Morgunblaðið - 15.03.1998, Blaðsíða 35
MORGUNBLAÐIÐ
GÆÐAMÁL eru stór hluti starfsemi Svæðisskrifstofunnar. Hér fara þeir Ævar Kolbeinsson formaður gæða-
ráðs og Þór Þórarinsson yfir þá þætti sem stofnunin fór í gegnum í sjálfsmatsstarfi sínu.
fundarstjórnun, árangursstjórnun
og hvað það þýðir að hafa jákvæða
grundvallarafstöðu í samskiptum,
svo dæmi séu nefnd. „Einnig var
sérstök þjálfun fyrir forstöðu-
menn þar sem þeirra hlutverk er
mikilvægt og því skiptir máli að
þeir séu vel hæfir til starfans,"
segir Þór.
Til þess að auðvelda skjólstæð-
ingum að koma málum sínum
áfram var samhliða ákveðið að einn
starfsmaður, svokallaður þjónustu-
fulltrúi eða tengiliður, tæki að sér
að halda utan um samskiptin innan
stofnunarinnar og aðrar þær stofn-
anir sem sækja þarf til. „Þetta er
grundvallaratriði, því einn skjól-
stæðingur getur þurft að hafa sam-
skipti við allt að 20 stofnanir eða
fulltrúa í sínum málum. Með þess-
ari aðferð geta skjólstæðingamir
treyst því að úr málum þeirra sé
greitt. Draumurinn er að hægt
verði að útfæra aðferðina til ann-
arra, s.s. menntakerfisins, heil-
brigðiskerfisins og fleiri. Við viljum
sjá að allir þeir sem eiga hlut að
máli vinni að sameiginlegri áætlun,
sem myndi eina heild.“
Markmiðasetning einkennir
starfsemina
Ævar Kolbeinsson félagsfræð-
ingur og formaður gæðaráðs skrif-
stofunnar segir, að það sem ein-
kenni starfsemi hennar sé, að skýr
markmið eru sett, hvort sem litið
er til einstakra starfsmanna, ein-
stakra verkefna, þjónustu til
lengri tíma eða stofnunarinnar í
heild. Því næst eru gerðar mark-
vissar áætlanir um hvernig mark-
miðunum skuli náð. „Lýsingar á
því hvernig gera eigi einstaklings-
áætlun fyrir skjólstæðing og verk-
áætlun fyrir starfsstöð, svo sem
sambýli, er að finna í stöðluðum
gæðaskjölum, sem eru virk úti á
öllum starfsstöðvunum. Formið
eða umgjörðin utan um þessi
vinnubrögð er samræmt, þ.e.
hvernig á að útbúa áætlanirnar,"
segir hann.
Hér bætir Þór við, að hver og
ein starfsstöð geri verkáætlun þar
sem markmiðin eru mælanleg.
„Þjónusta starfsstöðvanna er
mjög ólík. Hver um sig hefur sínar
áherslur, sem ráðast af sérstökum
þörfum skjólstæðinganna. Við
leggjum áherslu á að markmiðin
séu í takt við heildarmarkmið
Svæðisskrifstofunnar. Einnig þarf
að vera tenging við ákvæði í lög-
um og reglugerðum, sem okkur er
ætlað að fara eftir. Okkur finnst
ekki síður mikilvægt, að hver
þjónustustaður kynni fyrir öðrum
árangur sinn, því þannig er hægt
að fýlgja málum eftir.“
Tvisvai' á ári skilgreinir starfs-
fólkið á hverjum stað hvaða verk-
l”1
efni það ætlar að takast á við eftir
að hafa fjallað um það á starfs-
mannafundum. Verkáætlunin tek-
ur á öllum þáttum starfseminnar,
s.s. faglegu starfi, viðhaldi, rekstri,
ytri samskiptum auk persónulegra
mai’kmiða hvers og eins starfs-
manns.
Ævar segir að hver verkáætlun
tengist einstaklingsáætlun skjól-
stæðinganna á staðnum, en í þeim
er að finna markmið og leiðir, til
dæmis til að styrkja sjálfsbjargar-
getu þeirra og félagsleg samskipti
eða að aðstoða þá við atvinnuleit.
