Morgunblaðið - 10.06.1998, Page 56

ISLANDSFLUG
gorir flGlrum fært aö fíjúga
570 8090

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF3040, NETFANG: RITSTJ@MBL.IS, AKUREYRI: KAUPVANGSSTRÆTl 1
MIÐVIKUDAGUR 10. JÚNÍ 1998
VERÐ í LAUSASÖLU 125 KR. MEÐ VSK
Eldur kom upp f hægra hreyfli Landgræðsluflugvélarinnar
Enginn
skrámaðist í
nauðlendingu
FLUGVÉL Landgræðslunnar,
Páll Sveinsson, nauðlenti á flug-
vellinum við Selfoss um kl. 18 í gær
þegar eldur kom upp í hægra
hreyfli vélarinnar. Fimm menn
voru um borð og sakaði engan. Vél-
in var hemlalaus þegar hún lenti.
p Akvað flugstjórinn að sveigja til
hægri út fyrir brautina til að vélin
myndi örugglega staðnæmast áður
en endanum yrði náð en hann er
stutt frá Ölfusá.
„Þetta fór allt saman eins vel og
hægt er að hugsa sér og enginn
skrámaðist," sagði Kjartan B. Guð-
mundsson flugstjóri í samtali við
Morgunblaðið í gærkvöld. Páll
Sveinsson, sem er yfír 50 ára göm-
ul flugvél af gerðinni DC-3 eða
„Þristur", var á leið frá Gunnars-
f. holti til að bera áburð á í nágrenni
Þorlákshafnar. „Við vorum komnir
um það bil hálfa leiðina þegar eld-
ur kom upp í öðrum hreyflinum.
Styst var inn á þessa braut á Sel-
fossi og við ákváðum því að lenda
þar strax,“ sagði Kjartan.
Um sjö mínútur Iiðu
til lendingar
Strax var beitt slökkvitækjum
hreyfílsins á eldinn. Kjartan taldi
að liðið hefðu um sjö mínútur frá
því hann kom upp og þar til vélin
var lent. Aðspurður sagði Kjartan
þær mínútur langar og erfiðar, nóg
að gera við að undirbúa nauðlend-
inguna. „Það sem gerist í alvarleg-
um atvikum sem þessum er að far-
ið er inn á næstu braut sem leyfir
lendingu.“
Flugvélin bremsulaus
í Iendingunni
Kjartan sagði brautina á Selfossi
nógu langa fyrir Þristinn: „Vélin
var hins vegar bremsulaus og við
vissum það fyrir lendinguna. Þá
lentum við henni á ská upp í vind-
inn og létum hana leka út af braut-
inni þegar við nálguðumst end-
ann.“ Kanna átti skemmdir á
hreyflinum í gær en ekki vissi
Kjartan hvenær viðgerð færi fram,
það myndi ráðast af því hvernig
gengi að fá varahluti. Aðrar
skemmdir sagði hann ekki vera á
vélinni.
Asamt Kjartani flugu vélinni
þeir Hafsteinn Heiðarsson, flug-
stjóri hjá Landhelgisgæslunni, og
Arni Sigurbergsson, fyrrverandi
flugstjóri hjá Flugleiðum. Um
borð voru einnig tveir menn á veg-
um Landgræðslunnar. Flugmenn-
irnir gáfu í gærkvöld skýrslu hjá
Rannsóknarnefnd flugslysa, sem
kom á vettvang, og lögreglunni á
Selfossi.
Páll Sveinsson hóf áburðarflug
fyrir austan fjall í gær en hafði síð-
ustu daga verið við áburðardreif-
ingu á Reykjanesi. Ein ferð var
eftir í gær og næstu daga átti vélin
síðan að dreifa í uppsveitum Ar-
nessýslu en ekki er ljóst á þessari
stundu hversu miklar frátafir
verða.
Morgunblaðið/Sæmundur Stefánsson
PÁLL Sveinsson staðnæmdist nálægt brautarendanum. Myndina tók
flugmaður úr Fokker vél sem var að koma frá Vestmannaeyjum og
fylgdust flugmennirnir með afdrifum Páls Sveinssonar og létu flug-
stjórn vita að lendingin hefði tekist vel.
Morgunblaðið/Sig. Fannar
EKKI er talið að aðrar skemmdir hafi orðið á Páli
Sveinssyni en á hreyflinum sem kviknaði í.
A
Arangurslausar við-
ræður um lækkun hit-
unarkostnaðar
Varnarliðið
leitar til
utanríkis-
ráðuneytis
VARNARLIÐIÐ á Keflavíkurflug-
velli hefur óskað formlega eftir því
við utanríkisráðuneytið að það beiti
sér fyrir því að Hitaveita Suður-
nesja lækki verulega það verð, sem
vamarliðinu er gert að greiða fyrir
vatn til húshitunar í varnarstöðinni.
Samkvæmt heimildum Morgun-
blaðsins telja Bandaríkjamenn að
viðræður þær, sem farið hafa fram
milli varnarliðsins og hitaveitunnar
undanfarna mánuði, hafi engu skilað.
