Morgunblaðið - 09.05.1998, Blaðsíða 18

18 LAUGARDAGUR 9. MAÍ 1998
VIÐSKIPTI
MORGUNBLAÐIÐ
aÉ| BPl mest seldu fólksbíla- lc » j tegundirnar í á jan.-april 1998 fyrra ári Fjöldi % %
1- Toyota 660 17,5 +36,4
2. Volkswaqen 365 9,7 +8,3
3. Subaru 357 9,5 -1,4
4. Nissan 333 8,8 +69,0
5. Mitsubishi 315 8,3 -0,9
6. Opel 261 6,9 +46,6
7. Suzuki 216 5,7 +39,4
8. Hyundai 192 5,1 -23,8
9. Honda 182 4,8 +160,0
10. Ssanqyonq 132 3,5 +109,5
11. Renauit 132 3,5 +8,2
12. Ford 130 3,4 -13,3
13. Peuqeot 122 3,2 +130,2
14. Daihatsu 82 2,2 +154,0
15. Volvo 59 1,6 +20,4
Aðrar teg. 238 6,3 +16,7
Samtals 3.776 100,0 +28,8
3.776
Bifreiða- I
Nýskráðum ökutækjum fjölgar
INNFLUTNINGUR á nýjum bílum jókst um 26% á fyrstu fjórum
mánuðum ársins miðað við sama tímabil í fyrra. Alls voru fluttir inn
3.776 bílar á tímabilinu en I apríllok á síðasta ári höfðu 2.999 nýjar
bifreiðar verið skráðar til landsins.
Honda umboðið var með mestu söluaukninguna á milli ára eða 160%,
Daihatsu bætti sig um 154% og Peugeot um 130,2%.
Innflutningur á stærri atvinnubifreiðum á umræddu tímabili þessa árs
var 346 eintök á móti 285 bílum í fyrra, sem er 21,4% aukning á milli ára.
BMW getur misst
af góðu tækifæri
Frankfurt. Reuters.
BMW AG bifreiðafyrirtækið í Bæj-
aralandi getur misst af þróun í átt
til samþjöppunar og uppstokkunar í
bílaiðnaði, ef það kemur ekki fram
með hærra tilboð í slag þess og
Volkswagen AG um Rolls-Royce að
áliti sérfræðinga.
Skömmu eftir þá ákvörðun Daim-
ler-Benz AG og Chrysler Corp að
sameinast virðist flest benda til
þess að Volkswagen kaupi brezka
lúxusbílaíyrirtækið Rolls Royce
Motor Cai-s.
Ef bæverska bifreiðafyrirtækið
gerir ekki nýtt tilboð í Rolls-Royce
kann það að dragast aftur úr þýzk-
um keppinautum sínum, sem reyna
að víkka út starfsemi sína í heimin-
um.
Heimildir í fyrirtækinu herma að
BMW hafi ekki í hyggju að gera
móðurfyrirtæki Rolls, Vickers Plc,
nýtt tilboð eftir þá ákvörðun brezka
fyrirtækisins að taka boði
Volkswagens.
Öllum á óvart samþykkti Vickers
að selja brezka lúxusbílafyrirtækið
VW fyrir 430 milljónir punda og
breytti þar með fyrri ákvörðun um
að taka 340 milljóna punda boði
BMW.
Piech býst við tilboði
VW-forstjórinn Ferdinand Piech
sagði í viðtali við Braunschweiger
Zeitung að hugsanlegt væri að
BMW kæmi aftur fram með hærra
tilboð.
Sumir sérfræðingar eru á sama
máli. „Geri þeir það ekki virðast
þeir bíða ósigur. Eg held að þeir
muni ekki halda að sér höndum,"
sagði sérfræðingur BHF Bank.
Séfræðingar og fjárfestar bíða
eftir næsta leik BMW, en lítill tími
er til stefnu. Hluthafar Vickers eiga
að ræða tilboðin á sérstökum fundi
4. júní.
