Morgunblaðið - 30.10.1996, Blaðsíða 12
12 MIÐVIKUDAGUR 30. OKTÓBER 1996
MORGUNBLAÐIÐ
FRÉTTIR
Framhald umræðna um veiðileyfagjald á Alþingi
Ráðherrar halda sig til hlés
FRAMHALD varð á umræðum um
veiðileyfagjald á Alþingi á mánu-
dag, í fyrsta sinn að hvorum tveggja
forsætis- og sjávarútvegsráðherra
viðstöddum. Ráðherrarnir kusu þó
að tjá sig ekki um tillöguna, þrátt
fyrir ítrekaðar áskoranir flutnings-
manna.
Ágúst Einarsson, fýrsti flutn-
ingsmaður að þingsályktunartillögu
jafnaðarmanna um veiðileyfagjald,
sagði ummæli Davíðs Oddssonar
forsætisráðherra við upphaf lands-
fundar Sjálfstæðisflokksins hafa
verið allt annað en málefnaleg og
hann skuldi því Alþingi rökstuddar
útskýringar á þeim ummælum.
Skoðanamunur formanna
stj órnarflokkanna
Jón Baldvin Hannibalsson, sem
er einn fiutningsmanna tillögunnar,
vakti athygli á þeim skoðanamun
sem komið hefði fram hjá forystu-
mönnum stjórnarflokkanna
tveggja. Halldór Ásgrímsson, for-
maður Framsóknarflokksins, utan-
ríkisráðherra og sem fyrrverandi
sjávarútvegsráðherra einn af höf-
undum ríkjandi fiskveiðistjórnunar-
kerfis, hefði viðurkennt í ræðum,
að hann hefði orðið var við verulega
óánægju með óbreytt kerfí. Kerfið
bjóði upp á misnotkun, sem særi
réttlætiskennd almennings. Jón
Baldvin sagði þau tíðindi hafa gerzt
nú, að Halldór hafi viðurkennt rétt-
mæti gagnrýninnar og hafí ekki af
neinum grundvallarástæðum lýst
sig andsnúinn tillögunni, þó hann
segi að hún sé ekki tímabær.
Málinu víki öðru vísi við hvað
varði forsætisráðherra. Hann hafí
aidrei svo kunnugt sé tjáð sig opin-
berlega um grundvallarþætti fisk-
veiðistjómunarkerfísins. Það hafi
því komið mjög á óvart, að hann
skyldi kveða mjög fast að orði þeg-
ar hann lýsti tillögunni um veiði-
leyfagjald á landsfundi Sjálfstæðis-
flokksins. í þeim lýsingum hefði
hann farið mjög frjálslega með
staðreyndir. Athyglisverðust sé þó
opinberun verulegs skoðanamunar
í þessu máli milli formanna stjórn-
arflokkanna.
Forsætisráðherra svaraði orðum
flutningsmanna engu. Eini þing-
maður stjórnarflokkanna, sem tók
til máls á þessu stigi umræðunnar,
var Árni Johnsen.
Bandarískt veiðileyfagjald og
auðlindastefna
Einnig var sú ákvörðun Banda-
ríkjamanna, að taka upp veiðileyfa-
gjald í þeirra sjávarútvegi, rædd í
fyrsta sinn innan þingsins. Ágúst
Einarsson benti á, að Bandaríkja-
menn hefðu ákveðið að taka upp
gjaldtöku fyrir veiðiheimildir, sem
miðast við 3% af aflaverðmæti og
er fyrst og fremst ætlað að standa
straum af kostnaði ríkisins við
sjávarútveginn. Þessi gjaldtaka
mun þó aðeins eiga að vera fyrsta
skrefið í átt að almennri gjaldtöku
á náttúruauðlindir í Bandaríkjun-
um.
Að sögn Ágústs er þessi stefna
Bandaríkjastjómar fyllilega sam-
bærileg við þá stefnu sem jafnaðar-
menn fylgi með því að leggja til
upptöku veiðileyfagjalds í íslenzk-
um sjávarútvegi, sem sé ætlað sem
liður í því að koma á gjaldtöku fýr-
ir nýtingu sameiginlegra auðlinda
þjóðarinnar almennt.
