Morgunblaðið - 15.03.1996, Blaðsíða 40
40 FÖSTUDAGUR 15. MARZ 1996
MORGUNBLAÐIÐ
Dýraglens
Tommi og Jenni
f>BTTA VEG4C- \
FÆej getuk.
KOM/O Mée.AE>
Góehjm notum!
/HK5 HEFUeALLTAPX
ÞKEXMTUAi A€>
hafa <aorr
ú>rsÝN/.
Ljóska
Ferdinand
BREF
TTL BLAÐSINS
Kringlan 1103 Reykjavik • Sími 5691100 • Símbréf 569 1329
• Netfang: lauga@mbl.is
Prestarnir
Frá Hákoni H. Krístjónssyni:
SUMIR prestar halda að boðun
orðsins í kirkjum landsins sé aifa
og ómega kristninnar og þeir stilla
þá málinu þannig upp að annars
vegar sé boðun orðsins og þeir sem
það flytja í messunni, hvort sem
þeir séu lærðir eða leikir, og hins
vegar sé hljómlistin og þeir sem
hana flytja, hvort heldur eru lærð-
ir eða leikir, - þetta séu tveir
þættir messunnar og boðun orðs-
ins hafi forgang. Þessu er kolvit-
laust stillt upp og regin-misskiln-
ingur þröngsýnna manna - þeir
gæta þess ekki að tónlistin í kirkj-
unni er meira en að organistinn
tryllist í tónaflóði við orgelið. Tón-
listin er ofin úr mörgum þáttum
og einn hinn veigamesti þeirra er
sálmurinn sem sunginn er og sem
tónunum fylgir - sálmurinn sem
kannski hefur verið sunginn ára-
tugum sáman, jafnvel öldum sam-
an, í kirkjum landsins og er búinn
að standast þá eldraun að vera
tekinn aftur og aftur upp í end-
urnýjaða sálmabók. Einn svona
sálmur er meira virði fyrir kristn-
ina i landinu en ótal ræður ný-
vígðra kristnitækna þótt þær geri
vissulega verið ágætar. Sumir
prestar segjast ekki vilja hafa
marsipanmessur í kirkjunum -
ekkert sem dregur að annað en
boðun orðsins með skrautgöngu
prests fram og til baka. Sumir
prestar vilja ekki hafa neina klúbb-
starfsemi í kirkjum landsins -
þeir líta með tortryggni til þeirra
leikmanna sem nenna að standa
fyrir hinum ýmsu verkefnum svo
sem mömmumorgnum, unglinga-
starfi, starfi með öldruðum, o.fl.
o.fl., listsýningum, svo sem mynd-
list - leiklist - tónlist -, sér í lagi
telst óæskilegt ef öldurhúsafólk
kynni að lita samkvæmin. Sumir
prestar tala niðrandi um kirkjueig-
endur — en það eru þeir menn sem
nenna að safna fyrir gleri í glugg-
ana í kirkjuna - eða bekkjunum,
að maður tali nú ekki um þá sem
nenna að safna fyrir nýju orgeli í
kirkjuna. Sumir prestar eru trú-
boðar - aðrir bíða uppi við altarið
þess að einhver sem er trúar þurfi
eða trúnaðar þurfi birtist í kirkju-
dyrunum. Sumir prestar vilja vera
fremstir meðal jafningja - aðrir
vilja vera fremstir og hugsa sér
sig sitjandi ofan á söfnuðinum og
þann eigi ekki að setja á sem erf-
itt er að sitja á.
HÁKON H. KRISTJÓNSSON,
Goðheimum 10, Reykjavík.
Þegar eitt egg verður
að mörgum hænum
Frá Guðrúnu Jacobsen:
LESENDUR góðir, sem eruð á leið-
inni upp metorðastigann. Varið
ykkur, ekki aðeins á „hrolivekjum"
fortíðarinnar, sem geta komið aft-
an að yður eins og hver annar
uppvakningur þegar síst skyldi,
heldur verðið þér líka að vera hví-
þveginn af allri „synd“. Hafið þér
einhvern tímann á yngri árum slett
úr klaufunum, boðið hinu kyninu
upp í til yðar, mótparturinn sagt
nei, takk, enda sjálfráða, er ekki
að vita hver skollinn getur skeð,
þegar þér eruð orðinn þriggja
stjörnu persóna. Væntanleg hjá-
svæfa, sem á sínum tíma' sagði
nei, og nei þýðir jú nei, getur í
samfloti við slægan lögfræðing eða
lögfræðinga, samanber núverandi
Bandaríkjaforseta, ekki aðeins reitt
af yður aleiguna, heldur líka ær-
una.
Þetta kynferðisáreitniskjaftæði
er gengið út í öfgar, líkt og hver
annar hvimleiður áróður eða múg-
sefjun.
Samkvæmt frétt í Tímanum síð-
astliðinnlaugardag ku íslendingar
hafa bætt á sig 10 kílóum und-
anfarinn áratug. Hvað skyldi púk-
inn á fjósbitanum vera orðinn
þungur á viktinni umrætt tímabil
í sögu landsins, þegar athyglisjúkt
fólk nærist aðallega á illmælgi um
náungann?
GUÐRÚN JACOBSEN,
Bergstaðastræti 34, Rvík.
Nauðgari gengur laus
Frá Jóni Sigurðssyni:
EKKI alls fyrir löngu féll dómur
í Hæstarétti að breskur sjómaður
væri saklaus af ákæru um nauðg-
un á íslenskri konu um borð í ís-
lenskum togara. Fjöimiðlar fylgd-
ust vel með málinu meðan það
gekk fyrir dómi og einn þeirra
þóttist viss að loka DNA-rann-
sóknin sem gerð var í Bandaríkj-
unum myndi staðfesta sök Bretans
og birti um það frétt daginn áður
en niðurstöður voru birtar opinber-
lega. Allt kom fyrir ekki. Bretinn
var saklaus og fór til síns heima,
heim til konu og barns. Um leið
og Bretinn var farinn úr landi
dvínaði áhugi fjölmiðla á málinu
og ekkert hefur heyrst um það
frekar. En ef breski sjómaðurinn
^ar ekki nauðgarinn í málinu þá
liggur það ljóst fyrir að nauðgari
gengur laus.
Þið sem unnið sannleikanum,
hvort heldur fjölmiðlar eða hand-
hafar réttvísinnar, hvar sem þið
finnist í samfélaginu og berið hag
þeirra sem beittir hafa verið kyn-
ferðislegu ofbeldi fyrir bijósti:
Finnið nauðgarann!
. JÓN SIGURÐSSON
Árbraut 12, Blönduósi.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teijast samþykkja þetta, ef ekki fylgir fyrirvari hér að lútandi.