Verð hlutabréfa í BMW hækkaði
um 19,5 mörk í 1985,50 í gærmorg-
un.
Verð bréfa í Volkswagen lækkaði
um 23 mörk í 1.425 mörk. Bréf í
Daimler-Benz lækkuðu, eftir hækk-
un daginn áður, um 30 pfenninga í
199,70 mörk.
Aðalfundur Handsals hf.
KANIÐSAL M... hiluthaíar í mfiíaií 199E
Nýtt hlutafé
115 milljónir
Hlutfafi Hlutafé Hlutur
1. Trygging hf. kr. 39.408.000 25,81%
2. Lífeyrissj. Austurlands 38.602.118 25,28%
3. Sparisjóður Vélstjóra 12.760.830
4. Skeifan 15 sf. 9.469.398
5. Saxhóll hf. 5.695.830
6. Sigurður M. Magnússon 4.554.159
7. Eignarhaldsf. Alþýðub. 4.400.000
8. Byggingamiðstöðin sf. 4.160.000
9. Guðmundur Sigurðsson 3.000.000
10. Jón I. Júlíusson 2.366.813
Samtals 124.417.148 81,47%
Aðrir 28.268.586 18,51%
8,36%
6,20%
3,73%
2,98%
2,88%
2,72% M
1,96% I
1,55% 1
l'IVSCINVH
SEXTÁN nýir aðilar hafa fjárfest í
hlutafé að andvirði 115 milljónir
króna að nafnverði í Handsali hf.
Þar með eru hluthafar í félaginu
orðnir 62 og nafnverð hlutafjár
rúmlega 152 miiljónir. Þetta kom
fram á aðalfundi félagsins í gær.
Þorsteinn Ólafsson sagði í sam-
tali við Morgunblaðið að án tilkomu
hlutafjáraukningarinnar, þá hefði
reksturinn á þessu ári orðið þung-
ur: „Markaðssetningu félagsins
hafa verið settar þröngar skorður
vegna þungrar lausafjárstöðu og
mikilla eigna í verðbréfum. Félagið
hefði því að óbreyttu ekki átt
nokkra vaxtamöguleika í framtíð-
inni. Með nýju hlutafé fæst aukið
rekstrarfjármagn og mögulegt
verður að ná í lánsfé á góðum kjör-
um sem skapar okkur aukin tæki-
færi á markaðnum."
Juku hlut sinn um
35 milljónir
Stærstu hluthafarnir eru nú
Trygging hf. með 25,81% eignar-
hlut að nafnverði kr. 39.408.000 og
Lífeyrissjóður Austuriands sem á
25,28% hlut að nafnverði kr.
38.602.118 en félögin tvö keyptu
hvort um sig 35 m.kr. hlut í útboð-
inu.
Eins og fram hefur komið tapaði
félagið 69,7 m.kr. á síðasta ári,
þrátt fyrir að 8,4 m.kr. hagnaður
hafi orðið af reglulegri starfsemi
þess.
Rekstrargjöld á síðasta ári námu
samtals 117,4 m.kr. sem er 14,6%
hækkun frá fyrra ári. Að sögn Þor-
steins, er sú aukning fyrst og
fremst tilkomin vegna meiri vinnu
lögmanna og endurskoðenda í þágu
félagsins við úrvinnslu ýmissa for-
tíðarmála. Hann sagði rekstrar-
horfur þessa árs betri með tilkomu
hlutafjáraukningarinnar og að
menn eigi von á að Handsal hf. skili
góðum hagnaði á árinu.
Ein breyting var gerð á stjórn
félagsins frá síðasta ári. Einar
Baldvinsson kemur nýr inn fyrir
Agúst Karlsson sem lætur af
störfum. Jón Guðmundsson er
formaður félagsins og Ragnar S.
