Morgunblaðið - 27.10.1996, Blaðsíða 35

MORGUNBLAÐIÐ
SUNNUDAGUR 27. OKTÓBER 1996 35
BRÉF TIL BLAÐSINS
Misskilinn
sparnaður
Frá Ara Þór Matthíassyni:
EINS OG flestir vita tilkynnti
menntamálaráðherra, Björn
Bjarnason, fyrir rúmum mánuði að
skorinn yrði sérstaklega niður
kennslukostnaður í nokkrum skól-
um, sem eru Framhaldsskólinn á
Húsavík, Framhaldsskólinn á
Laugum og Framhaldsskólinn á
Höfn í Hornafirði. Þetta kom skóla-
meisturum alveg í opna skjöldu og
hafa þeir ekki mikinn tíma til að
hugsa sitt mál, því ef þetta nær
fram að ganga tekur þetta gildi
um næstu áramót með fjárlögum.
Skólameistarar vissu að ekki
væri hægt að reka skólana með
sama sniði og áður, því niðurskurð-
urinn er um 15% á Húsavík, 20%
á Laugum og um 18% á Höfn.
Ég er nemandi í Framhaldsskól-
anum á Húsavík og kom þessi til-
laga mér og öðrum nemendum
skólans alveg að óvörum og höfum
verið að hugsa um hvað tekur við
á næstu önn, því þetta snertir ekki
1 aðeins skólann heldur nemendur
skólans líka og það held ég að
menntamálaráðherra hafi ekki
hugsað til enda.
Skólinn á Húsavík starfar með
áfangakerfi sem gerir nemendum
kleift að ljúka námi á þeim tíma
er hentar hveijum og einum best
og nái nemandi af einhveijum
ástæðum ekki lágmarkseinkunnum
í einhvetjum áfanga getur hann
tekið þann áfanga aftur á næstu
önn, en einnig haldið áfram í þeim
greinum er hann náði. Nemendur
geta einnig klárað námið á þremur
og hálfu ári í stað fjögurra í bekk-
jarkerfi.
Bekkjarkerfi er fjárhagslega
hagkvæmara en áfangakerfi og
þurfa þvi skólameistarar að hugsa
sitt ráð og jafnvel að breyta sínu
kerfi yfir í bekkjarkerfi.
í bekkjarkerfi geta nemendur
ekki ráðið sínum hraða í gegnum
námið og ef þeir ná ekki ákveðið
mörgum fögum þurfa þeir að taka
allan bekkinn upp á nýtt þrátt fyr-
ir að hafa náð hinum fögunum.
Nemendur sem eru í Framhalds-
skólanum á Húsavík fóru í þann
skóla vegna þess að þeir vildu
áfangakerfi en ekki bekkjarkerfí,
en þeir sem vildu bekkjarkerfið
fóru einfaldlega í aðra skóla.
Hvað gerist þegar skólinn tekur
upp bekkjarkerfi? Það er alveg
ómögulegt fyrir 2., .3. og 4 árs
nemendur að flytja sig yfir í bekkj-
arkerfi, nema þeir eigi sand af seðl-
um, ótakmarkað af þolinmæði og
hafi ekkert annað við tímann að
gera. Ef nemandi flytur sig þarf
hann að öllum líkindum að taka
suma áfangana aftur þrátt fyrir
að hafa staðiðst próf, eingöngu til
að rétta sig af í kerfinu og það
gæti kostað nemendur eitt aukaár
og jafnvel meira; hvar kemur
sparnaðurinn fram þar?
Hvað eigum við nemendur að
gera? Ekki förum við í Mennta-
skólann á Akureyri því þar er
bekkjarkerfi, ekki förum við í
Verkmenntaskólann á Akureyri
nema þeir sem eru svo lánsamir
að eiga ættingja eða vini sem þeir
geta fengið aðstöðu hjá því í VMA
er engin heimavist. Hvað er þá
eftir? Jú, það er Sauðárkrókur eða
þá Reykjavík. í þessu dæmi erum
við að tala um 100-120 nemendur
og nám er þeim hentar og þá kem-
ur annað; það er ekki nema brot
af þessum nemendum sem hafa
efni á því að stunda nám fjarri
heimili sínu og hvað gera þeir?
Þeir eru neyddir til að hætta í
skóla, fara þeir að vinna eða fara
á atvinnuleysisbætur; hvar liggur
sparnaður í því?
Hvað með skólann ef um 100
nemendur hætta og rétt um 60-80
nemendur eru eftir, hvernig er þá
hægt að reka skólann?
Þetta er mál sem þarf alvarlega
að skoða, því þarna er enginn
sparnaður við nánari skoðun.
