Morgunblaðið - 22.02.1996, Blaðsíða 6

6 FIMMTUDAGUR 22. FEBRÚAR 1996
MORGUNBLAÐIÐ
Morgunblaðið/Þorkell
MENN fylgdust grannt með framvindunni á hafnarvoginni í
Sandgerði enda var í fyrstu lítið vitað um afdrif skipsins í tólf
vindstigum og allt að 16 metra ölduhæð úti af Reykjanesi. Þeir
vörpuðu öndinni léttar þegar stutt tilkynning barst úr farsíma
Dagfara rétt fyrir kl. 9 að skipið væri enn ofansjáfar.
FRÉTTIR
DAGFARIGK 70 er 299 brúttórúmlesta stálskip, smiðað í Þýskalandi 1967.
Dagfari GK 70 fékk á sig brotsjó út af Reykjanesi með fullfermi af loðnu
Óvirk siglinga-
tæki í haugasjó
DAGFARI GK 70, um 300 tonna
loðnuskip sem gert er út frá Sand-
gerði, fékk á sig brot um kl. 8 í
gærmorgun í haugasjó og tólf vind-
stigum út af Stafnesi. Gluggar í brú
brotnuðu og siglingatæki urðu óvirk
en báturinn gekk fyrir eigin vélar-
afli. Einn skipverji slasaðist lítil-
lega, fékk hnykk á háls og bak
þegar brotið reið yfir. Óttast var
um tíma að nót skipsins, sem fór
að hluta til í sjóinn, flæktist í skrúf-
unni, en skipverjar náðu henni um
borð aftur.
Talstöðvar- og símasambands-
laust var að mestu við skipið í rúm-
lega þrjár klukkustundir. ðttast var
um afdrif skipsins í fyrstu en um
níuleytið barst stutt tilkynning í
gegnum farsíma frá Dagfara að
hann hefði fengið á sig brot undan
Sandvík og öll siglingatæki væru
óvirk en aðalvél og stýri í lagi. Varð-
skipið Týr, sem var statt skammt
undan Garðskaga, hélt af stað til
aðstoðar skipveijum og sömuleiðis
var TF-LÍF, þyrla Landshelgisgæsl-
unnar, kvödd út.
Samband rofnaði skyndilega
Dagfari var á heimleið eftir loðnu-
túr og var skipið með fullfermi, um
500 tonn. Veður var með alversta
móti , ölduhæð allt að 16 metrar og
vindur yfir 12 vindstig á köflum.
Útgerðarmaður skipsins hafði
IHafnir
Sandvíkur
Önglabrjótsnef'
Reykjanestá
Dagfari GK-70 fékk á
sig brotsjó á siglingaleið
vestur um í Reykjanesröst
Garöskagi %Garður
Sandgerði g
vík
j10km
1 5sjómilur
verið í sambandi við skipið en allt
samband rofnaði skyndilega um kl.
8. Hafði útgerðarmaðurinn þá sam-
band við Slysavarnafélagið. Loft-
skeytastöðin í Gufunesi kallaði til
allra skipa á svæðinu og bað þau
að reyna að hafa samband við Dag-
fara. Loftskeytastöðin hafði einnig
samband við Hákon ÞH sem var
sunnan við Reykjanes, ufh klukku-
tíma siglingu á eftir Dagfara. Þau
skilaboð bárust frá Hákoni að ekki
sæist til Dagfara á ratsjá. Slysa-
varnafélagið kallaði þá út allar sínar
sveitir á svæðinu sem voru til taks.
TF-LÍF í loftið
Engin skip komust út frá Sand-
gerðishöfn vegna brims. Um kl. 8.40
lagði varðskipið Týr af stað áleiðis
að Sandvík og um svipað leyti var
Hákon ÞH kominn á þá slóð sem
Dagfari hafði verið þegar síðast
spurðist til hans.
TF-LÍF, þyrla Landhelgisgæslunn-
ar, fór í loftið um kl. 9. Um svipað
leyti tilkynnti skipstjórinn á togaran-
um Víði EA, sem var staddur grunnt
út af Reykjanesi, að hann teldi var-
hugavert að reyna að sigla að Dag-
fara vegna illskuveðurs og ákvað að
lóna upp í veðrið og bíða átekta.
