Morgunblaðið - 20.06.1996, Blaðsíða 12
12 FIMMTUDAGUR 20. JÚNÍ 1996
MORGUNBLAÐIÐ
AKUREYRI
Kaupfélag Eyfirðinga 110 ára
Félagið sækir
stíft fram á sviði
sjávarútvegs
Heildarkvóti KEA og dótturfyrir-
tækja um 10.000 þorskígildistonn
STJÓRN Kaupfélags Eyfirðinga
hélt í gær hátíðarfund að Önguls-
stöðum í Eyjafirði til að minnast
þess að þá voru liðin 110 ár frá
stofnun KEA. Á fundinum var
m.a. ákveðið að veita hálfri miilj-
ón króna í styrk til tónlistarmála.
Björg Þórhallsdóttir söngkona
hlaut 250.000 króna styrk, en
hún heldur til söngnáms í Manc-
hester á Englandi í haust og org-
elsjóður Akureyrarkirkju hlaut
sömu upphæð í styrk vegna
kaupa á nýju orgeli í kirkjuna.
Félagið sterkt eignalega
og rekstrarlega
Jóhannes Geir Sigurgeirsson
stjórnarformaður KEA segir að
staða félagsins sé sterk á þessum
tímamótum, bæði eignalega og
rekstrarlega. Hins vegar þurfi
menn að halda vöku sinni og að-
lagast breyttum tímum. „Rekstur
KEA er mjög fjölbreyttur og sumt
gengur vel og annað verr á hverj-
um tíma. Það hefur verið stefna
félagsins síðustu ár að fækka
rekstrareiningum og einbeita sér
frekar að þeim hlutum þar sem
stærð og afl félagsins nýtist sem
best. M.a. er búið að gjörbreyta
verslunarrekstri félagsins á til-
tölulega fáum árum.“
KEA hefur sótt stíft fram á
sviði sjávarútvegs og félagið á
nú hlut í slíkum fyrirtækjum í
Ólafsvík, Þorlákshöfn og Stöðvar-
firði en auk þess er KEA með
umfangsmikinn rekstur á Dalvík
og í Hrísey. Kvóti félagsins og
dótturfyrirtækja þess á áður-
nefndum stöðum er því orðinn
um 10.000 þorskígildistonn.
Selja þarf eignir á móti
kaupum
Jóhannes Geir segir að til þess
að mæta þessum kaupum félags-
ins þurfi að selja einhveijar eign-
ir á móti, án þess að hann vildi
ræða það mál frekar. Auk fjöl-
margra dótturfyrirtækja KEÁ á
félagið hlutabréf í 40 öðrum fyrir-
tækjum og var bókfært nafnvirði
hlutabréfanna í þeim tæpar 400
milljónir króna um sl. áramót.
KEA á tæplega helmingshlut
í Snæfellingi í Ólafsvík og er þar
stærsti eignaraðilinn á móti Snæ-
fellsbæ. Þar er verið að byggja
upp eina öflugustu rækjuverk-
smiðju landsins og fyrirtækið
gerir út togarann Má, sem hefur
m.a. aflað hráefnis fyrir vinnsl-
una á Dalvík. Utgerðarfélag Dal-
víkur, sem er í eigu KEA, gerir
út togarana Björgvin og Björg-
úlf. UD hefur ásamt Snæfellingi
eignast togarann Snæfell, sem
áður hét Ottó Wathne. Snæfell
er á rækjuveiðum á Flæmska
hattinum og er það skip sem er
með hvað mesta veiðireynslu þar.
í síldar- og
loðnufrystingu
Þá hefur KEA keypt meirihluta
í Gunnarstindi á Stöðvarfirði og
segir Jóhannes Geir að tilgangur-
inn með þeim kaupum hafi verið
að tengjast veiðum og vinnslu á
uppsjávarfiski. Þar verði unnið
við frystingu á loðnu og síld, auk
hefðbundinnar bolfiskvinnslu. Til
að styrkja þann rekstur keypti
Gunnarstindur nótaskipið Sig-
hvat Bjarnason. Skipið er ekki
með loðnu- eða síldarkvóta en
önnur fyrirtæki tengd KEA hafa
loðnu- og síldarkvóta.
Loks hefur KEA keypt þriðj-
ungshlut í Mel hf. í Þorlákshöfn,
sem gerir út frystitogarann
Sindra, sem m.a. er búinn full-
kominni flakalínu. Sindri er ekki
með veiðiheimildir í íslenskri lög-
sögu en hefur verið að gera það
gott á Reykjaneshrygg og fer síð-
ar í Smuguna.
Morgunblaðið/Kristján
STJÓRN og varastjórn KEA, svo og tveir fulltrúar starfsmanna fóru hring inn Eyjafjörðinn
í blíðunni í gær. Fyrsti viðkomustaðurinn var við Grund, þar sem félagið var stofnað fyrir
110 árum. Myndin var tekin framan við húsið þar sem Pöntunarfélag Eyfirðinga var stofnað.
