Morgunblaðið - 26.09.1996, Side 6

6 FIMMTUDAGUR 26. SEPTEMBER 1996
FRÉTTIR
Guðni Agústsson gagnrýnir umhverfisráðherra
Landmælingar verði á Selfossi
GUÐNI Ágústsson alþingisniaður telur auðveldara
að flytja Landmælingar íslands til Selfoss en
Akraness og efast um að umhverfisráðherra „tak-
ist að fullkomna verk sitt“. Þá segir hann að
æskilegra hefði verið að vinna að flutningi stofn-
unarinnar í samvinnu við starfsmenn í stað þess
„að varpa sprengju inn í fyrirtækið". Guðmundur
Bjarnason umhverfísráðherra segist vænta þess
að fulltrúar Framsóknarflokksins séu sammála
um það að dreifa beri opinberri þjónustu um lands-
byggðina. Stefnt er að því að Landmælingar hefji
starfsemi á Akranesi árið 1999.
Guðni telur að taka hefði átt tillit til áiits nefnd-
ar um flutning ríkisstofnana, sem skipuð var 1992,
þar sem mælt var með flutningi Landmælinga til
Selfoss. „Leggja hefði átt málið fyrir þingmenn
og ríkisstjóm á sínum tíma í stað þess að gera
það sem þáverandi umhverfisráðherra [Össur
Skarphéðinsson] gerði, að semja við Akranes um
málið en ekki Selfoss eins og lagt var til. Síðan
tekur Guðmundur Bjarnason þetta upp þar sem
frá var horfíð og fullkomnar verkið," segir Guðni.
„Selfoss er þjónustu- og skólabær og liggur því
mjög vel við, auk þess sem öilum líður vel þar,
eins og ég býst við að fólki geri á Akranesi. Áuk
þess er ég þeirrar skoðunar að svona mál verði
að vinna innan frá með starfsmönnum og ná sam-
stöðu í stað þess að varpa sprengju inn í fyrirtæk-
ið,“ segir hann jafnframt.
Guðni segir hins vegar aðspurður að hann
muni ekki beita sér fyrir því að ákvörðun ráðherr-
ans verði hnekkt. „Eg hef sagt mína skoðun og
hefði auðvitað kosið að menn færu yfir þessa til-
lögu á ný í heild sinni og reyndu að framkvæma
það sem framkvæmanlegt er og í þeim farvegi
sem nefndin lagði til. Ég boða ekki átök við Guð-
mund Bjarnason í þinginu," segir hann.
Loks_ segist Guðni sjá tormerki á framkvæmd-
inni. „Ég efast alltaf um, þegar svona atgangur
verður, að mönnum takist að fullkomna það verk
sem þeir ætla sér að vinna."
Guðmundur Bjamason umhverfisráðherra segir
að það álit nefndarinnar að flytja megi Landmæl-
ingar til Selfoss undirstriki það viðhorf sitt að
Landmælingar séu stofnun sem getur starfað utan
höfuðborgarsvæðisins. „Ákvörðun um staðsetn-
ingu er síðan tekin á þeirri forsendu að búið var
að móta þennan farveg og ég taldi að það myndi
veikja málið í heild ef ég færi að skoða annan
möguleika," segir Guðmundur.
Umhverfisráðherra ekki skipt um skoðun
„Akranes var ekki valið vegna þess að talið
væri að sá staður væri betri en einhver annar.
Ég hefði þá allt eins getað velt fyrir mér stöðum
í mínu kjördæmi ef á að togast á um það. Ég lít
ekki á málið sem slíkt og vonast til þess að við
fulltrúar dreifbýlisins séum sammála um að þetta
sé rétt stefna og að við náum saman um það að
framfylgja henni,“ segir Guðmundur. Hann er
loks spurður hvort til greina komi að skipta um
skoðun. „Nei, það eru engar hugmyndir uppi um
það af minni hálfu,“ segir umhverfisráðherra.
Rætt um að
rífa gamla
Hæsta-
réttarhúsið
ÞORSTEINN Pálsson dóms-
málaráðherra segir að ákveðið
verði fljótlega hvort gamla
Hæstaréttarhúsið við Lindar-
götu verður rifið eða ekki. Hann
segir jafnframt að hagkvæmni-
sjónarmið verði höfð að leiðar-
ljósi þegar framtíð hússins
verður ráðin.
Þorsteinn segir að sam-
kvæmt mati Framkvæmdasýslu
ríkisins svari tæplega kostnaði
að gera við Hæstaréttarhúsið
og því hafi verið lagt til að það
yrði rifið.
Dómsmálaráðherra segir
'ennfremur að gera þyrfti um-
fangsmiklar viðgerðir og breyt-
ingar á húsinu ef ákveðið yrði
að nota það fyrir starfsemi
Stjórnarráðs.
lUOlgUllUlílOIO/ VJUIIl
átt uppi
STARFSMENN Rafmagnsveitunnar, sem voru að vinna við rafmagnslínu við Rauðhóla, voru ekki lofthræddir.
