Morgunblaðið - 22.01.1998, Blaðsíða 6

6 FIMMTUDAGUR 22. JANÚAR 1998
FRÉTTIR
MORGUNBLAÐIÐ
Upp í sex
vikna bið eftir
segulómun
BIÐLISTI eftir segulómun hjá
Læknisfræðilegri myndgrein-
ingu hf. er sex vikur og nokk-
urra vikna bið er eftir slíkri
rannsókn á Landspítala Islands.
Aðeins tvö segulómunartæki
eru í landinu. Kostnaður við
kaup og uppsetningu á slíkum
tækjum er yfir 100 milljónir kr.
Pau eru þó aðeins í rekstri á
dagvinnutíma.
Þorkell Bjarnason, læknir hjá
Læknisfræðilegri myndgrein-
ingu, sagði að fjögur segulómun-
artæki þyrftu að vera í landinu
til að anna þörfinni. Hann segir
að tækið sé yfirleitt aðeins notað
tU kl. 17 á daginn og suma daga
til kl. 18 en lengur ef bráðatilfelli
koma upp.
Sjá ekki annað en kostnað við
að lækna sjúklinga
Þorkell segir að spamaður hjá
heilbrigðisráðuneytinu og
Tryggingastofnun felist einatt í
því að framkvæma ekki hlutina.
„Þessar stofnanir sjá aldrei ann-
að en kostnað við það að lækna
sjúklinga en ekki það að menn
eru rúmliggjandi og óvinnufærir.
Það er líklega þjóðhagslega hag-
kvæmasta aðgerð sem tU er að
gera sjúklinga að skattborgurum
á ný,“ sagði Þorkell.
„Mér finnst kominn tími til að
breyta þessum hugsunarhætti.
Aðalvandamálið er að það þaif
að aðskUja kaupanda og seljanda
þjónustunnar. Þetta er ríkið í
báðum tilfellum og sjúklingur-
inn ræður engu.“
Hann segir að svipað ástand
sé í Svíþjóð, þar séu langir
biðlistar eftir þjónustu af þessu
tagi en í Bandaríkjunum þekkist
það ekki. Þorkell segir að það sé
einfalt reikningsdæmi að það sé
þjóðhagslega hagkvæmt að flýta
fyrir rannsóknum af þessu tagi.
Segulómun hjá Læknisfræði-
legri myndgi-einingu kostar 21
þúsund krónur. Af því greiðir
sjúklingurinn 1 þúsund kr. en
Tryggingastofnun afganginn.
Tiýggingastofnun fær síðan af-
slátt frá fyrirtækinu og ræðst
hann af magni rannsókna.
Upp í þriggja mánaða bið
í nágrannalöndum
Olafur Kjartansson, læknir á
Landspítalanum, segir að
biðlisti eftir segulómun sé nú
allt upp í þrjár vikur. Biðlistinn
hefur lengst mjög á síðustu dög-
um. Olafur segir að beiðnir um
slíkar rannsóknir virðist koma í
talsverðum bylgjum. „Þetta er
ekki langur biðlisti á venjulegan
mælikvarða. I Noregi, Dan-
mörku og Svíþjóð eru þeir allt
upp í tvo til þrjá mánuði,“ segir
Ólafur.
Á Landspítalanum er segul-
ómtækið í notkun í dagvinnu-
tíma nema þegar biðlistar lengj-
ast. Þá er reynt að bæta við
sjúklingum og tækið oft í notkun
til kl, 19-20 á kvöldin.
Minnast
upphafs
eldgossins
í Eyjum
VESTMANNEYINGAR minnast
þess á morgun að þá eru tuttugu
og fimm ár liðin frá því að eldgos
hófst í útjaðri bæjarins árið 1973.
Guðjón Hjörleifsson bæjar-
stjóri í Vestmannaeyjum segir að
upphafs gossins verði minnst
með varfærni enda muni líklega
verða meiri fögnuður í Eyja-
mönnum í sumar þegar gos-
lokanna verði minnst með hátíða-
höldum. Þetta séu viðkvæm tíma-
mót. Margir hafi farið illa út úr
gosinu og ekki séu öll sár gróin.
Guðjón segir þó Ijóst að lánið
hafi verið með mönnum þessa
nótt, veður hafi verið gott og
flotinn í höfn og allir hafi því
sloppið heilir í land. Honum sé
þakklæti efst í huga er hann
hugsi til baka til þessara at-
burða. Einnig sé hann íslending-
um þakklátur fyrir vinarþel og
þær stórkostlegu móttökur sem
Vestmanneyingar fengu á fasta-
landinu.
