Morgunblaðið - 04.03.1998, Blaðsíða 16

16 MIÐVIKUDAGUR 4. MARZ 1998
VIÐSKIPTI
MORGUNBLAÐIÐ
Eignarhaldsfélagið Alþýðubankinn með 28,4% ávöxtun eigin fjár á síðasta ári
Heildarhagnaður
430 milljónir kr.
Eignarhaldsfélagið Alþýðubankinn hf.
Rekstrarreikningur Miiijónir króna 1997 1996 Breyling \
Fjármunatekjur 347,0 176,9 +96,2%
Fjármaansaiöld 65,0 63,6 +2.2%
Hreinar fjármunatekjur 282,0 113,3 +148,9%
Rekstraraiöld 22.5 10.1 +122.8%
Hagnaöur fyrir skatta 259,5 103,2 +151,5%
Reiknaðir skattar 41,0 5,51 +644,1%
Innleystur hagnaður 218,5 97,7 +123,6%
Breyting á óinnleystum gengishagnaði 355,4 341,6 +4,0%
Brevting á tekjuskattsskuldbindinqu 143,7 95,8 +50.0%
Heildarhagn. til hækkunar á eigin fá 430,2 343,5 +25,2%
Efnahagsreikningur 31. des.: 1997 1996 Breyting
I Eianir: I Milljónir króna
Veltuf jármunir 904,4 680,1 +33,0%
Áhættufjármunir og langtímakröfur 2.363,1 1.677,6 +40,8%
Eignir alls 3.271,3 2,358,0 +38,7%
I Skuidir oa eioið tá: | Milljónir króna
Skammtímaskuldir 80,9 52,9 +52,9%
Langtímaskuldir 951,7 798,8 +19,1%
Eigið fé 2.238,7 1.506,4 +48,6%
Skuldir og eigið fé samtals 3.271,3 2.358,0 +38,7%
HEILDARHAGNAÐUR til hækk-
unar á eigin fé Eignarhaldsfélags-
ins Alþýðubankans hf. nam 430,2
milljónum króna á síðastliðnu ári
samkvæmt rekstrarreikningi. Þessi
heildarhagnaður skiptist í 218,5
milljóna króna innleystan hagnað á
árinu og 211,7 milljóna króna óinn-
leystan hagnað vegna hækkunar á
markaðsvirði hlutabréfaeignar.
Arðsemi eigin fjár var 28,4% á ár-
inu, sem er sama arðsemi og á árinu
1996.
Hreinar fjármunatekjur Eignar-
haldsfélagsins hækkuðu verulega á
árinu og voru 282 milljónir króna í
stað 113,3 milljóna króna árið áður
og nemur aukningin 149%. Þar af
námu hreinar tekjur af skuldabréfa-
eign 89,5 milljónum króna, en voru
22,3 milljónir árið áður, og hreinar
tekjur af hlutabréfaeign 192,5 millj-
ónir króna, en voru 91 milljón króna
árið áður. Rekstrarkostnaður nam
22.5 milljónum króna á árinu í stað
10.5 milljóna króna árið áður.
Dreifð eignasamsetning
Gylfi Arnbjörnsson, fram-
kvæmdastjóri Eignarhaldsfélags-
ins, segir að markvisst sé unnið að
aukinni áhættudreifingu í eigna-
samsetningu þess. Hlutabréfaeign
félagsins í árslok var um 55% af
efnahag, þar af voru skráð félög
39%, óskráð félög 12% og erlend fé-
lög 3%. Skuldabréf og laust fé nema
nú 45% af efnahag.
Gylfi segir að mikil hækkun
hlutabréfa framan af síðasta ári hafi
skilað félaginu góðri ávöxtun og við-
bótartekjum og með velheppnaðri
eignasamsetningu hafi tekist að
halda fenginni stöðu þegar mörg
hlutabréf lækkuðu í verði á síðari
hluta ársins. „Félagið hefur haslað
sér völl sem áhættufjárfestir og hef-
ur meiri áhuga á að fjárfesta í
óskráðum félögum, með góðum
möguleika á frekari vexti. Nokkur
óvissa ríkir á hlutabréfamarkaði en
aliar aðstæður í atvinnulífinu eru
góðar og því er ekki ástæða til ann-
ars en bjartsýni á þessu sviði.“
Rekstrargjöld Eignarhaldsfé-
lagsins rúmlega tvöfölduðust milli
ára og námu 22,5 milljónum króna á
síðastliðnu ári. Gylfi segir að þessa
aukningu megi skýra af nýrri
stefnumörkun félagsins og fjárfest-
ingarstefnu þess. „Félagið fluttist í
sérhúsnæði í ársbyrjun 1997 og ráð-
inn var framkvæmdastjóri í fullt
starf en áður var starfsemi félags-
ins sinnt samkvæmt samningi við
lögfræðistofu. Ráðnir hafa verið
sérfræðingar til félagsins og er það
í samræmi við þá stefnu þess að
veita fyrirtækjum, sem fjárfest er í,
beinan stuðning, t.d. vegna endur-
skipulagningar. Þessar breytingar
hafa þegar skilað sér í bættri af-
komu eins og niðurstaða ársreikn-
ings sýnir,“ segir Gylfi.