Ágætir upp-
hafstónleikar
TONLIST
Iláskólabíó
NORRÆNIR
MÚSÍKDAGAR
Sinfóníuhljómsveit íslands, undir
stjóm Anne Manson, flutti verk eftir
Hauk Tómasson, Bent Lorentzen,
PSr Lindgren og John Speight.
Einsöngvari var Julie Kennard og
einleikari á trompett Martin
Schuster. Miðvikudagurinn
25. september, 1996.
NORRÆNA tónskáldaráðið var
stofnað fyrir 50 árum og segir Árni
Harðarson, forseti tónskáldaráðs-
ins, í efnisskrá að þá hafi orðið
tónskáld verið okkur íslendingum
framandi. Þó þessi staðhæfing sé
ekki með öllu rétt, voru fáir farnir
að fást við tónsmíðar af alvöru árið
1946. Vel að merkja, má nefna
menn eins og Jón Leifs, Pál ísólfs-
son og marga sönglagasmiði, er
gáfu þjóðinni margan fagran söng-
inn. Það er hins vegar rétt að að-
staða til tónflutnings var lítil og að
hljóðfærakunnátta var þá enn að-
eins á valdi fárra mætra manna og
má þá vel til nefna menn eins Árna
Kristjánsson píanóleikara og Björn
Ólafsson fiðluleikara og aftur Pál
Isólfsson orgelleikara. Það eru mik-
il tíðindi þegar stofnað er til tónlist-
arhátíðar sem Norrænu tónlistar-
dagamir eru og gefst þá tækifæri
til að heyra hvað frændur okkar
hafa að bjóða af góðri list og þeim
til samlætis, að sýna hvað helst er
til tíðinda hjá okkur sjálfum.
Tónleikarnir hófust á verki eftir
Hauk Tómasson, er hann nefnir
Árhringur, en verk þetta var upp-
haflega samið fyrir Sinfóníuhljóm-
sveit Norðurlands. Það er í fjórum
þáttum og er tónmál þess mjög
hlaðið, sérstaklega fyrsti þátturinn.
Verkið í heild er tematískt unnið
og tónhugmyndirnar margar hrein-
lega tónalar en í samskipan oft á
tíðum settar fram sem eins konar
óreiða og þannig að í verkinu er
að finna skírskotun til gamalla og
nýrra gilda.
Það er margt að heyra í þessu
ágæta verki en í heild eru kaflarnir
of líkir og þar af leiðandi ekki sann-
færandi sem tóngerð íslensk veðr-
átta. Tveir einleiksþættir mynduðu
ákveðin skil í verkinu, fyrst á fíðlu,
sem konsertmeistarinn Szymon
Kuran flutti mjög vel og sellóein-
leikur, er myndaði skil á milli ann-
ars og þriðja þáttar og var mjög
vel fluttur af Richard Talkowsky.
Tónlýsingar eru farnar að vera
yrkisefni nútímatónskálda, er
minnir á impressionistana um og
eftir aldamótin síðustu og nú er það
regnboginn og ekki nóg með það,
heldur er í umsögn um Regenbog-
en, eftir Bent Lorentzen, vitnað til
norrænnar goðafræði, sem nú ger-
ist mikið tískuviðfangsefni, nokkuð
Anne Manson stjórnaði
Sinfóníuhljómsveitinni.
sem fyrir nokkrum árum var tengt
við afdalamennsku. Verk Lorentzen
er myndmálun á þessu náttúrufyrir-
bæri og á lúður er leikið, táknandi
fyrir Heimdall, er stendur vörð um
Bifröst og þenur gjallarhorn sitt.
Einleikari í verkinu var Martin
Schuster er lék mjög vel en tónmál
verksins er mjög hægferðugt og á
köflum nokkuð langdregið en víða
fallega hljómandi. Þrátt fyrir að
tónmálið væri mjög kyrrstætt, gat
að heyra krómatískt tónferli, eink-
um í tónhendingum einleikshljófær-
isins, sem þó megnaði ekki að færa
tónmálið úr hinni kyrrstæðu skipan.
Oaijé nefnist verk eftir Par Lind-
gren og er það byggt á hljóðgrein-
ingu á afríska trommupíanóinu
Sansa. Oaije er ákaflega þétt unnið
úr smáum tónhugmyndum en vegna
þess hve þétt skipan þeirra er, verð-
ur útkoman oftlega kaótískur nið-
ur, sem erfitt er að henda reiður
á. Verkið minnti undirritaðan á
vinnubrögð William Schumann
(1910) þann bandaríska, sem að
vísu notaði, miklu ómstríðari tón-
skipan og var að því leyti til nýtísku-
legri en Lindgren. Það er að segja,
að grátlega fátt nýtt er í þessu
verki.