Ég skora á menntamálaráðherra
að skoða þetta mál betur því þarna
er framtíð ungs fólks í hættu. Er
ástæða til að fórna því jafnvægi
sem nú er á Húsavík fyrir sex millj-
óna sparnað?
ARIÞÓR MATTHÍASSON,
Framhaldsskólanum á Húsavík.
Oft veltir lítil þúfa
þungn hlassi
Frá Hildi Guðbrandsdóttur:
MIG LANGAR til að ijalla hér
um það ófremdarástand sem orðið
er í þjónustu Sjúkrahúss Reykjavík-
ur.
Smáformáli verður að vera á
þessu erindi mínu. Þannig er mál
með vexti að ég lenti í slysi í sum-
ar, varð fyrir því óhappi að detta -
um þúfu - í sumarleyfi mínu vestur
á fjörðum og slasast illa á öxl. Ég
fékk mjög góða fyrstu hjálp á
Sjúkrahúsi ísafjarðar. Þegar suður
kom hófust viðskipti mín við Sjúkra-
hús Reykjavíkur. A Borgarspítala
fékk ég ranga greiningu og bati lét
því á sér standa, þar til ég leitaði
til sérfræðings eftir tilvísun frá
heimilislækni, þá voru liðnar 10 vik-
ur frá slysi. Kom nú í ljós að skurðað-
gerðar er þörf til að bati fáist og
ég verði vinnufær á ný. Þar hefst
hin eiginlega martröð en hún heitir
biðlisti.
Til að gera langa sögu stutta var
ég sett á biðlista á Landakoti og
vonaðist sérfræðingurinn til þess að
ég yrði orðin vinnufær fyrir jól. En
nú er búið að loka skurðstofunum á
Landakoti og setja mig á biðlista á
Borgarspítala, en þar var langur
biðlisti fyrir og sé ég nú fram á
margra mánaða bið eftir aðgerð. Ég
sé ekki að vit sé í þessu, hvað þá
sparnaður, og skal nú upp telja:
1) Ég er ríkisstarfsmaður á fullum
launum frá ríkinu, á meðan ég
bíð hefur önnur manneskja verið
ráðin tímabundið í starf mitt.
Hvar er sparnaðurinn?
2) Skurðstofurnar á Landakoti
kosta a.m.k. 200 millj. og nú á
að eyðileggja þær og byggja
nýja á Borgarspítalanum. Hvar
er sparnaðurinn?
3) Ég þarf ekki innlögn, aðeins
svæfingu, smáaðgerð og vöknun
og fáeinar vikur í sjúkraþjálfun,
til að verða vinnufær á ný en
ónei, það er ekki í boði næstu
mánuði því það er verið að spara!
Þegar ekki er hægt að hjálpa
fólki sem greiðir til þessa kerfis
hlýtur það að vera hrunið! Ég
er ekki ein um að líða fyrir þetta
ástand, það er fjöldi manns sem
er í sömu sporum og líður þján-
ingar, andlegar og likamlegar,
vegna þessa, þær er ekki verið
að spara! Ég yrði ekki hissa þó
að þeir læknar sem störfuðu á
Landakoti gæfust upp á þessari
óstjórn og leituðu sér vinnu er-
lendis, þar sem þeim og sjúkling-
um þeirra yrði ekki hent út á
götuna fyrirvaralaust. Höfum
við efni á þessu? Er stefnan sú
að hafa stóran hluta þjóðarinnar
á örorkubótum? Er ekki verið
að skjóta sig í fótinn?
HILDUR GUÐBRANDSDÓTTIR,
Vífilsgötu 13, Reykjavík.
Um íslenska sjónvarpið hf.
Frá Hreggviði Þorsteinssyni:
í FYRIRSÖGN Morgunblaðsins fyrir
nokkrum dögum var eftirfarandi:
Fjárhagsieg endurskipulagning
íslenska sjónvarpsins hf. Óskað verð-
ur heimildar til nauðasamninga.
Fyrirtæki mitt ÍSKRAFT er einn
af mörgum kröfuhöfum í Islenska
sjónvarpið hf.
Föstudaginn 11. október sl. hringdi
til mín maður frá lögmannsstofu í
Reykjavík og segir að nefnd stofa sé
búin að fá mál Islenska sjónvarpsins
hf. til meðferðar og leiti nú nauða-
samninga fyrir félagið og hvort hann
megi ekki senda okkur nokkur blöð
varðandi samninginn og var því játað.
