Morgunblaðið - 09.01.1998, Blaðsíða 16

16 FÖSTUDAGUR 9. JANÚAR 1998
MORGUNBLAÐIÐ
LANDIÐ
Reisa á minnismerki við gamla vitann á Breiðinni
Minnast mannskæðasta
sjóslyssins við Akranes
Akranesi - Stjórn og styrktarnefnd
Kiwanisklúbbsins Þyrils á Akranesi
vinnur nú að undirbúningi að gerð
minnismerkis um „Hafmeyjarslys-
ið“ árið 1905, en í því slysi fórust ell-
efu ungir Akurnesingar uppi í land-
steinum við Akranes. Hugmyndin
er að minnismerkið verði staðsett
við gamla vitann á Breiðinni. Bjarni
Þór Bjarnason bæjarlistamaður
hefur tekið að sér gerð minnismerk-
isins ef af verður.
Sexmannafarið fórst
uppi í landsteinum
Upphaf þessa máls má rekja til
fundar hjá klúbbnum þar sem slysið
bar á góma, en það mun vera það
mannskæðasta í sögu Akraness.
Með slíku minnismerki yrði minn-
ingu hinna ungu Akurnesinga sem
fórust við upphaf aldarinnar haldið
á loft auk þess sem þama risi sýni-
legt tákn ræktarsemi og virðingar.
„Hafmeyjarslysið" varð laugar-
Ellefu ungir Akur-
nesingar fórust
í „Iiafmeyjarslys-
inu“ árið 1905
daginn 14. september 1905 en þá
var sexmannafarið Hafmeyjan á
leið frá Reykjavík til Akraness með
ellefu unga Akumesinga innan-
borðs, fólk á aldrinum 20-30 ára.
Þarna fórust fimm systkin, börn
Helga bónda Guðmundssonar á
Kringlu, ennfremur þrír bræður,
synir Bjöms bónda Jóhannssonar í
Innsta-Vogi sem vom á heimleið
eftir sumarvertíð á Kútter Sigur-
fara sem nú er við Byggðasafnið í
Görðum. Hvemig þetta hörmulega
slys bar að vita menn ekki en ætla
má að ofhleðsla hafi átt hlut að máli.
Báturinn var kominn mjög nærri
landi á Akranesi er hann fórst svo
vaða mátti út á skerið sem hann
rakst á. Tvö lík fundust fljótt en
önnur ekki.
Önnuðust endurgerð gamla
vitans á Breiðinni
Klúbbfélagar í Þyrli sáu um og
önnuðust endurgerð gamla vitans á
Breiðinni í tilefni af 50 ára kaup-
staðarafmæli Akraness 1992 og
vilja nú minnast þessa slyss með
viðeigandi hætti. Ekki síður fylgir
þessari hugmynd að bæta aðgengi
að vitanum og næsta umhverfi hans
og auka þannig veg gamla vitans.
Klúbbfélagar hafa bent á að ýmis-
legt komi til álita í þeim efnum, m.a.
að gera göngubrú frá landi yfir á
klappirnar og koma þar fyrir æski-
legum leiðbeiningum og upplýsing-
um fyrir almenning og ferðafólk um
sögu vitanna beggja, örnefni, nátt-
úrufar og útsýni, sem er afar sér-
stætt frá þessum stað.
Morgunblaðið/Jón Gunnlaugsson
HUGMYND listamannsins að minnismerki um Hafmeyjarslysið.
Þrettándagleði í
V estmannaeyj um
Vestmannaeyjum -
Þrettándagleði ÍBV í
Eyjum tókst vel þrátt
fyrir að veðurguðirn-
ir blésu hressilega
þegar hátíðarhöldin
fóru fram. Þrettánda-
gleðin var með hefð-
bundnum hætti og
hófst með flugelda-
sýningu af Hánni
þaðan sem jólasvein-
ar gengu síðan með
blys sín niður af fjall-
inu og eftir götum
bæjarins að íþrótta-
vellinum. Fjölmenni
beið jólasveinanna
við fjallsræturnar og
þar bættust Grýla,
Leppalúði, tröll og
forynjur í hópinn og
enn fjölgaði furðu-
verum þegar á
íþróttavöllinn kom. Á
íþróttavellinum dönsuðu álfar og
púkar ásamt jólasveinum og öðru
hyski kringum brennu sem kveikt
var þar.
