Morgunblaðið - 13.07.1996, Side 1

64 SIÐUR B/C
STOFNAÐ 1913
157. TBL. 84. ÁRG.
LAUGARDAGUR 13. JULI1996
PRENTSMIÐJA MORGUNBLAÐSINS
ÞUNGT var yfir Karli Breta-
prins og Diönu í gær.
Díana ekki
lengur
„hátign“
London. The Daily Telegraph. Reuter.
TILKYNNT var í gær að Karl
Bretaprins og Díana prinsessa
hefðu komist að samkomulagi um
ákvæði skilnaðarsáttmála síns og
að lögskilnaður þeirra yrði í lok
ágúst. Samkomulagið felur m.a. í
sér að Díana missir réttinn til
þess að vera ávörpuð „hennar
konunglega hátign“, en verður
hér eftir Díana prinsessa af Wal-
es. Er talið að það sé henni tölu-
vert áfall. Ekki voru öll atriði
samningsins látin uppi en fullyrt
er að Díana fái í sinn hlut á bilinu
15-17 milljónir punda, 1,5-1,7
milljarða ísl. kr.
Díana og Karl munu bera jafna
ábyrgð á uppeldi sonanna, Vil-
hjálms og Harrys. Díana verður
áfram talin meðlimur konungs-
fjölskyldunnar en giftist hún að
nýju, er talið fullvíst að hún muni
glata öllum titlum sínum en verði
þó áfram lafði Díana. Þjóðhöfð-
inginn tekur ákvörðun um hvort
Díana sinnir formlegum skyldum,
innanlands eða utan.
Að sögn lögfræðinga Díönu og
Karls, verður skilnaðarmálið tek-
ið fyrir á mánudag og er búist
við að þau skilji að lögum 28.
ágúst nk.
Skilnaðarsáttmáli/14
Karadzic
líkt við
Himmler
Bonn, Sar^jcvo, Róm. Reutcr.
CHRISTIAN Schwarz-Schiliing,
sáttasemjari í Bosníudeilunni, líkti í
gær Radovan Karadzic, leiðtoga
Bosníu-Serba, við nasistaleiðtogann
Heinrich Himmler og hvatti friðar-
gæslulið Atlantshafsbandalagsins,
NATO, til að hafa hendur í hári hans.
„Það er ógjörningur að halda lýð-
ræðislegar kosningar með stríðs-
glæpamann sem einn af leiðtogun-
um,“ sagði Schilling. „Við getum
rétt ímyndað okkur, að Himmler og
nasistaflokkurinn hefðu boðið fram
1949, í fyrstu þingkosningunum í
Þýskalandi eftir stríð, og Himmler
sóst eftir kanslaraembættinu."
Schilling lagði til, að vestræn ríki
notuðu sérstakar sveitir til að ná
þeim Karadzic og Ratko Mladic, yfir-
manni hers Bosníu-Serba, en þeir
hafa báðir verið sakaðir um stríðs-
glæpi og þjóðarmorð.
Klaus Kinkel, utanríkisráðherra
Þýskalands, vill þó ekki ganga jafn
langt og sagði hann, að leita yrði
allra leiða áður en reynt yrði að taka
þá Karadzie og Mladic með valdi.
Carl Bildt, sem stýrir uppbygging-
arstarfi í Bosníu, var ekki síður
myrkur í máli er hann ræddi um
Karadzic í gær. Sagði hann leiðtog-
ann standa fyrir áróðri, „sem jafnvel
Stalín hefði skammast sín fyrir“.
NATO kennt um
Manfred Novak, sérfræðingur í
málefnum þeirra, sem saknað er í
Bosníu, sagði í gær, að það væri sök
NATO, og Bosníu-Serba, að finnskir
læknar hefðu orðið að hætta upp-
greftri á líkamsleifum múslima, sem
voru myrtir og grafnir fyrir utan
borgina Srebrenica. Sérfræðingarnir
hefðu margbeðið NATO um að
tryggja öryggi sitt en við því hefði
aldrei verið orðið.
Reuter
UNGUR kaþólikki stendur við brennandi bifreið i Ardoyne-hverfinu í Belfast. Óeirðir héldu áfram
víða á Norður-írlandi í gær en rúmlega 50 manns slösuðust í átökum þar aðfararnótt föstudags.
Ganga mótmælenda um hverfi kaþólskra á Norður-Irlandi
Bruton fordæmir
bresk stjórnvöld
TUGÞÚSUNDIR mótmælenda gengu í gær um götur bæja og borga á
Norður-írlandi í kjölfar mikilla óeirða á fimmtudagskvöld, sem urðu eftir
að lögregluyfirvöld ákváðu að leyfa göngu svokallaðrar Óraníureglu um
hverfi kaþólskra í Drumcree, nærri Portatown. Óeirðirnar hafa dregið enn
frekar úr vonum um að friður náist á Norður-írlandi og í gær lýsti John
Bruton, forsætisráðherra írlands, því yfir að breskum stjórnvöldum hefðu
orðið á „mjög alvarleg mistök“ með því að meina ekki Óraníureglunni að
að ganga um hverfi kaþólikka. Er Bruton var spurður hvort hann teldi
að breska stjórnin bæri ábyrgð á óeirðunum, sagðist hann telja að svo yæri.
