Morgunblaðið - 16.06.1998, Blaðsíða 10
10 ÞRIÐJUDAGUR 16. JÚNÍ 1998
MORGUNBLAÐIÐ
FRÉTTIR
Áskorun Félags umferðarlöggæslumanna til dómsmálaráðherra
Merkingar um hámarks-
hraða verði bættar
Morgunblaðið/Jón Svavarson
ÓMAR Ragnarsson og Steinunn
Harðardóttir með viðurkenn-
ingu umhverfisráðuneytisins.
Verðlaun fyrir umfjöllun
um umhverfismál
Hvatning
til fjöl-
miðlafólks
VEGNA gífurlegrar fjölgunar
banaslysa í umferðinni það sem af er
þessu ári skorar Félag umferðarlög-
gæslumanna á dómsmálaráðherra að
beita sér fyrir því að merkingar á
vegum verði bættar.
Félagið bendir á að fyrir nokkru
hafi öll bannmerki verið fjarlægð af
þjóðvegum landsins, sem og merki
um leyfilegan hámarkshraða í dreif-
býli.
í stað þessara merkja sé nú notast
við merkin þéttbýli / þéttbýli lokið
og þá vísað til sérákvæða umferðar-
laganna sem gilda í þéttbýli og utan
þess.
Vísað er til reglugerðar um um-
ferðarmerki og notkun þeirra, þar
sem segir um merki nr. B26 um sér-
staka takmörkun hámarkshraða:
„Merki þetta ber að nota til að sýna
leyfðan hámarkshraða í km á klst.“ í
fréttatilkynningu frá Félagi umferð-
arlöggæslumanna segir að þrátt fyrir
ítrekaðar ábendingar frá umferðar-
deild lögreglunnar í Reykjavík til
dómsmálaráðuneytis og Umferðar-
ráðs þess efnis að utan þéttbýlis
komi oft upp sú staða að þekkingu
ökumanna hvað varðar leyfilegan há-
markshraða sé ábótavant hafi engar
úrbætur verið gerðar.
Við slíkar aðstæðm’ skapist óneitan-
lega hættuástand og því sé úrbóta
þörf.
Slysum fækkaði um 30% á
einu ári í Astralíu
„Það veldm’ Félagi umferðarlög-
gæslumanna vonbrigðum að Um-
ferðarráð skuli ekki hafa beitt sér
sem skyldi í þessu ákveðna máli,“
segh’ ennfremur í fréttatilkynning-
unni. Þá er bent á að í fyrirlestri
ástralska yfirlögregluþjónsins Bod-
inar, sem kom hingað til lands á
vegum Umferðarráðs fyrir nokkru,
hafi komið fram að eitt fyrsta verk
áströlsku lögreglunnar til þess að
stemma stigu við ógnvænlegri
slysaþróun þar í landi hafi verið að
setja upp umferðarmerki, öku-
mönnum til leiðbeiningar, um leyfi-
legan hámarkshraða. Við þessa við-
leitni lögreglu hafi slysum fækkað
um 30% á einu ári.
Franklín Steiner og annarmaður sýknaðir
Refsilaust að játa á sig
refsiverðan verknað
VERÐLAUN fyrir umfjöllun um
umhverfismál í fjölmiðlum voru veitt
í fyrsta skipti í gær. Verðlaunin
komu í hlut Steinunnar Harðardótt-
ur á Rás 1 fyrir þættina Út um
græna grundu og Omars Ragnars-
sonar fyrir umfjöllun í Ríkissjón-
varpinu um náttúruverndarmál.
Guðmundur Bjarnason umhverfis-
ráðherra afhenti verðlaunin en þau
eru veitt af umhverfisráðuneytinu. I
máli hans kom fram að hann vonaði
að verðlaunin yrðu hvatning til fjöl-
miðlafólks að standa sig vel í umfjöll-
un um þessi mál. I sama streng tók
Þorvarður Árnason starfsmaður Sið-
fræðistofnunar HÍ sem sat í dóm-
nefnd ásamt þeim Huga Olafssyni
sem tilnefndur var af umhverfisráðu-
neyti og Fríðu Björnsdóttur blaða-
manni, tilnefndri af Blaðamannafé-
lagi Islands.
Þorvarður sagði í ávarpi sínu að
þar sem þetta væri í fyrsta skipti
sem þessi verðlaun væru veitt hefði
dómnefnd þurft að setja sér vinnu-
reglur til að fara eftir. Einungis efni
sem birtist á árinu 1997 hefði komið
til greina og dómnefnd hefði farið yf-
ir umfjöllun í prent- og ljósvakamiðl-
um um umhverfismál.