Morgunblaðið/Sigurgeir Jónasson
SJÁ mátti mörg tröll og
aðrar furðuverur á
íþróttavellinum í Eyjum
meðan þrettándagleðin
fór þar fram.
Frá íþróttavellin-
um var síðan geng-
ið gegnum bæinn
þar til jólasveinar
slökktu í blysum
sínum og þeir
ásamt frændfólki
sínu kvöddu Eyja-
menn og héldu til
fjalla á ný þar sem
hyskið mun dvelja
til næstu jóla.
ÍB V -íþróttafélag
stóð fyrir hátíða-
höldunum nú og er
það í annað sinn
sem félagið gerir
það en félagið tók
við hátíðahöldunum
af Knattspyrnufé-
laginu Tý er það
sameinaðist
Iþróttafélaginu Þór
undir merki IBV.
Týrarar hófu þrett-
ándagleði sína árið 1948 og var
þrettándagleðin í Eyjum nú því sú
fimmtugasta sem haldin hefur ver-
ið.
Morgunblaðið/Ingimundur
HJÓNIN Jón Haraldsson og Þóra Björgvinsdóttir í nýrri skrifstofu
Sjóvár-AImennra í Borgarnesi.
Sjóvá-Almennar á nýj-
um stað í Borgarnesi
Borgamesi - Föstudaginn 2. janúar
opnaði tryggingafélagið Sjóvá-Al-
mennar skrifstofu á nýjum stað í
Borgamesi, á Borgarbraut 61. Um-
boðsmaður fyrirtækisins er Jón Har-
aldsson. Á sama stað er eiginkona
Jóns, Þóra Björgvinsdóttir, með
skrifstofu íyrir Urval-Útsýn. Þau
hjón hafa verið umboðsmenn þess-
ara fyrirtækja í 20 ár.
Skrifstofumar eru í 70 fermetra
húsnæði og á veggjunum eru myndir
eftir Einar Ingimundarson, málara
úr Borgamesi, en hann lést í desem-
ber á síðasta ári. Aðspurður sagði
Jón að nokkra fyrir andlát sitt hefði
Einar stungið upp á því að vera með
sýningu þegar skrifstofurnar yrðu
opnaðar. Myndirnar era úr héraðinu
og eru allar til sölu.
Þóra sagði að þau yrðu með „opið
hús“ föstudaginn 9. janúar og væra
þá allir velkomnir.
Mikið fjölmenni var á grímuballi Eyverja í Eyjum
Morgunblaðið/Sigurgeir Jónasson
HLAÐIÐ veisluborð var einn fjölmargra búninga.
Vestmannaeyjum - Grímuball
fyrir börn var haldið í Eyjum á
þrettándanum eins og venjulega.
Eyverjar, félag ungra
sjálfstæðismanna í Eyjum, stóð
fyrir ballinu en félagið hefur
staðið fyrir slíku balli á
þrettándanum í áratugi. Fjöldi
barna mætti á grímuballið og
voru búningar margir og
Qölbreyttir. Mátti sjá litlar mýs,
Gangbraut
arljós
búningur
ársins
hlaðin veisluborð, fuglahræður,
hana og litlar Spice girls, svo
eitthvað sé nefnt, en fjölmargir
búningar hlutu viðurkenningar.
Grímubúningur ársins að
þessu sinni var gangbrautarljós
og fékk hann að launum
farandbikar sem sæmdarheitinu
fylgir ásamt fleiri verðlaunum. I
öðru sæti varð dís á töfrateppi
og í þriðja sæti varð fsskápur.
ÞAU lentu í þremur efstu sætunum. ísskápur, dfs á töfrateppi og gangbrautarljós.