Tónleikunum lauk með Sinfóníu
nr. 2 eftir John Speight. Það er
margt glæsilega gert í þessu verki
og hefst það á fallegum einleik á
selló, sem Talkowsky lék mjög vel.
Verkið er innblásið af innrás Iraka
í Kúveit og því mikil tilþrif og misk-
unnarleysi, sem heyra má í þessu
ágæta verki. Seinni hluti þess er
fyrir einsöngvara og flutti Julie
Kennard hann mjög vel, þó ekki
væri hægt að greina textann.
Þar með eru Norrænu tónlistar-
dagarnir hafnir og verður fróðlegt
að fylgjast með því sem þar verður
boðið fram. Þessum ágætu tónleik-
um var stjórnað af Anne Manson
og greinilegt að þar fer frábær
hljómsveitarstjóri. Verður fróðlegt
að heyra hana aftur stjórna Sinfón-
íuhljómsveit íslands næst komandi
laugardag, í Langholtsksirkju, þar
sem fluttir verða m.a. Sólarsöngvar
eftir Karin Rehnquist.
P.S. Það var nokkur galli á efnis-
skrá tónleikanna, að ekki var prent-
aður texti sá er John Speight notar
í sinfóníunni og vonandi verður
textinn tiltækur hlustendum, þegar
Sólarsöngvarnir verða fluttir n.k.
laugardag.
Jón Ásgeirsson
MORGUNBLAÐIÐ •
Formaður VMSÍ
Akvörðun
Dagsbrún-
ar eðlileg
BJÖRN Grétar Sveinsson, for-
maður Verkamannasambands
íslands, segir það ekki van-
traust á VMSI þótt Verka-
mannafélagið Dagsbrún ætli
ekki að afhenda sambandinu
samningsumboð.
„Mér finnst ekki óeðlilegt að
þeir vilji láta reyna sjálfír á
gerð viðræðuáætlunar við
vinnuveitendur. I nýrri vinnu-
löggjöf er gert ráð fyrir við-
ræðuáætlunum og við sam-
þykktum að senda beiðni út til
félaganna um umboð til gerðar
viðræðuáætlunar vegna aðal-
kjarasamninga. Stjórn Dags-
brúnar tók þessa ákvörðun og
það er ekkert óeðlilegt við
hana,“ segir hann.
Björn Grétar telur ákvörðun-
ina ekki merki um upplausn
innan VMSÍ: „Það eiga eftir að
sjást margar gerðir viðræðuá-
ætlana og auk þess er hvert
félag með sérkjarasamninga
sem það gerir sjálft."
Londonferðir
á sérkjörum
FLUGLEIÐIR hefja sölu á helg-
arferðum til London fyrir
18.000 kr. (19.900 kr. með
flugvallarskatti) í dag. Miðað
er við að flogið sé til London á
fimmtudegi og komið aftur á
sunnudegi á tímabilinu 31.
október til 12. desember.
Þriggja nátta gisting með
morgunverði á Hótel Blegemore
kostar 9.070 kr.
Vetraráætlun Flugleiða tek-
ur gildi 27. október. Um leið
flytur afgreiðsla og aðstaða
Flugleiða á Heathrow-flugvelli
í London á milli stöðvarbygg-
inga úr númer þrjú í eitt.
Skólabílaskoð-
un ekki skylda
SKILJA mátti af frétt um
óskoðaða hópferðabíla í blaðinu
í gær að skylda væri að færa
skólabíla í svokallaða skólabíla-
skoðun. Þessi skoðun er ekki
skylduskoðun.
Margar sveitarstjórnir hafa
hins vegar farið fram á að bílar
séu skólabílaskoðaðir. Til að
standast þá skoðun verða þeir
að vera búnir öryggisbeltum.
I lögum um útbúnað bifreiða
er ákvæði um að hópferðabílar
undir 3‘/2 tonni skuli vera með
öryggisbelti við öll sæti sem
snúa fram að veltisætum und-
anskildum. í bílum yfir 3‘/2 tonn
ska! ökumannssæti vera búið
öryggisbelti og sama gildir um
önnur sæti sem ekki veita nægi-
lega vörn með afturhluta sætis-
baks eða þili beint framan við
farþega.
Nýr þing-
flokksfor-
maður
Á NÝAFSTÖÐNUM þing-
flokksfundi Samtaka um
kvennalista var Kristínu Hall-
dórsdóttur falið að fara með
embætti þingflokksformanns
næsta ár. Einnig var ákveðið
að Kristín Ástgeirsdóttir yrði
varaþingflokksformaður.
Skipt er reglulega um þing-
flokksformann Samtaka um
kvennalista.