Að þeirri yfirferð lokinni hefðu sex
aðilar komið til greina. Þeir voru,
auk þeirra sem verðlaunin hlutu,
þættir Ara Trausta Guðmundssonar
á Stöð 2, I sátt við náttúruna, um-
fjöllun Jóns Guðna Kristjánssonar á
Ríkisútvarpinu um „gróðurhúsa-
mál“, myndin Hinn helgi örn eftir
Magnús Magnússon sem sýnd var í
Ríkissjónvarpinu og greinaflokkur
Morgunblaðsins um Kyoto-ráðstefn-
una og stöðu íslands eftir Ólaf
Stephensen.
MAÐUR á fertugsaldri, Ari Þor-
steinsson, var í gær í Héraðsdómi
Reykjaness sýknaður af kröfum
ákæruvaldsins um refsingu íýrir
rangan framburð fyrir rétti. Frank-
lín Steiner var einnig sýknaður af
kröfu um refsingu íyrir hlutdeild í
því broti.
Viðurkenndi eign fyrir dómi
Við húsleit hjá Franklín Steiner
13. apríl 1996 fundust fíkniefni og tók
Franklín á sig að eiga þau, eins og
hann orðaði það. Gefin var út ákæra
gegn Frankh'n og málið tekið til aðal-
meðferðar fyrír dómi. Þar kom hinn
maðurinn fyrir dóminn sem vitni og
sagðist þá eiga umrædd efni. Fram-
burður beggja var rannsakaður og
varð niðurstaða málsins sú að fram-
burður Ara Þorsteinssonar þótti
ótrúverðugur og Franklín var dæmd-
ur eigandi efnanna. Hann hlaut 20
mánaða fangelsisvist í Hæstarétti 4.
desember sl.
I kjölfarið höfðaði ákæruvaldið
mál gegn Ara fyrir rangan fram-
burð fyrir rétti og gegn Franklín
fyrir hlutdeild í broti Ara með for-
tölum og hvatningu. Krafist var
refsingar yfir þeim báðum.
í niðurstöðu Héraðsdóms
Reykjaness í gær segir um þátt
Ara: „Dómurinn telur að háttsemi
manns, sem gefin er réttarstaða
vitnis fyrir dómi í opinberu máli, að
játa eða gefa vísbendingu um að
hann hafi sjálfur framið refsivert
athæfi, geti eigi talist refsinæm
[... ].“ Fyrir því eru síðan færð
margvísleg rök og m.a. vitnað í þá
meginreglu að sakborningi sé á öll-
um stigum rétt að skorast undan
því að svara spurningum er varða
refsiverða hegðun sem honum er
gefin að sök, enda hvíli sönnunar-
byrði um sekt sakbomings á
ákæruvaldinu. Einnig segir að
þessa reglu megi leiða af 6. grein
mannréttindasáttmála Evrópu.
„[...] verður þannig að telja að
ákærði Ari hafi, með vísan til efnis
framburðar hans fyrir dóminum og
lagalegri stöðu hans við skýrslu-
gjöfina, að refsilausu mátt bera
rangt um atvik, sem lutu að meintri
refsiverðri hegðun hans sjálf. Þá
þykir styrkja þessa niðurstöðu, að
um það tilvik, sem hér er til úr-
lausnar, hefur löggjafinn eigi kveðið
skýrlega á um í almennum lögum.
Þann vafa sem við lýði er í þessu
efni ber að mati dómsins að túlka
ákærða í hag, [...]“ segir.
Refsilaust að taka þátt í refsi-
lausum verknaði
Um þátt Franklíns segir: „Dóm-
urinn hefur komist að þeirri niður-
stöðu að háttsemi meðákærða Ara
Þorsteinssonar hafi eigi verið refsi-
næm samkvæmt gildandi refsiheim-
ildum og því refsilaus. Þrátt fyrir að
löggjafinn hafi með setningu hlut-
deildarákævæðis 1. mgr. 22. gr. al-
mennra hegningarlaga nr. 19/1940,
gert ráð fyrir í athugasemdum
greinargerðar með lögunum að
leggja ætti sérstætt mat á þátttöku
hlutdeildarmanns óháð aðalverkn-
aðinum hefur verið lagt til grund-
vallar í íslenskum rétti að hlutdeild
sakbornings í röngum en refsilaus-
um framburði samsökunautar sé
refsilaus [... ].“
Gunnar Aðalsteinsson héraðs-
dómari kvað upp dóminn.
Morgunblaðið/Sigríður Óskarsdóttir
NADDODDUR er 36 fet, smfðaður af Jóhann Olsen
skipasmið í Færeyjum og ber 13 manna áhöfn.
RÁÐGERT er að skipið komi til Reyðarfjarðar 17. júnf.