Hann segir hins vegar enga
launung á því að það hafi verið
þörf á ofboðslegri uppbyggingu
að gosinu loknu og hún hafi e.t.v.
kostað bæinn meira en nauðsyn
var á. Hann sé hins vegar bjart-
sýnn á framtíðina og telji Vest-
manneyinga geta verið það mið-
að við þá eldskírn sem á undan
sé gengin.
Margvísleg dagskrá um helgina
Bæjarstjórn Vestmannaeyja og
nokkur félagasamtök í bænum
MbiySigurgeir
minnast þessara atburða með
margyíslegri dagskrá um helg-
ina. Á föstudagskvöld verður far-
in blysför frá þremur stöðum í
bænum að bryggjusvæði Herjólfs
þar sem haldin verður stutt at-
höfn á þilfari skipsins. Á laugar-
dag verður haldið golfmót í um-
sjón Golfklúbbsins og hraðskák-
mót á vegum Taflfélagsins auk
þess sem nýtt hafnsögu- og
björgunarskip verður afhent við
hátíðlega athöfn. Á sunnudag
verður messa í Landakirkju
helguð þessum atburði og að
henni lokinni sýndar litskyggnur
frá gosinu. Síðar um daginn
verður haldinn almennur fundur
um stöðu Vestmannaeyja í nútíð
og þátíð.
Morgunblaðið/Árni Sæberg
HAUKUR Gronli (t.v.), Matthías Sigurðsson, Atli Þór Þorgeirsson, Styrmir Steingrírnsson og Hörður Sig-
urðsson ætla að klífa hlíðar Mount Mckinley í Alaska í byijun maí.
Ætla að
klífa
hæsta fjall
Norður-
Ameríku
FIMM ísiendingar ætla að reyna
að klífa fjallið Mount Mckinley í
Alaska, sem er hæsta íjall N-Am-
eríku. Ferðin verður farin í byrj-
un maí og er áætlað að hún taki
fimm vikur.
Mount Mckinley, sem er 6.194
m á hæð, er hluti af Denali þjóð-
garðinum og var fyrst klifið árið
1913. Það er jafnan napurt í hlíð-
um þess en frostið getur farið
niður í 40 gráður. Búast má við
um 30 gráðu frosti þegar fimm-
menningarnir leggja af stað upp
hlfðar fjallsins í byrjun mat.
Þeir Styrmir Steingrímsson,
Atli Þór Þorgeirsson, Haukur
Gronli, Matthras Sigurðsson og
Hörður Sigurðsson starfa í
Hjálparsveit skáta í Kópavogi og
Björgunarsveit Ingólfs og ætla
að feta í fótspor átta íslendinga
sem hafa komist á tind fjallsins á
síðustu 19 árum. Sex þeirra sem
hafa komist á tindinn eru frá
Hjálparsveitinni r' Kópavogi.
Fjallið hefur því verið kallað
„Kópavogshælið" af félögum
sveitarinnar. Nokkrir Islending-
ar til viðbótar hafa reynt að
klífa það en ekki tekist ætlunar-
verk sitt. Gönguleiðir upp fjallið
eru erfiðar og talsvert um snjó-
flóð.
Styrmir Steingrímsson er tví-
tugur að aldri og yngstur fimm-
menninganna. Hann vonast til að
vera yngsti Islendingurinn til að
klífa Mount Mckinley. Þrátt fyrir
ungan aldur er Styrmir bjart-
sýnn á ferðina en segir að hún
eigi eftir að verða erfið. „Við er-
um vongóðir um að komast á
leiðarenda enda höfum við stund-
að íjallamennsku og klif af mikl-
um krafti með hjálparsveitum
síðustu ár. Þá höfum við klifið
fjallabálkinn Mont Blanc sem er
á landamærum Ítalíu og Frakk-
lands. Hann er um 50 km langur
og með marga tinda yfir 4.000 m.
Við fórum á hæsta tindinn sem er
í 4.807 mhæð.“
Styrmir segir það hafa verið
ólýsanlega tilfinningu að komast
á tind Mont Blanc og ferðalagið
hafi verið þeim félögum hvatning
að reyna við annað og stærra
fjall. „Svona ferðir eru krefjandi
bæði líkamlega og andlega enda
ríður á að hópurinn standi sam-
an.“
Everest-fararnir brutu ísinn
Þeir félagar eru sammála um
að för Hallgríms Magnússonar,
Einars K. Stefánssonar og Björns
Ólafssonar á tind Everest, fynr
tæpu ári, hafi aukið áhuga Is-
lendinga á fjallamennsku og æv-
intýraferðum.