Halldórsson varaformaður. Aðrir
stjórnarmenn eru Sigurður
M. Magnússon og Sveinn Val-
fells.
Endanlega töpuð útlán ríkisviðskiptabankanna 14 milljarðar á fímm árum
Landsbankinn stefnir að
lækkun útlánatapa í V2 %
BANKASTJÓRI Landsbanka ís-
lands hf. hefur sett þau markmið
fyrir starfsemi bankans að minnka
útlánatöp hans úr 1% niður í hálft
prósent af heildareignum. Síðustu
fimm ár hafa verið endanlega af-
skrifuð útlán sem að meðaltali
nema 2% af eignum.
Mest tryggð
með veðum
Landsbanki íslands afskrifaði
endanlega töpuð útlán að fjárhæð
10,6 milljarðar króna á árunum
1993 til 1997 og Búnaðarbankinn
afskrifaði endanlega 3,1 milljarð á
sama tíma. Kemur þetta fram í
skriflegu svari viðskiptaráðherra
við fyrirspurn Jóhönnu Sigurðar-
dóttur. Utlánatöp Landsbankans
skiptast þannig að 9,4 milljarðar
eru vegna lögaðila og 1,2 milljarðar
vegna einstaklinga. Sama skipting
hjá Búnaðarbankanum er 2,9 millj-
arðar vegna lögaðila og 250 milljón-
ir vegna einstaklinga.
Afskriftir þeirra tíu lögaðila sem
mest var afskrifað hjá á hverju
hinna tilgreindu ára voru samtals á
þessu fimm ára tímabili 4,2 millj-
arðar kr. hjá Landsbankanum.
Stærstur hluti þess hafði verið
tryggður með fasteigna- eða skipa-
veði, eða 2 milljarðar kr., en einn
milljarður hafði verið með trygg-
ingar í afurðum eða kröfum. Mestu
afskriftirnar voru vegna lána sem
flokkuð voru til sjávarútvegs, 1,3
milljarðar kr., og iðnaðar, 1,2 millj-
arðar kr.
Búnaðarbankinn tapaði endan-
lega 2 milljörðum vegna þeirra tíu
lögaðila sem mest var afskrifað hjá
á umræddum árum. Meginhluti
þeirra útlána hafði verið lánaður
gegn veðum, eða 1,6 milljarðar kr.
Mestu afskriftirnar voru vegna út-
lána sem flokkuð voru sem þjón-
usta, 840 milljónir kr., en 590 millj-
ónir voru vegna iðnaðar og 490
milljónir vegna verslunar, að því er
fram kemur í svari viðsldptaráð-
herra.
Ný markmið Landsbanka
Halldór J. Kristjánsson, banka-
stjóri Landsbanka Islands hf., segir
að afskriftir útlána séu hluti af
starfsemi viðskiptabanka. Yfirleitt
sé reiknað með að afskriftir geti
numið um 1% af útlánum en fram-
lög Landsbankans í afskriftasjóð
útlána voru einmitt nálægt því
marki á síðasta ári. Hins vegar lýsi
tölur um að töpuð útlán nemi 2% að
meðaltali á ári því að bankinn hafi
tekið nokkra áhættu í starfi sínu.
Honum hafi verið ætlað að gera það
og hafi tapað verulegum fjármun-
um í niðursveiflu efnahagslífsins á
árunum eftir 1990.
Halldór leggur á það áherslu að
búið hafi verið að áætla fyrir þess-
um útlánatöpum á sínum tíma og
þrátt fyrir þau hafi bankinn verið
rekinn með hagnaði flest árin. Og
ríkissjóður hafi ekki tapað pening-
um vegna starfsemi hans.
Bankastjórinn segir að búið hafi
verið að vinna bug á meginhluta
umræddra vandamála áður en hann
kom í bankann og leggja grunn að
auknum árangri á þessu sviði.
