Morgunblaðið - 27.08.1998, Blaðsíða 4
4 FIMMTUDAGUR 27. ÁGÚST 1998
FRETTIR
MORGUNBLAÐIÐ
Kaupmáttur launa frá 1987
Ársmeðaltal, 1990 = 100
1987 1 1988 ' 1989 1 1990 1 1991 1 1992 1 1993 ' 1994 1 1995 ' 1996 1 1997 ' 98
Kaupmáttur launa hefur aukist hratt undanfarin tvö ár
Kaupmáttur nú nærfellt
sá sami og 1987-88
KAUPMÁTTUR launa er nú nær-
fellt orðinn sá sami og hann varð
hæstur fyrir tíu árum á árunum
1987 og 1988, samkvæmt útreikn-
ingum Þjóðhagsstofnunar. Þá varð
kaupmátturinn að meðaltali 116,4
stig á árinu 1987 og 116,5 stig að að
meðaltali á árinu 1988, en kaup-
mátturinn í júlí síðastliðnum var
115,9 stig samkvæmt útreikningi
Þjóðhagsstofnunar og viðbúið er að
hann hafi enn hækkað nokkuð í
ágústmánuði vegna verðhjöðnunar
í mánuðinum samkvæmt mæling-
um vísitölu neysluverðs.
Kaupmáttur launa óx hratt á ár-
unum 1986 og skattlausa árinu
1987 og náði hámarki á vordögum
1988 þegar hann varð 124,9 stig.
Eftir það lækkaði kaupmáttur
jafnt og þétt vegna vaxandi erfið-
leika í efnahagslífinu og var að
meðaltali 106 stig á árinu 1989
samanborið við rúm 116 stig tvö
árin þar á undan, eins og fyrr
sagði. Fór kaupmátturinn niður í
97,5 stig á árinu 1994, en hefur frá
þeim tíma aukist jafnt og þétt,
þótt stærstu stökkin hafi verið
tekin eftir kjarasamningana í
fyrravor og áfangahækkun launa
um síðastliðin áramót. Þá hefur
verið til muna minni verðbólga í
kjölfar kjarasamninganna en
reiknað var með við gerð þeirra og
hefur það orðið til þess að kaup-
mátturinn hefur aukist samsvar-
andi.
Kaupmáttur á enn
eftir að aukast
í ársbyrjun 1995 var kaupmátt-
urinn 97,1 stig og hefur síðan auk-
ist jafnt og þétt. Hann var 104,7
stig í ársbyrjun árið eftir og hélst
svipaður þar til eftir kjarasamning-
ana í fyrravor þegar hann fór í 109
stig. Hann varð síðan tæp 115 stig í
ársbyrjun nú og hefur til júlíloka
vaxið í tæp 116 stig. Viðbúið er að
hann eigi enn eftir að aukast á
næstu mánuðum, því allt útlit er
fyrir að verðlagshækkanir verði
litlar á næstunni og samkvæmt
kjarasamningunum kemur önnur
áfangahækkun launa um næstu
áramót og hækka laun þá almennt
um 3,65%.
Mýflug hyggur á
flug til Húsavíkur
FLUGFÉLAGIÐ Mýflug hefur til-
kynnt að það muni hefja áætlunar-
flug milli Húsavíkur og Reykjavík-
ur 1. september nk.
Hjá skrifstofu Mýflugs í Reykja-
hlíð við Mývatn fengust þær upp-
lýsingar að flogið verði tvisvar á
dag mánudaga, miðvikudaga og
laugardaga og einu sinni á dag
sunnudaga, þriðjudaga og fimmtu-
daga. Opinn hringmiði mun kosta
10.530 kr. en sérstakur afsláttar-
miði 8.730 kr.
Leifur Hallgrímsson, fram-
kvæmdastjóri Mýflugs, sagði í gær,
að til að byrja með yrði flogið á sjö
og níu sæta vélum. Síðan standi til
að kaupa stærri vél í haust. „Það má
kannski segja að það hefði verið
betra að bíða þar til við værum
komnir á stærri vél,“ sagði hann.
„Þar sem við teljum ótækt að Hús-
víkingar njóti ekki þjónustu loft-
flutninga gengur það hins vegar ekki
upp. Þessari óvissu um flug til Húsa-
víkur varð að linna.“
Leifur sagðist ekki vita hvort Is-
landsflug ætlaði sér einnig að taka
upp flug til Húsavíkur. „Ákvörðun
þeirra hefur ekki áhrif á okkar
ákvörðun að svo komnu máli,“ sagði
hann. „Við erum búnir að ákveða að
gera þetta og það verður að vera
þeirra ákvörðun hvort þeir koma í
slaginn. Við munum svo sjá til hverju
fram vindur.“
Ákvörðunar að vænta
frá Islandsflugi
Omar Benediktsson, fram-
kvæmdastjóri íslandsflugs, sagði það
enn í athugun hvort Islandsflug tæki
upp áætlunarflug til Húsavíkur. „Við
erum að vinna okkar heimavinnu og
látum ekkert utanaðkomandi trufla
okkur,“ sagði hann. „Það kemur svo
sennilega í Ijós á morgun eða fóstu-
dag hvað við gerum í rnálinu."
