Morgunblaðið - 20.09.1997, Blaðsíða 18

18 LAUGARDAGUR 20. SEPTEMBER 1997
MORGUNBLAÐIÐ
VIÐSKIPTI
Hugbúnaðarfyrirtækið OZ að hefja stórt hlutafjárútboð
Islenskum fjár-
festum boðin bréf
Morgunblaðið/Ásdís
Deilt um toll-
flokkun á
Pringles flögum
HUGBÚNAÐARFYRIRTÆKIÐ OZ
er að hefja þriðja og síðasta áfanga
hlutafjármögnunar. Forsvarsmenn
OZ kynntu hlutafjárútboðið nokkr-
um íslenskum fagfjárfestum og
verðbréfafyrirtækjum á fimmtudag
og kom þar fram að boðnir verða
út allt að 7 milljónir hluta á genginu
1,3 dollarar. Söluvirði bréfanna er
því um 9,1 milljón dollara, eða um
646 milljónir íslenskra króna. Ef öll
bréfin seljast verður heildarhlutafé
OZ rúmlega 42 milljónir hluta auk
þess sem starfsmenn OZ geta á
næstu fjórum árum unnið sér inn
allt að 4 milljónir hluta.
Bréfin verða boðin bandarískum
og japönskum fjárfestum auk þess
sem íslenskum fagfjárfestum stend-
ur til boða að kaupa tvær milljónir
hluta. Lágmarkshlutur hvers fag-
ijárfestis verður 5 milljónir króna
að söluvirði. Áformað er að skrá
Coopers &
Lybrand sam-
einast Price
Waterhouse
London. Reuter.
BREZKA endurskoðendafyrir-
tækið Coopers & Lybrand hefur
staðfest að það muni sameinast
Price Waterhouse og mun árs-
þóknun hins sameinaða fyrir-
tækis nema rúmlega 13 millj-
örðum dollara. Við samrunann
mun bandaríski endurskoðend-
arisinn Andersen Worldwide
þoka úr sæti voldugasta fyrir-
tækis heims í þessum geira.
Samkvæmt blaðafréttum
mun samruninn styrkja stöðu
Coopers & Lybrand og Price
Waterhouse í Bandaríkjunum,
þar sem fyrirtækin eru í fimmta
og sjötta sæti.
bréf fyrirtækisins á opna tilboðs-
markaðnum í New York, NASDAQ,
síðari hluta árs 1998.
í fréttabréfi Fjárvangs kemur
fram að OZ Interactive var stofnað
árið 1995 og á 99,9% hlut í OZ hf.
Stofnendur OZ eru stærstu hluthaf-
ar fyrirtækisins með 76,81% hlut en
nokkrir stórir japanskir og banda-
rískir ijárfestar eiga á bilinu 1-5,6%.
Starfsmenn OZ eru nú alls um 70.
Fyrirtækið hefur einbeitt sér að þró-
unar- og hönnunarvinnu og hefur
náð samningum við stórfyrirtæki á
borð við Intel, Microsoft og Ericson
sem stjórnendur OZ segja að muni
færa fyrirtækinu umtalsverðar tekj-
ur á næstu árum.
Eins og fram hefur komið í Morg-
unblaðinu þá vinnur OZ, að sögn
bandaríska tímaritsins The Red Herr-
ing, að því að ná samningum um
samstarf við þekkt fjölmiðlafyr-
irtæki. Myndu hin síðarnefndu taka
þrívítt umhverfi OZ í þjónustu sína,
en OZ myndi eiga hlut í þeim persón-
um og því umhverfi sem OZ skapi.
Þá hyggst fyrirtækið einnig reyna
að nýta tækni sína til tungumála-
kennslu og fjarnáms. Viðmælendum
Red Herring í umræddri grein ber
saman um að OZ sé í fararbroddi
hvað varðar tækni í gerð þrívíðra
heima á alnetinu. Hins vegar efast
margir um hversu markaðsvæn vara
sé hér á ferðinni. Sem stendur sé
markaðurinn í það minnsta lítill. Þá
segist Ben Locker, einn yfirmanna
MGM Interactive, telja árlega fjár-
þörf OZ upp á 5 milljónir dollara, eða
u.þ.b. 350 milljónir króna, mikla.
Hann segir það vera gríðarlega erfítt
að gera vöru sem þessa að söluvöru.
Tækifærin liggi mun fremur í sértæk-
um verkefnum fyrir fyrirtæki, að því
er segir í greininni í The Red Herring.
TOLLSTJÓRAEMBÆTTIÐ hefur til
umíjöllunar toliflokkun á svonefnd-
um Pringles-kartöfluflögum, en
kvartað var yfir því til embættisins
að þetta vörumerki væri tollflokkað
með öðrum hætti en önnur vöru-
merki í kartöfluflögum. Markaðs-
stjóri íslensk ameríska sem flytur
flögurnar inn segir þær eins toll-
flokkaðar hér og innan evrópska
efnahagssvæðisins (EES).
