Morgunblaðið - 20.06.1996, Blaðsíða 43

MORGUNBLAÐIÐ
FIMMTUDAGUR 20. JÚNÍ1996 43
FRÉTTIR
Efni um Tæland
fyrir tvítyngd börn
SENDIRÁÐ Tælands í Kaupmanna-
höfn afhenti nýlega Miðstöð nýbúa
safn bóka og myndbanda með sögu
og fræðsluefni, lestrar- og vinnubók-
um, landakortum og fleira efni á
tælensku.
Við Miðstöð nýbúa (rekin af ÍTR)
eru m.a. starfræktir leshópar fyrir
erlend og tvítyngd böm (börn sem
alast upp við tvö tungumál). Um er
að ræða fimm mismunandi tungu-
málahópa eins og er og eru tælensk-
mælandi börn í einum af þessum
hópum. Leshóparnir eru tilboð til þess
að hjálpa börnunum að viðhalda sínu
móðutmáli og halda áfram að læra
um mismunandi siði og menningu
gamla heimalandsins. Leiðbeinendur
leshópanna eru kennaramenntaðir
einstaklingar frá sínu heimalandi og
er leiðbeinandi tælensku barnanna
Andrea Sompit Siengboon.
Morgunblaðið/Sverrir
FRÁ afhendingu bókanna og myndanna. F.v.: Andrea Soinpit Siengbo-
on, Kjartan Borg, ræðismaður Tælands , Kristín Njálsdóttir, forstöðu-
maður Miðstöðvar nýbúa, Rangsan Phaholyothin, sendiherra Tælands
með aðsetur í Danmörku og Suthavinee Phaholyothin sendiherrafrú.
Stærsta auglýsingaskiltið
STÆRSTA auglýsingaskilti,
sem gert hefur verið hérlendis,
var komið fyrir á framhlið
Tunglsins við Lækjargötu að
morgni mánudagsins 17. júní.
Skiltið er 128 fermetrar að
stærð og uppsetning þess er
vegna frumsýningar kvikmynd-
arinnar „The Rock“ í Sambíóun-
um 25. júní nk. Hönnuður var
Ragnar Óskarsson en málari
var Ásgeir Ilannes Eiríksson.
Uppsetning var í höndum Ólafs
Sæmundssonar.
Surnar-
starf
Svifflug-
félagsins
SUMARSTARF Svifflugfélags ís-
lands er hafið á Sandskeiði við Blá-
fjallaafleggjarann.
„Á Sandskeiði er vettvangur fé-
lagsmanna til að stunda íþrótt sína
en auk þess er þar starfræktur flug-
skóli og boðið er upp á kynningar-
og útsýnisflug. Svæðið er opið alla
virka daga fram í september frá
kl. 19 og um helgar frá kl. 13,
nema veður hamli flugi," segir í
fréttatilkynningu félagsins.
Á sl. ári bættist ný kennslusvif-
fluga í flugflota félagsins af gerð-
inni ASK-21. Hægt er að bæta við
nokkrum nýjum nemendum í sum-
ar.
Þann 10. ágúst verða 60 ár liðin
frá stofnun Svifflugfélags íslands
sem er þar með einn af elstu starf-
andi svifflugklúbbum í heiminum.
Frumkvöðull að stofnun félagsins
árið 1936 var Agnar Kofoed-Han-
sen. Ætlunin er að minnast þessara
tímamóta síðar á sumrinu.
FRÁ göngu stúdenta MR við opnun sögusýningar 2. júní.
Ljósmynd/Gunnar Vigfússon
Sögusýning opin áfram
MIKIL aðsókn hefur verið að sögusýningu í til-
efni af 150 ára afmæli Menntaskólans í Reykja-
vík og sýningin mælst vel fyrir.
Hefur nú verið ákveðið vegna fjölda áskorana
að sögusýningin verði opin áfram fimmtudaginn
20. júní kl. 15-17, laugardaginn 22. júní og sunnu-
daginn 23. júní kl. 14-17.
Nordatlantex ’96
Tvö silfur til Hafnarfjarðar
Hrísey. Morgunblaðið.
FÆREYINGAR héldu nýlega frí-
merkjasýninguna Nordatlantex
96 þar sem um sextíu söfn voru
sýnd. Þetta var sýning með nor-
rænni þátttöku auk þess sem þátt-
takendur voru frá Bretlandi.
Átta söfn voru sýnd frá fs-
landi. Hæstu verðlaun þeirra hlaut
safn Jóns Aðalsteins Jónssonar,
„Danmörk, tvílit frímkeri frá
1870-1905“. Hlaut það Vermeil,
eða gyllt silfur ásamt heiðursver-
launum. í stigagjöf fékk það 79
stig. Næst var safn Jóns Egilsson-
ar, sem hlaut 67 stig og þar með
stórt silfur. Safn Jóns heitir
„Hafnarfjörður“ og er grenndar-
safn eða póstsögusafn bæjarins.
Þriðja safnið í röðinni var svo safn
Fanneyjar Kristbjarnardóttur, en
hún býr einnig í Hafnarfirði. Það
fékk 68 stig og silfur. Þetta safn
nefnist „Konur og íslensk frí-
merki“, var það sýnt í opnum
flokki.
Þá sýndi Garðar Jóhann Guð-
mundsson þijú söfn, öll í opnum
flokki. Þau voru: „Fólk og fleira
fólk“, sem fékk 59 stig og brons.
„Ungveijaland 1939—1946“, sem
fékk 59 stig og brons. Einnig
Ungveijaland 1871—1920“, sem
fékk 52 stig og brons.
Ennfremur sýndi Gunnar Garð-
arsson tvö söfn í opnum flokki sem
hvort um sig fékk 53 stig. Það
voru „Fuglar á korturn" og „Dýr
á WWF umslögum".
