Morgunblaðið - 18.12.1996, Blaðsíða 68

'UYUNDAI
HÁTÆKNI TIL FRAMFARA
Tæknival
SKEIFUNNI 17
SlMI 550-4000 • FAX 550-4001
MORGUNBLADID, KRINGLAN 1, 103 RBYKJAVÍK, SÍMI 569 1100, SÍMBRÉF 569 1181,
PÖSTHÓLF 3040, NETFANG MBL(5>CENTRUM.IS / AKUREYRI: KAUPVANGSSTRÆTl 1
MIÐVIKUDAGUR 18. DESEMBER1996
VERÐ í LAUSASÖLU 125 KR. MEÐ VSK
Morgunblaðið/Reuter
RAMMASAMNINGAR um álversbyggingu á Grundartanga voru staðfestir í London í gær og var myndin tekin við það tækifæri. Frá
vinstri eru Jón Ingimarsson, Halldór Jónatansson, James F. Hensel og Jóhann Már Maríusson.
HURÐASKELLIR
J árnblendi verksmiðj an
Bilanir í nýj-
um hreinsi-
búnaði
Væntanlegt álver Columbia á Grundartanga
Samkomulag um
öll meginatriði
FULLTRÚAR Columbia Ventures
Corporation, iðnaðarráðuneytisins og
Landsvirkjunar, staðfestu í gær að
tekist hefði samkomulag um öll meg-
inatriði þriggja helstu samninganna
vegna væntanlegrar álversbyggingar
Columbia á Grundartanga.
Að sögn Finns Ingólfssonar iðnað-
arráðherra staðfestu samninga-
mennirnir með upphafsstöfum sínum
fjárfestingarsamning milli ríkis-
stjórnarinnar og Columbia, raf-
magnssamning milli Landsvirkjunar
og Columbia og lóðasamning milli
ríkissjóðs og Columbia. Óáritaður er
hafnasamningur milli fyrirtækisins
og Grundartangahafnar, en Finnur
sagði að vonast væri til að hægt
yrði að árita hann mjög fljótlega.
Mikilvægur áfangi
Finnur Ingólfsson sagði að stað-
festing samninganna væri mjög mik-
ilvæg fyrir íslendinga því við það
tæki gildi svokallaður „skaðlaus
samningur" sem Landsvirkjun og
Columbia undirrituðu fyrir skömmu,
en samkvæmt honum mun Columbia
ábyrgjast Landsvirkjun stærstan
hluta af þeim undirbúningskostnaði
sem Landsvirkjun ræðst í vegna
virkjana.
Finnur sagði að þetta skapaði
Columbia einnig tækifæri til þess að
leita eftir fjármögnun á grundvelli
rammasamninganna. „Þetta þýðir
hins vegar ekki að það sé orðið sam-
komulag um að byggja álversverk-
smiðju á Grundartanga og reynslan
segir okkur að þeir samningar eru
ekki í höfn fyrr en upp er staðið,"
sagði Finnur.
I sameiginlegri fréttatilkynningu
sem Landsvirkjun og iðnaðarráðu-
neytið sendu frá sér í gær segir að
bygging álversins sé háð því að Col-
umbia takist að tryggja fullnægjandi
fjármögnun framkvæmdanna um ál-
verið. Fyrirtækið vænti þess að slík
fjármögnun geti legið fyrir á fyrsta
ársfjórðungi næsta árs.
Nýtt met daglega hjá RR
Meiri
notkun en
á aðfanga-
dagskvöld
AÐ undanförnu hefur nær dag-
lega verið slegið met í raforku-
notkun hjá Rafmagnsveitu
Reykjavíkur. Síðastliðinn
fimmtudag var metið frá því á
aðfangadag í fyrra slegið en
þá sýndu mælar 133 MW og á
mánudagskvöld um klukkan 19
sýndu þeir 135,3 MW.
Gunnar Aðalsteinsson
rekstrarsljóri Rafmagnsveitu
Reykjavíkur sagði að nær dag-
lega væri sett nýtt met í raf-
orkunotkun hjá veitunni.
„Venjulega er það svo í desem-
ber á hverju ári,“ sagði hann.
„í ár eru metin hærri miðað
við síðasta ár þannjg að notk-
unin er uppá við.“ I nóvember
á síðasta ári miðað við nóvem-
ber á þessu ári jókst mánaðar-
leg notkun um 4,5% milli ára.
Yfir allt árið eða frá nóvember
á síðasta ári til nóvember á
þessu ári var aukningin 2,73%.
Sagði Gunnar að á þessu ári
stefndi í að árleg aukning yrði
á bilinu 2,6-2,7% þegar desem-
ber er liðinn.
Hærri jólatoppur
Gunnar sagði að sl. fimmtu-
dag hafi verið slegið met sem
féll á aðfangadag í fyrra en þá
var notkunin 129,8 MW en sl.
mánudagskvöld var toppurinn
135,3 MW. „Þannig að jólatopp-
urinn í ár gæti orðið enn hærri,“
sagði hann.