Varnarliðið ki'afðist endurskoðun-
ar á heitavatnsverðinu á síðasta ári
og hafa nokkrir samningafundir full-
trúa varnarliðsins og Hitaveitu Suð-
urnesja síðan verið haldnir. Banda-
rísk stjórnvöld, sem leggja mikla
áherzlu á lækkun kostnaðar við
rekstur varnarstöðvarinnar á Kefla-
víkurflugvelli, telja óeðlilegt að
varnarliðið greiði hátt í tvöfalt
hærra verð fyrir heita vatnið en
sveitarfélögin á Suðurnesjum. Varn-
arliðið stendur undir hartnær helm-
ingi tekna Hitaveitu Suðurnesja.
Tilraunir til mála-
miðlunar á næstu vikum
Af hálfu hitaveitunnar hefur kom-
ið fram að ekki komi til greina að
varnarliðið fái sama verð og aðrir,
meðal annars vegna þess að það fái
heitara vatn, sé ótryggur viðskipta-
vinur og ekki í hópi eigenda jarð-
hitaauðlindarinnar líkt og sveitarfé-
lögin á Suðurnesjum.
Samkvæmt upplýsingum Morg-
unblaðsins hyggst utanríkisráðu-
neytið hefja tilraunir til að miðla
málum í deilunni um heitavatnsverð-
ið á næstu vikum.
Morgunblaðið/Arnaldur
Vel fagnað
KRISTNI Sigmundssyni, óperu-
söngvara, var vel fagnað af
áheyrendum á tónleikum sem
haldnir voru í Þjóðleikhúsinu í
gærkvöldi. Kom hann fram ásamt
Jónasi Ingimundarsyni píanóleik-
ara og var flutningurinn í einu
orði sagt stórkostlegur, að því er
segir í tónlistardómi Ríkarðs Arn-
ar Pálssonar.
■ Á als oddi/23
Jarðgufufélagið metur arðsemi og markaðsforsendur
jarðgufuvirkjunar í Krísuvík
Könnun á hagkvæmni
pappírsverksmiðju
JARÐGUFUFÉ LAGIÐ er um
þessar mundir að meta arðsemi og
markaðsforsendur vegna jarðgufu-
virkjunar í Krísuvík í tengslum við
hugsanlega uppbyggingu iðnaðar-
svæðis við Straumsvík. Bandarísk-
ir fjárfestar í pappírsiðnaði sem
lýst hafa áhuga á að kanna mögu-
leika á að reisa pappírsverksmiðju
í nágrenni Straumsvíkur eru nú að
láta fara fram hagkvæmniathugun
á starfsemi slíkrar verksmiðju hér
í samstarfi við Jarðgufufélagið. Er
niðurstöðu úr þessum athugunum
að vænta síðsumars eða í haust,
skv. upplýsingum Einars K. Jóns-
sonar, verkefnisstjóra Jarðgufufé-
lagsins.
I kjölfar fyrirspurna bandaríska
fyrirtækisins Southern Paper
Corporation ákváðu iðnaðarráðu-
neytið, Reykjavíkurborg og Hafn-
arfjarðarbær í júlí árið 1996 að
ganga til samstarfs um undirbún-
ing jarðgufuveitu til iðnaðar með
stofnun Jarðgufufélagsins, sem
Stofnkostnaður
verksmiðjunnar
áætlaður 30-40
milljarðar
hefði undirbúninginn með höndum.
„Menn hafa verið að meta arð-
semi og markaðsforsendur fyrir
borunum og sölu á jarðgufu. Hafa
ýmsir iðnferlar verið skoðaðir í því
sambandi. Við erum með könnun í
gangi núna en niðurstaða liggur
ekki fyrir. Hún gæti legið fyrir síð-
sumars eða á haustmánuðum. Þá
verður væntanlega metið hvar
þetta verkefni stendur og hvernig
framhaldinu yrði háttað. Ef niður-
staðan verður jákvæð ættu að vera
forsendur fyrir því að fara út í frek-
ari rannsóknarframkvæmdir á
svæðinu,“ segir Einar.
Ef af byggingu pappírsverk-
smiðjunnar verður gera áætlanfr
bandarísku fjárfestanna ráð fyrir
að stofnkostnaður hennar yrði
30-40 milijarðar króna og fram-
leidd yrðu rúmlega 200.000 tonn af
gæðapappír á ári.
Erlendir ráðgjafar
meta hagkvæmni
Að sögn Einars sýnir bandaríska
fyrirtækið þessu verkefni áhuga og
stendur nú yfir könnun á frumhag-
kvæmni pappírsframleiðslu hér á
landi. Hefur erlent ráðgjafarfyrir-
tæki, sem er sérhæft á þessu sviði,
verið fengið til að vinna að þessari
athugun.
Bandarísku aðilarnir lýstu upp-
haflega yfir áhuga á að reisa papp-
írsverksmiðju er framleiddi hvítan,
hjúpaðan prentpappír. Einar sagði
að núna væri verið að skoða fram-
leiðslu á öðru vísi pappír þar sem
pappírsmarkaðurinn hefði breyst
en það breytti þó ekki upphaflegum
áætlunum um starfsmannafjölda og
orkunotkun verksmiðjunnar.