Viðskipta-
bannið
á Irak verði
endurskoðað
ÞRÍR þingmenn stjórnarand-
stöðuþingflokkanna lögðu
fram í gær þingsályktunartil-
lögu um endurskoðun á al-
þjóðlega viðskiptabanninu á
Irak. Tillagan miðar að því,
að Alþingi feii ríkisstjórninni
að beita sér fyrir því að við-
skiptabannið á Irak verði
„tafarlaust tekið til endur-
skoðunar". Einnig verði mót-
uð sú stefna að viðskipta-
hindrunum verði aldrei beitt
við þær aðstæður að almenn-
ingur, ekki sízt börn, líði bein-
an skort af þeim sökum.
Samhljóðandi tillögur hafa
tvisvar sinnum áður verið
lagðar fyrir Alþingi, en ekki
verið ræddar til fullnustu.
Atvinnulausum
fækkaði um 589
milli mánaða
320 færri atvinnulausir en
í september 1995
SKRÁÐUM atvinnuleysisdögum
fækkaði um tæplega 18.000 frá
ágúst til september síðastliðins,
samkvæmt upplýsingum frá
Vinnumálaskrifstofu félagsmála-
ráðuneytis. Atvinnulausum fækk-
ar í heild að meðaltali um 15,4%
frá ágústmánuði en hefur fækkað
um 6,5% frá september í fyrra.
Atvinnuleysisdagar í september
jafngilda því að 4.502 hafí verið
á atvinnuleysisskrá að meðaltali í
mánuðinum. Þar af eru konur
2.845 og karlar 1.657. Þessar töl-
ur jafngilda 3,3% af áætluðum
mannafla á vinnumarkaði, sam-
kvæmt spá Þjóðhagsstofnunar,
eða 2,1% hjá körlum og 5,1% hjá
konum. Að meðaltali eru 823 færri
atvinnulausir en í ágúst og um
320 færri en í september í fyrra.
Síðasta virkan dag september-
mánaðar voru 5.046 manns á at-
vinnuleysisskrá á landinu öllu, sem
er um 589 færri en í lok ágústmán-
aðar. Hlutfallslegt atvinnuleysi i
september var 3,3% og 3,8% í
ágúst og síðastliðna 12 mánuði
voru um 5.898 manns að meðal-
tali atvinnulausir, eða um 4,5%.
Árið 1995 voru um 6.538 manns
að meðaltali atvinnulausir eða um
5%.
Skráðum atvinnuleysisdögum
fækkaði um 7.000 milli ára
Skráðum atvinnuleysisdögum í
september fækkaði um tæplega
7.000 milli ára. í september síðast-
liðnum voru skráðir tæplega
98.000 atvinnuleysisdagar á land-
inu öllu, eða 36.000 dagar hjá
körlum og tæplega 62.000 dagar
hjá konum.
Atvinnuástand hefur batnað á
öllum atvinnusvæðum frá því í
ágúst og er hlutfallsleg fækkun
atvinnulausra mest á Austurlandi
en fækkun atvinnulausra mest á
höfuðborgarsvæðinu. Hlutfallslegt
atvinnuleysi er enn mest á höfuð-
borgarsvæðinu og minnst á Vest-
fjörðum. Atvinnuleysi er alls stað-
ar minna en í september í fyrra
nema á Austurlandi, á Norðurlandi
vestra, Vesturlandi og á Vestfjörð-
um.
Atvinnuleysi kvenna minnkar
um 16,6% og atvinnuleysi karla
minnkar um 13,3% milli mánaða.
Þannig fækkar atvinnulausum
konum að meðaltali um 566 á
landinu öllu meðan atvinnulausum
körlum fækkar um 257. Búast
má við að atvinnuleysi aukist
nokkuð í október og geti orðið
3,5%-3,9%, segir ennfremur í sam-
antekt Vinnumálaskrifstofu.
Ingibjörg Sólrún Gísladóttir borgarstjóri um Reykjavíkurflugvöll
Afram miðstöð
innanlandsflugs
FLUGVÖLLURINN í Reykjavík
verður áfram miðstöð innanlands-
flugs, á óbreyttum stað, sam-
kvæmt aðalskipulagi borgarinnar
sem gilda á til ársins 2016, segir
Ingibjörg Sólrún Gísladóttir borg-
arstjóri. Nýtt aðalskipulag borgar-
innar mun nú vera í burðarliðnum
hjá Borgarskipulagi og skipulags-
nefnd, þar sem kveðið er á um
þetta.