Gunnar sagði að aukninguna
mætti meðal annars skýra með
kuldakastinu að undanförnu.
Hitaveita Reykjavíkur væri stór
viðskiptavinur Rafmagnsveit-
unnar i kuldum þegar dæla þarf
vatni upp úr borholunum. Þann-
ig hefði veðurfar áhrif á orku-
söluna. „Spurningin er hvort við
sláum ekki nýtt met í kvöld,“
sagði Gunnar. „Það er ótrúlega
mikið álag.“
Samninganefnd LI leitar nýrra leiða í kjaramálum sjúkrahúslækna
Yilja breytilega ráðningar-
samninga á spítulum
BILANIR hafa komið fram í reyk-
röri Járnblendiverksmiðjunnar á
Grundartanga sem endurnýjað var
fyrr á þessu ári. Jón Sigurðsson,
framkvæmdastjóri fyrirtækisins,
segir að svo virðist sem um mætti
" kenna einhvers konar verkfræðilegu
slysi. Hreinsibúnaður beggja ofn-
anna var bilaður um tíma í gær.
Snemma á þessu ári tók stjóm
Jámblendifélagsins ákvörðun um að
endurnýja tækjabúnað verksmiðj-
unnar fyrir 500 milljónir á árunum
1996 og 1997. Að stærstum hluta
fór þessi upphæð i að endurnýja
mengunarvarnarbúnað sem var orð-
inn 17 ára gamall. Jón sagði að hluti
af þessum búnaði, sem var settur
upp í vor og haust, hefði gefið sig.
Búnaðurinn virtist ekki þola hita-
sveiflurnar sem eru í kerfinu. Ástæð-
an virtist vera einhvers konar verk-
fræðilegt slys.
Unnið var að viðgerð á hreinsibún-
aði við annan ofninn í gær og þurfti
að hleypa reyk óhreinsuðum frá verk-
smiðjunni af þeim sökum. í gærmorg-
un brann rafmagnskapall við tæki í
hinu hreinsivirkinu og af þeim sökum
þurfti um tíma að sleppa út óhreins-
uðum reyk frá báðum ofnunum.
SAMNINGANEFND Læknafélags ís-
lands undirbýr nú vegna viðræðna við
samninganefnd ríkisins að fara fram
á að opnaðir verði möguleikar á að
sjúkrahúslæknar geti gert mismunandi
ráðningarsamninga, m.a. til að bæta
aðstöðu þeirra lækna sem ekki stunda
læknisstörf utan sjúkrahúsa.
„Ef samninganefnd ríkisins vill
fjalla með ábyrgum hætti um samn-
inga við lækna, kemur vel til greina
að það verði leitað eftir breytilegum
ráðningarsamningum og læknar geti
þá átt val sem er nokkuð tengt því
hvort þeir eru eingöngu á sjúkrahúsi
eða starfa einnig utan sjúkrahúsa. í
sjálfu sér væru menn á sömu launum
en það væri hægt að hafa margvís-
leg frávik í ráðningarsamningum
sem gerðu það að verkum að menn
ættu val,“ segir Sverrir Bergmann,
formaður LÍ.
Hann segir að markmiðið með
þessu sé m.a. að tryggja að nokkru
jöfnuð í launum lækna, sem séu mis-
jafnlega settir. „Hugmyndin með
þessu er líka sú að reyna að ná upp
launum svo að menn fáist til að koma
og starfa á íslandi," segir Sverrir.
Sverrir segist telja eðlilegt að unnt
sé að vinna í sumum sérgreinum
bæði innan sem utan sjúkrastofnana.
„Þeir sérfræðingar sem í slíkum sér-
greinum eru myndu vafalaust kjósa
slíka ráðningarsamninga, en aðrir
sem eru í öðrum sérgreinum, þar sem
allur starfsvettvangurinn hlýtur að
vera inni á stofnun, kysu þá að geta
gert viðbótarráðningarsamninga,“
segir hann.
Yngri læknar kjósa einn
starfsvettvang
Hann segir að ekki sé ágreiningur
meðal sjúkrahúslækna um að fara
þá leið að læknar eigi val við gerð
ráðningarsamninga. „En viðhorf
kynslóðanna breytast. Yngri kyn-
slóðir lækna kjósa gjaman að hafa
bara einn starfsvettvang og eiga ein-
hveija stund frá vinnunni og hafa
afmarkað hvar þeir afla sinna
tekna,“ segir hann.
Samninganefndir Ll og ríkisins
hafa haldið einn samningafund fram
að þessu og er næsti fundur ráðgerð-
ur 6. janúar. Er öll viðræðuáætlun
löngu gengin úr skorðum, að sögn
Sverris.
Helgi Helgason, formaður Félags
ungra lækna, segir að rætt sé um
að reyna að gera læknum sem starfa
eingöngu á sjúkrahúsum kleift að
helga sig algerlega starfi á sjúkra-
húsunum. „Það er verið að reyna að
koma aðeins til móts við sjúkrahús-
lækna, sem eru lægst launuðu lækn-
ar á íslandi," segir Helgi.