Morgunblaðið - 26.07.1996, Side 20

20 FÖSTUDAGUR 26. JÚLÍ 1996
MORGUNBLAÐIÐ
AÐSENDAR GREIIMAR

f
Um greinargerð
Kosningamiðstöðvar
Olafs Ragnars Grímssonar
VARLA hefur farið
fram hjá mörgum að
á undanförnum vikum
og mánuðum hafa
fjölmargir einstakl-
ingar haldið því fram
opinberlega, að vegna
starfa sinna og starfs-
aðferða í áranna rás,
sé dr. Ólafur Ragnar
Grímsson ekki hæfur
til að verða forseti ís-
lensku þjóðarinnar
allrar. Hafa mörg
dæmi verið tekin af
ferli Ólafs til marks
um að þar fari maður
sem stór hluti lands-
manna geti aldrei
sætt sig við sem þjóðhöfðingja.
Sjónarmið þessi voru sett fram í
blaðagreinum og síðan í nokkrum
blaðaauglýsingum. Virtust ótrúlega
margir láta sér í léttu rúmi liggja
hvað bent var á í blaðagreinunum
en þegar mörg sömu atriða komu
fram í auglýsingum hófst töluverð
umræða. Það var hins vegar ekki
rætt um efni auglýsinganna heldur
eitthvað allt annað. Þannig höfðu
menn mun meiri áhuga á því að
vita hverjir auglýstu en hvað var
auglýst. Fréttamenn vildu vita hvort
auglýsendur væru að reyna að
„hefna sín á Ólafi Ragnari" en ekki
hvort rétt væri frá störfum Ólafs
sagt. Markvisst var reynt að gera
auglýsendur tortryggilega, ekki
með því að rengja nokkuð sem þeir
héldu fram, heldur gagnrýna að-
ferðina sem þeir notuðu. Frétta-
menn tóku vegfarendur tali og
spurðu þá hvað þeim fyndist um
„svona auglýsingar" en ekki hvort
þeir teldu mann með feril Ólafs
Ragnars Grímssonar æskilegt for-
setaefni. Ólafur var sjálfur spurður
hver „hans viðbrögð væru“ en ekki
um efnislegar staðhæfmgar auglýs-
enda. Ólafur gerði mikið úr því að
auglýsendur væru fyrrverandi for-
stjórar og sjálfsagt efnaðir, og sagði
auglýsingamar „aðför að lýðræð-
inu“ og meira fannst fréttamönnum
þeir ekki þurfa að vita. Þó var sú
undantekning á að í sjónvarpsþætti
að kvöldi 28. júní minntist Bogi
Ágústsson á að í einni auglýsing-
unni voru rakin nokkur ummæli
Ólafs um trúmál sem stönguðust
á, svo ekki sé meira sagt. Bogi
spurði Ólaf um þessi ummæli og
fékk það einstæða svar eitt að aug-
lýsingarnar væru ekki svaraverðar.
Þarna spurði Bogi um tiltekin um-
mæli, sem nákvæmlega var vitnað
til og enginn getur rengt að hafi
fallið eins og rakið var, og Ólafur
komst upp með að telja fréttastjóra
Ríkissjónvarpsins ekki svaraverðan.
Greinargerð Kosninga-
miðstöðvar Ólafs
Morguninn eftir Jjennan sjón-
varpsþátt þar sem Ólafur Ragnar
taldi auglýsingamar „ekki svara-
verðar" birtist í Morgunblaðinu
„greinargerð frá Kosningamiðstöð
Ólafs Ragnars Grímssonar“ þar sem
leitast var við að svara nokkru af
því sem auglýst var. Var það gert
með þeim hætti að ekki verður unað
við. Greinargerðin hefst á því að
af Ólafs hálfu hafi verið lögð
„áhersla á að stuðningsmenn héldu
uppi drengilegri og heiðarlegri um-
ræðu“, það hefði „verið kappkostað
að koma á framfæri viðhorfum
frambjóðandans og verðleikum án
þess að rýra hlut meðframbjóð-
enda.“ - Það hefur sjálfsagt verið
þess vegna sem kosningaskrifstofa
Ólafs dreifði með símbréfi á fjöl-
miðla, texta þar sem reynt var að
gera „meðframbjóðanda" hans, Pét-
ur Kr. Hafstein og fjármál framboðs
hans tortryggileg. - Er svo vikið að
þeirri gagnrýni sem framboð Ólafs
hafði orðið fyrir. Er sérstaklega
vakin athygli á því að það fólk sem
mælti gegn framboði Ólafs hafi
„ekki komið fram með neitt nýtt í
þessum skrifum né annað en það
sem hefur verið rætt í þaula áður“!