Aðalfundur félagsins verður hald-
inn á Grand Hótel Reykjavík
þriðjudaginn 31. mars nk. og hefst
kl. 16:30. Stjórn félagsins leggur til
að greiddur verði 7% arður til hlut-
hafa á árinu 1998.
Sigla frá Murmansk til Rotterdam með viðkomu á Norðurlöndum
Megináherslan á
flutning matvæla
Minni hagnaður
Marels
Völdum að
tilkynna
ekki
FRAMKVÆMDASTJÓRI Marels
hf. segir að stjómendur fyrirtækis-
ins hafi ákveðið að tilkynna ekki
um minni hagnað fyrir síðasta ár
en áætlað var, heldur bíða eftir
birtingu raunverulegra niður-
staðna.
Hlutabréf Marels hf. lækkuðu
sem kunnugt er um 5% í fyrradag í
kjölfar birtingar ársreikninga þar
sem fram kom að hagnaður var
talsvert minni en áætlanir höfðu
gert ráð fyrir. Geir A. Gunnlaugs-
son framkvæmdastjóri tekur undir
það að hagnaður hafi verið minni
en reiknað hafi verið með. „Það er
alltaf matsatriði hvenær á að til-
kynna slíkt. Við völdum að gera
það ekki, frekar að láta raunveru-
legar niðurstöður koma í ljós enda
teljum við þetta þokkalegan hagn-
að,“ segir Geir.
Hagnaður Marels hf. var liðlega
140 milljónir kr. á síðasta ári.
--------------
Endurhverf
verðbréf fyr-
ir 5 milljónir
SEÐLABANKINN fékk tilboð
samtals að fjárhæð 4,7 milljónir á
uppboði á verðbréfum til endur-
hverfra viðskipta.
í samræmi við nýjar reglur um
viðskipti Seðlabanka Islands við
lánastofnanir fór fram uppboð á
verðbréfum til endurhverfra við-
skipta í gær. Lánstíminn, það er sá
tími sem líður þar til bréfin hverfa
til fyrri eigenda á ný, er 14 dagar.
Notuð var fastverðsaðferð, því
Seðlabankinn bauðst til að kaupa
verðbréf á tiltekinni ávöxtunar-
kröfu, 7,2%. Engin fjárhæðarmörk
voru í innsendum tilboðum. Niður-
staðan varð sú, samkvæmt frétt frá
bankanum, að inn komu tilboð sam-
tals að fjárhæð 4,7 milljónir kr.
Næsta uppboð af þessu tagi er fyr-
irhugað að viku liðinni.
SAMSKIP hf. munu í þessari viku
hefja reglubundnar sighngar á milli
Murmansk í Rússlandi, Norður-
Noregs og Rotterdam með við-
komu í Danmörku. Nýtt þjónustu-
fyrirtæki Samskipa í Noregi, Sam-
skip A/S, gegnir lykilhlutverki við
að afla verkefna og sinna þjónustu
á þessari nýju siglingaleið.
Samskip A/S var stofnað í nóv-
ember sl. Aðalstöðvar þess eru í
Þrándheimi (Niðarósi), útibú í
Bodö og fulltrúar fyrirtækisins
hafa aðsetur í Kirkenes og Ála-
sundi.
Þjónusta Samskipa A/S er eink-
um sniðin að þörfum seljenda og
kaupenda matvæla á markaði á
meginlandi Evrópu, í Bandaríkjun-
um og Austurlöndum fjær, að því
er segir í frétt frá Samskipum.
,Áhersla er lögð á flutninga á fryst-
um og kældum matvælum; fiski,
kjöti grænmeti og ávöxtum á milli
markaðssvæða. I einfólduðu máli
má segja að fiskur og fiskafurðir
verði fluttar frá Noregi/Murmansk
til meginlands Evrópu en kjöt,
ávextir og grænmeti til baka.
Einnig verður lögð áhersla á að
bjóða upp á flutninga á venjulegri
þurrvöru. Samskip A/S munu bjóða
viðskiptavinum sínum flutninga frá
framleiðendum í Noregi á áfanga-
stað á meginlandi Evrópu og nýta
þannig öflugt dreifingarkerfi Sam-
skipa í Rotterdam. Viðskiptavinir
Samskipa A/S í Murmansk og Nor-
egi geta sömuleiðis notfært sé
frystigeymsluþjónustu Samskipa í
Rotterdam, þ.e. geymslu og dreif-
ingu á frystum vörum samkvæmt
óskum kaupenda hverju sinni.“
Stór markaður
Halldóra Káradóttir, aðstoðar-
maður forstjóra Samskipa, segir að
fimm starfsmenn vinni nú hjá Sam-
skipum A/S en búast megi við að
þeim fjölgi um tvo áður en langt um
líður. „Frá stofnun fyrirtækisins í
nóvember hefur fyrii’tækið verið að
koma sér fyrir á markaðnum og
afla verkefna. Það hefur m.a. sinnt
flutningum landleiðina milli Noregs
og Evrópu og nú teljum við að
verkefni séu næg til að leigja skip.
