Morgunblaðið - 23.05.1997, Qupperneq 17

MORGUNBLAÐIÐ
LAIMDIÐ
FÖSTUDAGUR 23. MAÍ1997 17
Morgunblaðið/Jón G. Guðjónsson
EINS og sjá má er lambið mjög smátt miðað við
lamb af venjulegri stærð.
Sauðburður í fullum
gangi í Ameshreppi
Árneshreppi - Sauðburður
hófst í Árneshreppi um miðj-
an mánuð. AUt fé hjá bændum
ber inni í húsum því enn er
mjög kalt I veðri en hlýnar
vonandiþegar fé verður
sleppt um næstu mánaðar-
mót.
Lambgimbur hjá Sigur-
steini bónda í Litlu-Ávík átti
pínulítið lamb nú á dögunum
og lifir. Er það duglegt að
sjúga mömmu sína og verður
það að teygja sig upp til að ná
í spena. Það er sérkennilegt
að sjá þetta litla lamb við hlið-
ina á öðrum lömbum af venju-
legri stærð.
Fyrsti fundur E vrópuverk-
efnis var haldinn á Hellu
Hellu - Nýlega var haldinn á Hellu
fyrsti vinnufundur í svokölluðu
RITTS-verkefni á Suðurlandi, en
það er stefnumótunarverkefni sem
tekur til nýsköpunar og tækniyfir-
færslu.
íslendingar taka nú þátt í verk-
efni á vegum Evrópska efnahags-
svæðisins sem er í gangi á 70
svæðum víðsvegar um Evrópu, þar
sem unnið er að samsvarandi
áætlanagerð. RITTS er skamm-
stöfun fyrir Regional Innovation
and Technology Transfer Stra-
tegy, eða svæðisbundin áætlun
sem tekur til nýsköpunar og
tækniyfirfærslu. Þátttakendur
hérlendis eru fjölmargir en tvö
svæði höfðu frumkvæði að því að
sækja um styrk til ESB vegna
verkefnisins, Norðurland vestra
og Suðurland.
Verið er að vinna svæðisbundnar
áætlanir fyrir þessa fjórðunga en
að öðru leyti nær verkefnið til
landsins alls. Byggðastofunun er í
forsvari hérlendis fýrir verkefninu
en meðal þátttakenda eru lnvest,
Suðurland 2000, Háskóli íslands,
Rannsóknaþjónustan og Aflvaki. Á
síðasta ári fór fram undirbúnings-
vinna fyrir verkefnið með gerð
samantektar um svæðin þar sem
áhersla var lögð á staðreyndir um
fólksijöldaþróun, búferlaflutninga,
aldursskiptingu og atvinnuþróun.
Þá var gerð könnun meðal for-
svarsmanna um 200 fyrirtækja í
áðurnefndum fjórðungum, en þessi
undirbúningur var forsenda fýrir
samþykkt ESB.
Stendur yfír 118 mánuði
Verkefnið stendur yfir í átján
mánuði, en á fundi með evrópskum
ráðgjöfum sem komu til landsins
í byrjun mars var búin til verkáætl-
un og fyrstu vinnufundir voru sem
fyrr segir á Hellu og víðar á Suður-
landi fyrir stuttu, en áður hafa
verið haldnir opnir fundir með
heimamönnum á svæðunum.
Að sögn Amar D. Jónssonar sem
starfar á vegum RITTS hér á landi
er verkefnið að hluta til tilkomið
vegna þess að nýsköpunargeta fyr-
irtækja virðist vera svæðisbundnari
en almennt var talið og í því sam-
bandi er ef til vill mikilvægt að
munurinn virðist vera að aukast.
Hér er landfræðileg lega ekki
það sem skiptir öllu máli, þó svo
að hún sé mikilvæg. Svæði innan
Evrópu sem í fyrstu virðast vera
landfræðilega afskekkt hafa þróað
með sér öfluga nýsköpunarmenn-
ingu á meðan önnur sem era nán-
ast í miðri hringiðu evrópsks við-
skiptalífs eru að dragast aftur úr.
Morgunblaðið/Aðalheiður Högnadóttir
Á FYRSTA vinnufundi RITTS-verkefnisins hér á landi sem
haldinn var á Hellu f.v.: Guðmundur I. Gunnlaugsson, sveitar-
stjóri Rangárvallahrepps, Hákon Guðmundsson, Form-innrétt-
ingum á Hvolsvelli, Einar Pálsson, Atvinnuþróunarsjóði Suður-
lands, Páll G. Björnsson, Samverki, Hellu, Örn D. Jónsson og
Birna Árnadóttir, fulltrúar RITTS og Guðmundur
Magnússon, SS, Hvolsvelli.
í STRAUMSVÍK
Svæðið opnar kl. 10 með leik Lúðrasveitar
Hafnarflarðar. Allan daginn eru skipulagðar
sýningarferðir um álverið. Möguleikhúsið
sýnir barnaleikþáttinn Áslákur í Álveri
nokkrum sinnum yfir daginn. Kl. 11 og 15
þreyta 7-13 ára krakkar ISAL-míluhlaupið
eftir endilöngum kerskála 3, skráning á
staðnum. Tónlistaratriði verða fjölmörg,
auk Lúðrasveitar Hafnarfjarðar syngur
Karlakórinn Stefnir, Léttsveit Kvennakórs
Reykjavíkur og Kammerkór Grensáskirkju.
Landsmenn eru hvattir til að nýta sér
þetta einstaka tækifæri til aö koma og
skoöa atvinnufyrirtæki á borð við álveriö,
sem alla jafna er ekki opið almenningi.