Rétt eins og það séu aðeins síðustu
vikurnar fyrir forsetakjör sem skipti
máli þegar kjósendur velja milli for-
setaefna og að þar komi þau ein
mál til álita sem enginn hefur nefnt
áður.
Ólafur skrökvaði um
trúmálin ...
í greinargerðinni segir að ein
undantekning sé á hinum vítaverða
skorti á frumleika gagnrýnenda ÓI-
afs, og sé hún ,umræðan um trú-
arviðhorf frambjóðandans og dreng-
skaparheit hans þegar hann sem
ráðherra bar vitni fyrir rétti". Segir
að þar hafí verið „framið nokkurs
konar landhelgisbrot" þar sem trú-
málum hefði „ekki verið flíkað í
þjóðmálaumræðu á íslandi". Hér er
með mjög áberandi hætti reynt að
leiða lesendur afvega. Vissulega
urðu frásagnir af framburði Ólafs
um trú sína fyrir rétti annars vegar
og í fjölmiðlum fyrir forsetakjör hins
vegar ekki til að auka trúverðug-
leika hans. Það sem hins vegar vek-
ur mestar efasemdir um heilindi
Ólafs eru hans eigin orð í viðtölum.
í þau var vitnað í blaðagreinum sem
og í hinum umtöluðu auglýsingum.
Á þau er hins vegar ekki minnst í
greinargerð Ólafs. Um þau spurði
Umræðan snýst um
það, segja Haraldur
Johannessen og Þórð-
ur Pálsson í þessari
fyrri grein af tveimur,
hvort frambjóðandinn
sagði ósatt.
fréttastjóri Ríkissjónvarpsins árang-
urslaust og þau hefur Ólafur Ragn-
ar Grímsson (ÓRG) ekki getað
skýrt. í viðtali á Rás 2 15. október
síðastliðinn var ÓRG spurður hvort
hann væri enn þeirrar skoðunar sem
fram hafí komið í viðtali í Helgar-
póstinum fímmtán árum áður að
hann væri „nokkuð sannfærður um
að guð væri ekki til“. Hann stað-
festi þessa skoðun sína og kom fram
hjá honum að „voðalega erfitt"
væri að sannfæra hann um að einn
af þeim guðum sem trúað er á, það
er sá sem ríki í kirkjunum heima,
sé hinn eini rétti. Aðspurður hvað
hann trúi á, sagðist hann eiginlega
ekki vita það, en hann héldi að hann
tryði „svona einna helst á mann-
inn“. Þama er óumdeilanlegt að
Ólafur trúir ekki á guð. Hinn 11.
júní, hálfu ári síðar, er ÓRG hins
vegar kominn í forsetaframboð og
farinn að sækja kirkjur. Þá er hann
spurður á Stöð 2 um trú sína og
svarar: „Auðvitað er ég kristinn
maður eins og þorri þjóðarinnar og
hef verið í þjóðkirkjunni, skírður og
fermdur og trúi á þann guð sem
sérstaklega amma mín kenndi mér
að trúa á.“ Hann fer mörgum orðum
um mikla trúarlega reynslu sína í
æsku og þeir sem á þetta svar hans
hlýða geta ekki verið í neinum vafa
um að hann vill með því taka af
allan vafa að hann sé og hafí alla
tíð verið afar trúaður maður. Það
sér hins vegar hver heilbrigður
maður að þessi tvenn svör ÓRG, sem
hvor um sig eru mjög skýr og afger-
andi, fara engan veginn saman. Nú
er rétt að leggja á það áherslu að
þessi umræða snýst ekki um það
hvort ÓRG trúir á guð eða ekki,
heldur það hvort hann hafí sagt
ósatt. Og staðreyndin er sú, að hann
hlýtur a.m.k. í öðru viðtalinu að
hafa farið með ósannindi.
... og mat Ceaucescu mikils
Þá er í greinargerðinni reynt að
gera sem minnst úr þeim ummælum
Ölafs Ragnars að Nikolai Ceaucescu
væri „heiðursmaður", en vitnað var
í þau í einni auglýsingunni. í greinar-
gerðinni segir: „Reynt er að gera
það tortryggilegt að Ólafur Ragnar
hafí sagt Ceausescu, einræðisherra
í Rúmeníu, vera heiðursmann. Hið
rétta í málinu er að hann talaði í
viðtali við Helgarpóstinn 24. maí
1984 um „báða þessa heiðursmenn
Ceausescu og Trudeau" og hafði um
Rúmeníuleiðtogann og kanadíska
forsætisráðherrann íslenskt orðatil-
tæki sem oftar en ekki er notað í
kaldhæðnum tón.“ Hér er greinilega
látið að því liggja að Ólafur hafí
ekki talið Ceaucescu merkilegan
pappír. En í viðtalinu í Helgarpóstin-
um kemur hins vegar skýrt fram að
Ólafur Ragnar lagði mikið á sig til
að fá Ceaucescu til liðs við samtök
sín. Um þá viðleitni sagði Ólafur
Ragnar í viðtalinu: „fórum við nokkr-
ir í undirbúningshópnum í persónu-
lega heimsókn til hans og fengum
þar góðar og virðulegar viðtökur.
