Morgunblaðið - 20.09.1997, Blaðsíða 8
8 LAUGARDAGUR 20. SEPTEMBER 1997
MORGUNBLAÐIÐ
FRÉTTIR
- 'r; ■ Æ éá&P; f í 1» ■
• ■ ■«■. .Ífei ■H|?-
Morgunblaðið/Golli
Rólað á Djúpavogi
BÖRNIN á Djúpavogi eru dugleg að leika sér úti þó að það sé hálf kalt. Snjór er kominn í miðjar hlíð-
ar fjallanna í kring og þess vegna er tímabært að taka fram vetrarúlpur og vettlinga.
□
ERU ÞEIR AÐ FA’ANN?
Mikið af sjóbleikju í
Gufudal og Skálmardal
MIKIL og góð sjóbleikjuveiði hefur
verið í ám á Barðaströnd í sumar,
sérstaklega var ágústmánuður góð-
ur. Bestu árnar á þessum slóðum
eru Skálmardalsá og Gufudalsá og
þar voru þriggja daga holl að fá
allt að 150 bleikjur á þtjár stangir.
Pétur Pétursson, einn landeigenda
við Gufudalsá og Skálmardalsá, sagði
í samtali við blaðið að veiði væri lok-
ið í ánum, veitt hefði verið fram und-
ir 10. september. „Ég er ekki kominn
með lokatölur, en hef heyrt að hóp-
arnir hafi margir verið „mjög ánægð-
ir“, eins og sagt var. Algengt var
að hollin væru að fá 100 til 150 fiska.
Stærstu höggin féllu í Gufudalnum,
en veiðin eryfirleitt jafnari í Skálmar-
dalsá,“ sagði Pétur. Bleikjan á þess-
um slóðum er yfirleitt 1-2 pund, en
fiskar allt að 4-5 pund hafa verið í
aflanum af og til.
Fleiri laxar úr Miðá
Nokkuð af laxi virðist hafa geng-
ið í Miðá í Dölum síðustu daga. Á
fáum dögum fór heildaraflinn úr 12
löxum í 30 og hafa nokkrir stórir
verið í aflanum, 12-15 punda. Á
föstudaginn veiddist t.a.m. 14 punda
lúsugur hængur og menn sem þá
voru í ánni fengu sex laxa, þar af
fjóra stóra bolta. Laxinn veiðist
mest í Skarðafljóti og Grafarhyl og
sá stærsti í sumar var 16,5 punda
úr Selfossi.
í veiðibók Miðár voru 320 bleikjur
um helgina, en Lúðvík Gissurarson
leigutaki árinnar sagðist hafa vitn-
eskju um talsverða bleikjuveiði sem
aldrei fór í bókina. Bleikjan er dreifð
um alla á og er mest 1-2 pund.
Stærsta bleikjan var 5 punda og
veiddist fyrir fáum dögum á Birgis-
eyrum.
Vatnsdalsá nálægt 800 löxum
„Veiðinni er að ljúka núna og mér
sýnist að hún gæti vel náð 800 löx-
um. Tilfellið er að septemberveiðin
var miklu betri en við bjuggumst
við. Það er enn fiskur að ganga og
veðrið hefur verið gott. Hópur sem
var fyrir stuttu í einn og hálfan dag
fékk t.d. 8 físka og tveir af þeim
voru nýgengnir," sagði Pétur Pét-
ursson, leigutaki Vatnsdalsár, í sam-
tali við blaðið í gær. Nær öllum
veiddum laxi í ánni í sumar var
sleppt aftur lifandi.
Sigmund
í sumarfrí
SIGMUND Jóhannsson teikn-
ari er farinn í sumarfrí og
munu skopmyndir hans ekki
birtast næsta mánuðinn.
í b^kíhU
Stein / Bock / Harnick
Sýningar byrjaðar á ný
Fyrstu sýningar haustsins
26. og 27. september - 3. og 4. október
!------------------------------
Kortagestir Þjóðleikhússins:
Munið afsláttinn á fyrstu fjóru sýningunum
ÞJOÐLEIKHUSIÐ
Sími: 551 1200
Ung Nordisk Musik-hátíðin
Himnasending’
fyrir ung, ís-
lensk tónskáld
ARLEG tónlistarhá-
tíð ungra nor-
rænna tónskálda
og flytjenda, sem samtök-
in Ung Nordisk Musik
gangast fyrir, hefst í
Reykjavík á morgun og
stendur til 27. september.
35 tónskáld taka þátt í
hátíðinni að þessu sinni,
öll 30 ára og yngri. Fram-
kvæmdastjóri hátíðarinn-
ar er Tryggvi M. Baldvins-
son tónskáld.
- Hvað er Ung Nordisk
Musik og hvert er mark-
mið hátíðarinnar?
„Ung Nordisk Musik,
UNM, er samtök tónskálda
og flytjenda á Norðurlönd-
unum, 30 ára og yngri.
Samtökin voru stofnuð
1946 af nemendum tónlist-
arháskólanna í Kaup-
mannahöfn og Málmey og var
fyrsta hátíðin haldin í síðamefndu
borginni sama ár. Hátíðin hefur
alla tíð verið vettvangur fyrir ung
tónskáld, sem annaðhvort em langt
komin í námi eða búin að ljúka
námi, til að kynna sína tónlist en
um leið hefur ungum flytjendum
gefist tækifæri til að láta ljós sitt
skína. Starf UNM snýst svo til ein-
göngu um hátíðina enda er hún
afar kostnaðarsöm, þar sem sam-
tökin borga allar ferðir og uppihald
þátttakenda. Þau hafa því einfald-
lega ekki haft fjárhagslegt bolmagn
til að sinna öðrum hlutum. Helstu
styrktaraðilar þessarar hátíðar eru
NOMUS, íslenska ríkið, Reykjavík-
urborg og Ríkisútvarpið.“
- Hvenær tóku íslendingar
fyrst þátt í hátíðinni?