Kl. 9.25 var TF-LÍF yfir Dagfara
um 2,4 sjómílur norðvestur af Öngla-
bijótsnefí. Gekk þá á með dimmum
éljum og yfir tólf vindstig voru að
vestan. Brúargluggar bakborðsmegin
voru brotnir og einhveijar skemmdir
voru á framþilfari. Hluti loðnunótar
Dagfara ásamt tógi var komið í sjó-
inn stjórnborðsmegin á skut. Skip-
veijar voru komnir í flotgalla og voru
í framhluta skipsins. Kl. 10.26 náðist
talstöðvarsamband við skipið og var
skipveijum gert aðvart um að loðnu-
nótin væri í sjó og tókst þeim að ná
henni inn. TF- LÍF fylgdist með Dag-
fara þar til varðskipið Týr kom á
vettvang um kl. 11. Hafði þá frekar
bætt í vindinn ef eitthvað var og
héldu skipin sjó út af Reykjanesi um
miðjan dag í gær.
VARÐSKIPIÐ Týr.
Ögmundur Jónasson gagnrýndi Friðrik Sophusson fjármálaráðherra á Alþingi
Reynt að kæfa umræðu um
afleiðingar niðurskurðar
Ráðherra segir tollverði hafa viðhaft óviðeigandi ummæli
FJÁRMÁLARÁÐHERRA var á Al-
þingi í gær sakaður um að reyna
að kæfa eðlilega umræðu um niður-
skurð á fjárframlögum til tollgæslu
og þar með minni möguleika toll-
yfirvalda á að koma í veg fyrir
smygl á fíkniefnum til landsins.
Ogmundur Jónasson þingmaður
Alþýðubandalags og óháðra spurði
fjármálaráðherra á Alþingi í gær
hvort það. hefði verið ætlun hans
að áminna tollverði fyrir að vekja
athygli á að efla þurfi tollgæslu.
Ástæðan var sú að tollverðir, sem
í viðtali við DV um fíkniefnavand-
ann lýstu áhyggjum sínum af niður-
skurði á fjárframlögum til tollgæsl-
unnar, voru kallaðir fyrir tollstjóra.
i DV kom fram að þeim var sagt
að samkvæmt fyrirmælum fjár-
málaráðherra væri í ráði að veita
þeim skriflega áminningu.
Friðrik Sophusson fjármálaráð-
herra sagði að af hálfu fjármála-
ráðuneytisins hefði tollstjóra verið
falið bréflega að kynna starfsmönn-
um sínum þær reglur sem giltu um
samskipti við fjölmiðla. Friðrik
sagði að þær reglur, sem gefnar
voru út 1960 kvæðu ótvírætt á um
að starfsmönnum væri óheimilt að
upplýsa íjölmiðla um það sem væri
á þeirra starfssviði.
Friðrik sagði að í bréfinu til toll-
stjóra hefði einnig komið fram að
fjármálaráðherra þætti orð tollvarð-
anna óviðeigandi og teldi að þeir
hefðu farið út fyrir verksvið sitt.
Þessi afstaða hefði verið kynnt
starfsmönnunum og afskiptum fjár-
málaráðherra af málinu væri lokið.
Til greina hefði komið að veita toll-
vörðunum skriflega áminningu en
af því varð ekki.
Óviðeigandi ummæli
Ögmundur Jónasson sagði þetta
sýna að fjármálaráðherra hefði
reynt að kæfa niður eðlilega opin-
bera umræðu um mjög alvarlegt
mál. Hann sagðist minnast þess að
lögreglumenn í Reykjavík hefðu
margoft vakið athygli á því að ekki
séu nægilega margir lögreglumenn
í bænum til að halda uppi eðlilegri
gæslu. „Er það umræða af þessu
tagi sem á að þurrka út?“ spurði
Ögmundur og spurði hvaða um-
mæli tollvarðanna hefðu verið svona
óviðeigandi.
Friðrik sagði að sér fyndist ekki
viðeigandi, þegar haft væri eftir
einkennisklæddum tollverði á for-
síðu DV, að það séu ótakmarkaðir
möguleikar á eiturlyfjasmygli.
„Ef menn þurfa að kvarta undan
því að það vanti íjármuni þá snúa
menn sér til yfirmannanná. Ef
blaðamenn þurfa að tala við tollinn
eiga þeir að snúa sér til yfirmann-
anna og ef það er verið að kvarta
um fjármuni þá á það að fara rétt-
ar boðleiðir. Það getur vel verið
að ýmsum finnist það vera sniðugt
í sinni kjarabaráttu, til að fá aukna
vinnu fyrir sig, að fara með þessi
viðkvæmu mál í fjölmiðla með
þessum hætti. En ég bið menn um
að íhuga það hvort þeir eru að
gera æsku landsins gagn með því
að gefa svona yfirlýsingar eða
hvort það sé ekki betra fyrir alla
aðila að menn ræði þessi mál inni
á sinni stofnun áður en birtar eru
fréttir á borð við þetta,“ sagði Frið-
rik.