Þessi markaður er mjög stór en
samkeppni einnig mikil.“
í fyrstu verður 1.200 tonna
norskt flutningaskip, MV Fjord,
notað í siglingum Samskipa A/S á
20 daga fresti milli Murmansk,
hafna á vesturströnd Noregs og
Rotterdam. Annar skipstjóra þess
er Islendingurinn Jens Jensson
sem búsettur er í Bodö. Skipið er
bæði með frysti- og þurrrými í lest-
um og tekur allt að 20 gáma. Áætl-
unarhafnir skipsins eru Tromsö,
Bodö, Álasund, Björgvin, Stafang-
ur og Esbjerg. Áformað er að bæta
öðru skipi við innan hálfs árs og
bjóða þá sjóflutninga á leiðinni á tíu
daga fresti.
Búnaðarbankinn
Sölu lokið á
óverðtryggð-
um skulda-
bréfum
SÖLU á óverðtryggðum skulda-
bréfum Búnaðarbanka íslands hf.
til 10. október 2003 er lokið. Sölunni
lauk í gær en sala bréfa í þessum
flokki hófst sl. fostudag. I þessari
lotu voru seld bréf að fjárhæð 1
milljarður króna. Búnaðarbankinn
stefnir að því að þessi flokkur verði
alls fimm milljarðar króna að stærð.
Þetta er í fýrsta sinn sem íslensk
fjármálastofnun ræðst í útgáfu
langra óverðtryggðra skuldabréfa
og hafa þau fengið góðar viðtökur
hjá fjárfestum að því er kemur fram
í fréttatilkynningu frá Kaupþingi.
Sótt verður um skráningu fyrir
þennan flokk á Verðbréfaþingi ís-
lands og munu bæði Kaupþing og
Búnaðarbankinn annast viðskipta-
vakt með bréfin.
Þá hefur Kaupþing einnig lokið
sölu á verðtryggðum skuldabréfum
fyrir Búnaðarbankann, alls að fjár-
hæð 750 milljónir króna, en stefnt
er að því að þessi flokkur verði ekki
minni en tveir milljarðar króna.
Sótt verður um skráningu þéssara
skuldabréfa á Verðbréfaþingi Is-
lands og munu Kaupþing og Búnað-
arbankinn annast viðsk-ptavakt
með þau.
---------------
Álver Norðuráls
á Grundartanga
Altech setur
upp tæki í raf-
skautasmiðju
ALTECH ehf., fyrirtæki Jóns
Hjaltalíns Magnússonar, hefur
samið við Norðurál um uppsetningu
tækja í skautasmiðju álversins á
Grundartanga. Samningsupphæð er
um 180 milljónir kr.
Altech ehf. hefur að sögn Jóns
Hjaltalíns sérhæft sig í þróun tækni
fyrir rafskautasmiðjur og unnið að
þannig verkefnum fyrir ISAL í
Straumsvík og álver í Noregi, Bras-
ilíu og Bahrain. Á næstunni verður
auk þess unnið fyrir álver í Suður-
Afríku.
Norðurál bauð út uppsetningu
tækja til að framleiða rafskautin og
að hreinsa skautaleifarnar af göffl-
unum þegar þeir koma til baka úr
kerskálanum. Tvö íslensk fyrirtæki
buðu í verkið og eitt franskt. Samið
var við Altech sem aðalverktaka en
að tilboðinu standa einnig nokkrir
innlendir undii’verktakar.
Jón Hjaltalín segir að vinna við
uppsetningu tækjanna hefjist 16.
mars, þegar gólfið í steypuskálan-
um verður tilbúið, og henni ljúki í
byrjun júní.
Marks &
Spencer fá
bætur
London. Rculers.
BREZKA verzlanakeðjan
Marks & Spencer hefur fengið
skaðabætur og afsökunarbeiðni
frá Granada-sjónvarpinu vegna
heimildarþáttar, þar sem fyrir-
tækið var borið sökum.
Því var haldið fram í þættin-
um að M&S hefði vitað um
barnaþrælkun í verksmiðju í
Mai-okkó, sem fyrirtækið skipt-
ir við, og villt um fyrir við-
skiptavinum með því að selja
þeim föt framleidd í Mai-okkó
merkt „Made in the UK“.
Granada viðurkenndi að ekk-
ert væri hæft í ásökuninni og
samþykkti að greiða 50.000
pund í skaðabætur og 650.000 í
málskostnað.