Hann segir stjómendur bankans
hafa sett sér það markmið að
minnka afskriftir útlána úr 1% í
'A% á næstu 5-7 árum. Það sé í
samræmi við það sem best gerist
við samruna banka í Norður-Evr-
ópu. Þetta segir hann að verði gert
með auknu aðhaldi í útlánum og
með því að stýra betur áhættu
bankans. Verið sé að setja upp nýtt
ferli við ákvarðanir um útlán, meðal
annars með því að stofna lána-
nefndir.
„Innlend
verð-
bólga“ 4%
INNLENDI þáttur vísitölu
neysluverðs, það er að segja
þjónusta, húsnæði og innlend-
ar vörur, hefur hækkað um
1,3% frá áramótum sem svarar
til þess að „innlend verðbólga"
hafi verið um 4% á ársgrund-
velli.
I Vikutíðindum Búnaðar-
bankans verðbréfa kemui' fram
að sú 0,94% hækkun vísitölu
neysluverðs sem orðið hafi frá
áramótum og sýni 2,8% verð-
bólguhraða sé samsett annars
vegar úr innlendri verðbólgu og
erlendri verðhjöðnun. Bent er á
að innlendi þáttur vísitölunnar
mæli 4% verðbólgu en erlendi
þáttur hennar mæli 1,2% verð-
hjöðnun.
Fram kemur að krónan hafi
styrkst um tæp 0,7% frá ára-
mótum og það hafi leitt til
lægra innflutningsverðs. Telja
megi að þar liggi hluti skýring-
ar á lækkun hins erlenda þátt-
ar vísitölu neysluverðs en
einnig sé gert ráð fyrir að áhrif
kreppunnar í Asíu kunni að
leiða til frekari lækkunar á
innflutningsverði á árinu.
Niðurstaða hugleiðinganna
er sú að ef krónan hættir að
styrkjast sé líklegt að verð-
bólga aukist, þar sem erlendi
þáttur hennar hafi haldið aftur
af verðbólgunni framan af ári.
I þessu sambandi er á það bent
að frá síðustu verðbólgumæl-
ingu hafi krónan nánast staðið
í stað.
Pepsi í mál
gegn Coke
New York. Reuters.
PEPSICO Inc. hefur höfðað
mál gegn Coca-Cola Co. á
grundvelli löggjafar gegn
hringamyndun og sakar fyrir-
tækið um að birgja matvæla-
dreifendur upp af Coke með
því skilyrði að þeir dreifi ekki
Pepsi.
Staðhæft er að Coca-Cola
reyni að ná einokunaraðstöðu
á markaði fyrir gosdrykki, sem
sjálfstæð fyrirtæki dreifa til
veitingahúsakeðja, kvikmynda-
húsa og annarra viðskiptavina
um öll Bandarikin.
PepsiCo krefst skaðabóta og
að komið verði í veg fyrir að
Coca-Cola leiti eftir samkomu-
lagi við matvæladreifendur um
að þeir skipti ekki við PepsiCo,
eða framfylgi slíku samkomu-
lagi.
Um leið er farið fram á að
komið verði í veg fyrir að
Coca-Cola grípi tO aðgerða,
eða hóti aðgerðum, gegn mat-
væladreifendum, sem dreifa
framleiðslu PepsiCo.
Dow Jones
hækkar um
riíma 100
punkta
New York. Reuters.
DOW JONES vísitalan hækk-
aði um rúmlega 100 punkta í
gærmorgun, einkum vegna
frétta um að atvinnuleysi hefði
ekki verið minna í 20 ár í síð-
asta mánuði.
Klukkan 11 að staðartíma
hafði Dow hækkað um 100,39
punkta í 9077,07.
Evrópsk hlutabréf náðu sér
aftur á strik eftir hækkun Dow,
en staða dollars versnaði nokk-
uð eftir skammvinna hækkun.
Að sögn bandarískra stjórn-
valda minnkaði atvinnuleysi í
apríl í 4,3% úr 4,7% í marz.