Að sögn Ingibjargar Sólrúnar
hefur Guðrún Agústsdóttir, forseti
borgarstjórnar og formaður skipu-
lagsnefndar, átt fullan þátt í
undirbúningi hins nýja aðalskipu-
lags. Jafnframt eigi Guðrún fulla
aðild að bókun í borgarráði, þar
sem fagnað sé yfirlýsingu sam-
gönguráðherra þess efnis að farið
verði í endurbætur á flugbrautum
vallarins á næstu þremur árum.
Það sé því ekki rétt að Guðrún
hafi Iagzt gegn framkvæmdum
við endurbætur flugvallarins, eins
og skiljast hefði mátt af frétta-
flutningi ljósvakafjölmiðla í liðinni
viku og Ásta Ragnheiður Jóhann-
esdóttir heldur fram gegn Guð-
rúnu í grein í Degi-Tímanum sl.
fimmtudag.
Ásta Ragnheiður segir í grein-
inni að í hvert sinn sem fram-
kvæmdir á Reykjavíkurflugvelli
komi til tals „þeysi borgarfulltrú-
inn Guðrún Ágústsdóttir fram á
völlinn og finni þeim allt til for-
áttu.“ Þannig hafi Guðrún talað
gegn framkvæmdunum, en „til
þess hafi hún ekkert umboð,“ þar
sem það sé ekki á stefnuskrá
Reykjavíkurlistans að flytja flug-
völlinn eða leggja hann niður.
Það sem Guðrún hafí verið að
tala um í þessu sambandi, að sögn
Ingibjargar Sólrúnar, hafí aðallega
varðað feiju- og kennsluflug, sem
hún vill að flutt verði til Keflavíkur-
flugvallar. Þetta segir Ingibjörg
Sólrún vera í samræmi við stefnu
sem mörkuð var í skýrslu um
málefni Reykjavíkurflugvallar,
sem unnin var á vegum samgöngu-
ráðuneytis, flugmálayfirvalda og
borgarverkfræðingsembættisins
og kom út fyrir fimm árum.
Skiptar skoðanir
í þeirri skýrslu var sú stefna
mótuð, að flytja bæri æfinga- og
kennsluflug frá Reykjavíkurflug-
velli. Ingibjörg Sólrún segir nú
vinnu vera aftur í gangi milli sömu
aðila, þar sem verið sé að fara
yfir helztu þætti flugvallarmálsins.
I framhaldi af þeirri vinnu verði
tekin ákvörðun um þetta atriði.
Ingibjörg Sólrún segir ljóst vera
að mjög skiptar skoðanir séu um
flugvöllinn meðal borgarbúa; nærri
láti, að þar skiptist nokkuð jafnt
í tvö horn, með og á móti flutningi
vallarins, ef marka megi niðurstöð-
ur skoðanakannana. Þeir sem vilji
flytja völlinn geri sér hins vegar
grein fyrir því að það gerist ekki
í nánustu framtíð.
Fjárfesta þarf fyrir um 1,3 millj-
arða króna til þess að gera flug-
brautir vallarins þannig úr garði
að þær uppfylli gerðar öryggis-
kröfur, segir Ingibjörg Sólrún.
• •
Ollum olíu-
tilboðum
hafnað
LANDHELGISGÆ SLAN hefur
ákveðið að hafna öllum tilboðum
olíufélaganna um eldsneytissölu
sem bárust eftir útboð.
Lítill munur var á tilboðunum og
að sögn Stefáns Melsteð, lögfræð-
ings Landhelgisgæslunnar, var talið
að ef tekið væri tillit til skilyrða
um lágmarkskaup í ákveðinn ára-
fjölda sem fýlgdu þeim væri hag-
kvæmara að kaupa áfram _sam-
kvæmt eldri samningum. Árleg
eldsneytiskaup Landhelgisgæslunn-
ar nema um 60 milljónum króna
en um ein milljón hefði sparast ef
lægstu tilboðunum hefði verið tekið.
Friðrik Þ. Stefánsson, forstöðu-
maður markaðssviðs hjá Skeljungi,
segir að lítill verðmunur í tilboðun-
um beri í raun vott um hversu hörð
samkeppni olíufélaganna sé. „Það
er slegist um sölu á hverjum ein-
asta olíudropa, og við teygðum okk-
ur eins langt og við gátum í þessu
útboði. Landhelgisgæslan hefur
hingað til notið bestu kjara."