Morgunblaðið - 28.09.1997, Blaðsíða 40

MORGUNBLAÐIÐ
40
SUNNUDAGUR 28. SEPTEMBER 1997
Tommi og Jenni
Ljóska
Allt í lag-i, þú spilaðir út kóngin- Snjall leikur . .
um, svo að ég set út ÁSINN!!
BREF
TTL BLAÐSINS
Kringlan 1103 Reykjavík • Sími 5691100 • Símbréf 569 1329
Héraðsdómari
fer í frí
Frá Magnúsi Jóhannssyni:
EINS og alþjóð veit af fréttum nú
fyrir stuttu sagði einn dómari við
Héraðsdóm Reykjaness, Már Pét-
ursson, af sér vegna „áfengis-
vanda“ síns. Hann hafði farið út í
verslun á bifreið sinni og verið
„timbraður", sem hann vafalítið
hefír gert í áraraðir, trúi hver sem
vill einhverju öðru, en sloppið þar
til nú. Hann segir í sjónvarpsvið-
tali, að hann hafi í mörg ár átt
við „áfengisvandamál" að stríða,
eins og svo margir aðrir í röðum
opinberra starfsmanna. Hann upp-
lýsir að hann hafi gert lögreglu-
stjórasátt og greitt sekt að upphæð
35 þús. kr. Hann lýsir ennfremur
yfir aðspurður, að dómar hans
hafí ekki á nokkurn hátt liðið
vegna „áfengisvandamáls" síns,
trúi því hver sem vill.
Það sem fær mig til að staldra
við og rita þetta bréf til blaðsins
í þetta sinn er, að nú fyrir skömmu
varð ég þeirrar reynslu ríkari að
hljóta dóm af hendi þessa fyrrver-
andi dómara í Héraðsdómi Reykja-
ness, vegna meintrar ákeyrslu á
konu, af ráðnum hug, eins og seg-
ir í ákærunni, og til vara umferða-
lagabrots ef hin meinta ákeyrsla
skyldi ekki halda. Hið meinta um-
ferðalagabrot kveður á um akstur
nálagt skólabifreiðum á skóla-
svæði. Atvikið átti sér stað innan
Keflavíkurflugvallar, en þar hefi
ég stundað leigubifreiðaakstur síð-
astliðin 30 ár, án nokkurs um-
ferðaóhapps, og um umrætt skóla-
svæði hefí ég og starfsfélagar mín-
ir ekið mörg þúsund sinnum án
nokkurra athugasemda. Már Pét-
ursson, þá dómari, komst að þeirri
niðurstöðu éftir vitnaleiðslu, að ég
hafí ekki ekið á umrædda konu,
en engu að síður varð niðurstaða
hans sú að ég hafí sýnt þvílíkan
glannaakstur (á u.þ.b. 5 km hraða)
að honum fannst við hæfi að ég
greiddi 150 þús. kr. sekt til samfé-
lagsins, en fengi þó að halda öku-
réttindum mínum. Þessi upphæð
er nærri fimmföld á við það sem
lögreglustjóri í umdæmi Más Pét-
urssonar fannst við hæfi að hann
greiddi til samfélagsins fyrir að
hafa farið út á bifreið sinni undir
áhrifum áfengis, „aðeins timbrað-
ur“ í þetta eina ákveðna skipti?
Skyldi það vera eina skiptið? Eng-
inn getur fullyrt hvort hann með
háttalagi sínu hefir verið nærri
búinn að aka yfir börn eða full-
orðna á þessum árum er þetta
„áfengisvandamál" hans hefir var-
að. Eitthvað hefir Hæstarétti ekki
þótt dómur Más Péturssonar góð-
ur, þar sem Hæstiréttur féllst á
að taka mál þetta fyrir, þótt það
uppfyllti ekki það skilyrði að ná
250. þús. króna sekt.
Þeir í Hæstarétti kunna engu
að síður sína „rullu“ í samspili
réttarkerfisins þegar „sakborning-
ur“ er kominn í „sigtið“. Ekki vildi
Hæstiréttur þó fallast á sýknu,
þótt dómurinn væri vondur, því
einhver varð að greiða kostnaðinn
af þessu upphlaupi saksóknara-
embættisins. Sektin var því lækkuð
niður í 20 þús. krónur. Fyrir þenn-
an „túr“ er ég var í er allt þetta
fjaðrafok upphófst fékk ég greidd-
ar 350 krónur en varð að láta af
hendi með málskostnaði 181 þús.
kr. sem voru um 20% af árslaunum
mínum það árið. (En hvað skyldi
þessa menn varða um það, þegar
þeir sleppa sjálfir með 35 þús. kr.
eftir áratuga misnotkun áfengis.)
Að auki hefir Varnarmálaskrif-
stofa utanríkisráðuneytisins í sam-
vinnu við sýslumannsembættið á
Keflavíkurflugvelli meinað mér all-
an aðgang að leiguakstri innan
vallar, þrátt fyrir að þau séu raun-
verulega búin að tapa málinu fyrir
báðum dómsstigum. Hér ætti grein
þessari ef til vill að Ijúka, en eftir
þá útreið sem dómur Más Péturs-
sonar fékk í Hæstarétti þrátt fyrir
fullyrðingar Más um að „áfengis-
vandamál“ hafi ekki haft nein áhrif
á gæði dóma hans, hefur hinn al-
menni borgari leyfi til að efast um
hana.
í framhaldi má spyija hvort
venjulegur leigubifreiðastjóri (Jón
Jósson) hafi sömu réttarstöðu í
þjóðfélaginu og héraðsdómari á
borð við Má Pétursson. Leigubif-
reiðastjóri sem yrði dæmdur fyrir
sömu sök og Már Pétursson eftir
áratuga „áfengisvandamál" væri
einfaldlega atvinnulaus fyllibytta -
hans biði örugglega ekki skrif-
stofustarf á sömu stöð og hann
var á áður.
Það er heldur enginn barnaleik-
ur fyrir venjulegt og eðlilega inn-
rætt fólk að lenda í klónum á rétt-
vísinni eða öðrum háttsettum
embættismönnum hins opinbera,
en eins og fréttir bera með sér,
sér kerfið um sig og sína. Það er
ég tók sérstaklega eftir í gegnum
þetta mál mitt var sérstaklega
fullyrðingasamt, ógeðfellt og
meiðandi orðalag saksóknara og
svo fulltrúa hans í málflutningi
sínum, þar sem engin sök var
sönnuð og allir teljast saklausir
meðan svo er. Það er eins og þess-
ir embættismenn kunni enga
mannasiði í samskiptum sínum við
meintan sakborning.
„Áfengisvandamál“ virðist vera
vaxandi hjá háttsettum embættis-
mönnum. Skyldu vera „áfengis-
vandamál“ hjá fleirum en héraðs-
dómi Reykjaness? Svari hver fyrir
sig. Og þó að Már Pétursson velji
ekki „Island, já takk“ þá óska ég
honum alls hins besta í baráttunni
við Bakkus, hans erkifjanda, en
sem Már hélt einu sinni, eins og
svo margir aðrir að væri vinur sinn.
Skora ég svo á aðra að láta álit
sitt í ljós, hvort sem þeir eru mér
sammála eður ei.
MAGNÚSJÓHANNSSON,
leigubifreiðastjóri,
Miðgarði 7, Keflavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.