Morgunblaðið - 22.12.1996, Blaðsíða 9
MORGUNBLAÐIÐ
SUNNUDAGUR 22. DESEMBER 1996 9
FRÉTTIR
Flugmálastjóri um frestun fram-
kvæmda á Rey kj avíkurflugvelli
Frestunin
viss vonbrigði
Morgunblaðið/Júlíus
Diljá í jólaklippingu
HÚN Diljá sat alveg grafkyrr stofunni Sandró klippti hana
þegar Fausto á hárgreiðslu- fyrir jólin.
ÞORGEIR Pálsson flugmálastjóri
segir það vera viss vonbrigði að
fresta þurfí framkvæmdum við end-
urbyggingu Reykjavíkurflugvallar,
en undirbúningur hafði miðast við
að framkvæmdirnar gætu hafist um
mitt næsta ár.
„Það má segja að það skipti
kannski ekki sköpum hvort hafist
verður handa á miðju ári 1997 eða
vorið 1998,“ sagði Þorgeir. „Við
treystum því að það verði ekki haf-
ist handa seinna en vorið 1998 að
fara í þetta verkefni því það er ljóst
að það er full ástæða til.“
90 milljóna kr. lækkun til
Reykjavíkurflugvallar
Alþingi samþykkti í gær breyt-
ingar vegna ársins 1997 frá áður
samþykktri þingsályktun um flug-
málaáætlun fyrir árin 1996-1997
og samkvæmt þeim verða markaðar
tekjur ásamt öðrum framlögum
samtals 1.608 milljónir króna. Áætl-
aðar tekjur fyrir árið 1997 hækka
um 46 milljónir króna sem er byggt
á áætluðum rauntekjum fyrir árið
1996 ásamt 3,5% hækkun milli ára.
Umframtekjur ársins 1996 eru 42
milljónir og koma þær til ráðstöfun-
ar í áætluninni.
Gert er ráð fyrir að 190 milljónum
króna verði ráðstafað til reksturs
flugvalla í stað 100 milljóna í fyrri
þingsályktun um flugmálaáætlun og
gert er ráð fyrir 60 milljónum króna
til Flugstöðvar Leifs Eiríkssonar.
Mismunur á milli aukinna tekna
og brejrttrar ráðstöfunar útgjalda
frá fyrri þingsályktun felur í sér
lækkun útgjalda til Reykjavíkur-
flugvallar sem nemur 90 milljónum
króna en jafnframt 18 milljóna
króna hækkun útgjalda til leiðrétt-
inga og brýnna verkefna.
Ferðamálaráð Norðurlandanna í viðræðum
við ABC-sjónvarpsstöðina <
Good Morning America
sendur beint frá Islandi?
Stefnt að sameiningu
Framsóknar og Dags-
brúnar eftir ár
Konur
fái kvóta
í sljóm
VERKAKVENNAFÉLAGIÐ
Framsókn og Verkamannafélagið
Dagsbrún stefna að sameiningu
um áramótin 1997-98. Ragna
Bergmann, formaður Framsókn-
ar, segir að til að tryggja að sam-
einingin verði á jafnréttisgrund-
velli muni félagið krefjast þess
að fjöldi kvenna í stjórn og vara-
stjórn fari aldrei undir ákveðið
lágmark.
„Auðvitað eru margar konur
hræddar við það að karlmennirnir
taki yfir félagið. Við sættum okk-
ur ekki við að fyrsta árið verði ein
eða tvær konur í stjórn og næsta
árið engin.“
Ragna segir sameiningarvið-
ræðurnar ganga vel. „Við höfum
stofnað nefndir til að endurskoða
lög félaganna, úthlutun orlofs-
húsa, greiðslur úr sjúkrasjóði og
atvinnuleysisbætur. Atvinnuleys-
isbæturnar verða sennilega borg-
aðar út sameiginlega frá næstu
áramótum. Félagsblöðin hafa þeg-
ar verið sameinuð og fyrsta sam-
eiginlega blaðið var sent út í nóv-
ember.“
Kynskipt félög tímaskekkja
Ragna segir það Ijóst að starf-
semi Framsóknar muni flytjast í
húsnæði Dagsbrúnar, en félögin
eru bæði með skrifstofur í Skip-
holti og skammt er á milli þeirra.
„Nú orðið er það tímaskekkja að
vera með konur og karla sér í
félagi. Konur eru komnar alls
staðar inn á vinnumarkaðinn og
karlar eru farnir að sækja í
kvennastörfin. Best væri ef öll
félög með ófaglærð starfsfólk
myndu sameinast í eitt. Við send-
um Iðju, Sókn og Félagi starfs-
fólks í veitingahúsum bréf í vor
og viðruðum hugmyndir um þetta.
Samningsstaðan er mun betri
þegar eitt stórt félag semur," seg-
ir Ragna.
Skemmtanir
um jól og
áramót
ALMENNAR skemmtanir á
skemmtistöðum um jólin og
áramót eru háðar ákveðnum
takmörkunum. í Reykjavík
er leyfilegt að hafa opið sem
hér segir:
Á Þorláksmessu, mánu-
daginn 23. desernber, má
vera opið til kl. 1. Á aðfanga-
dag er allt skemmtanahald
bannað eftirkl. 18. Ájóladag
er skemmtanahald bannað.
