Morgunblaðið - 20.09.1997, Síða 16
16 LAUGARDAGUR 20. SEPTEMBER 1997
MORGUNBLAÐIÐ
LANDIÐ
Danskir nem-
endur heim-
sækjajafnaldra
í Stykkishólm
Stykkishólmi - Það hefur Iöngum verið talað
um að danskt yfirbragð sé yfir Stykkishólmi.
Danskir dagar eru haldnir árlega til að minna
á þessi tengsl. Undanfarna daga hafa Hólmar-
ar enn betur verið minntir á dönsk samskipti.
Hér hafa dvalið tvær bekkjardeildir frá Dan-
mörku og heimsótt jafnaldra sína í Stykkis-
hólmi og eru 40 nemendur í báðum hópunum.
Nemendur 9. bekkjar Grunnskólans hafa
undanfarna tvo vetur skrifast á við jafnaldra
sína í Gladsaxe sem er rétt fyrir utan Kaup-
mannahöfn. í framhaldi af bréfaskriftunum
var ákveðið að dönsku krakkarnir kæmu í
heimsókn til Stykkishólms. Þeir fengu styrk
frá Evrópusambandinu til fararinnar. Á meðan
þeir dvöldu hér unnu þeir verkefni í samvinnu
við gestgjafana. Verkefnið var „Stykkishólmur
- en landsbygd i Island. Krakkamir skoðuðu
hvemig það væri að búa í Stykkishólmi og
bám það saman við sitt eigið samfélag.
Þá komu hingað á sama tíma 20 nemendur
frá Kolding og heimsóttu jafnaldra sína í 10.
bekk. Báðar þessar heimsóknir tókust mjög
vel og heyrðist danska víða og oft töluð á
götum úti. Skipulagðar vom ferðir um ná-
grennið og fengu dönsku nemendumir gott
tækifæri að kynnast Stykkishólmi og nemend-
um skólans. Svona nemendasamkipti em mik-
ilvæg fyrir alla þá sem taka þátt í þeim. Það
myndast tengsl á milli nemendanna sem geta
haldist í langan tíma og svo verða nemendur
jákvæðari gagnvart dönskukennslu er þau sjá
á lifandi hátt gagnsemi þess að kunna dönsku.
Reiknað er með að nemendur 9. og 10. bekkj-
ar endurgjaldi heimsóknina síðar.
Farið verður
í Tálkna í
mánaðarlok
BJÖRN Óli Hauksson, sveit-
arstjóri í Tálknafirði, segir
að afskaplega erfitt sé að
smala af Tálknanum og það
sé ástæða þess að sauðfé
hafi safnast þar fyrir. Hann
segir að til standi að kanna
þetta með vettvangsferð í
lok mánaðarins.
Bjöm Óli segir að sumir
vilji kalla þetta útigangsfé
en aðrir villifé. „Þetta er
ekki eins og venjulegt fé,
heldur er það afskaplega
fælið og erfitt að ná því.
Þarna voru 50-60 kindur
þegar mest var en síðan
voru gerðar nokkrar tilraun-
ir til að ná þeim með hefð-
bundinni smölun. 1995 náð-
ist mestallt féð og ef til vill
eru þarna um tólf kindur
núna, en það hafa heyrst
bæði hærri og lægri tölur,“
sagði Björn Oli.
Mælir ekki með því
að féð verði skotið
Hann mælir ekki með því
að skjóta kindurnar. Að-
stæður séu erfiðar í klettum
og kindurnar styggar og því
engin trygging fyrir því að
þær drepist heldur geti þær
særst og kvalist í langan
tíma. Bjöm Óli segir að í
bréfi frá Sigurði Sigurðar-
syni dýralækni á Keldum,
sem hann sendi 1995, þegar
menn töldu sig hafa hreins-
að Tálkna, hafi því ekki ver-
ið haldið fram að kindurnar
væru með riðu.
Tálkninn hafí verið smal-
aður reglulega og sýni tekin.
1991 fannst ekkert merki
um riðu í fénu, en 1995
fundust vefjabreytingar í
nokkrum kindum sem líkt-
ust byrjandi riðusmiti.