Þannig var ísland vel kynnt
með söfnum, sem þó snertu ekki
öll landið nema gegnum eigendur
sína. Hinsvegar mættu fáir Islend-
ingar, nema starfsfólk Frímerkja-
sölunnar og Don Brandt, sem
núorðið verður eiginlega að teljast
Islendingur, eftir bækurnar sem
hann hefír skrifað um Island og
vegna búsetu sinnar hér.
Fréttamaður spurði viðmæl-
anda hvernig aðsókn hefði verið
og var upplýst að hún hefði verið
með ágætum, gestir hefðu skipt
þúsundum. Almennt hefðu gestir
verið ánægðir með efnið.
Færeyska Póststjórnin gaf út
blokk af tilefni sýningarinnar. Var
áður látin fara fram samkeppni
meðal bama um myndefni frí-
merkjanna. 1 samkeppnina bárust
yfir þijú þúsund teikningar, sem
valið var úr í bæði efni hinna ein-
stöku frímerkja og í bakgrunninn
á blokkinni sem út var gefin með
þremur frímerkjum. Þótti sam-
keppnin takast vel og blokkin fal-
leg.
Nætur-
ganga á
sumarsól-
stöðum
í TILEFNI af því að í nótt, 21.
júní, eru sumarsólstöður kl.
2.24, stendur Hafnargöngu-
hópurinn fyrir næturgöngu.
Gangan hefst í kvöld kl.
23.04 við Nesti í Fossvogi.
Gengið verður samfellt með
ströndinni vestur á Seltjarnar-
nes og niður á Reykjavíkur-
höfn. Síðan um Skildinganes-
mela og Öskjuhlíð að Nesti.
Göngunni lýkur milli kl. 7 og
8 við Nesti.
Á leiðinni verður kveikt lítið
fjörubál kl. 1.30, sólstöðumín-
útunnar minnst kl. 2.24 og
horft á sólarupprás. Þá verður
einnig fylgst með sjávarfalls-
breytingum, en háfjara er kl.
3.32.
Kaffiveitingar verða í boði
árla morguns og gefinn verður
kostur á stuttri sjóferð ef sjó-
veður leyfir. Allir velkomnir.
„Sumar á
Selfossi"
FJÖLSKYLDUHÁTÍÐIN
„Sumar á Seifossi" verður
haldin dagana 20.-23. júní á
Selfossi. Um er að ræða sam-
starsfverkefni fyrirtækja og
einstaklinga á Selfossi og er
markmið aðila að vekja at-
hygli á Selfossi og því sem
Selfoss hefur að bjóða.
Alla dagana verða verslanir
og veitingahús með „Sumar“
tilboð, bíla- og búvélasýning
verður á planinu við Hótel Sel-
foss. Á föstudagskvöld verður
harmonikuball í tjaldinu í
Tryggvagarði þar setn_ Steini
spil leikur fyrir dansi. Á laug-
ardagsmorgun bjóða fyrirtæki
í bænum í morgunkaffi í
Tryggvagarði. Eftir hádegi á
laugardag verður tjaldmark-
aður í Tryggvagarði, götuleik-
hús verður á ferð um bæinn,
leiktæki fyri börn verða á ýms-
um stöðum í bænum o.fl. o.fl.
Þá verður frítt í sund á laugar-
dag og sunnudag og allan tím-
ann verður frítt á tjaldsvæðin.
Flugdagur verður á Selfoss-
flugvelli á laugardag meðal
dagskráratriða þar má nefna
listflug bæði á listflugvélum
og svifflugum, þyrla gæslunn-
ar verður á staðnum, boðið
verður upp á útsýnisflug o.fl.
Fimmti árgangur af
Gesti kominn út
FIMMTI árgangur af Gesti er
kominn út. Gestur 1996 er áfram-
hald af fyrri útgáfum með kynn-
ingu á íslandi í máli og myndum
og skiptist í 8 kafla sem fjalla
um fólk, náttúruna, list, gamalt
mætir nýju, nýjar matarvenjur,
ævintýraupplifun, þéttbýli/strjál-
býli og viðskipti. Áð auki er sér
kafli í bókinni sem fjallar um þá
þjónustu sem ferðamanninum
býðst hér á landi s.s. veitingahús,
verslanir, söfn, sundstaðir, kynn-
isferðir o.s.frv. Bókin er 208 bls.
prentuð á glanspappír með harðri
kápu.
Gestur 1996 liggur frami á
flest öllum hótel- og gistiher-
bergjum á íslandi. Upplag er 4200
eintök.
Meðal efnis Gestsins 1996 eru
greinar um forseta Islands, frú
Vigdísi Finnbogadóttur, Kristján
Jóhannsson, óperusöngvara,
Björk, íslenska hestsinn, íslensk-
an sjávarútveg, íslensku óperuna,
Sinfóníuhljómsveit íslands, ís-
lenska mynd- og leirlistamenn og
Árnastofnun svo eitthvað sé
nefnt.
Meðal greinahöfunda eru Sig-
urður A. Magnússon, Sigmar B.
Hauksson, Róbert Mellk, Michael
Kissane, Magnús Guðmundsson,
Hugi Ólafsson, dr. Gunni og fleiri.
Þeir sem ljá Gestinum 1996
ljósmyndir sínar eru helst: Björn
Rúriksson, Rafn Hafnfjörð, Jim
Smart, Nýjar víddir (Hörður
Daníelsson) og Gúnnar Vigfús-
son. Utlit og hönnun annaðist
Baldvin Þór Baldvinsson. Prent-
un, filmuvinnsla og umbrot var
unnið af Prentmet ehf. Ritstjóri
Gestsins 1996 er Róbert Mellk.