„Islendingar hafa farið ijöl-
marga erfiða leiðangra um heim-
inn á liðnum árum og það er ekki
fyrr en nú sem þeir vekja veru-
legan áhuga fólks hér heima. Þá
eru fleiri farnir að stunda fjaila-
mennsku en áður og áhugasviðin
eru margvísleg. Sumir eru í
klettaklifri, aðrir leggja rækt við
ísklifur og enn aðrir fara ævin-
týraferðir á gönguskíðum," segir
Haukur Gronli.
Fimmmenningarnir búast við
að ferðalagið kosti um 400 þús-
und krónur á mann en mikið fé
fer í kaup á búnaði. Þeir segja að
ekki sé hægt að spara kaup á bún-
aði enda megi ekkert út af bera í
bröttum og köldum hlíðum Mount
Mckinley. Þeir áætla að ferðalag-
ið upp fjallið taki innan við 30
daga en það fari eftir veðri.
Þotunni
seinkar um
sólarhring
VIÐVÖRUN um bilun kom
fram í hinni nýju þotu Flugleiða
þegar hún var að aka í flugtaks-
stöðu á flugvellinum við Seattle
í Bandaríkjunum í fýrrakvöld.
Átti hún að lenda á Keflavíkur-
flugvelli í gærmorgun en henn-
ar er von kl. 11 í dag.
Ákveðið var strax í fyrra-
kvöld að seinka móttökuathöfn,
sem vera átti í viðhaldsstöð
Flugleiða á Keflavíkurflugvelli
í gærmorgun, um sólarhring
þar sem ekki var vitað hversu
langan tíma tæki að rannsaka
bilunina, en hún reyndist smá-
vægileg.
fslendingurinn á
Antillaeyjum
Dómur í byrj-
un febrúar
DÓMS er að vænta í byrjun
febrúar yfir íslendingnum sem
hnepptur var í varðhald á
Antillaeyjum í lok nóvember.
Var hann tekinn með kókaín
þegar hann var á leið úr land-
inu til Hollands.
Sveinn Andri Sveinsson lög-
maður, sem fylgst hefur með
málinu héðan fyrir hönd ætt-
ingja, segir að rannsókn og
málflutningi sé lokið og að
hann hafi fengið þær upplýs-
ingar að dóms megi vænta í
byrjun næsta mánaðar.
Búast má við að íslendingur-
inn fái að afplána dóm sinn hér-
lendis.
Skiptum í búi
Þjóðviljans hf.
lokið
LOKIÐ er skiptum í þrotabúi
Þjóðviljans hf. sem tekið var til
gjaldþrotaskipta árið 1994. Að
sögn Harðar F. Harðarsonar
lögmanns greiddist lítið upp í
heildarkröfur.
Gestur Jónsson hrl. var
skiptastjóri en Hörður Felix
Harðarson, sem vann með hon-
um að skiptunum, sagði að
skiptum hefði upphaflega yerið
nánast lokið árið 1996. í lok
þess árs hafi hins vegar komið
fram eignir og var málið þá
tekið upp að nýju og eignunum
komið í verð og úthlutað.
Hörður sagði að engar for-
gangskröfur hefðu verið gerðar
í búið og lítið fengist greitt upp
í heildarkröfur.
Átta sækja um
EITT embætti héraðsdómara
við Héraðsdóm Suðm-lands hef-
ur verið auglýst til umsóknar og
voru umsækjendur átta. Um-
sóknarfrestur rann út 20. þ.m.
Þeir sem sóttu um eru: As-
geir Magnússon hæstaréttar-
lögmaður, Guðmundur Krist-
jánsson hæstaréttarlögmaður,
Hjalti Steinþórsson hæstarétt-
arlögmaður, Jónas Jóhannsson
héraðsdómari, Jón Finnbjörns-
son, settur héraðsdómari við
Héraðsdóm Reykjaness, Ragn-
heiður Bragadóttir, aðstoðar-
maður hæstaréttardómara,
Ragnheiður Thorlacius, fulltrúi
sýslumannsins á Selfossi, og
Þorgerður Erlendsdóttir, sett-
ur héraðsdómari við Héraðs-
dóm Suðurlands.