Bjöm Óli segir að sú
spuming hafí einnig vaknað
hvort áhugavert gæti verið
að rannsaka kindumar út
frá atferlisfræðilegu sjónar-
miði. Fróðlegt gæti verið að
skoða stofn sem hefði verið
villtur svo lengi.
„Hægt væri að setja upp
girðingar til að fénaðurinn
slyppi ekki út af svæðinu.
Riðuveiku fé er þó auðvitað
að lóga. En það stendur til
að fara í fjallið og kanna
aðstæður betur í lok septem-
ber,“ sagði Bjöm Óli.
Morgunblaðið/Gunnlaugur Ámason
40 nemendur frá Gladsaxe við Kaupmannahöfn og Kolding dvöldu í heimsókn hjá jafnöldrum sinum í Stykkishólmi. Þurftu nemendur
að láta reyna á dönskukunnáttu sína þessa daga. Gestirnir fóru víða m.a. i Flatey og með Eyjaferðum í siglingu um Breiðafjarðareyjar.
Morgunblaðið/Sigurður Sigmundsson
STJÓRN Skógræktarfélags Hrunamanna ásamt Laufeyju f.v.
Ragnar Kristinsson, Sigríður Jónsdóttir og Eiríkur Ágústsson.
Gjöf til stofnunar
lystigarðs
Hrunamannahreppi - Laufey
Indriðadóttir frá Ásatúni sem nú
er búsett á Flúðum færði skóg-
ræktarfélagi sveitarinnar 20. ág-
úst sl. þijár milljónir króna að
gjöf sem veija skal til stofnunar
lystigarðs í Hrunamannahreppi.
Gjöfina gefur Laufey til minning-
ar um þau systkinin, en bræður
hennar Hallgrímur og Óskar
Guðlaugur eru látnir. Systkinin
tóku við búi í Ásatúni af foreldr-
um sínum þeim Gróu Magnús-
dóttur og Indriða Grímssyni og
bjuggu þar frá 1940 til ársins
1988. Gjöfina afhenti Laufey á
afmælisdegi móður þeirra systk-
ina en þá voru liðin 120 ár frá
fæðingu hennar.
Það var til þess tekið hve
blómsturgarðurinn í Ásatúni var
fagur og vel hirtur, enda fengu
þau systkinin snemma áhuga á
skógrækt og ræktun blóma.
„Það má segja að áhuginn á
skógrækt hafi kviknað hjá okkur
þegar ungmennafélagið gaf okk-
ur fyrstu hrisluna árið 1925. Hún
var gróðursett fyrir framan bæ-
inn, hún er nú orðin mjög mynd-
arlegt tré,“ sagði Laufey. „Við
áttum jörð og seldum hana en
við áttum enga afkomendur
þannig að mér finnst réttara að
leggja þessu áhugamáli lið en að
tæta þessa peningaupphæð í
sundur til margra erfingja. Eg
vona að af þessu geti orðið að
gerður verði skrúðgarður og þá
helst hér á Flúðum og að þessi
upphæð verði til að hrinda því
af stað.“
Sigríður Jónsdóttir á Fossi,
formaður Skógræktarfélags
Hrunamanna, sagði að þetta væri
afar höfðingleg gjöf og vel þegin
og nú gæti væntanlega sá draum-
ur ræst sem marga hefði dreymt
um að gera skrúðgarð í sveit-
inni. Þess má geta að allmargir
fagrir skógarreitir eru hér í
Hrunamannahreppi, enda skil-
yrði til skógræktar talin góð.
Sérleyfisferðir milli Breiðdalsvíkur
og Egilsstaða
Enginn rekstr-
argrundvöllur
án póstflutninga
Morgunblaðið/jt
INDRIÐI Margeirsson á Breiðdalsvík við stærri bílinn, 38 manna
Mercedes Benz, sem notaður hefur verið til hópferða.
EFTIR að Póstur og sími sögðu upp
samningum við Sérleyfisbíla Suður-
fjarða um flutning á pósti milli Egils-
staða og Breiðdalsvíkur telur Indriði
Margeirsson rekstrargrundvelli
kippt undan rekstri fyrirtækis síns.
