Morgunblaðið - 27.06.1997, Side 16

16 FÖSTUDAGUR 27. JÚNÍ 1997
MORGUNBLAÐIÐ
I
LANDIÐ
Hveragerði,
blómstrandi bær
Hveragerði - Mikið verður um
dýrðir í Hveragerði nú um helgina
en þá eru þar haldnir hinir árvissu
„Blómstrandi dagar“. Er þessi helgi
tileinkuð heilbrigði og heilsusam-
legu líferni. Af því tilefni er efnt
til kynningar- og sölusýningar í
íþróttahúsi bæjarins á vörum og
þjónustu er tengist því sviði.
Fjöldi uppákoma verður í bænum
alla helgina og mikið um að vera.
Á laugardagsmorgni er boðið uppá
örnefnagöngu um bæjarfélagið.
íþróttafélagið Hamar mun síðan sjá
um alls kyns íþróttaviðburði sem
almenningur getur tekið þátt í svo
sem blakmót utandyra og línu-
skautaknattleik á laugardeginum
og boltaþrautir fyrir yngstu kyn-
slóðina á sunnudeginum. Golfmót
verður haldið á nýjum stórglæsileg-
um golfvelli í Gufudal á laugardag
og á sunnudag verður boðið þar
uppá golfkennslu. Ennfremur mun
verða ókeypis í tennis og golf á
Hótel örk ásamt bíói fyrir börnin.
Listsýningar, grillveisla, dans-
leikur, bjórhátíð og margt fleira
munu síðan freista gesta bæjarins
þessa helgi. En það sem einatt vek-
ur hvað mesta athygli er það þegar
Drottningarholan, ein stærsta bor-
hola landsins, er látin blása í daln-
um innaf Hveragerði. Það er
ógleymanlegt að verða vitni að þeim
ægikrafti sem brýst úr iðrum jarðar
við þann gjörning. Skrúfað er frá
Drottningarholunni á föstudag
klukkan 18 en á laugardag og
sunnudag klukkan 17.
Morgunblaðið/Aldís Hafsteinsdóttir
MIKIÐ verður um dýrðir í Hveragerði um helgina.
Morgunblaðið/Kr.Ben.
Dýpkun mnsiglingarmnar í
Grindavík á undan áætlun
Gnndavík - Dýpkunarframkvæmd-
ir í innsiglingunni til Grindavíkur-
hafnar hafa gengið mjög vel og
lætur nærri að verkið sé tveimur
mánuðum á undan áætlun. Að
sögn Jóns Sigurðssonar bæjar-
tæknifræðings er það veðrið sem
skiptir sköpum um það hversu vel
hefur gengið því verktakinn J&K
Petersen ehf. frá Færeyjum hefur
ekki orðið fýrir neinum töfum af
þeim sökum frá því framkvæmdir
hófust í vor.
Upphaflega var áætlað að dýpk-
unarframkvæmdunum yrði lokið í
október og voru þá teknar með í
reikninginn hugsanlegar tafir
vegna veðurs en nú stefnir í að
verkinu ljúki í endaðan ágúst.
Áætlaður heildarkostnaður við
gerð innsiglingarinnar til Grinda-
víkur er 700 milljónir króna, sem
skiptist í dýpkun 500 milljónir og
varnargarðar 200 milljónir, en
verkið verður unnið í nokkrum
áföngum á næstu árum.
í vor var samið við færeyska
fyrirtækið J&K Petersen ehf. um
dýpkun fyrsta áfanga sem er
13.500 fermetra svæði í innsigling-
unni frá hafnargörðunum þar sem
dýpkun lauk 1996 og út að innri
snúning. Dýpi á svæði því sem
dýpka á er nú frá 3-5 metra djúpt
og skal dýpka niður á 7 metra.
Svæðið er mest 35 metra breitt
og 430 metra langt. Samningsupp-
hæð þessa áfanga er 156 milljónir
króna.
Dýpkunarfyrirtækið færeyska
sá um dýpkunarframkvæmdir í
Grindavíkurhöfn á síðasta ári og
skilaði því verki fljótt og vel svo
þeir eru því orðnir hagvanir á þess-
um slóðum.
t
í
Skemmtisiglingar á Húnaflóa
Blönduósi - Húni II, sem er 130
tonna eikarbátur, lagði í sína
fyrstu skemmtisiglingu út á
Húnaflóa frá Blönduósi sl. mið-
vikudag. Þessum bát, sem er
smíðaður árið 1963, hefur verið
breytt í skemmtisiglingaskip og
er hann gerður út frá Skaga-
strönd.
Eigandi og útgerðaraðili
Húna II er Þorvaldur Skaftason
frá Skagaströnd og sagði hann
í samtali við Morgunblaðið að
útgerð skipsins miðaðist við ósk-
ir neytenda. Hægt væri að
skyggnast eftir hvölum, fara
lengri eða skemmri ferðir um
Húnaflóann eða ferja fólk yfir
á Strandir. Góð veitingaaðstaða
er um borð þannig að félög og
fyrirtæki gætu þess vegna hald-
ið árshátíðir sínar úti á Húnaflóa
og svo spillir ekki að eigandinn
er liðtækur gítarleikari og vél-
stjórinn kann sitthvað fyrir sér
í dragspilsleik.
Þorvaldur var bjartsýnn á
framtíð þessarar útgerðar og
sagði lítil takmörk fyrir þvi
hveiju mætti brydda upp á í
tengslum við útgerð skipsins.
Einum Blönduósing sem stóð á
bryggjunni og tók á móti
Húna II varð að orði þegar skip-
ið lagðist að bryggju að líklega
væri þetta fyrsta skemmtiferða-
skipið sem komið hefði til
Blönduóss, að minnsta kosti á
þessu ári.
Morgunblaöið/Jón Sigurðsson
ÞORVALDUR Skaftason í stafni Húna II sem gerður er út til skemmtisiglinga um Húnaflóa.
Keflavíkurflugvöllur:
Miklar endurbætur
á stærsta flug’skýlinu
Vogum - Allsherjar endurnýjun á
þaki stærsta flugskýlis varnarliðsins
á Keflavíkurflugvelli stendur yfir.
Að sögn Friðþórs Eydals, blaðafull-
trúa varnarliðsins, var þriðjungur
verksins unninn síðastliðið sumar,
og er vonast til að verkinu, sem
upphaflega átti að ljúka á næsta
árij verði lokið í haust.
Islenskir aðalverktakar sjá um
framkvæmdina sem er áætlað að
kosti 420 milljónir króna í ár. BS
þakpappalagnir ehf. eru meðal und-
irverktaka við þakvinnuna. Sumar-
liði Jónsson, einn eigenda fyrirtæk-
isins, segir flugskýlið 15 þúsund fer-
metra að stærð og þakið stærsta
verkefni fyrirtækisins til þessa, en
það er tæplega tveggja ára. Sjálfur
er Sumarliði með 29 ára reynslu sem
hefur komið sér vel í verkinu. Hann
segir alls 7 lög lögð ofan á járnið
sem er neðsta lag á þakinu, en það
eru 4 lög af pappa, eitt af gifsplötum
og tvö lög af einangrun.
Við þakvinnuna starfa 22-28
starfsmenn. Inni í flugskýlinu hafa
Keflavíkurverktakar unnið við end-
urnýjun verkstæðis- og skrifstofu-
húsnæðis fyrir um 56 milljónir
króna og er þeim framkvæmdum
að ljúka.
;
I
r
HAGKAUP
® TOYOTA
—Bl