrik
Ragnarsson, kosningastjóri B-listans og frambjóðandi í varastjórn, Kristján Árnason
formannsefni og Sigurður Rúnar Magnússon varaformannsefni.
Morgunblaðið/Sverrir
HUGUR er í frambjóðendum A-listans sem bera saman bækur sínar á myndinni.
F.v. eru Halldór Björnsson, formannsefni A-listans, Sigurður Bessason, sem býður
sig fram til ritara, Snorri Ársælsson, sem gefur kost á sér í varastjórn, og Sigríður
Ólafsdóttir varaformannsefni.
hefur gengið að leiðrétta launamismuninn,"
sagði Kristján. „Ríkjandi hættir hafa leitt til
þess að bilið hefur breikkað milli þeirra hæst
og lægst launuðu. Sú þjóð, sem verður sund-
urþykk sjálfri sér fær ekki staðist."
Sigurður Rúnar, B-lista, sagði að hann hefði
gert sér almennilega grein fyrir því hvað fólk
byggi við „skelfileg kjör“ í kosningabaráttunni
og tók dæmi um að vinnueftirlit Dagsbrúnar
tryggði ekki eínu sinni að launþegar fengju
umsamin laun.
Halldór sagði einnig að mikið væri spurt um
laun og skatta og „miðað við árásir" B-listans
hefði honum komið „á óvart hvað fólk er mál-
efnalegt" á fundum.
„Laun eru orðin svo lág að menn gera sér
grein fyrir því að öll okkar orka þarf að fara í
að hífa þau upp,“ sagði Halldór og bætti við
að það hefði mælst vel fyrir að einfalda launa-
taxta.
í kosningaherbúðum listanna var ekki aðeins
rætt um málefnin og kosningabaráttuna. Fram-
boðslistarnir sjálfir voru gerðir að umræðuefni.
„Það ríkir sérstök eining meðal okkar," sagði
Kristján. „Við ræðum okkar mál og komumst
að niðurstöðu í bróðerni. Þeir, sem sinna verka-
lýðsmálum eiga að gera það af heilindum."
Það er góður hópur á A-listanum,“ sagði
Sigríður Ólafsdóttir, varaformannsefni A-list-
ans, og kvaðst fagna þeirri umræðu, sem hefði
átt sér stað.
Hún kvaðst vona að menn neyttu atkvæða-
réttar síns og fleiri greiddu atkvæði en síðast
þegar aðeins 610 manns tóku þátt í Dagsbrún-
arkosningum. Nú eru tæplega 4.000 manns á
kjörskrá Dagsbrúnar, sem verður lokað klukk-
an fimm síðdegis á morgun.
Kosning hefst klukkan níu að morgni föstu-
dags og stendur til klukkan níu um kvöldið og
á laugardag verður sami háttur hafður á. Eldri
félagar, sem hafa hætt störfum vegna aldurs
eða örorku og höfðu full réttindi, eiga einnig
kosningarétt.
Sá listi, sem hefur betur í kosningunum,
tekur ekki við völdum fyrr en að loknum aðal-
fundi, sem haldinn verður í apríl.
Umboðsmaður Alþingis telur breytingar nauðsynlegar á stöðu tollgæslustjóra gagnvart embætti ríkistollstjóra
Núverandi skipan mála
stangast á við lög
GAUKUR Jörundsson, umboðsmað-
ur Alþingis, telur að endurskoða
þurfi tolialög nr. 55/1987 þar sem
ákvæði laganna hvað varðar stöðu
tollgæslustjóra gagnvart embætti
ríkistollstjóra séu ekki nægilega
skýr. Jafnframt telur umboðsmaður
að núverandi skipan þessara mála
stangist að nokkru leiti á við núgild-
andi lög og beinir hann þeim tilmæl-
um til fjármálaráðherra að koma
þessum málum í iögmætt horf eða
hafa frumkvæði að nauðsynlegum
lagabreytingum.
Forsaga þessa máls er sú að hinn
10. júní 1994 leitaði tollgæslustjóri
til umboðsmanns og kvartaði m.a.
yfír því að gerðar hefðu verið grund-
vallarbreytingar á stöðu og störfum
tollgæslustjóra, sem ekki samrýmd-
ust lögum. Taldi hann að ríkistoll-
stjóra hefðu verið falin verkefni sem
lögum samkvæmt væru í höndum
tollgæslustjóra. Taldi hann þetta mál
snúast um hvort embætti tollgæslu-
stjóra og ríkistollstjóra væru hliðsett
stjómvöld, þannig að ríkistollstjóri
hefði einungis boðvald gagnvart toll-
gæslustjóra um þau efni sem sérstak-
lega væri mælt fyrir um í lögum, eða
hvort tollgæslustjóri væri í öllum sín-
um störfum lægra sett stjórnvald en
ríkistollstjóri.
Valdaframsal ekki
í samræmi við lög
Meðal þess sem tollgæslustjóri
nefndi máli sínu til stuðnings var að
ríkistollstjóri færi með fjárreiður toll-
gæslunnar, sem lögum samkvæmt
ættu að heyra undir tollgæslustjóra.
Þá væri ekki farið eftir þeim ákvæð-
um tollalaga að tollgæslumenn
skyldu ráðnir til starfa hjá Tollgæslu
Islands. Raunin væri sú að tollgæslu-
menn væru starfsmenn tollstjóra.
Umboðsmaður kemst sem fyrr
segir að þeirri niðurstöðu að ákvæði
laga séu ekki nægilega skýr um stöðu
tollgæslustjóra gagnvart ríkistoll-
stjóra og telur hann nauðsynlegt að
lögin verði endurskoðuð með hliðsjón
af því. Þá telur hann að fjármálaráð-
herra geti ekki falið öðrum tollayfir-
völdum að annast þau verkefni á
fyrsta stjórnsýslustigi, sem Alþingi
hafi sérstaklega falið Tollgæslu ís-
lands eða tollgæslustjóra að annast
með skýrum ákvæðum í lögum. Að
sama skapi geti ríkistollstjóri ekki
kallað til sín slík verkefni.
Jafnframt tekur umboðsmaður
undir kvörtun tollgæslustjóra hvað
varðar ráðningar starfsmanna við
Tollgæslu íslands og beinir þeim til-
mælum til fjármálaráðherra að hann
hafí forgöngu um að koma skipan á
ráðningu tollgæslumanna í lögmætt
horf eða hafa frumkvæði að nauðsyn-
legum lagabreytingum.
UTSALA - UTSALA
10-60% AFSLÁTTUR
Ulpur - íþróttaskór - íþróttagallar - skíðasamfestingar o.fl. o.fl. fyrir börn og fullorðna.
Mýtt kortatíruabii
» hummél t
SPORTBÚÐIN
IVIÓATÚIMI 17
sími 511 3555