Það sem hann sendi var: Til sam-
þykktar af lánardrottnum Frumvarp
að nauðasamningi fyrir íslenska
sjónvarpið hf. Meðmæli með frum-
varpi að nauðasamningi fyrir ís-
lenska sjónvarpið hf. og að lokum
umboð starfsmanns lögmannsstof-
unnar til þess að fara með atkvæði
kröfuhafa.
Fj'öldi kröfuhafa er sjálfsagt til-
búinn til að skrifa undir þessi plögg,
sem send voru, til þess að fá eitt-
hvað greitt upp í kröfur sínar. Ef
kröfuhafar ganga ekki að nauða-
samningunum er okkur sagt að fé-
lagið verði gjaldþrota og við fáum
ekkert greitt vegna forgangskrafna.
Það má Ijóst vera að eðlilegast hefði
verið, að félagið hefði boðið kröfuhöf-
um hlutabréf upp í mismuninn á
kröfum þeirra og þessum 35% sem
boðin eru í nauðasamningunum, en
svo er ekki. Þó er látið í veðri vaka
að verið sé að safna hlutafé.
Nokkuð augljóst er að stjórn Is-
lenska sjónvarpsins hf. ætlar með
þessu að láta kröfuhafa greiða stofn-
kostnað sem þegar er orðinn og sitja
eftir með hreint borð og bjóða nokkr-
um útvöldum ijárfestum hlutabréf
til kaups.
Ég skora á lánardrottna íslenska
sjónvarpsins hf. að samþykkja ekki
nauðasamninginn nema boðin verði
hlutabréf í félaginu fyrir mismun á
kröfum og þeim greiðslum sem boðn-
ar eru í honum.
HREGGVIÐUR ÞORSTEINSSON
hjá ískrafti ehf.
Húsvernd í Reykjavík
Húsverndarnefnd Reykjavíkur boðar til málþings
um nýja stefnumörkun Reykjavíkurborgar í húsverndarmálum.
Málþingið verður haldið í Tjarnarsal Ráðhúss Reykjavíkur
laugardaginn 2. nóvember, kl.10.00-16.00
Dagskrá
10.00-10.15 Skráning þátttakenda
10.15-10.30 Setning málþings, ávarp
Kynning á nýrri stefnumótun: Inntak, uppbygging, aðferðafræði
Guðrún Ágústsdóttir, formaður Húsverndarnefndar Reykjavíkur
10.30-12.00 Varðveisla byggðar innan Hringbrautar
Miðbær og Vesturbær
Kynning á tillögum starfshóps - fyrri hluti
1. Sérkenni byggðar, þróunarsaga. Nikulás Úlfar Másson, Árbæjarsafni
2. Friðun húsa og húsasamstæðna, Nikulás Úlfar Másson
3. Svæðisbundin verndun. Helga Bragadóttir, Borgarskipulag Rvk.
4. Verndun 20. aldar bygginga. Pétur H. Ármannsson, Listasafni Rvk.
12.00-13.00 Matarhlé
13.00-14.30 Varðveisla byggðar innan Hringbrautar
Austurbær: Þingholt, Skólavörðuholt, Skuggahverfi
Kynning á tillögum starfshóps - seinni hluti
1. Sérkenni byggðar, þróunarsaga. Nikulás Úlfar Másson
2. Friðun húsa og húsasamstæðna. Nikulás Úlfar Másson
3. Svæðisbundin verndun. Helga Bragadóttir
4. Verndun 20. aldar bygginga. Pétur H. Ármannsson
14.30-14.45
14.45-15.30
15.30-15.50
15.50-16.00
16.00
Kaffihlé
Fagleg viðhorf, gagnrýni
Magnús Skúlason, framkvæmdastjóri Húsafriðunarnefndar ríkisins
Guðni Pálsson, formaður Arkitektafélags íslands
Geirharður Þorsteinsson arkitekt, Skipulagi ríkisins
Páll V. Bjarnason, formaður Torfusamtakanna
Fyrirspurnir
Samantekt
Margrét Hallgrímsdóttir Borgarminjavörður
Málþinginu slitið
Fundarstjóri: Ólafur G. Einarsson, forseti Alþingis
Áhugafólk um skipulags- og umhverfismál, sögu Reykjavlkur og verndun gamalla húsa
er eindregið hvatt til þátttöku í málþinginu. í tengslum við málþingið verður haldin sýning
á eldri tillögum um verndun byggðar í miðbæ Reykjavíkur ásamt þeim tillögum
Húsverndarnefndar Reykjavíkur sem kynntar verða á þinginu.
Þátttökugjald til greiðslu á léttum hádegisverði og kaffi er kr. 500.
Húsmdariiefnil Reykjavíkur