100 ijómílur
6214
6’ V
200 km
N addoddur rúm
lega hálfnaður
FÆREYSKA víkingaskipið
Naddoddur lagði af stað frá
Tvoroyri til Reyðarfjarðar seinni
hluta föstudags. Síðdegis í gær,
þegar Morgunblaðið hafði sam-
band við Don Petersen talsmann
leiðangursins í Færeyjum, var
skipið komið rúmlega hálfa leið.
Sagði hann fjórmenningana vel á
sig komna og að ekkert amaði að
þeim þó svo að þeir væru búnir
að róa í þrjá sólarhringa.
„Það var lítill sem enginn vind-
ur þegar þeir lögðu af stað. Það
var ekki fyrr en síðdegis á laug-
ardag sem fór að blása. Vindur
hefur þó ekki enn verið nægileg-
ur svo þeir skiptast á um að róa
tvo tima f senn milli þess sem
þeir sofa. Annars líður þeim
mjög vel enda eru þetta mjög
hraustir strákar.“
Víkingaskipið Naddoddur er
nefnt eftir norskum víkingi sem
ýmist hefur verið kallaður
Naddoddur eða Naddoður en
hann settist að í Færeyjum. Eru
fjórmenningarnir að sigla í kjöl-
far hans en hann dvaldi sumar-
langt á íslandi í kringum árið
870. Allt er gert til að líkja eftir
aðstæðum víkinga og má nefna
að allt matarkyns um borð er
miðað við þann tíma, svo sem
þurrkað hvalkjöt og hvalspik. Þá
eru aðeins nauðsynlegustu fjar-
skiptatæki meðferðis og ekkert
skip til fylgdar.
Skipstjóri í ferðinni til íslands
er Ernst Emilson Petersen en
auk hans eru 3 menn í áhöfninni.
Ráðgert er að Naddoddur komi
til Reyðarljarðar síðdegis 17.
júní.
Hjólað til styrktar
krabbameinssjúkum
börnum
Slökkviliðs-
mennirnir
til Reykja-
víkur í dag
HRINGFERÐ slökkviliðs-
mannanna sex sem hjólað hafa í
kringum landið til styrktar
ki’abbameinssjúkum bömum er
senn á enda. Ef allt gengur að
óskum koma þeir til Reykjavík-
ur i dag, degi á undan áætlun.
Þeir fara frá Hveragerði um
klukkan 10 árdegis og gert er
ráð fyrir að þeir verði við
Rauðavatn um klukkan hálf tvö.
I fréttatilkynningu er fólk hvatt
til að taka á móti þeim og jafn-
vel hjóla með þeim síðasta spöl-
inn.
„Samhugur og stuðningur
slökkviliðsmannanna og þjóð-
arinnar eru mikils virði,“ segir
Þorsteinn Ólafsson, fram-
kvæmdastjóri Styrktarsjóðs
krabbameinssjúkra barna.
Hann segir sjóðinn byggja á
framlögum og stuðningi þjóð-
arinnar, stjómvöld virðist ekki
hafa skilning á þeim erfiðleik-
um sem foreldrar langveikra
barna mæti. Styrktarsjóðurinn
fái t.d. aðeins 300 þúsund krón-
ur á fjárlögum.
Styrkja fjölskylduna
Þorsteinn segir heilbrigðis-
þjónustuna, einkum hina
tæknilegu hlið, mjög góða,
miklar framfarir hafi orðið í
meðferð krabbameinssjúklinga
og starfsfólk sjúkrastofnana sé
mjög fært. Félagslega hliðin
vilji hins vegar gleymast, þ.e.
hlutir eins og að búa alla fjöl-
skyldumeðlimi undir þá 61410-
leika sem veikindi af þessu tagi
hafi í för með sér. Oft þurfi for-
eldrar að minnka við sig vinnu
og jafnvel hætta alveg til að
sinna veiku barni, það þýði
tekjutap og algeran tekjumissi
þegar einstæðir foreldrar eigi í
hlut.
Fjárhagslegir erfiðleikar
skapi svo allskyns erfiðleika og
vanlíðan. Fólk þurfi því bæði
fjárhagslega aðstoð og andleg-
an stuðning. Þessu reyni
styrktarsjóðurinn að sinna.
Hann er í samvinnu við barna-
deildir sjúkrahúsa og þegar
böm eru lögð inn með krabba-
mein sé starfsfólk Styi’ktar-
sjóðsins fljótlega komið í sam-
band við foreldrana.
A hverju ári eru að meðaltali
10-12 börn með krabbamein
lögð inn á sjúkrastofnun.
Styrktarsjóður krabbameins-
sjúkra barna hefur frá árinu
1991 verið til staðar til að veita
stuðning og fræðslu.