Morgunblaðið - 30.10.1996, Blaðsíða 52

<<3<3Y1JNDAI
HÁTÆKNI TIL FRAMFARA
^ Tæknival
SKEIFUNNI 17
SlMI 550-4000 • FAX 550-4001
MORGUNBLAÐIÐ, KRINGLAN 1, 103 REYKJAVÍK, SÍMl 669 1100, SÍMBRÉF 569 1181,
PÓSTHÓLF 3040, NETFANG MBL<aCENTRUM.IS / AKUREYRI: KAUPVANGSSTRÆTI I
MIÐVIKUDAGUR 30. OKTÓBER 1996
VERÐ í LAUSASÖLU 125 KR. MEÐ VSK
Fyrsti
snjórinn
^BÖRNIN glöddust í gærmorgun
þegar fyrsti snjórinn gerði vart
við sig á Suður- og Vestur-
landi. Snjókoman markar einn-
ig tímamót á hjólbarðaverk-
stæðum og í gærmorgun brostu
starfsmenn þar út í annað með-
an þeir umfelguðu, skiptu og
j afnvægisstilltu.
Samkvæmt upplýsingum frá
lögregluembættum um land allt
voru engin dæmi um alvarleg
umferðaróhöpp í gær. í Reykja-
vík urðu margir smáárekstrar
en ekki alvarleg slys á fólki.
Það var samdóma álit lögreglu-
jmanna að menn gæti sín ævin-
'*"rlega þegar hálka geri fyrst vart
við sig.
Samkvæmt upplýsingum
Veðurstofunnar er útlit fyrir
áframhaldandi kulda næstu
daga.
ísland úr leik
á ÓL í brids
„Einsog
þeir sæju
allar hend-
umar“
Ródos. Morgunblaðið.
ÍSLENDINGAR urðu að lúta í
lægra haldi fyrir Indónesíumönn-
um í átta liða úrslitum á Ólympíu-
mótinu í brids. Úrslit urðu 180
-^stig gegn 115. „Við vorum hrein-
'lega yfirspilaðir og það er ekki
spurning að betra liðið vann,“
sagði Jón Baldursson, einn ís-
lensku spilaranna, eftir leikinn.
Indónesía tók strax forystu í
leiknum og jók hana jafnt og þétt,
en minnstur var munurinn í loka-
fjórðungnum. Björn Eysteinsson
fyrirliði sagði að Indónesíumenn
hefðu spilað sérstaklega vel, með-
an íslenska liðið var ekki upp á
sitt besta. „Þeir notuðu sömu fjóra
mennina allan tímann og það var
greinilegt að þetta eru þauivanir
menn enda búnir að spila á fjölda
Ólympíu- og heimsmeistaramóta.
Þeir leystu mörg spil eins og þeir
---sæju allar hendumar.“
Getum borið höfuðið hátt
Björn sagði að þrátt fyrir von-
brigðin með þessi úrslit gæti ís-
lenska liðið verið þokkalega sátt
við árangurinn á mótinu. „Við
komumst upp úr riðli þar sem á
eftir okkur voru sex þjóðir, sem
skarta fjölda titla og menn geta
því borið höfuðið hátt.“ Jón Bald-
ursson tók í sama streng og sagði
gott að náðst hefði að bijóta þann
ís að komast í úrslitakeppnina.
■"^.Við þurftum að spila nokkuð vel
til þess, en við vorum greinilega
byrjaðir að gefa eftir á móti Rúss-
um á mánudag og það hélt síðan
áfram gegn Indónesíu,“ sagði Jón.
I undanúrslitum sem hefjast í
dag spila Frakkar gegn Tævan og
Danir við Indónesíumenn.
■ Indónesar erfiðir/7
Morgunblaðið/Kristinn
Borgarstjóri og bæjarstjóri Akureyrar
sáttir við samning um Landsvirkjun
Ibúarnir nj óta
eigriar sinnar
INGIBJÖRG Sólrún Gísladóttir,
borgarstjóri í Reykjavík, og Jakob
Bjömsson, bæjarstjóri á Akureyri,
segja að samningur eigenda Lands-
virkjunar um breytingar á rekstri
fyrirtækisins tryggi að íbúar þessara
staða njóti loks eignar sinnar í
Landsvirkjun. í samkomulaginu
felst, að arðgreiðslur til eigenda
Landsvirkjunar, ríkis, Reykjavíkur
og Akureyrar, gætu numið allt að
600 milljónum króna á ári.
Nefnd um eignarhald, rekstrar-
fyrirkomulag og framtíðarskipulag
Landsvirkjunar hefur skilað tillögum
sínum og voru þær kynntar rík-
isstjórn í gær. Þá voru þær jafnframt
samþykktar í borgarráði og bæjar-
ráði Akureyrar.
Finnur Ingólfsson, iðnaðarráð-
herra, sagði þegar samkomulagið
var kynnt í gær, að breið samstaða
væri um það, ekki aðeins meðal full-
trúa eigenda, heldur allra stjórn-
málaflokka.
Ingibjörg Sólrún Gísladóttir, borg-
arstjóri, kvaðst sátt við niðurstöð-
una. Arðgreiðslur til Reykjavíkur frá
Landsvirkjun hefðu verið litlar, eða
um 260 milljónir alls frá 1977.
