Morgunblaðið - 17.10.1996, Qupperneq 11

MORGUNBLAÐIÐ
FIMMTUDAGUR 17. OKTÓBER 1996 11
FRÉTTIR
Norræn könnun á áhrifum óbeinna
reykinga á börn
Slæmt ástand
á Islandi
BÖRN í fjórðu hverri fjölskyldu á
Norðurlöndum búa við óbeinar reyk-
ingar á heimili sínu. Verst er ástand-
ið í Danmörku, þar sem óbeinar
reykingar viðgangast á_48,5% heim-
ila bamafjölskyldna. ísland fylgir
fast á eftir Danmörku með 46% en
í Finnlandi er samsvarandi tala 7,7%.
Þetta kemur fram í könnun á
vegum norrænu krabbameinsfélag-
anna og var Ásgeir R. Helgason
sálfræðingur fulltrúi íslands og Sví-
þjóðar í hópnum sem vann könnun-
ina. 5.500 fjölskyldur frá Norður-
löndunum fimm fengu spurninga-
lista og 65% þeirra svöruðu.
Réttur barna til að búa í
reyklausu umhverfi
Meðal þess sem foreldrar voru
spurðir um var hvort þeir teldu að
börn ættu rétt á því að búa í reyk-
lausu umhverfí. Áberandi var að
aðeins 72% danskra svarenda sem
reyktu svöruðu spurningunni játandi
en 96% þeirra finnsku. 50% dönsku
reykingamannanna töldu að fullorð-
ið fólk ætti rétt á því að reykja þar
sem því sýndist á sínu eigin heimili
en sambærileg tala fyrir Finnland
var 12%.
Jafnvel þó að flestir foreldrarnir
séu meðvitaðir um skaðsemi
óbeinna reykinga er hegðun þeirra
ekki alltaf í samræmi við þá vitn-
eskju. Sem dæmi má nefna að 89%
íslensku svarendanna sem reyktu
sögðust telja að börn þeirra ættu
rétt á því að búa á reyklausu heim-
ili en reyndin er þó sú að á heimilum
46% íslenskra barnafjölskyldna er
reykt.
Reykingar á heimilum barnafjölskyldna
í heild á Norburlöndunum
á Norðurlöndunum
Hlutfall heimila þar sem
reykt er í viðurvist barna
a.m.k. einu sinni í viku
DANMÖRK /1
H ■
i SVÍÞjÓÐ FINNLAND
ST. JÓSEFSSPÍTALI í Hafnarfirði
vekur athygli á augndeildarstarf-
semi spítalans í framhaldi af fréttum
um að ekki verði gerðar aðrar augn-
aðgerðir en bráðaaugnaðgerðir á
augndeild Landakotsspítala fyrr en
deildin hafi verið flutt á Landspítal-
ann. Alls hafa verið gerðar um og
yfir 300 augnaðgerðir á St. Jó-
sefsspítala í Hafnarfirði á hvetju ári.
í fréttatilkynningu frá St. Jós-
efsspítala kemur fram að allt frá
árinu 1986 hafi verið rekin þjón-
usta vegna augnsjúkdóma á spítal-
anum. Tveir augnlæknar hafi
læknastofur á göngudeiidinni.
Jafnframt sé aðstaða til augnað-
gerða á skurðstofu göngudeildar
St. Jósefsspítali í Hafnarfirði
Um 300 augnað-
gerðir árlega
og hafi fleiri augnlæknar aðgengi
að skurðstofunni. Aðgerðirnar séu
að langmestum hluta gerðar án
innlagnar. Sjúkrahúsið tryggir hins
vegar aðgegni þeirra sjúklinga sem
þurfa á legu að halda í framhaldi
aðgerðar.
Alls hafa verið gerðar um og yfir
300 aðgerðir á sjúkrahúsinu á
hvetju ári. Skipt er um augnsteina
í um 150 til 180 aðgerðum. Aðgerð-
ir vegna gláku eru á bilinu 20 til
30 og aðgerðir vegna augnskekkju,
einkum í börnum, eru svipaður
fjöldi. Að auki eru gerðar aðgerðir
vegna ýmissa annarra vandamála.
Fram kemur að skilja hafi mátt
fréttir svo að engin aðstaða væri til
staðar í landinu fyrir aðgerðir vegna
augnsjúkdóma nema í bráðatilfell-
um eftir að starfsemi augndeildar
SHR á Landakoti hafi verið skert
sem raun beri vitni. Áðurnefndar
upplýsingar séu settar fram til þess
að upplýsa fólk um þá aðstöðu sem
fyrir hendi sé á St. Jósefsspítala.