Þessi áætlanagerð byggist á ítar-
legu mati á þörfum fyrir þjónustu.
„Einstaklingsáætlanir eru eins og
verkáætlanirnar metnar tvisvar á
ári, árangurinn metinn og þær
unnar upp á nýtt. Þannig verður
þetta hluti af virku eftirliti með
þjónustu og gæðum. A sama hátt
fer starfsfólkið reglulega yfir
hvern einstakan þátt í allri þeirri
starfsemi sem fellur undir Svæðis-
skrifstofuna, hvort sem er á vemd-
uðum vinnustöðum, í sambýlum,
þjónustuíbúðum eða á skrifstofu.
Síðan er leitað leiða til að bæta það
sem betur má fara.“
Lærdómsfyrirtæki
Þór og Ævar segja Svæðisskrif-
stofuna vera lærdómsfyrirtæki.
„Fólk sem kemur hingað í vinnu er
að læra á sama tíma og það veitir
þjónustu. A þessari hreyfingu og
nýsköpun byggist starfsemi okkar
meðal annars, því í lærdómsfyrir-
tækjum er alltaf verið að umskapa
hlutina og keppast við að
betrumbæta starfsemina,“ segir
Ævar.
Undir þetta tekur Þór og segir
að styrkur fyrirtækisins hafi í
gegnum tíðina verið sá, að starfs-
menn hafi verið galopnir fyrir hug-
myndum. Hann kveðst einnig hafa
sóst mjög eftir að kynna sér ný-
stárlegar hugmyndir hvar sem þær
hefur verið að finna. Einnig hefur
starfsfólk kynnt sér vinnubrögð
bæði hjá einkastofnunum og opin-
berum stofnunum á hinum Norður-
löndunum, í Bretlandi, Japan og
Bandaríkjunum. Spurður hvort of
margar hugmyndir geti ekki einnig
verið fjötur um fót samsinnir hann
því. „Þetta hefur svolítið einkennt
mig, en samstarfsfólk mitt er mjög
gott, það kippir mér niður á jörð-
ina. Þannig á góður hópur líka að
vinna.“
Þegar Ævar er spurður hvort
þetta sé rétt segir hann það vera
hluta af stemmningunni að beita
hugmyndaregni og „svífa svolítið".
„Ég horfi á þetta þannig," held-
ur Þór áfram, „að sé ég ekki að
skapa neitt, þá er ég að staðna. Ég
verð að vera í þróun og þannig
hugsum við starfið hér. Við leggj-
um áherslu á að vera opin fyrir
nýjungum og umbótum og ætlum
okkur að taka þátt í upplýsinga-
samfélaginu."
- Hvað um aðra framtíðarsýn?
Er eitthvað sérstakt sem þú vildir
sjá breytast í málefnum fatlaðra?
„Já, að styrkja heildarskipulagið
og hafa skýrari línur svo sem eins
og hvaða fótlun
eigi heima hvar,
þannig að
ábyrgðin innan
ráðuneytanna
sé skýr. Þá
sleppur fólk við
að ganga á milli
manna til að fá
lausn sinna
mála eins og
verið hefur. Til dæmis hefur að-
gangur að geðheilbrigðisþjónustu
verið erfiðleikum bundinn.“
Þeir taka ennfremur fram, að
eftirspurn eftir þjónustu sé alltaf
meiri en framboð og langir biðlist-
ar séu eftir búsetu, skammtíma-
vistun og atvinnu. „Við verðum því
að forgangsraða og sumir þurfa að
bíða óþægilega lengi, því við höfum
engin úrræði til að mæta þörf
þeirra. Við teljum nauðsynlegt að
gera enn meira átak í uppbyggingu
þjónustunnar. Hluti af framtíðar-
sýninni byggist á rannsóknum sem
við höfum gert, þar sem þarfir
skjólstæðinga okkar hafa verið
kortlagðar. Við höfum til dæmis
komið upplýsingum til ráðuneytis-
ins um hvað það kostar að tæma
biðlista í búsetumálum og hvaða at-
vinnutilboð við þyrftum að byggja
upp.“
Þá segjast þeir sjá mikilvægi
þess að hafa tengsl skóla og starfs-
vettvangs sterk. Þvi sækist þeir
eftir samvinnu við háskólanemend-
ur um að þeir vinni ýmiss konar
rannsóknarverkefni. „Við erum
einnig að fara í erlent samstarf fyr-
ir tilstilli Norrænu ráðherranefnd-
arinnar, þar sem gæði þjónustu
verða skilgreind og metin. Með
þessu eru Norðurlöndin að sam-
stilla krafta sína til að þróa velferð-
arsamfélag framtíðarinnar. Það er
því ljóst að við eigum margt eftir
þrátt fyrir að hafa náð þessum ár-
angri, sem fjármálaráðherra veitti
okkui- viðurkenningu fyrir,“ segja
þeir Þór Þóarinsson og Ævar Kol-
beinsson að lokum.
