Morgunblaðið - 28.10.1997, Side 16

16 ÞRIÐJUDAGUR 28. OKTÓBER 1997
AKUREYRI
MORGUNBLAÐIÐ
Söngur, myndir
og ljóðalestur á
frönskum dögum
Morgunblaðið/Kristján
Góð aðsókn að sýningu LA
GILFÉLAGIÐ í samvinnu við
Franska sendiráðið og Alliance
Francaise efnir til franskra
daga á Akureyri en þeir hefj-
ast í dag, þriðjudaginn 28.
október, og standa yfir til laug-
ardagsins 1. nóvember næst-
komandi.
Dagarnir hefjast með heim-
sókn frá kaffihúsum Parísar,
en söngkonan Machon ásamt
píanóleikaranum Corinne flyt-
ur frönsk alþýðulög í Deigl-
unni í kvöld, þriðjudagskvöldið
28. október kl. 21. Machon
hefur vakið athygli fyrir
nýstárlega túlkun, fulla af
glensi og gamni en er í öllu trú
hinni einu sönnu frönsku kaffi-
húsaleikhúshefð. Ekki er nauð-
synlegt að skilja frönsku til að
njóta flutningsins því túlkun
Machon á sér engin landa-
mæri. Textarnir fjalla um mat
og franska matarlyst, en
áheyrendur fá í hendur laus-
lega þýðingu á innihaldi
þeirra. Aðgangur að tónleik-
unum er ókeypis. Tilboð verða
á frönsku Iéttvíni hjá Café
Karólínu.
Þijár franskar
kvikmyndir
Sýningar verða á vegum
Kvikmyndaklúbbs Akureyrar
á miðvikudag og fimmtudag í
Borgarbíói kl. 18.30 en sýndar
verða frönsku myndirnar Átt-
undi dagurinn, Háðung og
Indíáni í stórborginni sem allar
hafa notið vinsælda og hlotið
fjölda viðurkenninga. Aðgang-
ur að sýningunum er ókeypis.
Samkoma með yfirskriftinni
„Frönsk lög og ljóð“ verður í
Deiglunni næstkomandi föstu-
dagskvöld, 31. október kl. 21.
Kennarar og nemendur Tón-
listarskólans á Akureyri
syngja og leika frönsk lög og
nemendur í frönsku og ís-
lensku í Menntaskólanum á
Akureyri lesa frönsk ljóð.
Sögumaður fléttar atriðin sam-
an. Aðgangur er ókeypis.
Björn Steinar Sólbergsson
leikur frönsk orgelverk á há-
degistónleikum í Akureyrar-
kirkju kl. 12 næstkomandi
laugardag.
Alla dagana verður sýning á
veggspjöldum frá Frakklandi
í Deiglunni, Amtsbókasafnið á
Akureyri kynnir franskar
bækur, myndbönd og bækur
tengdar Frakklandi sem til eru
í eigu safnsins og veitingastað-
irnir Fiðlarinn, Café Kverið og
Café Karólína verða með
franskan mat og vín á boðstól-
um af þessu tilefni.
Vélsleða-
menn funda
AÐALFUNDUR Félags vél-
sleðamanna í Eyjafirði verður
haldinn í Blómaskálanum Vín
í Eyjafjarðarsveit næstkom-
andi fimmtudagkvöld, 30.
október og hefst hann kl.
20.30. Auk venjulegra aðal-
fundarstarfa kemur fulltrúi
bæjaryfirvalda á Akureyri á
fundinn og úrskýrir reglur um
akstur vélsleða í Hlíðarfjalli.
Þá verða kynningar á vegum
vélsleðaumboðanna.
MJÖG góð aðsókn hefur verið
að sýningu Leikfélags Akur-
eyrar á Ieikriti Jökuls Jakobs-
sonar, Hart í bak, sem sýnt er
á Renniverkstæðinu við
Strandgötu, enda hefur upp-
færsla LA fengið mjög góða
dóma.
Þeir Manfred Lemke og
Hallmundur Kristinsson starfs-
menn LA voru að koma aftur-
endanum á litlum báti fyrir á
horninu við Renniverkstæðið
er ljósmyndari Morgunblaðsins
var þar á ferð. Tilgangurinn
er að minna á sýningu félags-
ins. Þessi afturendi er hluti af
báti sem notaður er í leikmynd-
ina og hefur hann fengið nafn-
ið Hart í bak LA 252 en þetta
er 252. verkefni Leikfélags
Akureyrar frá upphafi.