„íslendingar tóku fyrst þátt í
hátíðinni árið 1974, þegar hún var
haldin í Piteá í Svíþjóð, en hátíðin
var fyrst haldin hér á landi þremur
árum síðar. Síðan hefur hún verið
haldin hér á fímm ára fresti.“
- Hvaða þýðingu hefur hátíðin
haft fyrir íslensk tónskáld?
„Hátíðin hefur verið algjör
himnasending fyrir ung, íslensk
tónskáld enda eiga þau litla mögu-
leika á að koma verkum sínum á
framfæri - fá að heyra þau leik-
in. Á Norðurlöndunum hafa
sprottið upp kammerhópar í
tengslum við tónlistarháskólana
sem hafa spilað mikið af þessari
tónlist og fyrir vikið er alltaf að
verða sjaldgæfara að verk eftir
starfsbræður okkar á Norðurlönd-
unum séu frumflutt á UNM-hátíð-
inni. íslensku verkin, sem teflt er
fram á hátíðinni, hafa aftur á
móti nær undantekningarlaust
ekki verið flutt áður.“ ---------
- Hvernig er staðið
að vali á verkum sem
flutt eru á hátíðinni?
„Það eru dómnefndir _____
sem velja sjö verk frá
hveiju landi, en jafnréttið innan
UNM er algjört. Að vísu höfum
við íslendingar yfirleitt ekki þurft
á dómnefnd að halda enda er fram-
boð á tónverkum töluvert minna
hér en á Norðurlöndunum, sérstak-
lega Sviþjóð. Yið höfum því látið
duga að fá tvö „uppkomin" tón-
skáld til að lesa verkin yfír. Ég tel
hins vegar að það sé okkur íslend-
ingum ekki til tekna að senda
svona mörg verk á hátíðina hveiju
sinni og hef því í hyggju að stinga
upp á því á næstunni að Svíum
verði boðið að senda eitt eða tvö
verk til viðbótar á hátíðina á kostn-
að okkar.“
- Með hvaða sniði verður hátíð-
in í Reykjavík?
Tryggvi M. Baldvinsson
►Tryggvi M. Baldvinsson fædd-
ist í Reykjavík árið 1965. Hann
lauk prófi frá tónfræðadeild
Tónlistarskólans í Reykjavík
1987 og prófi i tónfræðum og
tónsmíðum frá Konservatorinu
í Vínarborg 1992 undir leiðsögn
Reinholds Portisch. Síðan hefur
hann starfað sem kennari við
Tónlistarskólann í Reykjavík,
ásamt því að stunda tónsmíðar.
Þá er hann stjórnandi Lúðra-
sveitar Verkalýðsins og formað-
ur UNM á Islandi. Tryggvi er
kvæntur Vilborgu R. Einars-
dóttur og eiga þau þrjá syni,
Sveinbjörn Júlíus, Einar Sverri
og Baldvin Ingvar.
ítalskt
tónskáld
heiðursgestur
„Hún verður með mjög hefð-
bundnu UNM-sniði. Tónleikar
verða haldnir öll kvöld þar sem
verk tónskáldanna, sem þátt taka
í hátíðinni, verða flutt af mörgum
valinkunnum íslenskum og erlend-
um hljóðfæraleikurum sem og
nemendum Tónlistarskólans í
Reykjavík. Heiðursgestur hátíð-
arinnar verður ítalska tónskáldið
Luca Francesconi og mun Sinfón-
íuhljómsveit Islands leika verk
hans, Trama, fyrir saxófón og
hljómsveit á tónleikum 25. sept-
ember. Einleikari verður hollenski
saxófónleikarinn Arno Bomekamp.
Mun Ríkisútvarpið hljóðrita alla
tónleikana og verður þeim útvarp-
að um Norðurlönd á næsta ári.
Hátíðin verður einnig vettvang-
ur fróðleiks en Francesconi mun
halda nokkra fyrirlestra um verk
sín, auk þess sem kvikmynd Hilm-
ars Oddssonar, Tár úr steini, verð-
ur sýnd. Einnig verða starfræktir
fjórir umræðuhópar þar
sem tónskáldin munu
ræða verk sín, undir
leiðsögn valinkunnra
_________ íslenskra tónskálda. Þá
er gaman að geta þess
að erlendu þátttakendurnir óskuðu
eftir því að fá einn frídag til að
kynna sér íslenska náttúru og
lokatónleikarnir verða í Hvera-
gerðiskirkju."
Síðan er mér ljúft og skylt að
minnast á þátt Tónlistarskólans í
Reykjavík sem verður undirlagður
alla daga hátíðarinnar. Við höfum
notið fádæma góðvildar þar á bæ
en öll almenn kennsla mun liggja
niðri þessa daga, að tillögu Hall-
dórs Haraldssonar skólastjóra.
Ekki verður þó um frí að ræða
því skyldumæting er fyrir alla
nemendur kennara- og tónfræða-
deildar á alla fyrirlestra og tón-
leika og aðrir nemendur skólans
fá frían aðgang að hinu sama.“