„Ég lít svo á að sé ég ekki
að skapa neitt, sé ég að
staðna. Ég verð að vera í
þróun - og þannig hugsum
við starfið hér.“
SUNNUDAGUR 8. MARZ 1998 35
Ný sending
Stuttir frakkar,
ítölsk buxnadress og dragtir
hJá~Q$GafhkiMi
Engjateigi 5, sími 581 2141.
Opið virka daga frá kl. 10.00—18.30, laugardaga frá kl. 10.00—15.00.
>
ÆFINGABEKB3R
HREYFINGAR
Ármúla 24, 108 Rvík, sími 568 0677
ÞÚ BERÐ ABYRGÐ
Á EIGIN HEII.SU
Flott form æfingakerfið hentar sérlega vei fólki á öllum
aldri sem ekki heíur stundað einhverja líkamsþjálfun í
langan tíma. Æfmgakerfið er einnig gott fyrir fólk sem
ekki stundar almenna leikfimi vegna stífra vöðva o.fl.
Æfingakerfið eykur blóðstreymi um líkamann, til vöðva
og liðamóta, það gefur einnig gott nudd og slökun.
Æfingakerfið er einnig tilvalið fyrir cldra fólk, það
byggir upp vöðva án áreynslu, eykur vellíðan, liðkar
vöðva og gefa því góða slökun, og eru þess vegna kjörin
fyrir eldra fólk.
Sérstakir karlatimar.
Hægt er að velja á milli 8, 12 og 25 tíma korta.
(Marstilboð: Innifalið í 25 u'ma korti er 1 tími reiki-heilun).
Eldri en 60 ára fá 10% afsiátt af 25 tíma korti.
Tilboðið gildir til 25. mars ‘98.
Kynningartímar verða laugard. 31. mars frá kl. 13-16.
Hafðu samband eða komdu við hjá okkur og kynntu
þér starfsemina hjá Æfingabekkir - Hreyfingar, við er-
um á staðnum fyrir þig.
Húsbréf
Útdráttur
húsbréfa
Nú hefur farið fram útdráttur
húsbréfa í eftirtöldum flokkum:
1. flokki 1989 - 30. útdráttur
1. flokki 1990 - 27. útdráttur
2. flokki 1990 - 26. útdráttur
2. flokki 1991 - 24. útdráttur
3. flokki 1992 - 19. útdráttur
2. flokki 1993 - 15. útdráttur
2. flokki 1994 - 12. útdráttur
3. flokki 1994 - 11. útdráttur
Koma þessi bréf til innlausnar 15. maí 1998.
Öll númerin verða birt í Lögbirtingablaðinu.
Auk þess eru númer úr fjórum fyrsttöldu flokkunum
birt hér í blaðinu í dag. Upplýsingar um útdregin
húsbréf liggja frammi hjá Húsnæðisstofnun ríkisins,
á Húsnæðisskrifstofunni á Akureyri, í bönkum,
sparisjóðum og verðbréfafyrirtækjum.
cSo húsnæðisstofnun ríkisins
HÚSBRÍFADEILD • SUÐURLANDSBRAUT 24 • 106 REYKJAVlK • SÍMI 569 6900