Hann sýndi þessu máli gríðarlegan
áhuga og embættismenn hans hafa
fylgst náið með þessu og tekið þátt
í mótun þessa frumkvæðis. Þeir sátu
meðal annars undirbúningsfundina í
London í febrúar/mars síðastliðnum
sem við víkjum kannski að síðar.
En hvað sem þessum fundum okkar
Rúmeníuforseta leið, þá tók hann
þá ákvörðun að athuguðu máli, að
betur færi á því að hann styddi þetta
frumkvæði á sínum vettvangi í stað
þess að vera í innsta hring og kvaðst
myndu beita sér ákveðið í málinu
gagnvart þeim ríkjum sem honum
standa næst“. Þátttaka Ceaucescus
strandar sem sagt á honum sjálfum
en ekki Ólafí. Það er Ceaucescu sjálf-
ur sem ákveður að vera ekki „í innsta
hring". En Ólafur herðir upp hugann
og segir í viðtalinu: „það er í raun
mjög mikill sigur fyrir okkur að þetta
hafi þó náð svona langt með Rúme-
níuforseta". Ekkert í þessu viðtali
gefur ástæðu til að ætla að Ólafur
hafí ekki álitið Ceaucescu heiðurs-
mann, eða að þama hafí hann beitt
fyrir sig „kaldhæðni". Enda leggur
hann Ceaucescu og Trudeau að
jöfnu, og tæplega hefur hann með
þessu verið í kaldhæðni að skjóta að
Trudeau.
Haraldur er háskólanemi en
Þórður er B.A. í heimspeki og
M.B.A.
Hornsteinn borgarsamfélags
EITT af stærstu viðfangsefnum
nútímaborga eru umferð og sam-
göngur. Greiðar almenningssam-
göngur eru meðal hornsteina þróaðs
borgarsamfélags. Reykjavík er þar
engin undantekning. Borgaryfir-
völd leggja nú mikla áherslu á að
bæta umhverfi og umferð og leggja
í því skyni meðal annars áherslu á
bættar almenningssamgöngur.
Það er hlutverk Strætisvagna
Reykjavíkur að veita þjónustu á
sviði fólksflutninga í borginni. Hlut-
verkið rækir SVR með því að skipu-
leggja leiðakerfí og gera út strætis-
vagna sem aka samkvæmt því.
Umferð og umhverfi
Ferðamáti fólks hefur breyst
mikið á undanförnum áratugum.
Lengi vel treystu íbúar og gestir
aðallega á strætisvagna sem ferða-
máta innan borgarinnar. Með bætt-
um efnahag varð bílaeign lands-
manna með því mesta sem gerist í
heiminum og nú er svo komið að
umferð á götum Reykjavíkur sam-
svarar akstri í 300 þúsund manna
borg eða um þrefalt því sem gera
mætti ráð fyrir. Þessu fylgir há
slysatíðni, hávaði og önnur mengun.
Nútímamenn leggja áherslu á
heilsusamlegt líferni með hreyfingu
og útiveru. Bætt umhverfí er í
brennidepli. íslendingar eru að
verða meðvitaðri um meðferð fjár-
muna en áður og famir
að líta á kostnað í víð-
ara samhengi. í sam-
ræmi við þá þróun hef-
ur farþegum SVR
fjölgað árlega frá árinu
1992. Um 25 þúsund
ferðir era nú farnar
með vögnum SVR á
virkum dögum.
Nýjungar
í þjónustu SVR
Þann 15. ágúst
næstkomandi taka gildi
umtalsverðar breyting-
ar á leiðakerfi SVR.
Gildandi leiðakerfí er
að stofni til frá 1970.
Þær breytingar sem síðan hafa ver-
ið gerðar hafa fyrst og fremst ver-
ið viðbætur vegna byggingar nýrra
borgarhverfa. Nú hefur leiðakerfíð
verið endurskoðað í heild með tilliti
til breyttrar búsetu og ferðaþarfa
í borginni. Árangurinn er þær
breytingar á þjónustunni sem
ganga munu í gildi þann 15. ágúst.
Ýmsar fleiri breytingar hafa orð-
ið á þjónustu SVR að undanförnu.
Liður í breyttu skipulagi á síð-
asta ári var að stofna sérstaka far-
þegaþjónustudeild. Með því vill fyr-
irtækið efla þjónustuna við farþega.