Venjulegar kartöfluflögur bera 59%
toil en Pringles-flögumar hafa ekki
borið neina tolla til þessa en innflutn-
ingur þeima hófst fyrir um ári.
Sveinbjörn Guðmundsson, deild-
arstjóri hjá Tollstjóraembættinu,
segir enga ákvörðun enn hafa verið
tekna um tollflokkun umræddra
kartöfluflagna, en hins vegar sé
ákvörðunar líkast til að vænta eftir
helgi. Hún hafi dregist nokkuð m.a.
vegna skorts á upplýsingum og sum-
arleyfa.
Mismunandi hráefni veldur
vafa í tollflokkun
„Við erum með þetta í athugun
hvað varðar tollflokkun. Það er
meiningarmunur um það sem getur
varðað gjöld,“ segir Sveinbjörn.
Hann segir að dálítill munur sé á
umræddum kartöfluflögum og hefð-
bundnum kartöfluflögum. Pringles-
flögurnar séu búnar til úr kartöflu-
mjöli og öðru mjöli en yfirleitt séu
flögurnar eingöngu úr kartöflumjöli.
Hann segist hins vegar ekkert
þora að fullyrða um það hvort um-
ræddur munur á tollflokkun geti
hugsanlega átt rétt á sér.
Pringles flokkað eins hér
og innan EES
Pétur Jónsson, markaðsstjóri Is-
lensk ameríska, sem flytur Pringles-
flögurnar inn, segir að þær hafi ver-
ið tollaðar hér á sama hátt og ann-
ars staðar í Evrópu og því telji hann
engin mistök hér á ferðinni heldur
hafi flögurnar verið rétt tollflokkað-
ar í upphafí.
„Pringles eru tollaðar um allt EES
í þessum tollflokki. Ákvörðunin er
auðvitað tekin á sínum tíma sam-
kvæmt þeim gögnum sem við send-
um tollyfirvöldum hér á landi. í þeim
gögnum kom m.a. fram hvernig
Pringles var tollað í Svíþjóð, en þar
eru flögurnar í sama tollflokki og
hér á landi.“
Pétur segir að fyrirtækið hafi
verið beðið að senda Tollstjóra gögn
vegna þessa máls nú sem það hafi
gert en síðan hafi það ekkert heyrt
frá embættinu.
Skipting West-
inghouse dregst
New York. Reuter.
FYRIRÆTLUN Westinghouse
Electric Corp. um að skipta fyrir-
tækinu í aðskilin fjölmiðla- og iðn-
aðarfyrirtæki hefur dregizt vegna
þess að það hefur samþykkt að
selja Thermo King Corp. deild sína
a.ð sögn talsmanns Westinghouse.
Westinghouse telur nú að endur-
skipulagningunni verði hrundið í
framkvæmd seint í október eða í
fyrri hluta nóvember að sögn tals-
mannsins. í sumar taldi Westing-
house að skiptingin færi fram í
septemberlok eða októberbyrjun.
Endurskipulagningin þarf sam-
þykki bandarísku alríkisskattstof-
unnar, IRS, þegar yfirstandandi
athugun eftirlitsnefndar banda-
ríska verðbréfamarkaðsins, S&ES,
lýkur.
í ráði er að skipta Westinghouse
í ijölmiðlafyrirtækið CBS Corp. og
iðnaðarfyrirtækið Westinghouse
Electric Corp. Skiptingin tafðist
vegna viðræðna við Ingersoll-Rand
Co. um greiðslu á 2,56 milljörðum
dollara fyrir Thermo King, sem
framleiðir kælibúnað í flutninga-
tæki.
Sérfræðingar búast við að West-
inghouse noti andvirði sölunnar til
að auka íjölmiðlastarfsemi sína,
sem hefur eflzt vegna kaupa á
nokkrum miðlum.
Nútíma vöruskiptl - Perlunni
J

r ■
M
Yfir 700 íslensk fyrirtæki í
vöruskíptaneti VN
taka við þessu
greiðslukorti.
Eru vöruskipti eitthvað
fyrir pitt fyrirtæki?
Þú kemst að því í Perlunni 20. og 21. september
Um helgina gefstþér kostur á að kynnast vöruskiptaneti Viðskiptanetsins hf (VN).
Sýningin fer fram í Perlunni og þar kynnayfir 40 fyrirtœki, sem öll eiga aðild að
vöruskiptaneti VN, vörur sínar og þjónustu. Skipulögð vöruskipti fara stöðugt
... er þitt fyrirtœki vaxandi?
Sýningin er opin laugar-
dag og sunnudag inilli
kl. 11:00 og 18:00
VIÐSKIPTANETIÐ HF.