Jakob Björnsson, bæjarstjóri á
Akureyri, tók undir þessi- orð og
sagði, að ekki yrði hróflað við eignar-
aðildinni um sinn, að minnsta kosti
ekki fyrr en að endurskoðun sam-
komulagsins kæmi.
■ Arðgreiðslur/4
Frumvarp um vinnumarkaðsaðgerðir
Landið verði
eitt vinnusvæði
PÁLL Pétursson, félagsmálaráð-
herra, kynnti á ríkisstjórnarfundi í
gær drög að tveimur frumvörpum
til laga, um vinnumarkaðsaðgerðir
og endurskoðun á lögum um at-
vinnuleysistryggingar. Ráðherra
segir lagafrumvarp um vinnumark-
aðsaðgerðir afar brýnt en með því
er landið gert að einu vinnusvæði
og vinnumiðlanir færðar til ríkisins.
Ráðherra bindur vonir við að með
þessum hætti verði starf vinnumiðl-
ana gert skilvirkara.
Bótaréttur bundinn við 5 ár
Nokkur nýmæli eru í frumvarpi
um endurskoðun á lögum um at-
vinnuleysistryggingar að sögn ráð-
herra. Gert er ráð fyrir því að fólk
stundi nám til 18 ára aldurs og fái
ekki atvinnuleysisbætur fyrr nema
af sérstökum ástæðum. í öðru lagi
er ekki gert ráð fyrir því að menn
geti verið á atvinnuleysisbótum
ótímabundið en bótaréttur þess í
stað bundinn við fimm ár óslitið en
eftir það missi menn bætur í eitt ár.
Auk breytinganna er í frumvarp-
inu lögð áhersla á starfsþjálfun og
fræðslu með það að markmiði að
rjúfa þann vítahring sem atvinnu-
laust fólk getur komist í.
Úttekt gerð á þörf fyrir snjóflóðavarmr í átta sveitarfélögum
Kostnaður er áætlaður
um sjö milljarðar króna
í ATHUGUN Veðurstofu íslands á
þörf fyrir snjóflóðvarnir á átta stöð-
um á Vestfjörðum, Norður- og
Austurlandi er áætlað að kostnaður
við uppbyggingu varna á hættu-
svæðum sé um sjö milljarðar króna.
Ef varnir gegn krapa- og aurflóðum
og uppkaup á fasteignum þar sem
varnii; koma ekki til greina eru tek-
in með í reikninginn eru heildarút-
gjöld áætluð níu milljarðar króna
samkvæmt skýrslunni.
Sé reiknað með skekkjumörkum
vegna óvissu um umfang hættu-
svæða og fleiri þátta gætu útgjöld
numið 7-14 milljörðum. Heildar-
verðmæti fasteigna, sem gert er ráð
fyrir að vetja, er um 24 milljarðar
samkvæmt brunabótamati.
Veðurstofa íslands vann skýrsl-
una fyrir umhverfisráðuneytið og
þar kemur fram að 52 hafa farist
í snjóflóðum á byggð á árunum
1974-1995, en 107 manns frá byrj-
un aldarinnar. Tjón af völdum flóða
í þéttbýli hefur á árunum 1974-
1995 verið um 3,8 milljarðar króna.
Sé manntjón talið með í efnahags-
legu tjóni, líkt og i nýrri skýrslu
um tjón af völdum umferðarslysa,
er heildartjón af völdum snjóflóða
síðustu 22 ár sambærilegt við heild-
arkostnað við gerð snjóflóðavarna
sem lýst er í skýrslunni.
3.860 milljóna kostnaður í
Neskaupstað og á Siglufirði
í skýrslunni kemur fram að
mestu þurfi að kosta til snjóflóða-
varna á Siglufirði og í Neskaup-
stað. í Neskaupstað er áætlað að
þurfi að kosta 1.870 milljónum
króna til að veija eignir sem metn-
ar eru á tæplega 7,7 milljarða
króna.
Á Siglufirði þarf enn hærri upp-
hæð til snjóflóðavarna, eða 1.990
milljónir króna. Þar eru eignir sem
eru taldar í hættu metnar á rúm-
lega tvo milljarða.
Guðmundur Bjarnason, bæjar-
stjóri í Neskaupstað segir fyrsta
verk að að forgangsraða fram-
kvæmdum. „Spurningin er líka sú
hvort menn ráðist í allar þessar
framkvæmdir. Vandinn er auðvitað
mikill en þetta gerist á lengri tíma
og menn byija auðvitað þar sem
byggðin er þéttust. Auk þess verð-
ur áherslan lögð, hér eftir sem
áður, á mjög öflugt eftirlit," segir
hann.
Guðmundur segir ennfremur ljóst
að kostnaður við snjóflóðavarnirnar
sé svo mikill að samfélagið í heild
hljóti að sínu mati að þurfa að bera
hann. „Sveitarfélögin ráða ekkert
við sinn 10% hlut, sama hvaða sveit-
arfélag af þessum átta á í hlut.“
Björn Valdimarsson, bæjarstjóri
á Siglufirði, segir Suðurbæinn á
Siglufirði ofarlega á blaði því þar
sé oftast rýmt. „Annars vegar þarf
að forgangsraða innan hvers
byggðarlags og hins vegar á lands-
visu, sem er mjög flókið verkefni.
Það þarf að taka tillit til margra
hagsmuna," segir Björn.
■ Ofanflóðavarnir/6