Nær þrjátíu manns slösuðust í sprengjutilræði í Moskvu
Aukinn við-
búnaður gegn
hryðjuverkum
Moskvu, Washington. Itcutcr.
RÚSSNESK stjórnvöld ætla að senda
1.000 manna liðsauka hermanna inn-
ariríkisráðuneytisins til Moskvu
vegna sprengjutilræðis í sporvagni í
gærmorgun. 28 manns slösuðust og
fimm manns slösuðust í svipuðu til-
ræði á fimmtudag. Borgaryfirvöld
sögðu að hafist yrði handa við að
reka á brott flækinga og „aðra
óæskilega einstaklinga", talið er að-
átt sé við Tsjetsjena. Rússneskir sér-
fræðingar í baráttu gegn hermdar-
verkamönnum segjast efa að aukinn
viðbúnaður dugi gegn tilræðismönn-
um sem séu staðráðnir í að valda
ótta og glundroða.
Misvísandi fregnir bárust fyrst af
manntjóni í gær en síðdegis sögðu
talsmenn borgarstjóra og heilbrigðis-
yfirvalda að 28 hefðu slasast, þar
af nokkrir alvarlega, en enginn týnt
lífi. Borís Jeltsín Rússlandsforseti
hvatti til tafarlausra aðgerða og
sagði hryðjuverkamönnum stöðugt
vaxa ásmegin í höfuðborginni.
Atburðurinn varð snemma um
morguninn. Vagninn var fullur af
fólki og að sögn sjónarvotta voru
flestir sem lamaðir fyrst í stað. „Fólk
var illa brennt og agndofa, horfði
hvert á annað. Það vissi ekki hvað
hafði gerst,“ sagði einn farþega.
Sprengjan, sem mun hafa verið
um 300 grömm að þyngd og gerð
úr TNT-sprengiefni, var í íþrótta-
tösku, sem falin var undir sæti í
Reuter
SÉRFRÆÐINGAR kanna brakið úr sporvagninum sem tættist
í sundur af völdum sprengjunnar í Moskvu í gær.
vagninum og hefur vagnstjórum nú
verið skipað að leita undir sætunum
á 40-50 mínútna fresti.
Loftárás á Gekhi
Rússneskar herflugvélar vörpuðu
í gær sprengjum á þorpið Gekhi í
Tsjetsjníju þótt íbúarnir fullyrtu að
þar væru engir skæruliðar lengur.
Segja þeir að tugir óbreyttra borgara
hafi fallið.
A1 Gore, varaforseti Bandaríkj-
anna, fer um helgina til Moskvu.
Hann lýsti í gær „þungum áhyggj-
um“ stjórnvalda í Washington vegna
átakanna í Tsjetsjníju.
■ Lúzhkov boðar aðgerðir/15
Hátíðahöld mótmælenda, sem
minnast sigurs á kaþólikkum í Bret-
landi fyrir rúmum 300 árum, náðu
hámarki í gær. Mikill viðbúnaður
var er Óraníureglan gekk um götur
Belfast og greip lögregla til þess
ráðs að loka götum til að ekki yrði
ráðist á göngumenn. Fór gangan
friðsamlega fram en óeirðir héldu
áfram í hverfum kaþólskra í Belf-
ast í gær.
Leiðtogar mótmælenda og kaþól-
ikka hafa haft uppi stór orð vegna
átakanna. Lýsti Gerry Adams, leið-
togi Sinn Fein, stjórnmálaarms
írska lýðveldishersins (IRA), því
yfir að sú ákvörðun, að leyfa göngu
Óraníureglunnar, hefði orðið til þess
að eyðileggja friðarumleitanir síð-
ustu tveggja ára. John Major, for-
sætisráðherra Bretlands, sagði
þessi ummæli Adams „fráleit".
Hann neitaði hins vegar ekki að
samskipti stjórnar sinnar og írskra
stjórnvalda væru afar stirð vegna
málsins.
Segja stjórnmálaskýrendur að
líkurnar á því að IRA láti aftur til
skarar skríða á Norður-írlandi, hafi
aukist verulega vegna atburðanna
síðustu daga.
Fimmtíu særðir í Londonderry
Skotið var á þijá lögreglumenn
í óreirðunum aðfaranótt föstudags.
Mest urðu lætin i Londonderry en
þar særðust 52, þar af 11 lögreglu-
menn í átökum sem lögreglustjórinn
sagði þau verstu sem hann hefði
orðið vitni að í borginni. Bensín-
sprengjum rigndi yfir lögreglumenn
og kveikt var í verslunum. Ungur
maður liggur mikið slasaður á
sjúkrahúsi eftir að bensínsprengju
var kastað inn í bíl hans.