Morgunblaðið/Golli
HELGI Stefúnsson, formaður Landssambands bifreiðastjóra, af-
hendir Geir H. Haarde fjármálaráðherra mótmæli gegn hækkunum
á bifreiðagjaldi.
Lönduðu
kolmunna
fyrir 20
milljónir
UM 850 tonnum af frystum
kolmunna var landað úr Gardari
EA á Reyðarfirði í gær. Auk
þess var um 450 tonnum af
kolmunna landað til bræðslu úr
skipinu. Áætla má að verðmæti
aflans sé hátt í 20 milljónir
króna.
Að sögn Birkis Hreinssonar,
skipstjóra á Gardari EA, er
kolmunninn frystur um borð
eins og frystigetan leyfir og seg-
ir Birkir það hafa tekið um tvær
vikur að fylla frystilestina en á
meðan hafi öðrum afla verið
landað í bræðslu. Gardar EA
landaði um 900 tonnum af
kolmunna í bræðslu á sunnudag
og segist Birkir því hafa landað
um 1.350 tonnum af kolmunna í
bræðslu á einni viku.
Helmingi hærra verð fyrir
frystan kolmunna
-Birkir segist hafa fengið
kolmunnann utan við Papa-
grunn en fregnir berist af
kolmunnaveiði víða að. „Skip
sem var að veiðum rétt suður
undir færeysku landhelgislín-
unni fékk kolmunna og einnig
norskt skip kolmunna sunnan
við færeysku línuna. Eins fá ís-
lensku skipin talsverðan afla hér
suðaustur af landinu. Við erum
hins vegar að ná betri árangri
því við höfum meira vélarafl en
flest íslensku skipin og getum
því togað með stærra troll," seg-
ir Birkir.
FLUTNINGASKIPIÐ Green Ice kom gagngert til íslands til að sækja aflann,
Um helmingi hærra verð fæst
fyrir frystan kolmunna en aðeins
örfá skip sem nú eru á kolmunna-
veiðurn geta fryst aflann um
borð. Fyrir frystan kolmunna
fást á bilinu 16-18 krónur fyrir
kílóið en um 8.600 fæst fyrir
tonnið í bræðslu. Samkvæmt því
má áætla að verðmæti þess sem
landað var úr Gardari í gær sé
hátt í 20 milljónir króna.
Frysta kolmunnanum var
landað beint í flutningaskipið
Green Ice sem kom gagngert til
landsins til að sækja aflann. Það
siglir með kolmunnann til Rúss-
land þar sem hann er nýttur til
manneldis. Hluti aflans fer þó til
Ukraínu þar sem hann fer í
dýrafóður. Gardar EA hélt aftur
á miðin í gærkvöldi.
Morgunblaðið/Helgi Garðarsson
UNNIÐ við uppskipun á frystum kolmunna úr Gardari EA.
Bifreiðasljórar
mótmæla hækkun
bifreiðagjalds
Tilbúnir í
„franskar
aðgerðir“
LANDSSAMBAND vörubifreiðar-
stjóra hefur mótmælt harðlega
hækkunum sem orðið haf á bifreiða-
gjaldi undanfarin ár. í ályktun
landssambandsins segir að sérstak-
lega sé mótmælt þeirri 80-100%
hækkun sem samþykkt var á Alþingi
síðastliðið vor.
Stjórn Landssambandsins gekk á
fund Geirs H. Haarde fjármálaráð-
herra í gær og afhenti honum álykt-
unina og undirskriftir félagsmanna.
Að sögn Jóns M. Pálssonar, með-
stjórnanda í landssambandinu, tók
fjármálaráðherra erindi bifreiða-
stjóra vel. Sagði hann það trú félags-
manna að leiðrétting fáist í þessu
máli og menn telji að flumbrugangur
á síðustu dögum þings valdi því að
þessi ginðarlega hækkun hafi orðið á
bifreiðagjöldum. Hann sagði að mikll
ólga væri meðal félagsmanna og þeir
væru tilbúnir í „franskar aðgerðir",
eins og hann orðaði það, fengist ekki
leiðrétting. Var Jón þar að vísa til
aðgerða franskra bifreiðastjóra, sem
lokuðu helstu vegum landsins til að
leggja áherslu á kröfur sínar.
I ályktuninni segir ennfremur:
„Landssamband vörubifreiðastjóra
getur ekki fallist á þá skýringu
stjórnvalda að til þess að fella niður
vörugjöld af atvinnutækjum þurfi að
koma til 100% hækkunar anna.rra
gjalda. Landssamband vörubifreiða-
stjóra fer þess á leit við fjármálaráð-
herra og Alþingi, að lögum um bif-
reiðagjöld verði breytt strax á hausti
komanda í þá veru að síðustu hækk-
anir bifreiðagjaldsins verði felldar
brott."