Skoðanakönnun í þremur sveitarfélögnm við Eyjafjörð
Töluverður áhugi fyrir
enn frekari sameiningu
Þau sem voru fylgjandi sameiningu:
1. Tel að hér sé að verða til æskilega stórt sveitarfélag.
17,3% (101)
2. Tel sameiningu vera áfanga í að sameina allan Eyjafjörð I eitt sveitarfélag.
30,2% (176)
3. Tel þessa sameiningu lið í að sameina sveitarfélög við utanverðan
Eyjafjörð, Ólafsfjörður og Hrísey bætist í hópinn síðar.
8,9% (52)
Þau sem voru á móti sameiningu;
1. Tel að þéttbýli og dreifbýli eigi ekki samleið í einu sveitarfélagi.
6,4% (37)
2. Hefði viljað sameina fleiri sveitarfélög í þessari lotu.
ý. - §| 6,4% (37)
3. Tel þetta tefja fyrir eða hindra sameiningu allra sveitarfélaga við Eyjafjörð.
HHH| 6,4% (37)
Fundur um
áhættu-
stjórnun og
gjaldeyris-
markaðinn
LANDSBANKI íslands á Norður-
landi, Landsbréf hf. á Norðurlandi
í samvinnu við félag viðskipta- og
hagfræðinga á Norðurlandi efna til
hádegisverðarfundar á veitinga-
staðnum Fiðlaranum, Skipagötu 14
á Akureyri á morgun, miðvikudag-
inn, 29. október kl. 12.15.
Efni fundarins er tengt þeirri
umfjöllun sem undanfarið hefur átt
sér stað vegna áhrifa gengisbreyt-
inga á rekstur og efnahag fyrir-
tækja. Fjármálastjóm fyrirtækja hef-
ur í auknum mæli tekið mið af þess-
um þáttum. Sífellt fleiri fyrirtæki leit-
ast við að takmarka áhættu vegna
gengisbreytinga með því að beita
verkfærum sem þekkt eru erlendis
en hafa verið að ryðja sér til rúms
hjá innlendum fjármálastofnunum.
Framsögumenn verða Sverrir
Sverrisson og Yngvi Harðarson,
hagfræðingar hjá Ráðgjöf og efna-
hagsspám ehf. í Reykjavík. Sverrir
og Yngvi munu m.a. fjalla um sveifl-
ur á gjaldeyrismarkaði, myntkröfur
og sveiflur, stefnumótun við áhættu-
stjórnun, aðferðafræði og fjármála-
tæki, framkvæmd áhættustjórnunar
og áhrif gengisbreytinga á rekstr-
amiðurstöðu.
Fundurinn er öllum opinn en þátt-
tökugjald er 1.200 krónur og er
matur innifalinn.
UM 40% þeirra sem samþykktu
sameiningu þriggja sveitarfélaga
við Eyjafjörð, Dalvíkur, Svarfaðar-
dalshrepps og Árskógshrepps, sjá
fyrir sér enn frekari sameiningu í
einhverri mynd við fjörðinn.
Tæplega 13% þeirra sem voru á
móti sameiningu hefðu viljað sam-
eina fleiri sveitarfélög í þessari
lotu, eða töldu kosninguna tefja
fyrir eða hindra sameiningu allra
sveitarfélaga við Eyjafjörð.
Þátttakendur í sjálfri atkvæða-
greiðslunni voru alls 846 en í skoð-
anakönnuninni alls 582. Á Dalvík
var þátttaka í skoðanakönnuninni
61% en 87% á Árskógsströnd og
í Svarfaðardal.
Mest fylgi á Árskógsströnd við
stærri sameiningu
Mesta fylgi við enn stærri sam-
einingu er í Árskógshreppi. Svarf-
dælingar virðast hvað sáttastir við
stærð sveitarfélags sem samþykkt
var 18. október sl. ef marka má
niðurstöðu skoðanakönnunarinnar.