F.v. Magnús Gauti Gautason, kaupfélagstjóri, Guðbjörn Gíslason, Magnús Stefánsson, Jóhann-
es Geir Sigurgeirsson, sljórnarformaður, fyrir aftan hann Hreinn Bernharðsson, Guðlaug
Björnsdóttir, Stefán Vilhjálmsson, Guðný Sverrisdóttir, Þorsteinn Jónatansson, Úlfhildur Rögn-
valdsdóttir, Sigurður Eiríksson og séra Pétur Þórarinsson.
SÉRA Pétur Þórarinsson að ræða við Aðalsteinu Magnúsdótt-
ur húsfreyju á Grund og Helgu sonardóttur hennar en Aðal-
steina fræddi gestina um kirkjuna á Grund og sitthvað fleira.
Magnús Sigurðsson, faðir Aðalsteinu byggði kirkjuna sem
vígð var árið 1905. Kirkjan sem er glæsilegt mannvirki var
aðeins eitt og hálft ár í byggingu.
„Það er liðin tíð að stjórnvöld
hlaupi upp til handa og fóta þó
t.d. bolfiskvinnslan gangi illa og
fari að hræra í gengi krónunnar.
Því verða menn að standa að ijöl-
breyttum rekstri því hver þáttur
gengur oft misjafnlega,“ sagði
Jóhannes Geir.
Verslunarrekstur KEA hefur
verið til endurskoðunar og eins
og komið hefur fram hyggst fé-
lagið hætta með rekstur Vöru-
hússins í eigin nafni. Félagið hef-
ur einnig leigt út rekstur mat-
vöruverslunarinnar á Grenivík.
Hins vegar hefur rekstur KEA
NETTÓ gengið mjög vel svo og
rekstur Byggingavörudeildar.
Unnið er að stefnumótum varð-
andi verslunarrekstur félagsins
og segir Jóhannes Geir að innan
fárra vikna verði farið yfir þá
vinnu í stjóm KEA og ákvarðanir
teknar um framhaldið.
Hét upphaflega
Pöntunarfélag Eyfirðinga
Kaupfélag Eyfirðinga hét upp-
haflega Pöntunarfélag Eyfirðinga
en 19. júní 1886 komu nokkrir
bændur í Eyjafirði saman að
bænum Grund og stofnuðu félag-
ið. Töluverð breyting var gerð á
rekstrarforminu á fundi á Önguls-
stöðum árið 1906 og félaginu
breytt úr pöntunarfélagi í sölufé-
lag. KEA er í dag í hópi stærstu
fyrirtækja landsins og stendur
fyrir fjölbreyttum atvinnurekstri
í Eyjafirði og víðar. Á síðasta ári
störfuðu að meðaltali tæplega
900 manns hjá félaginu og námu
launagreiðslur rúmlega 1,1 millj-
arði króna. Félagsmenn um ára-
mót voru rúmlega 8.500 talsins.
Hátíðar-
dagskrá í
Höfða
MÝVETNINGAR héldu þjóðhátíð í
Höfða 17. júní. Það voru Ung-
mennafélagið Mývetningur og
íþróttafélagið Eilífur sem sáu um
samkomuhaldið.
Safnast var saman við hliðið kl.
14 og gengið þaðan inn á samkomu-
svæðið. í fararbroddi gekk Örvar
Kristjánsson og lék á harmoniku.
Sigfríður Steingrímsdóttir setti há-
tíðarsamkomuna og var jafnframt
kynnir. Hafdís Björnsdóttir fór með
ávarp fjallkonunnar. Ræðu dagsins
flutti Hólmfríður Guðmundsdóttir
skólastjóri. Einnig var almennur
söngur og síðast var farið í leiki,
sem bæði ungir og eldri tóku þátt
í. Veðrið var eins og best verður
kosið, logn, sólskin af og til og hiti
15 stig.
Höfðinn skartaði sínu fegursta
skrúði. Fjölmenni var.
Um kvöldið var útidansleikur á
planinu við Hótel Reynihlíð.
Sláttur hafínn í Eyjafirði
SLÁTTUR er hafinn í Eyjafirði og er víðast hvar
ágætisspretta. Ljósmyndari Morgunblaðsins hitti
Jón Elvar Hjörleifsson bónda á Ytra Laugalandi
þar sem hann var að snúa. Jón Elvar sagðist hafa
byrjað slátt sl. mánudag, sem væri reyndar í fyrra
falli og hann hafi þegar slegið um 6 hektara.
Edda
Borgí
Deiglunni
EDDA Borg ásamt hljómsveit
sinni kemur fram á djasskvöldi
í Deiglunni á Akureyri í kvöld,
fimmtudagskvöldið 20. iúní,
um kl. 22.
Edda hefur að undanförnu
sungið djass í dúói með Hilm-
ari Jenssyni gítarleikara og í
tríói með Birni Thoroddsen og
Bjarna Sveinbjörnssyni og með
hljómsveit sinni, en hana skipa
að þessu sinni Kjartan Valde-
marsson á píanó, Bjarni Svein-
björnsson á kontrabassa, Pétur
Grétarsson, trommur, og Sig-
urður Flosason á saxófón.
Dagskráin samanstendur af
nokkrum helstu perlum djass-
ins ásamt nýrri lögum í útsetn-
ingu Eddu og félaga. Þetta eru
næstsíðustu tónleikar Eddu í
bili, en hún er á förum til
Bandaríkjanna þar sem hún
sinnir tónlist um hríð.