Þjónustan sé byggð í kringum augn-
læknana á spítalanum og verði hún
áfram óbreytt. Hins vegar sé ljóst
að aðstaða á St. Jósefsspítala leysi
ekki þann vanda sem skapast hafi
við lokun augndeildar SHR.
Samgöngu-
mál rædd á
20. aðal-
fundi SSH
TUTTUGASTI aðalfundur Sam-
taka sveitarfélaga á höfuðborgar-
svæðinu verður haldinn laugardag-
inn 19. október í Hlégarði í Mos-
fellsbæ. Aðalumræðuefni fundarins
verða samgöngumál og fjárveiting-
ar til uppbyggingar umferðarmann-
virkja á höfuðborgarsvæðinu.
Framsögumenn eru: Halldór
Blöndal, samgönguráðherra, Ingi-
björg Sólrún Gísladóttir, borgar-
stjóri, Stefán Hermannsson, borg-
arverkfræðingur í Reykjavík og
Árni Hjörleifsson, bæjarfulltrúi í
Hafnarfirði og formaður SSH.
Þá verður veitt sérstök viður-
kenning fyrir merkt framlag til
umhverfis-, útivistar og skipulags-
mála að loknum hádegisverði.
-----♦ » ♦
Reyk lagði
frá sólbaðs-
stofu
SLÖKKVILIÐIÐ var kallað að sól-
baðsstofu í miðbænum seint í fyrra-
kvöld, vegna mikils reyks sem lagði
frá staðnum.
Þar sem búið var að loka sólbaðs-
stofunni var ekki talin ástæða til
að óttast að einhver gestur hefði
verið full lengi í sólbaði, enda reynd-
ist reykurinn koma frá þvottavél
staðarins. Mótor vélarinnar hafði
brunnið yfir.
Úthafsveiði-
samningur Sþ
Tillaga á
þingi um
fullgildingu
HALLDÓR Ásgrímsson, utanríkis-
ráðherra, mælti í vikunni fyrir
þingsályktunartillögu um fullgild-
ingu úthafsveiðisamnings Samein-
uðu þjóðanna, sem samþykktur var
í New York í ágúst 1995 og Island
undirritaði í desember sl. í máli
utanríkisráðherra kom fram, að
hingað til hefðu 47 ríki undirritað
samninginn, en hann öðlast gildi
30 dögum eftir að 30 ríki hafa til-
kynnt fullgildingu hans. Enn sem
komið er munu aðeins 6 ríki hafa
fullgilt samninginn. Að sögn ráð-
herra eru mörg ríki nú að undirbúa
fullgildingu.
Samningurinn er niðurstaða út-
hafsveiðiráðstefnu SÞ sem lauk í
New York 4. ágúst 1995 og sam-
þykktu hann þá 112 ríki auk Evr-
ópusambandsins samhljóða. Samn-
ingurinn Iiggur frammi til undirrit-
unar í eitt ár frá og með 4. desem-
ber 1995 og var ísland í hópi þeirra
ríkja sem undirrituðu hann þann
dag.
Þingmenn jafnaðarmanna og
Kvennalista gagnrýndu að ríkis-
stjórnin skyldi vilja setja lög um
úthafsveiðar áður en búið sé að
ganga frá fullgildingu úthafsveiði-
samningsins.
Utanríkisráðherra og Geir H.
Haarde, Sjálfstæðisflokki, sem
stýrði starfi nefndar þeirrar, sem
undirbjó úthafsveiðifrumvarpið,
vísuðu gagnrýninni á bug og sögðu
ýmsar aðrar aðstæður en úthafs-
veiðisamninginn kalla á að sett
yrðu lög um veiðar utan lögsög-
unnar sem fyrst.
Vandaður BALENO WAGON 4WDfyrir aðeins 1.580.000,-kr.
BALENO WAGON með framhjóladrifi aðeins 1.450.000,- kr.
MEÐ: aflmikilli 16 ventla vél • toppgrind • vindkljúf með
hemlaljósi • þjófavörn • hæðarstilling á ökumannssæti •
öryggisloftpúðum fyrir ökumann og farþega í framsæti •
vökvastýri • upphituðum framsætum • samlæsingum •
veltistýri • rafdrifnum rúðuvindum • rafstýrðum
útispeglum • tvískiptu aftursætisbaki • útvarpi/segulbandi
með 4 hátölurum • styrktarbitum í hurðum • skolsprautum
fyrir framljós • samlitum stuðurum.
Geturðu gert betri bílakaup?
SUZUKIBÍLAR HF
Skeifunni 17, 108 Reykjavík.
Sími 568 51 00.
„Nú er Súkkan orðin stór“
, Afl og öryggi
SUZUKI
BALENO