Annan í jólum mega
skemmtistaðir vera opnir til
kl. 3. Á gamlársdag mega
skemmtistaðir vera opnir til
kl. 4 að nóttu og á nýársdag
til kl. 3.
Verslanir
Á jóladag eiga allar
verslanir að vera lokaðar all-
an daginn. Á aðfangadag og
gamlársdag á að loka öllum
sölustöðum eigi síðar en kl.
16.
Aðfangadag jóla og jóla-
dag er eingöngu heimilt að
veita borðvín með mat á
reglulegum matsmálstíma,
kl. 12-13.30 og kl. 19-21.
ÁFORMAÐ er að senda út sjón-
varpsþáttinn Good Morning America
beint frá íslandi og hinum Norð-
uriöndunum næsta sumar. Endanleg
ákvörðun af hálfu sjónvarpsstöðvar-
innar ABC liggur þó ekki fyrir en
gert er ráð fyrir að forráðamenn
stöðvarinnar taki ákvörðun í næsta
mánuði um hvort af útsendingum
verður.
Forstöðumenn Ferðamálaráða
Norðurlandanna í Bandaríkjunum
hafa unnið að því síðastliðna sex
mánuði að fá sjónvarpsstöðina ABC
til þess að sýna frá Norðurlöndunum
fimm daga í röð í morgunþættinum
Good Morning America. Að sögn
Magnúsar Oddssonar ferðamála-
stjóra hafa fulltrúar ABC komið
hingað til lands þrisvar á undanförn-
um vikum og skoðað aðstæður.
„Eitt af þeim skilyrðum sem sett
voru af þeirra hálfu var að þeim
væri tryggður sá tækjabúnaður sem
til þarf vegna útsendingarinnar. Hér
er um að ræða meiri búnað heldur
en til er í landinu þannig að hann
þarf að leigja og flytja inn frá öðrum
löndum. Samgöngumálaráðherra
kynnti hugmyndina fyrir ríkisstjórn-
inni og meirihluti fjárlaganefndar
Alþingis hefur lagt til að ríkið greiði
allt að 10 milljónum króna vegna
verkefnisins. Ef samþykki fæst fyrir
fjárframlagi ríkisins hafa öll löndin
staðfest þátttöku í verkefninu fyrir
utan Noreg," sagði Magnús.
Þar sem ekki liggur fyrir endanleg
ákvörðun um hvort af útsendingun-
um verður hefur ekki verið ákveðið
hvað verði sýnt í þættinum en Magn-
ús segir að ýmsar hugmyndir séu
uppi um hvernig sé hægt að kynna
land og þjóð á sem bestan hátt.
„Stjórnendur þáttarins eru mjög
kröfuharðir um að allt gangi upp
fjárhagslega og tæknilega. Því höf-
um við þurft að svara ótal spurning-
um og fyrirspurnum um landið og
alla aðstöðu hér enda er búist við
að á milli 50-70 manns komi hingað
til lands frá sjónvarpsstöðinni vegna
útsendingarinnar ef af henni verð-
ur.“
Skyldusparnaðarreikn-
ingar hjá Byggingar-
sjóði ríkisins
Vextir 5,6%
á næsta ári
SEÐLABANKINN hefur lagt til að
vextir á skyldusparnaðarreikningi
Byggingarsjóðs ríkisins 1997 skuli
verða 5,6%. Vextir voru ákvarðaðir
5,5% fyrir þetta ár en voru 4,8%
árið 1995, samkvæmt upplýsingum
Inga Vals Jóhannssonar deildar-
stjóra í félagsmálaráðuneyti.
Tillaga Seðlabanka var kynnt
rikisstjórn á föstudag og segir Ingi
Valur að miðað sé við meðaltal
vaxta á almennum verðtryggðum
innlánsreikningum banka og spari-
sjóða með lengsta binditíma.
LISTHUS
' LAUGARDAL
17 Sími: 568 0430
Oplð sunnudog kl. 13-22 • Þotlúksmessu kl. 13-23.
gallery
litmH UUiLfi - wW
Tilkynning frá Heilsugæslunni Lágmúla
Ég undirritaður mun hætta störfum sem
heimilislæknir f.o.m. 1. janúar 1997.
Feir samlagsmenn mínir, sem þess óska, geta leitað til
iækna Heilsugæslunnar Lágmúla, a.m.k. fyrst um sinn.
Gert er ráð fyrir, að ráðinn verði nýr læknir við stöðina, ef
samningar takast við ríkisvaldið um áframhaldandi rekstur.
Nánari upplýsingar verða veittar í síma 568-8550.
Ég þakka skjólstæðingum mínum samstarf á liðnum árum
og óska þeim árs og friðar.
Sigurður Örn Hektorsson, læknir,
Heilsugæslunni Lágmúla.
Þab skiptir máli
að velja rétt í mjúku pakkana
Úrvalið er hjá okkur
Ps. 3.000 kr. jólaafsláttur af vönd-
uðum og hlýjum skíðagöllum.
Tilvaldir í jólapakkann.
EN&LABÖRNÍN
Bankastræti 10, s. 552 2201
i£
sem smaa paKKa
EGGERT feldskeri
Sími 5511121