Starfsvið deildarinnar er að fylgjast
með þjónustunni, selja farmiða,
veita upplýsingar um þjónustuna
og ráðgjöf um ferðir.
Á skiptistöðinni á
Hlemmi hefur verið
opnuð afgreiðsla og
þangað er mikið sótt
af viðskiptavinum.
Þjónustusimi SVR
hefur verið efldur. Þar
era gefnar upplýs-
ingar í síma allan þann
tíma sem vagnar era
í akstri. Sú þjónusta
er mikið notuð af við-
skiptavinum og er vel
þegin.
Leiðakort og tíma-
töflur SVR era nú í
fyrsta sinn birtar í
símaskránni. Með
þeirri nýbreytni er tryggt að upplýs-
ingar um ferðir SVR séu alltaf við
hendina. Upplýsingar um leiðakerfi
SVR eru einnig aðgengilegar á Int-
ernetinu á heimasíðu Reykjavíkur-
borgar.
Akstur næturvagna um helgar
hófst í byrjun árs 1994. Næturþjón-
ustan hefur verið aukin veralega á
síðustu mánuðum og nýtur sívax-
andi vinsælda. Ekið er á tveim leið-
um á hálftíma fresti, aðfaranótt
laugardags og sunnudags.
Vorið 1995 hófst tilraun með
flutning reiðhjóla í vögnunum. í
byijun náði tilraunin aðeins til
tveggja Ieiða en í sumar hefur til-
raunin verið útvíkkuð og eru nú
Það er von okkar hjá
SVR, segir Lilja Ólafs-
dóttir, að breyttu leiða-
kerfi verði vel tekið.
tekin reiðhjól í vagnana á öllum
leiðum sem aka í Grafarvogs-, Ár-
bæjar- og Breiðholtshverfin.
I þessum mánuði hófst rekstur
svonefndrar safnarútu. Það er
strætisvagn sem er ekið fasta leið
milli helstu safna í borginni. Þetta
er samvinnuverkefni SVR, safn-
anna og Atvinnu- og ferðamála-
stofu. Þjónustan verður veitt yfír
sumartímann þegar ferðamenn eru
flestir.
Lengi vel hafa vagnar SVR verið
með svipuðu sniði og allir af sömu
stærð. Nú hefur það breyst því lið-
vagn er að bætast í flotann og verð-
ur hann notaður á fjölmennustu
leiðum. Einnig er kominn minni
vagn sem verður ekið um Þingholt-
in þar sem götur eru þröngar. Ný-
lega skipaði stjórn SVR starfshóp
til að kanna hagkvæmni rafdrifíns
vagns.
Stefna SVR
Við stefnumótun í fyrirtækinu
er lögð áhersla á að þjónustan miði
að því að uppfylla þarfir og óskir
viðskiptavina. Þjónustan skal þróuð
þannig að strætó sé ákjósanlegur
ferðamáti fyrir flesta sem leið eiga
um þjónustusvæðið. Með því að
fleiri noti strætó í stað einkabílsins
fáum við betri borg með færri slys-
um og heilsusamlegra umhverfi.
SVR vill að ímynd fyrirtækisins
einkennist af virðingu fyrir farþeg-
um og fyrirtækinu sjálfu. Farþegar
eiga að vera í fyrirrúmi og mark-
miðið er að uppfylla ferðaþarfír
þeirra. Vingjarnleiki í viðmóti og
þjónustulund starfsmanna ættu að
vera aðalsmerki fyrirtækisins. Með
það í huga Ieggur SVR áherslu á
að hafa í þjónustu sinni starfsfólk
sem vinnur samtaka og af ánægju
að því að uppfylla hlutverk fyrir-
tækisins.
Leiðakerfínu er ætlað að þjóna
skipulagðri byggð í Reykjavík. Það
skal vera einfalt, skilvirkt og virka
hvetjandi til almennrar notkunar.
Kerfíð skal taka mið af almennum
ferðaþörfum í borginni. Leggja skal
áherslu á að leiðakerfið tengist
hjóla- og gönguleiðum.
Stuðla skal að því að ný hverfi
verði skipulögð fyrir almennings-
samgöngur, m.a. með stuttum
gönguleiðum og með sérstökum
götum, akreinum eða hliðum fyrir
strætisvagna. Leggja skal áherslu
á forgang strætisvagna í umferð-
inni.
Velkomin í strætó!
Það er von okkar hjá SVR að
breyttu leiðakerfi verði vel tekið af
viðskiptavinum og einnig að sem
flestir þeirra sem ekki hafa notað
strætó að staðaldri kynni sér þjón-
ustuna í nýjum búningi.
Höfundur er forstjóri S VK.
Strætó stendur þér nær
Lilja
Ólafsdóttir