Áberandi munur er á viðhorfi kjós-
enda til frekari sameiningar í
sveitahreppunum tveimur, Ár-
skógshreppi og Svarfaðardals-
hreppi.
Á seðli sem kjósendur fengu í
hendur voru eftirtaldir möguleikar
og átti aðeins að merkja við eitt
svar. Ef þú ert fylgjandi samein-
ingu: 1. Tel að hér sé að verða til
æskilega stórt sveitarfélag. 2. Tel
sameiningu vera áfanga í að sam-
eina allan Eyjaíjörð í eitt sveitarfé-
lag. 3. Tel þessa sameiningu lið í
að sameina sveitarfélög við utan-
verðan Eyjaíjörð. Vil að Sigluijörð-
ur, Ólafsfjörður og Hrísey bætist
í hópinn síðar.
Ef þú ert á móti sameiningu:
1. Tel að þéttbýli og dreifbýli eigi
ekki samleið í einu sveitarfélagi.
2. Hefði viljað sameina fleiri sveit-
arfélög í þessari lotu. 3. Tel þetta
tefja fyrir/hindra sameiningu allra
sveitarfélaga við Eyjafjörð.
Reiðhjól-
um stolið
TÖLUVERT hefur verið um
reiðhjólaþjófnað síðustu daga,
en alls var tilkynnt um þjófn-
að á 15 reiðhjólum í síðustu
viku. Hin góða tíð að undan-
förnu gerir það að verkum að
reiðhjólatíminn hefur lengst
til muna og þá einnig að sama
skapi sú árátta ýmissa að
nýta sér annarra manna hjól
til að komast leiðar sinnar.
Lögreglan á Akureyri vill því
minna reiðhjólaeigendur á að
ganga tryggilega frá hjólum
sínum þegar skilið er við þau.
Þeir þurfa einnig að hafa í
huga að vera með gott ljós
og glitmerki eftir að skyggja
tekur því nú fer í hönd hættu-
legur tími fyrir hjólreiða-
menn, skammdegið.
Ferfætling-
ar áttu fót-
um fjör að
launa
FERFÆTLINGAR virðast
hafa átt fótum fjör að launa
í vikunni en þó ekki dugað til
í öllum tilfellum því ekið var
á hest, hund og kött með þeim
afleiðingum að hundurinn og
kötturinn týndu lífi. Ekki er
vitað um afdrif hrossins sem
hvarf út í myrkrið, en tölu-
vert tjón varð á bifreiðinni.
Bendir lögregla á að á þess-
um árstíma sé þörf sérstakrar
aðgátar vegna búfénaðar við
þjóðvegi og íbúum þéttbýlis-
ins er bent á þá skyldu sína
að hafa gæludýr sín í örugg-
um höndum innan veggja
heimilisins eða tryggilega
bundin, en ekki á vergangi
úti í bæ.
Handrukk-
ari á ferð
LÖGREGLU var tilkynnt um
drukkinn mann sem slegið
hafði húsráðanda í andlitið á
mánudag. Hafði þeim sinnast
út af fjármálum og sá drukkni
tekið það til bragðs að slá
húsráðanda í andlitið er hann
taldi sig ekki fá skuld sína
greidda. Slíkar aðferðir kall-
ast gjarnan handrukkun, en
laganna verðir telja betra að
vera allsgáður við þau störf
sem önnur, enda var lögregla
kölluð til og fjarlægði hún
rukkarann.
Okeypis
póstkort
AKUREYRINGUM gefst nú
kostur á að nálgast ókeypis
auglýsingapóstkort frá Nóttu
og degi, en um 20 póstkorta-
hillur hafa verið settar upp
víðs vegar um bæinn. Þessi
kort er hægt að nálgast í
Háskólanum á Akureyri,
Menntaskólanum á Akureyri,
Kaffi Akureyri, Pizza 67,
verlunarmiðstöðinni Amaro,
Kaffi Kverinu, Hótel KEA,
félagsmiðstöðinni Dynheim-
um, Ráðhúskaffi og Akur-
eyrarflugvelli svo eitthvað sé
nefnt.
Fyrirtækið Nótt og dagur
skiptir út póstkortum með
þriggja vikna milli bili og eru
9 póstkort í umferð hveiju
sinni, en hverri tegund er
dreift í um 15 þúsund eintök-
um.