Hefur hann undanfarin ár annast
sérleyfisakstur milli Breiðdalsvíkur
og Egilsstaða og stóðu póstflutning-
amir að verulegu leyti undir rekstr-
argrundvelli fyrirtækisins.
Á vegum Sérleyfisbíla Suður-
fjarða hefur verið ekið virka daga
frá Breiðdalsvík í veg fyrir flug á
Egilsstöðum um Stöðvarfjörð og
Fáskrúðsfjörð. Indriði segist hafa
notað 11 manna Toyota-bíl til flutn-
inganna og hefur kona hans, Her-
borg Þórðardóttir, séð um þann akst-
ur á sumrin meðan Indriði hefur
annast hópferðaakstur á 38 átta
manna Mercedes Benz rútu sem þau
eiga einnig, einkum út frá Reykja-
vík. Þau segja að pósturinn hafí
gefíð um 60% af tekjum við sérleyfis-
aksturinn enda séu farþegar ekki
margir. Póstsamningnum var sagt
upp á liðnu vori en síðan framlengd-
ur út ágúst.
Um 500 áskoranir frá íbúum
„Ég hef verið að kanna hjá sam-
gönguráðuneytinu hvort einhver
grundvöllur sé fyrir áframhaldandi
styrk og sveitarfélögin vita af þess-
um vanda. Það er ljóst að margir
Ibúar þessara staða þurfa á sérleyf-
isþjónustu að halda,“ segir Indriði
og á hann þar bæði við farþega-
flutningana og alla þá sem notfæra
sér þjónustu rútunnar vegna flutn-
ings á smápökkum og ýmsan erind-
rekstur og „reddingar" sem bílstjór-
ar sérleyfisbíla taka jafnan að sér
á ferðum sínum.
Um 500 manns, íbúar á Breiðdal-
svík, Stöðvarfirði og Fáskrúðsfirði,
hafa skrifað undir áskorun til þing-
manna og ráðherra um að gripið
verði til nauðsynlegra aðgerða til að
halda megi þjónustunni áfram.
Þau hjón segja ekki margt til ráða
ef rekstrarstyrkur fæst ekki, erfítt
verði að selja bílana og slæmt sé
einnig fyrir svæðið ef stóri hópferða-
bíllinn fer úr plássinu, þá þurfi að
kalla til bíla frá Egilsstöðum eða
Höfn til að annast akstur með nem-
endur og aðrar hópferðir ef þær
leggist hreinlega ekki af.
Bruni í Suðursveit
Pjárhús-
hlaða gjör-
eyðilagðist
FJÁRHÚSHLAÐA við bæinn Breiða-
bólstað í Suðursveit gjöreyðilagðist
í eldi I fyrrakvöld. Vegfarandi á leið
framhjá bænum varð eldsins var og
vakti húsráðendur og um klukku-
stund síðar kom slökkviliðið á Höfn
á vettvang.
Samkvæmt upplýsingum lögregl-
unnar á Höfn í Homafirði barst til-
kynning um eldinn um kl. 00.50 að-
faranótt föstudags og var slökkvilið-
ið á Höfn komið að Breiðabólstað
um kl. 2 en leiðin er milli 60 og 70
km. Þá höfðu húsráðendur fengið
hjálp frá nágrönnum og hafið
slökkvistarf, gátu m.a. varið fjárhús-
ið við hlöðuna. Lögreglan á Höfn
sagði ljóst að eldur hefði kraumað
lengi því sá sem fór hjá garði á leið
úr Reykjavík sagði að járnið á þakinu
hefði verið farið að roðna af hita.
Eldsupptök eru með öllu ókunn
en ekkert hey var í hlöðunni, einung-
is timbur, og sagði lögreglan þó ekki
útilokað að hitnað hefði í moðsalla
sem kveikt hefði í þurru timbrinu.
Hlaðan gereyðilagðist, aðeins standa
uppi steyptir veggir. Hún var tryggð.